| ᠪᠠᠷᠭᠤ ᠪᠠᠭᠠᠲᠤᠷ ᠪᠠ ᠪᠠᠷᠭᠤᠳᠠᠢ ᠮᠡᠷᠭᠡᠨ ᠪᠣᠯ ᠪᠠᠷᠭᠤ ᠪᠤᠷᠢᠶᠠᠳ ᠶᠠᠰᠤᠲᠠᠨ ᠤ ᠲᠡᠦᠬᠡᠨ ᠳᠤ ᠴᠢᠬᠤᠯᠠ | ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠬᠦᠮᠦᠰ ᠶᠤᠮ᠃ ᠲᠡᠳᠡᠨ ᠤ ᠲᠣᠬᠠᠢ ᠲᠡᠦᠬᠡ ᠰᠤᠳᠤᠷ ᠠᠴᠠ ᠯᠠᠪᠯᠠᠵᠦ ᠦᠵᠡᠶᠡ᠃ | ᠨᠢᠭᠡ᠂ ᠪᠠᠷᠭᠤ ᠪᠠᠭᠠᠲᠤᠷ ᠤᠨ ᠲᠣᠬᠠᠢ | ︽ᠲᠡᠦᠬᠡ ᠲᠡᠮᠳᠡᠭᠯᠡᠯ ᠠᠴᠠ ᠪᠠᠷᠭᠤ ᠭᠡᠭᠴᠢ ᠬᠦᠮᠦᠨ ᠪᠣᠯ ᠱᠧᠯᠤᠨ ᠲᠠᠢ ᠨᠢᠭᠡ ᠦᠶᠡ ᠶᠢᠨ ᠬᠦᠮᠦᠨ | ᠪᠠᠶᠢᠬᠰᠠᠨ ᠢ ᠮᠡᠳᠡᠵᠡᠢ᠃ ᠱᠧᠯᠤᠨ ᠪᠣᠯ 4 ᠳ᠋ᠤᠭᠡᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠦᠶᠡ ᠶᠢᠨ ᠿᠸᠦ ᠿᠠᠨ ᠤ ᠲᠦᠷᠦᠭᠦᠦ | ᠶᠤᠮ᠃ ᠲᠡᠶᠢᠮᠦ ᠠᠴᠠ ᠪᠠᠷᠭᠤ ᠭᠡᠭᠴᠢ ᠬᠦᠮᠦᠨ ᠪᠣᠯ ᠮᠥᠨ 4 ᠳ᠋ᠤᠭᠡᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠦᠶᠡ ᠶᠢᠨ ᠬᠦᠮᠦᠨ | ᠪᠣᠯᠬᠤ ᠨᠢ ᠯᠠᠪᠲᠠᠢ︾ ᠭᠡᠵᠤ ᠬᠦᠯᠦᠨ ᠪᠤᠶᠢᠷ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠯᠠᠭᠤ ᠡᠷᠳᠡᠮᠲᠡᠨ ᠱ᠊᠂ ᠰᠤᠩᠳᠤᠢ ︽ | ᠡᠷᠲᠡᠨ ᠤ ᠪᠠᠷᠭᠤ ᠶᠠᠰᠤᠲᠠᠨ ᠤ ᠲᠣᠬᠠᠢ︾ ᠭᠡᠬᠦ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠦᠭᠦᠯᠡᠯ ᠳᠡᠭᠡᠨ ᠣᠯᠠᠨ ᠵᠦᠢᠯ ᠤᠨ ᠲᠡᠦᠬᠡ | ᠰᠤᠳᠤᠷ ᠤᠨ ᠦᠨᠳᠦᠰᠦ ᠪᠠᠷᠢᠮᠲᠠ ᠠᠴᠠ ᠡᠰᠢ ᠲᠠᠲᠠᠵᠦ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ᠃ ᠪᠠᠷᠭᠤ ᠪᠠᠭᠠᠲᠤᠷ ᠤᠨ ᠲᠣᠬᠠᠢ | ᠳᠠᠬᠢᠨ ᠶᠠᠮᠠᠷ ᠰᠢᠦ ᠰᠤᠳᠤᠯᠤᠯ ᠤᠳ ᠪᠠᠶᠢᠳᠠᠭ ᠪᠤᠢ ᠭᠡᠪᠡᠯ᠂ ︽ᠪᠠᠷᠭᠤ ᠪᠣᠯ ᠳᠣᠮᠤᠭ ᠲᠤ ᠭᠠᠷᠳᠠᠭ ᠰᠢᠭ᠋ ᠠᠷᠵᠠᠭᠠᠷ | ᠬᠠᠷᠠ ᠮᠠᠩᠭᠤᠰ ᠢ ᠳᠠᠷᠤᠵᠦ ᠴᠢᠳᠠᠳᠠᠭ ᠷᠢᠳᠢ ᠰᠢᠳᠢ ᠲᠠᠢ ᠰᠠᠶᠢᠨ ᠡᠷᠡ ᠪᠠᠶᠢᠬᠰᠠᠨ ᠲᠤᠯᠠ ᠣᠶᠢᠷᠠ ᠣᠷᠴᠢᠮ ᠳᠠᠭᠠᠨ | ᠲᠣᠩ ᠠᠯᠳᠠᠷᠰᠢᠵᠠᠢ᠃ ᠲᠡᠭᠡᠭᠡᠳ ᠲᠡᠭᠦᠨ ᠤ ᠬᠠᠷᠢᠶᠠᠨ ᠳᠤ ᠣᠯᠠᠨ ᠠᠶᠢᠮᠠᠭ ᠤᠳ ᠴᠤᠭᠯᠠᠷᠠᠨ ᠢᠷᠡᠵᠦ | ᠣᠯᠠᠨ ᠢᠶᠠᠷ ᠢᠶᠠᠨ ᠲᠡᠭᠦᠨ ᠢ ︽ᠪᠠᠷᠭᠤ ᠪᠠᠭᠠᠲᠤᠷ︾ ᠭᠡᠵᠤ ᠡᠷᠭᠦᠪᠡ ᠭᠡᠵᠤ ᠳᠡᠭᠡᠷᠡ ᠳᠤᠷᠠᠳᠤᠬᠰᠠᠨ ᠵᠠᠯᠠᠭᠤ | ᠡᠷᠳᠡᠮᠲᠡᠨ ︽ᠡᠷᠲᠡᠨ ᠤ ᠪᠠᠷᠭᠤ ᠶᠠᠰᠤᠲᠠᠨ︾ ᠭᠡᠬᠦ ᠨᠣᠮ ᠳᠠᠭᠠᠨ ᠪᠢᠴᠢᠭᠰᠡᠨ ︵41 — 42 ᠳ᠋ᠤᠭᠠᠷ ᠨᠢᠭᠤᠷ︶ | ᠶᠤᠮ᠃ ᠡᠭᠦᠨ ᠠᠴᠠ ᠦᠵᠡᠪᠡᠯ ᠨᠡᠶᠢᠲᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ ᠳᠦᠷᠪᠡᠳᠦᠭᠡᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠦᠶᠡ ᠶᠢᠨ | ᠨᠢᠷᠤᠭᠤᠨ ︵ᠿᠸᠦ ᠿᠠᠨ︶ ᠮᠣᠩᠭᠤᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠰᠢᠷᠦᠭᠦᠨ ︵ᠱᠧᠯᠤᠨ︶ ᠬᠠᠭᠠᠨ ᠤ ᠬᠠᠷᠢᠶᠠᠨ ᠳᠤ | ᠪᠠᠶᠢᠬᠰᠠᠨ ᠪᠠᠷᠭᠤ ᠠᠶᠢᠮᠠᠭ ᠤᠨ ᠲᠦᠷᠦᠭᠦᠦ ᠪᠠᠷᠭᠤ ᠭᠡᠳᠡᠭ ᠬᠦᠮᠦᠨ ᠪᠣᠯ ᠳᠠᠷᠤᠢ ︽ᠪᠠᠷᠭᠤ ᠪᠠᠭᠠᠲᠤᠷ︾ ᠮᠥᠨ᠃ | ᠡᠨᠡ ᠬᠦ ᠪᠠᠷᠭᠤ ᠪᠠᠭᠠᠲᠤᠷ ᠤᠨ ᠲᠣᠬᠠᠢ ᠯᠣᠮᠪᠣᠴᠢᠷᠡᠨ ᠭᠡᠬᠦ ᠡᠷᠳᠡᠮᠲᠡᠨ ︽ᠮᠣᠩᠭᠤᠯ ᠪᠤᠷᠢᠶᠠᠳ ᠤᠨ ᠲᠡᠦᠬᠡ︾ | ᠭᠡᠬᠦ ᠨᠣᠮ ᠳᠠᠭᠠᠨ ᠪᠠᠶᠢᠭᠠᠯᠢ ᠳᠠᠯᠠᠢ ᠶᠢᠨ ᠡᠷᠭᠢ ᠳᠤ ᠬᠦᠭᠡᠰᠦ ᠰᠠᠬᠠᠷᠠᠭᠤᠯᠤᠨ ᠣᠷᠬᠢᠷᠠᠵᠦ ᠪᠠᠶᠢᠬᠰᠠᠨ ︽ᠬᠦᠬᠡ | ᠪᠤᠬᠠ︾ ᠭᠡᠵᠤ ᠰᠢᠳᠢᠴᠢᠯᠡᠨ ᠲᠡᠮᠳᠡᠭᠯᠡᠵᠦ᠂ ᠣᠶᠢᠷᠠᠳ ᠠᠶᠢᠮᠠᠭ ᠤᠨ ᠠᠱᠦ᠋ᠢᠭᠠᠨ ᠢᠳᠤᠭᠠᠨ ᠲᠠᠢ ᠠᠶᠢᠯ ᠭᠡᠷ | ᠪᠣᠯᠵᠦ᠂ ︽ᠤᠳᠠᠯ ᠦᠭᠡᠢ ᠢᠳᠤᠭᠠᠨ ᠵᠢᠷᠮᠦᠰᠦᠨ ᠪᠣᠯᠵᠦ᠂ ᠬᠤᠶᠠᠷ ᠬᠦᠪᠡᠭᠦᠨ ᠲᠦᠷᠦᠭᠰᠡᠨ ᠤ ᠶᠡᠭᠡ ᠨᠢ | ᠪᠤᠷᠢᠶᠠᠳᠠᠢ᠂ ᠪᠠᠭᠠ ᠨᠢ ᠬᠤᠷᠢᠲᠠᠢ ᠬᠡᠮᠡᠬᠦ ᠪᠣᠯᠤᠭᠰᠠᠨ ᠠᠵᠠᠢ︾ ᠭᠡᠵᠤ ᠪᠢᠴᠢᠭᠡᠳ᠂ ᠪᠤᠷᠢᠶᠠᠳᠠᠢ ᠨᠢ ᠢᠭᠢᠷᠢᠳ᠂ | ᠪᠤᠯᠠᠭᠠᠳ ᠭᠡᠬᠦ ᠬᠤᠶᠠᠷ ᠬᠦᠦ ᠲᠠᠢ ᠪᠣᠯᠵᠦ᠂ ᠢᠭᠢᠷᠢᠳ ᠨᠢ ᠨᠠᠢᠮᠠᠨ ᠬᠦᠦ ᠲᠠᠢ ᠪᠣᠯᠵᠦ᠂ ᠪᠤᠯᠠᠭᠠᠳ ᠨᠢ ᠵᠢᠷᠭᠤᠭᠠᠨ | ᠬᠦᠦ ᠲᠠᠢ ᠪᠣᠯᠤᠭᠰᠠᠨ ᠭᠡᠵᠤ ᠪᠢᠴᠢᠭᠰᠡᠨ ᠪᠠᠶᠢᠨᠠ᠃ ᠪᠠᠷᠭᠤ ᠪᠠᠭᠠᠲᠤᠷ ᠤᠨ ᠪᠠᠭᠠ ᠬᠦᠦ ᠬᠤᠷᠢᠲᠠᠢ ᠶᠢᠨ ᠲᠣᠬᠠᠢ | ᠯᠣᠮᠪᠣᠴᠢᠷᠡᠨ᠂ ᠡᠮᠦᠨᠡ ᠳᠤᠷᠠᠳᠤᠭᠰᠠᠨ ᠨᠣᠮ ᠳᠠᠭᠠᠨ ᠪᠦᠷ ᠴᠦ ᠰᠢᠳᠢ ᠣᠷᠤᠭᠤᠯᠤᠨ ᠲᠡᠮᠳᠡᠭᠯᠡᠵᠦ ᠬᠤᠷᠢᠲᠠᠢ ᠨᠢ | ᠬᠤᠨ ᠰᠢᠪᠠᠭᠤ ᠲᠠᠢ ᠠᠶᠢᠯ ᠭᠡᠷ ᠪᠣᠯᠵᠦ᠂ ᠠᠷᠪᠠᠨ ᠨᠢᠭᠡᠨ ᠬᠦᠦ ᠲᠠᠢ ᠪᠣᠯᠪᠠ ᠭᠡᠵᠤ ᠪᠢᠴᠢᠭᠰᠡᠨ ᠪᠠᠶᠢᠨᠠ᠃ ᠠᠷᠪᠠᠨ | ᠨᠢᠭᠡᠨ ᠬᠦᠪᠡᠭᠦᠨ ᠤ ᠨᠡᠷᠡ ᠶᠢ ᠮᠣᠩᠭᠤᠯ ᠤᠯᠤᠰ ᠤᠨ ᠱ᠊᠂ ᠭᠠᠳᠠᠮᠪᠠ᠂ ᠳ᠋᠊᠂ ᠴᠡᠷᠡᠨᠰᠣᠳᠨᠠᠮ ᠨᠠᠶᠢᠷᠠᠭᠤᠯᠵᠦ᠂ ᠴ᠊᠂ | ᠳᠠᠮᠳᠢᠨᠰᠦ᠋ᠷᠦᠩ ᠬᠢᠨᠠᠭᠰᠠᠨ ︽ᠮᠣᠩᠭᠤᠯ ᠠᠷᠠᠳ ᠤᠨ ᠠᠮᠠᠨ ᠵᠣᠬᠢᠶᠠᠯ ᠤᠨ ᠳᠡᠭᠡᠵᠢ ᠪᠢᠴᠢᠭ︾ ᠤᠨ | ᠤᠭᠰᠠᠭᠠᠲᠠᠨ ᠲᠠᠢ ᠬᠤᠯᠪᠤᠭᠳᠠᠬᠤ ᠳᠣᠮᠤᠭ ᠭᠡᠬᠦ ᠪᠦᠯᠦᠭ ᠲᠠᠬᠢ ︽ᠬᠤᠷᠢ ᠲᠦᠮᠡᠳ ᠬᠤᠷᠢᠲᠠᠢ ᠮᠡᠷᠭᠡᠨ ᠤ | ᠳᠣᠮᠤᠭ ᠲᠤ︾ ᠬᠦᠪᠦᠳ᠂ ᠭᠠᠯᠵᠠᠭᠤᠳ᠂ ᠬᠤᠸᠠᠰᠠᠢ᠂ ᠬᠠᠯᠪᠢᠨ᠂ ᠪᠠᠲᠤᠨᠠᠢ᠂ ᠬᠤᠳᠠᠢ᠂ ᠭᠦᠰᠢᠳ ︵ᠬᠤᠱᠤᠳ︶ | ᠂ ᠴᠠᠭᠠᠨ᠂ ᠱᠠᠷᠠᠶᠢᠳ᠂ ᠪᠣᠳᠤᠩᠭᠤᠳ᠂ ᠬᠠᠷᠠᠭᠠᠨᠠ ᠭᠡᠵᠤ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠨᠠ᠃ ᠡᠳᠡᠭᠡᠷ ᠠᠴᠠ ᠦᠵᠡᠬᠦ ᠳᠤ | ᠪᠠᠷᠭᠤ ᠪᠠᠭᠠᠲᠤᠷ ᠪᠣᠯ ᠨᠡᠶᠢᠲᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ ᠳᠦᠷᠪᠡᠳᠦᠭᠡᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠦᠶᠡ ᠳᠤ ᠪᠠᠶᠢᠭᠠᠯ | ᠳᠠᠯᠠᠢ ᠣᠷᠣᠨ ᠳᠤ ᠠᠮᠢᠳᠤᠷᠠᠵᠦ ᠶᠠᠪᠤᠭᠰᠠᠨ ᠪᠠᠷᠭᠤ ᠶᠠᠰᠤᠲᠠᠨ ᠤ ᠨᠢᠭᠡᠨ ᠦᠶᠡ ᠶᠢᠨ ᠲᠡᠦᠬᠡᠲᠦ ᠪᠠᠭᠠᠲᠤᠷ ᠬᠦᠮᠦᠨ | ᠮᠥᠨ᠂ ᠪᠠᠰᠠ ᠴᠦ ᠣᠳᠣ ᠦᠶᠡ ᠶᠢᠨ ᠬᠤᠷᠢ ᠪᠤᠷᠢᠶᠠᠳ ᠵᠣᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠮᠥᠨ ᠠᠵᠢ᠃ | ᠬᠤᠶᠠᠷ᠂ ᠪᠠᠷᠭᠤᠳᠠᠢ ᠮᠡᠷᠭᠡᠨ ᠤ ᠲᠣᠬᠠᠢ | ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠤ ᠶᠡᠭᠡ ᠰᠤᠳᠤᠯᠭᠠᠲᠠᠨ ᠠᠷᠳᠠᠵᠠᠪ ᠡᠷᠳᠡᠮᠲᠡᠨ ᠤ ᠣᠳᠣᠬᠢ | ᠬᠡᠯᠡᠨ ᠳᠤ ᠰᠡᠶᠢᠷᠡᠭᠦᠯᠦᠭᠰᠡᠨ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠠᠴᠠ ᠪᠠᠷᠭᠤᠳᠠᠢ ᠮᠡᠷᠭᠡᠨ ᠤ ᠲᠤᠬᠠᠢ | ᠬᠡᠰᠡᠭ ᠢ ᠰᠡᠶᠢᠷᠡᠭᠦᠯᠪᠡᠯ ᠳᠣᠣᠷᠠᠬᠢ ᠮᠡᠲᠦ᠄ ︽ᠲᠡᠳᠡᠪᠦᠯᠦᠭ ᠢᠷᠭᠡᠨ ᠪᠣᠯ ᠬᠤᠷᠢ ᠲᠦᠮᠡᠳ ᠤᠨ ᠨᠣᠶᠠᠨ ᠬᠤᠷᠢᠯᠠᠷᠳᠠᠢ | ᠮᠡᠷᠭᠡᠨ ᠤ ᠬᠢᠨ ᠠᠵᠢ᠃ ᠬᠤᠷᠢᠯᠠᠷᠳᠠᠢ ᠮᠡᠷᠭᠡᠨ᠂ ᠬᠦᠯ ᠪᠠᠷᠭᠤᠵᠢᠨ ᠲᠦᠬᠦᠮ ᠤᠨ ᠡᠵᠡᠨ ᠪᠠᠷᠭᠤᠳᠠᠢ ᠮᠡᠷᠭᠡᠨ ᠤ | ᠥᠬᠢᠨ ᠪᠠᠷᠭᠤᠵᠢᠨ ᠭᠤᠸᠠ ᠶᠢ ᠭᠡᠷᠭᠡᠢ ᠪᠣᠯᠭᠠᠨ ᠠᠪᠤᠭᠰᠠᠨ ᠪᠢᠯᠡ᠃ ᠬᠤᠷᠢ ᠲᠦᠮᠡᠳ ᠤᠨ ᠭᠠᠵᠠᠷ ᠤᠨ ᠠᠷᠢᠭ | ᠤᠰᠤᠨ ᠭᠤᠣᠯ ᠳᠤ ᠬᠤᠷᠢᠯᠠᠷᠳᠠᠢ ᠮᠡᠷᠭᠡᠨ ᠤ ᠭᠡᠷᠭᠡᠢ ᠪᠠᠷᠭᠤᠵᠢᠨ ᠭᠤᠸᠠ ᠠᠴᠠ ᠲᠦᠷᠦᠭᠰᠡᠨ ᠠᠯᠤᠨ ᠭᠤᠸᠠ ᠨᠡᠷᠡᠲᠡᠢ | ᠥᠬᠢᠨ ᠲᠡᠷᠡ ᠪᠤᠶᠤ︾᠃ | ᠡᠨᠡ ᠬᠡᠰᠡᠭ ᠲᠤ ᠪᠠᠷᠭᠤᠳᠠᠢ ᠮᠡᠷᠭᠡᠨ ᠠᠴᠠ ᠭᠠᠳᠠᠨᠠ᠂ ᠲᠡᠭᠦᠨ ᠤ ᠬᠦᠷᠭᠡᠨ ᠬᠤᠷᠢᠯᠠᠷᠳᠠᠢ ᠮᠡᠷᠭᠡᠨ᠂ | ᠲᠡᠭᠦᠨ ᠤ ᠥᠬᠢᠨ ᠪᠠᠷᠭᠤᠵᠢᠨ ᠭᠤᠸᠠ᠂ ᠲᠡᠭᠦᠨ ᠤ ᠵᠢᠭᠡ ᠥᠬᠢᠨ ᠠᠯᠤᠨ ᠭᠤᠸᠠ ᠶᠢᠨ ᠨᠡᠷᠡ ᠭᠠᠷᠴᠤ ᠪᠠᠶᠢᠨᠠ᠃ | ᠲᠡᠭᠡᠪᠡᠯ ᠪᠠᠷᠭᠤᠳᠠᠢ ᠮᠡᠷᠭᠡᠨ ᠴᠣᠬᠤᠮ ᠠᠯᠢ ᠦᠶᠡ ᠶᠢᠨ ᠬᠦᠮᠦᠨ ᠪᠤᠢ︖ ᠪᠠᠷᠭᠤᠳᠠᠢ ᠮᠡᠷᠭᠡᠨ ᠤ ᠵᠢᠭᠡ | ᠥᠬᠢᠨ ᠠᠯᠤᠨ ᠭᠤᠸᠠ᠂ ᠲᠣᠷᠤᠭᠤᠯᠵᠢᠨ ᠪᠠᠶᠠᠨ ᠤ ᠬᠦᠦ ᠲᠤᠪᠤᠨ ᠮᠡᠷᠭᠡᠨ ᠲᠠᠢ ᠠᠦᠶᠡ ᠶᠢᠨ ᠬᠦᠮᠦᠰ ᠪᠣᠯᠬᠤ ᠨᠢ | ᠲᠣᠳᠤᠷᠬᠠᠢ ᠪᠠᠶᠢᠨᠠ᠃ ᠡᠭᠦᠨ ᠠᠴᠠ ᠵᠦᠢᠴᠢᠯᠡᠨ ᠪᠣᠳᠤᠪᠠᠯ ᠠᠯᠤᠨ ᠭᠤᠸᠠ ᠶᠢᠨ ᠡᠴᠢᠭᠡ ᠡᠬᠡ ᠬᠤᠷᠢᠯᠠᠷᠳᠠᠢ ᠮᠡᠷᠭᠡᠨ | ᠪᠣᠯᠤᠨ ᠪᠠᠷᠭᠤᠵᠢᠨ ᠭᠤᠸᠠ ᠪᠣᠯ ᠲᠣᠪᠤᠨ ᠮᠡᠷᠭᠡᠨ ᠤ ᠡᠴᠢᠭᠡ ᠡᠬᠡ ᠲᠣᠷᠤᠭᠤᠯᠵᠢᠨ ᠪᠠᠶᠠᠨ ᠪᠣᠯᠤᠨ ᠪᠣᠷᠤᠭᠴᠢᠨ | ᠭᠤᠸᠠ ᠲᠠᠢ ᠨᠢᠭᠡ ᠦᠶᠡ ᠶᠢᠨ ᠬᠦᠮᠦᠨ ᠪᠣᠯᠤᠨᠠ᠂ ᠢᠩᠭᠢᠬᠦᠯᠡᠷ ᠪᠠᠷᠭᠤᠳᠠᠢ ᠮᠡᠷᠭᠡᠨ ᠪᠣᠯ ᠲᠣᠷᠤᠭᠤᠯᠵᠢᠨ ᠪᠠᠶᠠᠨ ᠤ | ᠡᠴᠢᠭᠡ ᠪᠣᠷᠵᠢᠭᠢᠳᠠᠢ ᠮᠡᠷᠭᠡᠨ ᠲᠠᠢ ᠨᠢᠭᠡ ᠦᠶᠡ ᠶᠢᠨ ᠬᠦᠮᠦᠨ ᠶᠤᠮ ᠪᠠᠶᠢᠨᠠ᠃ | ᠪᠣᠷᠵᠢᠭᠢᠳᠠᠢ ᠮᠡᠷᠭᠡᠨ ᠪᠣᠯ ᠨᠡᠶᠢᠲᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ ᠶᠢᠰᠦᠳᠦᠭᠡᠷ ᠵᠠᠭᠤᠨ ᠤ ᠦᠶᠡ ᠳᠤ ᠠᠮᠢᠳᠤᠷᠠᠵᠦ | ᠪᠠᠶᠢᠬᠰᠠᠨ ᠬᠦᠮᠦᠨ ᠶᠤᠮ᠃ ᠢᠩᠭᠢᠪᠡᠯ ᠪᠣᠷᠵᠢᠭᠢᠳᠠᠢ ᠮᠡᠷᠭᠡᠨ ᠲᠠᠢ ᠨᠢᠭᠡ ᠦᠶᠡ ᠶᠢᠨ ᠪᠠᠷᠭᠤᠳᠠᠢ ᠮᠡᠷᠭᠡᠨ ᠴᠦ ᠮᠥᠨ | ᠶᠢᠰᠦᠳᠦᠭᠡᠷ ᠵᠠᠭᠤᠨ ᠤ ᠦᠶᠡ ᠶᠢᠨ ᠬᠦᠮᠦᠨ ᠶᠤᠮ ᠪᠠᠶᠢᠨᠠ᠃ | ᠳᠡᠭᠡᠷᠡᠬᠢ ᠲᠣᠳᠤᠷᠬᠠᠶᠢᠯᠠᠯᠲᠠ ᠠᠴᠠ ᠦᠵᠡᠪᠡᠯ᠂ ᠪᠠᠷᠭᠤ ᠪᠠᠭᠠᠲᠤᠷ ᠪᠣᠯᠤᠨ ᠪᠠᠷᠭᠤᠳᠠᠢ ᠮᠡᠷᠭᠡᠨ ᠪᠣᠯ ᠬᠤᠶᠠᠷ | ᠦᠶᠡ ᠶᠢᠨ ᠬᠦᠮᠦᠰ ᠪᠣᠯᠬᠤ ᠨᠢ ᠢᠯᠡᠬᠡᠨ ᠪᠠᠶᠢᠨᠠ᠂ ᠲᠡᠷᠡ ᠬᠤᠶᠠᠷ ᠤᠨ ᠬᠤᠭᠤᠷᠤᠨᠳᠤ ᠲᠠᠪᠤᠨ ᠵᠠᠭᠤᠭᠠᠳ ᠵᠢᠯ ᠤᠨ | ᠵᠠᠢ ᠪᠠᠶᠢᠨᠠ᠃ ᠨᠢᠭᠡ ᠵᠠᠭᠤᠨ ᠳᠤ ᠳᠦᠷᠪᠡᠨ ᠦᠶᠡ ᠪᠠᠶᠢᠳᠠᠭ ᠢᠶᠠᠷ ᠪᠣᠳᠤᠪᠠᠯ ᠲᠡᠷᠡ ᠬᠤᠶᠠᠷ ᠤᠨ ᠬᠤᠭᠤᠷᠤᠨᠳᠤ | ᠪᠠᠷᠤᠭ ᠬᠤᠷᠢᠭᠠᠳ ᠦᠶᠡ ᠪᠣᠯᠬᠤ ᠲᠦᠯᠦᠪ ᠲᠠᠢ ᠪᠠᠶᠢᠨᠠ᠃ | ᠡᠨᠡ ᠳᠠᠯᠢᠮ ᠳᠤ ᠪᠤᠷᠢᠶᠠᠳ ᠤᠨ ᠤᠳᠤᠮ ᠤᠨ ᠠᠯᠤᠨ ᠭᠤᠸᠠ ᠪᠣᠯᠤᠨ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ | ᠲᠣᠪᠴᠢᠶᠠᠨ︾ ᠤ ᠠᠯᠤᠨ ᠭᠤᠸᠠ ᠬᠤᠶᠠᠷ ᠴᠦ ᠨᠢᠭᠡ ᠬᠦᠮᠦᠨ ᠪᠢᠰᠢ ᠭᠡᠳᠡᠭ ᠰᠤᠷᠠᠭ ᠢ ᠲᠣᠪᠴᠢ ᠳᠤᠷᠠᠳᠪᠠᠯ᠂ | ᠮᠣᠩᠭᠤᠯ ᠤᠯᠤᠰ ᠤᠨ ᠠᠬᠠᠶᠢᠳ ᠰᠠᠷᠠᠶᠢᠳ ᠳᠤᠭᠠᠷᠵᠠᠪ ᠤᠨ ᠳᠠᠮᠳᠢᠨᠵᠠᠪ ᠭᠡᠳᠡᠭ ᠡᠷᠳᠡᠮᠲᠡᠨ ︽ᠪᠦᠷᠲᠡ ᠴᠢᠨ᠋ᠸᠠ᠂ | ᠠᠯᠤᠨ ᠭᠤᠸᠠ ᠶᠢᠨ ᠰᠤᠳᠤᠯᠭᠠᠨ ᠤ ᠵᠠᠷᠢᠮ ᠠᠰᠠᠭᠤᠳᠠᠯ ᠳᠤ︾ ᠭᠡᠬᠦ ᠨᠣᠮ ᠳᠠᠭᠠᠨ ︽ᠪᠤᠷᠢᠶᠠᠳ ᠤᠳᠤᠮ ᠤᠨ | ᠠᠯᠤᠨ ᠭᠤᠸᠠ ᠪᠣᠯ ︿ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ﹀ ᠤ ᠠᠯᠤᠨ ᠭᠤᠸᠠ ᠪᠢᠰᠢ ᠭᠡᠳᠡᠭ ᠳ᠋ᠦᠩᠨᠡᠯᠲᠡ ᠳᠤ | ᠬᠦᠷᠭᠡᠵᠦ ᠪᠠᠶᠢᠨᠠ︾ ᠭᠡᠵᠤ ᠪᠢᠴᠢᠭᠰᠡᠨ ᠪᠠᠶᠢᠨᠠ ᠪᠢᠯᠡ᠃ | | |