ᠰᠢᠷᠠᠭᠦᠦ | ᠨᠤᠲᠤᠭ ᠤᠨ ᠲᠤᠬᠠᠢ ᠳᠤᠷᠠᠰᠤᠮᠵᠢ | ︽ᠬᠥᠮᠥᠨ ᠬᠥᠭᠵᠢᠬᠦ ᠲᠤᠲᠤᠮ ᠢᠶᠠᠨ ᠮᠥᠬᠦᠯ ᠵᠦᠭ ᠢᠶᠠᠨ ᠵᠢᠳᠬᠦᠨᠡ︾ ᠭᠡᠵᠤ ᠮᠣᠩᠭᠤᠯ ᠤᠯᠤᠰ ᠤᠨ ᠨ᠊ | · ᠬᠠᠪᠬᠠ ᠭᠤᠸᠠᠢ ᠶᠢᠨ ᠬᠡᠯᠡᠭᠰᠡᠨ ᠦᠭᠡ ᠶᠢ ᠪᠣᠳᠤᠬᠤ ᠪᠦᠷᠢ ᠶᠠᠮᠠᠷ ᠨᠢᠭᠡᠨ ᠥᠯᠵᠡᠢ ᠪᠤᠰᠤ ᠶᠢᠨ ᠪᠣᠳᠤᠯ | ᠰᠡᠳᠬᠢᠭᠳᠡᠯ ᠢ ᠲᠦᠷᠦᠭᠳᠡᠭᠦᠯᠦᠮᠡᠷ ᠪᠣᠯᠬᠤ ᠶᠤᠮ᠃ ᠵᠥᠪᠬᠡᠨ ᠪᠢ ᠥᠪᠡᠷ ᠤᠨ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤ | ᠪᠠᠷ ᠢᠶᠠᠨ ᠵᠢᠱᠢᠶᠠ ᠲᠠᠲᠠᠪᠠᠯ ᠥᠩᠭᠡᠷᠡᠭᠰᠡᠨ ᠪᠠ ᠣᠳᠤ ᠶᠢᠨ ᠵᠥᠷᠢᠶᠡ ᠭᠡᠵᠤ ᠳᠠᠩᠴᠤ ᠢᠯᠡ ᠲᠣᠳᠤ ᠬᠠᠷᠢᠴᠠᠭᠤᠯᠤᠯ | ᠪᠣᠯᠵᠤ ᠪᠠᠶᠢᠭᠠᠯᠢ ᠠᠬᠤᠢ ᠶᠢᠨ ᠡᠪᠳᠡᠭᠳᠡᠯ ᠰᠦᠢᠳᠦᠯ ᠨᠢ ᠬᠥᠮᠥᠰ ᠲᠤ ᠶᠠᠮᠠᠷ ᠨᠢᠭᠡᠨ ᠮᠠᠭᠤ ᠰᠤᠪᠢᠩ ᠢ ᠠᠪᠴᠢᠷᠠᠵᠤ | ᠮᠡᠳᠡᠨᠡ ᠭᠡᠬᠦ ᠳᠤ ᠶᠠᠭ ᠣᠷᠤ ᠦᠭᠡᠢ ᠦᠭᠡ ᠪᠢᠰᠢ ᠰᠢᠭ ᠪᠣᠯᠵᠠᠢ᠃ ᠡᠨᠡ ᠨᠢ ᠵᠥᠪᠬᠡᠨ ᠮᠠᠨ ᠤ ᠨᠤᠲᠤᠭ ᠤᠨ ᠯᠡ | ᠡᠪᠳᠡᠭᠳᠡᠯ ᠪᠢᠰᠢ ᠪᠣᠯᠵᠤ ᠬᠠᠷᠢᠨ ᠳᠡᠯᠡᠬᠡᠢ ᠨᠡᠶᠢᠲᠡ ᠶᠢᠨ ᠴᠢᠨᠠᠷᠲᠠᠢ ᠲᠣᠮᠤ ᠠᠰᠠᠭᠤᠳᠠᠯ ᠪᠣᠯᠵᠠᠢ᠃ ᠮᠣᠩᠭᠤᠯ ᠤᠯᠤᠰ | ᠢ ᠬᠡᠵᠢᠶᠡᠨᠡᠢ ᠠᠴᠠ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠲᠠᠯᠠ ᠪᠠᠷ ᠳᠡᠯᠡᠬᠡᠢ ᠶᠢᠨ ᠲᠡᠷᠢᠭᠦᠨ ᠳᠤ ᠣᠷᠤᠮᠠᠷ ᠦᠨᠡᠯᠡᠳᠡᠭ | ᠪᠠᠶᠢᠭᠰᠠᠨ᠃ ᠤᠯᠠᠭᠠᠨᠪᠠᠭᠠᠲᠤᠷ ᠬᠤᠲᠠ ᠶᠢᠨ ᠭᠤᠳᠤᠮᠵᠢ ᠪᠠᠷ ᠪᠤᠭᠤ ᠥᠩᠭᠡᠷᠡᠬᠦ ᠳᠤ ᠠᠯᠠᠨᠠ ᠭᠡᠵᠤ ᠬᠥᠭᠡᠭᠡᠬᠦ | ᠬᠥᠮᠥᠨ ᠦᠭᠡᠢ ᠨᠢ ᠦᠨᠡᠨ ᠤᠴᠢᠷ᠃ ᠵᠥᠪᠬᠡᠨ ᠲᠠᠯᠠ ᠶᠢᠨ ᠵᠡᠭᠡᠷᠡ ᠶᠢ ᠬᠠᠮᠠᠭᠠᠯᠠᠬᠤ ᠲᠠᠯᠠ ᠪᠠᠷ ᠪᠠᠰᠠ ᠮᠠᠨᠠᠶᠢᠬᠢᠨ | ᠠᠴᠠ ᠬᠤᠯᠠ ᠳᠠᠪᠠᠭᠤᠯᠢᠭ ᠨᠢ ᠴᠦ ᠮᠡᠳᠡᠭᠡᠵᠢ᠃ ᠭᠡᠲᠡᠯᠡ ᠪᠠᠰᠠ ᠯᠡ ᠤᠰᠤᠨ ᠤ ᠪᠤᠵᠠᠷᠳᠤᠯ ᠭᠡᠲᠡᠯᠡ ᠠᠭᠠᠷ ᠤᠨ | ᠪᠤᠵᠠᠷᠳᠤᠯ ᠡᠨᠡ ᠲᠡᠷᠡ ᠭᠡᠳ ᠯᠡ ᠥᠩᠭᠡᠷᠡᠭᠰᠡᠨ ᠢᠶᠠᠨ ᠬᠤᠯᠠ ᠬᠦᠷᠬᠦ ᠪᠠᠨ ᠪᠣᠯᠢᠵᠠᠢ ᠭᠡᠬᠦ ᠮᠡᠲᠦ ᠶᠢᠨ ᠶᠠᠷᠢᠶᠠ | ᠰᠣᠨᠤᠰᠳᠠᠵᠤ ᠯᠡ ᠪᠠᠶᠢᠳᠠᠭ᠃ ᠶᠠᠫᠤᠨᠴᠤᠳ ᠮᠣᠳᠤ ᠪᠠᠨ ᠣᠭᠲᠤᠯᠬᠤ ᠦᠭᠡᠢ᠂ ᠮᠠᠨ ᠤ ᠳᠤᠮᠳᠠᠳᠤ ᠶᠢᠨ ᠮᠣᠳᠤ ᠪᠠᠨ | ᠣᠭᠲᠤᠯᠵᠤ ᠪᠠᠶᠢᠭᠠᠳ ᠬᠢᠭᠰᠡᠨ ᠪᠡᠯᠡᠨ ᠰᠠᠪᠬᠠ ᠶᠢ ᠠᠪᠠᠴᠢᠭᠠᠳ ᠬᠡᠷᠡᠭᠯᠡᠨᠡ᠃ ᠦᠢᠯᠡᠳᠪᠦᠷᠢ ᠠᠭᠤᠷᠬᠠᠢ | ᠪᠠᠶᠢᠭᠤᠯᠪᠠᠯ ᠣᠷᠴᠢᠨ ᠲᠣᠭᠤᠷᠢᠨ ᠢ ᠪᠤᠵᠠᠷᠲᠠᠭᠤᠯᠵᠤ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠲᠡᠩᠴᠡᠭᠦᠷᠢ ᠳᠤ ᠲᠤᠶᠢᠯ ᠤᠨ ᠶᠡᠭᠡ | ᠬᠠᠷᠰᠢ ᠰᠠᠭᠠᠳ ᠤᠴᠠᠷᠠᠭᠤᠯᠤᠨᠠ᠃ ᠬᠡᠷᠪᠡ ᠠᠭᠤᠷᠬᠠᠢ ᠮᠠᠯᠲᠠᠵᠤ ᠦᠢᠯᠡᠳᠪᠦᠷᠢ ᠪᠠᠶᠢᠭᠤᠯᠬᠤ ᠦᠭᠡᠢ ᠪᠣᠯ ᠪᠣᠯᠤᠨᠠ | ᠦᠦ ᠦᠭᠡᠢ ᠤᠤ︖ ᠪᠠᠰᠠ ᠪᠣᠯᠬᠤ ᠦᠭᠡᠢ᠃ ᠠᠵᠤ ᠦᠢᠯᠡᠳᠪᠦᠷᠢ ᠬᠥᠭᠵᠢᠵᠦ ᠴᠢᠳᠠᠬᠤ ᠦᠭᠡᠢ᠃ ᠠᠵᠤ | ᠦᠢᠯᠡᠳᠪᠦᠷᠢ ᠬᠥᠭᠵᠢᠬᠦ ᠦᠭᠡᠢ ᠪᠣᠯ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠠᠮᠢᠳᠤᠷᠠᠯ ᠰᠠᠶᠢᠵᠢᠷᠠᠵᠤ ᠴᠢᠳᠠᠬᠤ ᠦᠭᠡᠢ᠃ | ᠨᠡᠭᠦᠷᠡᠰᠦ᠂ ᠴᠢᠯᠠᠭᠤᠨ ᠲᠣᠰᠤ᠂ ᠰᠢᠲᠠᠮᠠᠬᠠᠢ ᠬᠡᠢ ᠭᠡᠳ ᠯᠡ ᠬᠡᠷᠡᠭᠴᠡᠭᠡ ᠪᠠᠨ ᠬᠠᠩᠭᠠᠬᠤ ᠶᠢᠨ ᠲᠥᠯᠥᠭᠡ ᠭᠠᠵᠠᠷ | ᠳᠡᠯᠡᠬᠡᠢ ᠪᠠᠨ ᠣᠩᠭᠢᠴᠢᠬᠤ ᠦᠭᠡᠢ ᠰᠡᠭᠴᠢᠬᠦ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠯᠡ ᠪᠠᠶᠢᠨᠠ ᠳ᠋ᠠ᠃ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨ ᠬᠥᠭᠵᠢᠬᠦ ᠶᠢ ᠳᠠᠭᠠᠯᠳᠤᠭᠠᠳ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠰᠦᠷᠳᠡᠭᠦᠯᠦᠯ ᠳᠤ ᠤᠴᠠᠷᠠᠨᠠ᠃ ᠡᠨᠡ ᠨᠢ ᠶᠠᠭ ᠮᠠᠷᠺᠰ | ᠤᠨ ᠠᠯᠢ ᠡᠷᠲᠡ ︽ᠵᠥᠷᠢᠴᠡᠯ ᠦᠭᠡᠢ ᠪᠣᠯ ᠳᠡᠯᠡᠬᠡᠢ ᠶᠢᠷᠲᠢᠨᠴᠦ ᠣᠷᠣᠰᠢᠨ ᠲᠣᠭᠲᠠᠨᠢᠵᠤ ᠴᠢᠳᠠᠬᠤ ᠦᠭᠡᠢ᠃ | ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠨᠡᠶᠢᠭᠡᠮ ᠭᠠᠭᠴᠠ ᠬᠦ ᠵᠥᠷᠢᠴᠡᠯ ᠤᠨ ᠳᠤᠮᠳᠠ ᠯᠡ ᠬᠥᠭᠵᠢᠨ ᠣᠷᠤᠰᠢᠳᠠᠭ︾ ᠭᠡᠰᠡᠨ | ᠦᠭᠡ ᠬᠡᠴᠢᠨᠡᠨ ᠣᠨᠤᠪᠴᠢᠲᠠᠢ ᠭᠡᠳᠡᠭ ᠢ ᠨᠣᠲᠠᠯᠠᠵᠤ ᠪᠠᠶᠢᠭᠠ ᠶᠤᠮ᠃ ᠵᠠ ᠲᠠᠭᠡᠭᠡᠳ ᠬᠡᠷᠡᠭᠲᠡᠢ ᠯᠡ ᠶᠤᠮ ᠭᠡᠳ | ᠰᠠᠨᠠᠭᠠᠨ ᠲᠠᠪᠠ ᠪᠠᠷ ᠢᠶᠠᠨ ᠰᠦᠢᠳᠬᠡᠭᠡᠳ ᠪᠣᠯᠬᠤ ᠦᠭᠡᠢ ᠪᠢᠵᠠ᠃ ᠬᠠᠮᠠᠭᠠᠯᠠᠨᠠ᠂ ᠡᠪᠳᠡᠨᠡ᠂ ᠳᠠᠬᠢᠨ ᠬᠠᠮᠠᠭᠠᠯᠠᠨᠠ | ᠂ ᠳᠠᠬᠢᠨ ᠡᠪᠳᠡᠨᠡ ᠭᠡᠳᠡᠭ ᠨᠢ ᠪᠣᠯᠵᠠᠢ᠃ | ᠳᠣᠣᠷᠠ ᠪᠢ ᠮᠢᠨᠦ ᠪᠠᠭᠠ ᠶᠢᠨ ᠦᠶᠡ ᠶᠢᠨ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤ ᠬᠢᠭᠡᠳ ᠣᠳᠤ ᠶᠢᠨ ᠰᠢᠨᠡ ᠪᠠᠷᠭᠤ | ᠪᠠᠷᠠᠭᠤᠨ ᠬᠤᠰᠢᠭᠤ ᠶᠢᠨ ᠲᠤᠬᠠᠢ ᠶᠠᠷᠢᠮᠠᠷ ᠪᠠᠶᠢᠨᠠ᠃ ᠬᠡᠷᠪᠡ ᠶᠠᠷᠢᠬᠤ ᠦᠭᠡᠢ ᠪᠢᠴᠢᠬᠦ ᠦᠭᠡᠢ ᠪᠣᠯ ᠳᠠᠬᠢᠨ ᠲᠠᠪᠢᠨ | ᠵᠢᠯ ᠤᠨ ᠳᠠᠷᠠᠭᠠ ᠥᠩᠭᠡᠷᠡᠭᠰᠡᠨ ᠳᠤ ᠮᠠᠨ ᠤ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤ ᠶᠠᠮᠠᠷ ᠵᠡᠷᠭᠡ ᠶᠢᠨ ᠰᠠᠶᠢᠬᠠᠨ | ᠣᠷᠤᠨ ᠪᠠᠶᠢᠭᠰᠠᠨ ᠭᠡᠵᠤ ᠪᠣᠳᠤᠬᠤ ᠴᠦ ᠬᠥᠮᠥᠨ ᠦᠭᠡᠢ᠂ ᠶᠠᠷᠢᠬᠤ ᠴᠦ ᠬᠥᠮᠥᠨ ᠦᠭᠡᠢ ᠪᠣᠯᠬᠤ ᠪᠢᠵᠠ᠃ ᠦᠨᠡᠨ | ᠤᠴᠢᠷ ᠢ ᠬᠠᠰᠢ ᠯᠡ ᠦᠨᠡᠨ ᠢᠶᠠᠷ ᠨᠢ ᠲᠤᠰᠬᠠᠬᠤ ᠬᠡᠷᠡᠭᠲᠡᠢ᠃ | ᠬᠤᠰᠢᠭᠤᠨ ᠲᠥᠪ ᠠᠯᠲᠠᠭᠮᠡᠭᠡᠯ | ᠠᠯᠲᠠᠨ ᠡᠮᠡᠭᠡᠯ ᠠᠭᠤᠯᠠ ᠶᠢᠨ ᠢᠶᠠᠨ ᠨᠡᠷᠡ ᠪᠠᠷ ᠨᠡᠷᠡᠶᠢᠳᠦᠭᠰᠡᠨ ᠠᠯᠲᠠᠭᠮᠡᠭᠡᠯ ᠪᠠᠯᠭᠠᠰᠤ ᠮᠢᠨᠦ ᠪᠠᠭᠠ ᠳᠤ | ᠶᠠᠮᠠᠷ ᠪᠠᠶᠢᠭᠰᠠᠨ ᠪᠣᠢ ᠭᠡᠪᠡᠯ ᠬᠡᠳᠦᠨ ᠮᠢᠩᠭᠠᠭᠠᠳ ᠯᠡ ᠠᠶᠢᠯ ᠡᠷᠦᠬᠡ ᠲᠠᠢ ᠨᠢᠭᠡ ᠵᠢᠵᠢᠭ ᠲᠣᠰᠬᠤᠨ ᠰᠢᠭ᠋ ᠶᠠᠭᠤᠮᠠ | ᠪᠠᠶᠢᠭᠰᠠᠨ᠃ ᠠᠯᠲᠠᠭᠮᠡᠭᠡᠯ ᠪᠠᠯᠭᠠᠰᠤ ᠶᠢ ᠲᠡᠷᠡ ᠦᠶᠡ ᠳᠤ ᠮᠠᠯᠴᠢᠳ ︽ᠬᠤᠰᠢᠭᠤ ᠶᠠᠮᠤᠨ︾ ᠭᠡᠵᠤ ᠬᠡᠯᠡᠳᠡᠭ᠃ | ᠡᠨᠡ ᠨᠢ ᠶᠠᠫᠤᠨ ᠤ ᠦᠶᠡ ᠶᠢᠨ ᠨᠡᠷᠡᠶᠢᠳᠦᠯ ᠭᠡᠨᠡ᠃ ᠠᠰᠠᠷ ᠲᠠᠭᠲᠤ ᠶᠢ ᠪᠣᠣ ᠬᠡᠯᠡ᠂ ᠲᠣᠭᠤᠰᠬᠠᠨ ᠪᠠᠶᠢᠰᠢᠩ | ᠭᠤᠷᠪᠠᠭ᠋ᠠᠨ ᠰᠠᠭᠤᠷᠢ᠃ ᠡᠨᠡ ᠨᠢ ᠶᠠᠫᠤᠨ ᠡᠨᠡ ᠭᠠᠵᠠᠷ ᠢ ᠡᠵᠡᠯᠡᠵᠦ ᠪᠠᠶᠢᠬᠤ ᠦᠶᠡ ᠳᠤ ᠪᠠᠷᠢᠭᠰᠠᠨ ᠪᠠᠶᠢᠰᠢᠩ ᠢ | ᠬᠡᠯᠡᠵᠦ ᠪᠠᠶᠢᠨᠠ᠃ ᠮᠢᠨᠦ ᠡᠨᠡ ᠪᠢᠴᠢᠵᠦ ᠪᠠᠶᠢᠭᠠ ᠪᠣᠯ ᠵᠢᠷᠠᠭᠠᠳ ᠣᠨ ᠤ ᠠᠩᠬᠠᠨ ᠤ ᠦᠶᠡ ᠶᠢᠨ ᠤᠴᠢᠷ᠃ | ᠡᠵᠡᠯᠡᠭᠦᠨ ᠤ ᠲᠠᠯᠠ ᠪᠠᠷ ᠪᠠᠷᠠᠭᠤᠨ ᠲᠠᠯᠠ ᠨᠢ ᠬᠠᠭᠤᠴᠢᠨ ᠨᠢᠭᠡᠳᠦᠭᠡᠷ ᠪᠠᠭᠠ ᠰᠤᠷᠭᠠᠭᠤᠯᠢ᠂ ᠬᠤᠶᠢᠲᠤ ᠲᠠᠯᠠ ᠨᠢ | ᠣᠳᠤ ᠶᠢᠨ ᠠᠷᠠᠳ ᠤᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠ᠂ ᠵᠡᠭᠦᠨ ᠲᠠᠯᠠ ᠨᠢ ᠷᠠᠳᠢᠣ᠋ ᠲᠧᠯᠸᠢᠰ ᠬᠤᠷᠢᠶᠠ ᠠᠴᠠ ᠴᠠᠭᠠᠰᠢ ᠭᠡᠷ | ᠪᠠᠶᠢᠰᠢᠩ ᠭᠡᠵᠤ ᠪᠠᠶᠢᠬᠤ ᠦᠭᠡᠢ᠃ ᠪᠦᠷ ᠲᠠᠯᠠ ᠭᠠᠵᠠᠷ ᠪᠣᠯᠤᠨᠠ᠃ ᠬᠤᠰᠢᠭᠤᠨ ᠤ ᠳᠥᠷᠪᠡᠨ ᠲᠣᠮᠤ | ᠤᠳᠤᠷᠢᠳᠤᠯᠭᠠ ᠠᠴᠠ ᠰᠠᠩᠲᠠᠢ᠂ ᠵᠠᠮᠪᠠᠯᠵᠠᠪ᠂ ᠳ᠋ᠣᠷᠵᠢ ᠭᠤᠷᠪᠠ ᠨᠢ ︽ᠠᠷᠪᠠᠨ ᠵᠢᠷᠭᠤᠭᠠᠨ ᠲᠠᠰᠤᠯᠭᠠ︾ ᠭᠡᠳᠡᠭ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠨᠡᠯᠢᠶᠡᠳ ᠡᠷᠬᠡ ᠵᠡᠷᠭᠡ ᠲᠠᠢ ᠬᠥᠮᠥᠨ ᠣᠯᠵᠤ ᠰᠠᠭᠤᠳᠠᠭ ᠮᠣᠳᠤ ᠰᠢᠷᠤᠢ ᠶᠢᠨ ᠪᠦᠲᠦᠴᠡ | ᠲᠠᠢ ᠤᠷᠲᠤ ᠰᠢᠪᠠᠷ ᠪᠠᠶᠢᠰᠢᠩ ᠳᠤ ᠰᠠᠭᠤᠵᠤ ᠪᠠᠶᠢᠵᠠᠢ᠃ ᠤᠯᠤᠰ ᠠᠴᠠ ᠡᠵᠡᠩᠨᠡᠭᠰᠡᠨ ᠬᠠᠩᠭᠠᠨ ᠪᠣᠷᠤᠯᠠᠭᠤᠯᠬᠤ | ᠬᠤᠷᠰᠢᠶᠠ ᠬᠢᠭᠡᠳ ᠬᠤᠭᠤᠯᠠᠨ ᠭᠡᠷ᠂ ᠮᠢᠬᠠᠨ ᠤ ᠺᠣᠮᠫᠠᠨᠢ᠂ ᠠᠮᠤ ᠪᠤᠳᠠᠭᠠᠨ ᠤ ᠲᠣᠪᠴᠢᠶᠠ ᠲᠤᠰᠪᠤᠷᠢ ᠨᠢᠭᠡ᠃ | ᠡᠭᠦᠨ ᠠᠴᠠ ᠣᠨᠳᠤᠤ ᠬᠤᠳᠠᠯᠳᠤᠭᠠᠨ ᠤ ᠵᠦᠢᠯ ᠭᠡᠵᠤ ᠦᠭᠡᠢ᠃ ᠭᠡᠪᠡᠴᠦ ᠶᠠᠭᠤᠮᠠ ᠳᠠᠩᠴᠤ ᠬᠢᠮᠳᠠ ᠪᠠᠶᠢᠭᠰᠠᠨ᠃ | ᠪᠣᠳᠠᠲᠠᠢ ᠬᠡᠯᠡᠪᠡᠯ ᠨᠢᠭᠡ ᠤᠭᠤᠲᠠ ᠴᠠᠭᠠᠨ ᠭᠤᠯᠢᠷ 8 ᠲᠥᠭᠦᠷᠢᠭ᠂ ᠨᠢᠭᠡ ᠵᠢᠩ ᠦᠬᠡᠷ ᠤᠨ ᠮᠢᠬᠠ 50 ᠮᠥᠩᠬᠦ᠂ | ᠬᠤᠨᠢᠨ ᠤ ᠮᠢᠬᠠ 45 ᠮᠥᠩᠭᠦ᠂ ᠨᠢᠭᠡ ᠬᠠᠶᠢᠷᠴᠠᠭ ᠴᠦᠢᠳᠧᠩ 2 ᠮᠥᠩᠭᠦ᠂ ᠣᠳᠤ ᠶᠢᠨ ᠨᠢᠭᠡ ᠬᠠᠪᠲᠠᠭᠠᠢ ᠨᠢ 5 | ᠲᠦᠬᠦᠷᠢᠭ ᠤᠨ ᠱᠠᠯᠪᠢᠩ ᠲᠡᠷᠡ ᠦᠶᠡ ᠳᠤ 13 ᠮᠥᠩᠭᠦ᠃ ᠲᠡᠷᠡ ᠦᠶᠡ ᠶᠢᠨ ᠮᠠᠨ ᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ | ᠱᠠᠯᠪᠢᠩ ᠪᠣᠯ ᠣᠷᠤᠨ ᠠᠶᠢᠮᠠᠭ ᠪᠠᠶᠢᠲᠤᠭᠠᠢ ᠤᠯᠤᠰ ᠲᠠᠭᠠᠨ ᠨᠡᠷᠡᠲᠡᠢ ᠰᠢᠦ᠃ ᠴᠤᠯᠤ ᠮᠢᠬᠠ ᠪᠠᠷ ᠬᠢᠭᠰᠡᠨ ᠪᠥᠭᠡᠳ | ᠭᠤᠯᠢᠷ ᠨᠢ ᠨᠢᠪ ᠨᠢᠮᠭᠡᠨ᠂ ᠮᠢᠬᠠ ᠨᠢ ᠭᠡᠷᠡᠯᠲᠦᠵᠦ ᠪᠠᠶᠢᠳᠠᠭ ᠪᠠᠶᠢᠳᠠᠯ ᠲᠠᠢ᠃ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠬᠦᠴᠢᠷᠲᠡᠢ | ᠴᠦ ᠬᠦᠴᠢᠷᠲᠡᠢ ᠪᠠᠶᠢᠭᠰᠠᠨ᠃ ᠭᠡᠶᠡ᠂ ᠲᠡᠷᠡ ᠦᠶᠡ ᠳᠤ ᠬᠤᠯᠠᠭᠠᠶᠢᠴᠢ ᠪᠠᠶᠢᠬᠤ ᠦᠭᠡᠢ᠃ ᠬᠤᠰᠢᠭᠤᠨ ᠤ ᠲᠥᠪ | ᠲᠤ ᠬᠡᠦᠬᠡᠳ ᠢᠶᠠᠨ ᠰᠠᠬᠢᠵᠤ ᠰᠠᠭᠤᠭᠠ ᠮᠣᠩᠭᠤᠯ ᠭᠡᠷ ᠲᠠᠢ ᠠᠶᠢᠯ ᠨᠤᠭᠤᠳ ᠢᠳᠡᠯᠭᠡ ᠪᠠᠨ ᠬᠢᠭᠡᠳ ᠬᠤᠨᠢ᠂ | ᠦᠬᠡᠷ ᠤᠨ ᠮᠢᠬᠠ ᠪᠠᠨ ᠰᠦᠨᠢ ᠭᠠᠳᠠᠨᠠ ᠬᠥᠯᠳᠡᠭᠡᠨᠡ ᠭᠡᠳ ᠣᠷᠬᠢᠴᠢᠬᠠᠬᠤ ᠳᠤ ᠠᠪᠬᠤ ᠬᠥᠮᠥᠨ ᠪᠠᠶᠢᠬᠤ ᠦᠭᠡᠢ᠃ | ᠨᠡᠩ ᠬᠥᠳᠡᠭᠡ ᠪᠣᠯ ᠮᠠᠯᠴᠢᠳ ᠢᠳᠡᠯᠭᠡ ᠪᠠᠨ ᠬᠢᠭᠡᠳ ᠨᠢᠭᠡ ᠪᠦᠭᠦᠯᠢ ᠦᠬᠡᠷ ᠤᠨ ᠮᠢᠬᠠ ᠶᠢ ᠮᠣᠳᠤᠨ ᠭᠠᠩ ᠳᠤ | ᠪᠠᠨ ᠬᠢᠵᠦ ᠲᠠᠯᠪᠢᠭᠠᠳ ᠨᠡᠭᠦᠬᠦ ᠦᠶᠡ ᠳᠡᠭᠡᠨ ᠡᠵᠡᠭᠦᠢ ᠬᠡᠭᠡᠷᠡ ᠣᠷᠭᠢᠭᠠᠳ ᠶᠠᠪᠤᠴᠢᠬᠠᠬᠤ ᠳᠤ ᠠᠪᠬᠤ ᠬᠥᠮᠥᠨ | ᠪᠠᠶᠢᠬᠤ ᠦᠭᠡᠢ᠃ ᠬᠠᠪᠤᠷ ᠭᠠᠷᠤᠭᠰᠠᠨ ᠤ ᠰᠡᠭᠦᠯᠡᠷ ᠦᠭᠦᠴᠡᠨ ᠤ ᠮᠢᠬᠠ ᠪᠠᠨ ᠵᠠᠳᠠᠯᠤᠨᠠ ᠭᠡᠳ ᠣᠴᠢᠵᠤ | ᠠᠪᠴᠢᠷᠠᠭᠠᠳ ᠲᠠᠷᠭᠤᠨ ᠰᠠᠶᠢᠬᠠᠨ ᠮᠢᠬᠠ ᠪᠠᠨ ᠲᠠᠪᠠᠲᠠᠢ ᠵᠣᠭᠤᠭᠯᠠᠳᠠᠭ ᠪᠠᠶᠢᠭᠰᠠᠨ ᠳ᠋ᠠ᠃ ᠦᠭᠡᠢ᠂ ᠶᠠᠮᠠᠷ | ᠰᠠᠶᠢᠬᠠᠨ ᠨᠡᠶᠢᠭᠡᠮ ᠪᠠᠶᠢᠯᠠ ᠠ︕ | ᠲᠡᠷᠡ ᠦᠶᠡ ᠳᠤ ᠡᠪᠦᠯ ᠴᠠᠰᠤ ᠶᠡᠭᠡ ᠣᠷᠤᠳᠠᠭ᠃ ᠮᠠᠭᠤ ᠰᠠᠶᠢᠨ ᠰᠢᠪᠠᠷ ᠪᠠᠶᠢᠰᠢᠩ ᠤᠨ ᠣᠷᠤᠢ ᠶᠢ | ᠪᠦᠲᠡᠭᠡᠲᠡᠯᠡ ᠴᠠᠰᠤ ᠣᠷᠤᠳᠠᠭ ᠤᠳᠠᠭᠠ ᠣᠯᠠᠨ ᠭᠠᠷᠤᠨᠠ᠃ ᠬᠡᠦᠬᠡᠳ ᠪᠠᠶᠢᠭᠰᠠᠨ ᠦᠶᠡ ᠪᠣᠯᠬᠤᠷ ᠪᠢᠳᠡ ᠪᠠᠶᠢᠰᠢᠩ | ᠤᠨ ᠣᠷᠤᠢ ᠠᠴᠠ ᠳᠣᠷᠤᠭᠰᠢ ᠴᠠᠰᠤ ᠪᠠᠷ ᠭᠤᠯᠭᠤᠵᠤ ᠨᠠᠭᠠᠳᠳᠠᠭ ᠪᠠᠶᠢᠭᠰᠠᠨ᠃ ᠭᠡᠪᠡᠴᠦ ᠬᠠᠪᠤᠷ ᠡᠷᠲᠡ ᠴᠠᠰᠤ | ᠬᠠᠶᠢᠯᠵᠤ᠂ ︽6.1︾ ᠤ ᠬᠡᠦᠬᠡᠳ ᠤᠨ ᠪᠠᠶᠠᠷ ᠪᠣᠯᠤᠮᠠᠭᠴᠠ ᠲᠠᠯᠠ ᠬᠥᠳᠡᠭᠡ ᠦᠭᠡᠢ ᠴᠡᠯ ᠨᠣᠭᠤᠭᠠᠨ ᠪᠣᠯᠵᠤ | ᠬᠤᠸᠠᠷ ᠴᠡᠴᠡᠭ ᠳᠡᠯᠭᠡᠷᠡᠭᠡᠳ ᠪᠠᠭᠠᠴᠤᠳ ᠪᠢᠳᠡ ᠣᠬᠤᠷ ᠥᠮᠥᠳᠦ᠂ ᠡᠮᠡᠭᠲᠡᠢ ᠰᠤᠷᠤᠭᠴᠢᠳ ᠪᠣᠯ ᠪᠠᠩᠵᠠᠯ | ᠡᠮᠦᠰᠴᠢᠬᠡᠭᠡᠳ ᠪᠠᠭᠰᠢ ᠪᠠᠨ ᠲᠠᠭᠠᠨ ᠬᠤᠰᠢᠭᠤᠨ ᠤ ᠪᠠᠷᠠᠭᠤᠨ ᠤᠷᠳᠤ ᠲᠠᠯᠠ ᠶᠢᠨ ᠠᠯᠲᠠᠨ ᠡᠮᠡᠭᠡᠯ ᠠᠭᠤᠯᠠ ᠪᠠᠷ | ᠢᠶᠠᠨ ᠲᠣᠭᠤᠷᠢᠨ ᠵᠤᠭᠠᠴᠠᠵᠤ ᠠᠭᠤᠯᠠ ᠮᠠᠴᠤᠵᠤ ᠨᠠᠭᠠᠳᠤᠭᠠᠳ ᠪᠠᠶᠠᠷ ᠤᠨ ᠡᠳᠦᠷ ᠢᠶᠠᠨ ᠪᠠᠶᠠᠷ ᠬᠥᠷ ᠲᠠᠢ | ᠥᠩᠭᠡᠷᠡᠭᠦᠯᠳᠡᠭ ᠪᠠᠶᠢᠭᠰᠠᠨ ᠁ | ᠬᠡᠷᠦᠯᠦᠨ ᠭᠤᠣᠯ | ᠬᠤᠰᠢᠭᠤᠨ ᠤ ᠡᠮᠦᠨᠡᠭᠦᠷ ᠵᠡᠭᠦᠨᠰᠢ ᠤᠷᠤᠰᠴᠤ ᠬᠥᠯᠥᠨ ᠳᠠᠯᠠᠢ ᠳᠤ ᠴᠢᠳᠬᠤᠭᠠ ᠮᠣᠩᠭᠤᠯ ᠤᠯᠤᠰ ᠤᠨ | ᠬᠡᠨᠲᠡᠢ ᠬᠠᠨ ᠠᠴᠠ ᠬᠦᠷᠬᠢᠷᠡᠨ ᠪᠠᠭᠤᠵᠤ ᠬᠢᠯᠢ ᠳᠠᠮᠵᠢᠨ ᠠᠶᠠᠯᠠᠨ ᠤᠷᠤᠰᠳᠠᠭ ᠬᠡᠷᠦᠯᠦᠨ ᠭᠤᠣᠯ ᠲᠡᠷᠡ ᠦᠶᠡ ᠳᠤ | ᠶᠠᠮᠠᠷ ᠪᠠᠶᠢᠭᠰᠠᠨ ᠢ ᠳᠤᠷᠠᠳᠤᠶᠠ᠃ ᠤᠳᠠᠬᠤ ᠦᠭᠡᠢ ᠤᠳᠠᠬᠤ ᠦᠭᠡᠢ ᠦᠶᠡᠷᠯᠡᠨ ᠡᠷᠭᠢ ᠠᠴᠠ ᠪᠠᠨ ᠬᠠᠯᠢᠵᠤ | ᠬᠤᠰᠢᠭᠤᠨ ᠲᠥᠪ ᠠᠯᠲᠠᠭᠮᠡᠭᠡᠯ ᠤᠷᠤᠭᠤ ᠤᠰᠤ ᠣᠷᠤᠬᠤ ᠭᠡᠵᠤ ᠰᠦᠢᠳ ᠪᠣᠯᠭᠠᠨᠠ᠃ ᠲᠡᠭᠡᠬᠦ ᠳᠡᠭᠡᠨ ᠬᠤᠰᠢᠭᠤᠨ | ᠤ ᠡᠮᠦᠨᠡ ᠲᠠᠯᠠ ᠪᠠᠷ ᠭᠤᠣᠯ ᠤᠨ ᠬᠥᠷᠥᠰᠦ ᠪᠠᠷ ᠪᠠᠷᠢᠭᠰᠠᠨ ᠤᠰᠤᠨ ᠬᠠᠰᠢᠯᠭᠠ ᠲᠠᠢ᠃ ᠵᠢᠭᠠᠰᠤ ᠭᠡᠳᠡᠭ ᠴᠢᠨᠢ | ᠬᠡᠯᠡᠬᠦ ᠶᠢᠨ ᠭᠠᠵᠠᠷ ᠦᠭᠡᠢ᠃ ᠬᠠᠶᠠᠳᠠᠭ ᠲᠣᠣᠷ ᠢᠶᠠᠷ ᠨᠢᠭᠡ ᠰᠥᠨᠢ ᠴᠣᠬᠢᠪᠠᠯ ᠬᠤᠶᠠᠷ ᠵᠠᠭᠤᠨ ᠵᠢᠩ ᠣᠷᠤᠳᠠᠭ | ᠬᠠᠭᠤᠴᠢᠨ ᠤ ᠲᠡᠷᠡ ᠬᠦ ᠣᠯᠤᠰᠤᠨ ᠮᠠᠳᠠᠢ ᠪᠠᠷ ᠪᠠᠷᠤᠭ ᠨᠢᠭᠡ ᠮᠠᠳᠠᠢ ᠴᠣᠬᠢᠬᠤ ᠴᠦ ᠡᠨᠡᠬᠡᠨ ᠳᠤ᠃ ᠭᠡᠬᠦ ᠳᠡᠭᠡᠨ | ᠲᠣᠣᠷ ᠲᠤ ᠣᠷᠤᠭᠰᠠᠨ ᠵᠢᠵᠢᠭ ᠵᠢᠭᠠᠰᠤ ᠪᠤᠶᠤ ᠰᠢᠪᠠᠭᠠ ᠵᠢᠭᠠᠰᠤ ᠶᠢ ᠪᠣᠯ ᠭᠤᠯᠤᠭᠠᠳ ᠠᠪᠬᠤ ᠦᠭᠡᠢ᠃ ᠭᠤᠣᠯ | ᠳᠤᠨᠢ ᠪᠤᠴᠠᠭᠠᠭᠠᠳ ᠲᠠᠯᠪᠢᠴᠢᠬᠠᠨᠠ᠃ ᠵᠠᠪᠠᠯ ᠤᠯᠠᠭᠠᠨ ᠰᠡᠭᠦᠯᠲᠦ ᠮᠥᠷᠭᠦ ᠵᠢᠭᠠᠰᠤ ᠶᠢ ᠯᠡ ᠪᠠᠷᠢᠳᠠᠭ᠃ ᠮᠥᠷᠭᠦ | ᠵᠢᠭᠠᠰᠤ ᠪᠠᠨ ᠪᠠᠷᠢᠵᠤ ᠠᠪᠴᠢᠷᠠᠭᠠᠳ ᠢᠳᠡᠬᠦ ᠳᠡᠭᠡᠨ ᠲᠣᠯᠤᠭᠠᠢ ᠶᠢ ᠨᠢ ᠭᠤᠯᠤᠭᠠᠳ ᠢᠳᠡᠬᠦ ᠦᠭᠡᠢ ᠰᠢᠭᠤᠳ | ᠬᠠᠶᠠᠬᠤ ᠪᠤᠶᠤ ᠡᠰᠡᠭᠦᠯᠡ ᠬᠠᠲᠠᠭᠠᠭᠠᠳ ᠭᠠᠯ ᠲᠦᠯᠡᠵᠦ ᠲᠦᠯᠡᠰᠢ ᠶᠢᠨ ᠣᠷᠤᠨ ᠳᠤ ᠬᠡᠷᠡᠭᠯᠡᠨᠡ᠃ ᠵᠠᠷᠢᠮ ᠳᠠᠭᠠᠨ | ᠬᠤᠷᠢ ᠭᠤᠴᠢᠨ ᠵᠢᠩ ᠤᠨ ᠪᠦᠳᠦᠭᠦᠨ ᠵᠢᠭᠠᠰᠤ ᠬᠠᠶᠠᠮᠠᠯ ᠲᠣᠣᠷ ᠲᠤ ᠪᠠᠷᠢᠭᠳᠠᠵᠤ ᠪᠠᠶᠢᠭᠰᠠᠨ ᠢ ᠪᠢ ᠨᠢᠳᠦ ᠪᠠᠷ | ᠢᠶᠠᠨ ᠦᠵᠡᠭᠰᠡᠨ ᠤᠳᠠᠭᠠ ᠲᠠᠢ᠃ 1974 ᠣᠨ ᠤ ᠦᠶᠡ ᠳᠤ ᠪᠢ ᠰᠡᠬᠡᠭᠡᠲᠡᠨ ᠢᠶᠠᠷ ᠡᠷᠳᠡᠨᠢᠠᠭᠤᠯᠠ ᠰᠤᠮᠤ ᠶᠢᠨ | ᠪᠠᠶᠠᠨᠪᠤᠯᠠᠭ ᠭᠠᠴᠠᠭᠠ ︵ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠵᠠᠩ ᠶᠦᠩ ᠳ᠋ᠦᠢ︶ ᠳᠤ ᠡᠩᠬᠡᠪᠠᠲᠤ ᠶᠢᠨ ᠳᠤ ᠠᠳᠤᠭᠤᠨ ᠳᠤ | ᠶᠠᠪᠤᠵᠤ ᠪᠠᠶᠢᠪᠠ᠃ ᠲᠡᠷᠡ ᠵᠤᠨ ᠤ ᠬᠡᠷᠦᠯᠦᠨ ᠭᠤᠣᠯ ᠤᠨ ᠦᠶᠡᠷᠯᠡᠭᠰᠡᠨ ᠭᠡᠵᠤ ᠵᠢᠭᠲᠡᠢ᠃ ᠮᠠᠨ ᠤ ᠬᠢ ᠲᠡᠭᠡᠬᠦ ᠳᠤ | ᠵᠡᠭᠦᠨ ᠰᠦᠮᠡ ᠶᠢᠨ ᠨᠠᠭᠠᠬᠠᠨᠲᠠᠢ ᠪᠠᠶᠢᠪᠠ᠃ ᠨᠢᠭᠡ ᠤᠳᠠᠭᠠ ᠪᠢ ᠬᠤᠰᠢᠭᠤ ᠣᠷᠤᠭᠠᠳ ᠪᠤᠴᠠᠬᠤ ᠵᠠᠭᠤᠷᠠ ᠭᠤᠣᠯ | ᠠᠴᠠ ᠬᠠᠯᠢᠭᠰᠠᠨ ᠤᠰᠤᠨ ᠳᠤ ᠵᠢᠭᠠᠰᠤ ᠭᠡᠳᠡᠭ ᠴᠢᠨᠢ ᠠᠳᠡ ᠲᠡᠨᠳᠡ ᠦᠭᠡᠢ ᠴᠣᠯᠭᠢᠨ ᠦᠰᠦᠷᠴᠦ ᠪᠦᠳᠦᠭᠦᠬᠡᠨ | ᠵᠢᠭᠠᠰᠤ ᠶᠢ ᠪᠦᠬᠦᠶᠢᠵᠦ ᠪᠠᠶᠢᠭᠠᠳ ᠬᠤᠯᠤᠰᠤᠨ ᠲᠠᠰᠢᠭᠤᠷ ᠢᠶᠠᠷ ᠲᠠᠭᠠᠷᠠᠭᠤᠯᠵᠤ ᠪᠠᠶᠢᠭᠠᠳ ᠴᠣᠬᠢᠪᠠᠯ ᠨᠢᠭᠡ ᠶᠢ | ᠤᠨᠠᠭᠠᠴᠢᠬᠠᠨᠠ᠃ ᠲᠡᠷᠡ ᠰᠥᠨᠢ ᠨᠢ ᠪᠢᠳᠡ ᠶᠠᠭᠠᠬᠢᠭᠰᠠᠨ ᠢ ᠮᠡᠳᠡᠨᠡ ᠦᠦ︖ ᠬᠥᠳᠡᠭᠡᠨ ᠤ ᠠᠶᠢᠯ ᠳᠤ ᠵᠢᠭᠠᠰᠤᠨ | ᠤ ᠲᠣᠣᠷ ᠭᠡᠵᠤ ᠬᠠᠮᠢᠭᠠ ᠪᠠᠶᠢᠬᠤᠪ︖ ᠰᠠᠷᠠ ᠲᠠᠢ ᠰᠥᠨᠢ ᠪᠢᠳᠡ ᠵᠢᠭᠠᠰᠤ ᠪᠠᠷᠢᠬᠤ ᠭᠡᠳ ᠠᠷᠭᠠᠯ ᠲᠡᠭᠦᠳᠡᠭ | ᠱᠡᠭᠡᠵᠡᠭᠡᠢ ︵ᠠᠷᠤᠭ︶ ᠪᠠᠷ ᠢᠶᠠᠨ ᠰᠣᠬᠤᠷ ᠪᠠᠯᠠᠢ ᠪᠠᠷ ᠳᠠᠷᠤᠭᠰᠠᠭᠠᠷ ᠪᠠᠶᠢᠭᠠᠳ ᠬᠠᠭᠠᠰ ᠲᠠᠮᠪᠤᠤ ᠵᠢᠭᠠᠰᠤ | ᠪᠠᠷᠢᠭᠰᠠᠨ ᠳ᠋ᠠ᠃ ᠮᠠᠷᠭᠠᠰᠢ ᠨᠢ ᠥᠨᠥᠬᠢ ᠣᠯᠠᠨ ᠵᠢᠭᠠᠰᠤ ᠪᠠᠨ ᠪᠦᠬᠦᠯᠢ ᠮᠢᠬᠠ ᠴᠢᠨᠠᠵᠤ ᠪᠠᠶᠢᠭᠠ ᠰᠢᠭ᠋ ᠪᠦᠳᠦᠭᠦᠨ | ᠲᠣᠮᠣ ᠲᠣᠭᠤᠭᠠᠨ ᠳᠤᠲᠤᠷᠠ ᠴᠢᠨᠠᠴᠢᠬᠠᠭᠠᠳ ᠪᠠᠷᠠᠵᠤ ᠶᠠᠳᠠᠨ ᠢᠳᠡᠵᠦ ᠪᠠᠶᠢᠭᠰᠠᠨ ᠪᠣᠯ ᠶᠠᠭ ᠦᠨᠡᠨ ᠤᠴᠢᠷ᠃ | ᠡᠨᠡ ᠵᠢᠭᠠᠰᠤ ᠶᠢ ᠴᠢᠨᠠᠵᠤ ᠥᠭᠭᠦᠭᠰᠡᠨ ᠬᠥᠮᠥᠨ ᠪᠣᠯ ᠳᠠᠷᠤᠢ ᠡᠩᠬᠡᠪᠠᠲᠤ ᠠᠬᠠ ᠶᠢᠨ ᠠᠬᠠ ᠡᠩᠬᠡᠮᠡᠷᠭᠡᠨ ᠭᠤᠸᠠᠢ | ᠶᠢᠨ ᠡᠬᠡᠨᠡᠷ ᠪᠠᠶᠢᠭᠰᠠᠨ ᠭᠠᠯᠰᠠᠩ ᠭᠤᠸᠠᠢ ᠪᠣᠯᠤᠨᠠ᠃ ᠡᠪᠦᠳᠦᠭ ᠬᠦᠷᠬᠦ ᠦᠭᠡᠢ ᠤᠰᠤᠨ ᠳᠤ ᠲᠡᠮᠲᠡᠷᠢᠭᠡ ᠪᠠᠷ | ᠵᠢᠭᠠᠰᠤ ᠪᠠᠷᠢᠳᠠᠭ ᠲᠡᠷᠡ ᠦᠶᠡ ᠳᠠᠬᠢᠭᠠᠳ ᠢᠷᠡᠳᠡᠭ ᠪᠣᠯᠪᠠᠤ ᠳ᠋ᠠ᠂ ᠪᠣᠣ ᠮᠡᠳᠡ᠃ | | ᠬᠥᠯᠥᠨ ᠳᠠᠯᠠᠢ | ᠲᠡᠷᠡ ᠦᠶᠡ ᠳᠤ ᠵᠡᠭᠦᠨ ᠰᠦᠮᠡ ᠠᠴᠠ ᠬᠤᠶᠢᠰᠢ ᠨᠢᠭᠡ ᠬᠡᠰᠡᠭ ᠪᠠᠷᠲᠠᠭᠠ ᠲᠠᠢ ᠵᠠᠮ ᠢ ᠥᠩᠭᠡᠷᠡᠪᠡᠯ | ᠤᠳᠠᠯ ᠦᠭᠡᠢ ᠬᠥᠯᠥᠨ ᠳᠠᠯᠠᠢ ᠶᠢᠨ ᠵᠠᠬᠠ ᠪᠠᠷ ᠮᠠᠨᠵᠤᠤᠷ ᠣᠷᠤᠳᠠᠭ ᠵᠠᠮ ᠲᠠᠢ᠃ ᠳᠠᠯᠠᠢ ᠶᠢᠨ ᠬᠥᠪᠡᠭᠡ | ᠬᠦᠷᠦᠮᠡᠭᠴᠡ ᠠᠶᠠᠨᠴᠢᠳ ᠵᠠᠪᠠᠯ ᠴᠣᠩᠬᠤ ᠪᠠᠷ ᠬᠥᠯᠥᠨ ᠳᠠᠯᠠᠢ ᠪᠠᠨ ᠰᠢᠷᠲᠡᠨ ᠪᠠᠶᠠᠰᠤᠯᠴᠠᠳᠠᠭ ᠪᠠᠶᠢᠭᠰᠠᠨ᠃ ᠳᠠᠯᠠᠢ | ᠨᠠᠭᠤᠷ ᠤᠨ ᠤᠰᠤ ᠲᠡᠷᠡ ᠦᠶᠡ ᠳᠤ ᠬᠡᠮᠵᠢᠰᠢ ᠦᠭᠡᠢ ᠶᠡᠭᠡ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠮᠠᠨᠵᠤᠤᠷ ᠣᠷᠤᠬᠤ ᠵᠠᠮ ᠤᠨ ᠶᠠᠭ | ᠳᠡᠷᠭᠡᠳᠡ ᠨᠢ ᠬᠦᠷᠴᠦ ᠪᠠᠶᠢᠭᠰᠠᠨ᠃ ᠣᠳᠤ ᠪᠢᠳᠡ ᠬᠥᠯᠥᠨ ᠳᠠᠯᠠᠢ ᠶᠢᠨ ᠤᠰᠤ ᠶᠠᠮᠠᠷ ᠪᠣᠯᠤᠭᠰᠠᠨ ᠢ ᠮᠡᠳᠡᠨᠡ | ᠪᠢᠵᠠ᠃ ᠮᠠᠰᠢᠨ ᠤ ᠴᠣᠩᠬᠤ ᠪᠠᠷ ᠬᠠᠷᠠᠪᠠᠯ ᠪᠠᠷᠤᠭ ᠮᠢᠩᠭᠠ ᠭᠠᠷᠤᠢ ᠮᠧᠲᠷ ᠤᠨ ᠴᠠᠭᠠᠨᠠ ᠨᠢᠭᠡ ᠤᠰᠤ ᠰᠢᠭ᠋ | ᠶᠠᠭᠤᠮᠠ ᠬᠠᠷᠠᠭᠳᠠᠬᠤ ᠰᠢᠦᠬᠠᠨ ᠪᠣᠯᠤᠨᠠ᠃ ᠰᠢᠷᠭᠢᠭᠰᠡᠭᠡᠷ ᠶᠤᠮ ᠤᠤ︖ ᠲᠠᠲᠠᠭᠰᠠᠭᠠᠷ ᠶᠤᠮ ᠤᠤ ᠳᠠᠯᠠᠢ ᠭᠡᠵᠤ | ᠶᠣᠰᠤᠲᠠᠢ ᠨᠢᠭᠡ ᠳᠠᠯᠠᠢ ᠪᠣᠯᠵᠠᠢ᠃ ᠬᠡᠷᠦᠯᠦᠨ ᠭᠤᠣᠯ ᠨᠢ ᠲᠡᠶᠢᠮᠦ ᠶᠡᠭᠡ ᠵᠢᠭᠠᠰᠤ ᠲᠠᠢ ᠶᠤᠮ ᠴᠢᠨᠢ ᠡᠨᠡ ᠬᠦ | ᠤᠭᠤᠲᠠᠯᠠᠵᠤ ᠪᠠᠶᠢᠭᠠ ᠬᠥᠯᠥᠨ ᠳᠠᠯᠠᠢ ᠶᠢᠨ ᠵᠢᠭᠠᠰᠤ ᠶᠢ ᠳᠤᠷᠠᠳᠤᠭᠠᠳ ᠴᠦ ᠶᠠᠭᠠᠬᠢᠬᠤᠪ᠃ ᠡᠪᠦᠯ ᠪᠣᠯᠪᠠᠯ ᠮᠥᠰᠥ | ᠴᠣᠭᠤᠯᠵᠤ ᠪᠠᠶᠢᠭᠠᠳ ᠵᠢᠭᠠᠰᠤᠨ ᠭᠦᠩᠰᠧ ᠶᠢᠨ ᠠᠵᠢᠯᠴᠢᠳ ᠬᠡᠳᠦᠨ ᠲᠣᠨ ᠢᠶᠠᠷ ᠪᠠᠷᠢᠵᠤ ᠪᠠᠷᠢᠭᠠᠳ ᠤᠯᠤᠰ | ᠲᠠᠭᠠᠨ ᠲᠤᠰᠢᠶᠠᠳᠠᠭ ᠢ ᠯᠡ ᠮᠡᠳᠡᠨᠡ᠃ | ᠲᠠᠷᠪᠠᠭᠠ | ᠲᠠᠷᠪᠠᠭᠠ ᠪᠣᠯ ᠬᠦᠬᠦᠲᠡᠨ ᠤ ᠠᠶᠢᠮᠠᠭ᠂ ᠬᠤᠯᠤᠭᠠᠨᠠ ᠶᠢᠨ ᠲᠥᠷᠥᠯ ᠤᠨ ᠪᠠᠭ ᠲᠤ ᠬᠠᠮᠢᠶᠠᠷᠤᠭᠳᠠᠳᠠᠭ | ᠤᠯᠤᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠠᠮᠢᠲᠠᠨ ᠤ ᠨᠢᠭᠡ ᠪᠢᠯᠡ᠃ ᠲᠠᠷᠪᠠᠭᠠᠨ ᠮᠢᠬᠠ ᠪᠣᠯ ᠰᠢᠮᠡ ᠰᠠᠶᠢᠲᠠᠢ ᠴᠤᠯᠤ | ᠪᠠᠶᠢᠭᠠᠯᠢᠯᠢᠭ ᠪᠣᠳᠠᠰ ᠲᠤ ᠪᠠᠭᠲᠠᠬᠤ ᠪᠥᠭᠡᠳ ᠲᠠᠷᠪᠠᠭᠠᠨ ᠤ ᠠᠷᠠᠰᠤ ᠴᠦ ᠦᠨᠡ ᠴᠡᠨᠡ ᠲᠠᠢ ᠭᠤᠶᠤᠯᠠᠯ ᠤᠨ | ᠬᠤᠪᠴᠠᠰᠤ ᠬᠢᠬᠦ ᠳᠤᠲᠠᠭᠳᠠᠵᠤ ᠪᠣᠯᠤᠰᠢ ᠦᠭᠡᠢ ᠬᠡᠷᠡᠭᠯᠡᠭᠳᠡᠬᠦᠨ ᠮᠥᠨ᠃ ᠮᠢᠨᠦ ᠪᠠᠭᠠ ᠪᠠᠶᠢᠬᠤ ᠳᠤ ᠵᠤᠨ ᠤ | ᠠᠮᠠᠷᠠᠯᠲᠠ ᠪᠠᠷ ᠪᠢ ᠬᠡᠷᠦᠯᠦᠨ ᠭᠦᠩᠱᠧ ᠣᠷᠤᠬᠤ ᠪᠠᠷ ᠠᠶᠠᠨᠴᠢᠨ ᠤ ᠮᠠᠰᠢᠨ ᠢᠶᠠᠷ ᠶᠠᠪᠤᠬᠤ ᠳᠤ ᠵᠠᠮ ᠤᠨ ᠬᠠᠵᠠᠭᠤ | ᠪᠠᠷ ᠠᠳᠡ ᠲᠡᠨᠳᠡ ᠦᠭᠡᠢ ᠲᠠᠷᠪᠠᠭᠠ ᠭᠤᠵᠣᠶᠢᠯᠴᠠᠭᠠᠳ᠂ ᠭᠦᠶᠦᠬᠦ ᠨᠢ ᠭᠦᠶᠦᠵᠦ᠂ ᠬᠤᠰᠬᠢᠷᠬᠤ ᠨᠢ | ᠬᠤᠰᠬᠢᠷᠠᠭᠠᠳ ᠰᠦᠢᠳ ᠪᠣᠯᠵᠤ ᠪᠠᠶᠢᠳᠠᠭ᠃ ᠣᠨᠴᠠᠭᠠᠶᠢᠯᠠᠨ ᠬᠡᠷᠦᠯᠦᠨ ᠰᠤᠮᠤ ᠶᠢᠨ ᠬᠤᠸᠠᠨᠳᠢ ᠣᠷᠴᠢᠮ ᠬᠦᠷᠬᠦ ᠳᠤ | ᠯᠡ ᠲᠡᠷᠡ ᠣᠯᠠᠨ ᠲᠠᠷᠪᠠᠭᠠ ᠶᠢᠨ ᠪᠤᠵᠢᠭᠢᠨᠠᠵᠤ ᠪᠠᠶᠢᠳᠠᠭ ᠢ ᠦᠭᠦᠯᠡᠬᠦ ᠶᠠᠭᠤᠨ᠃ ᠲᠡᠷᠡ ᠦᠶᠡ ︵ᠵᠢᠷᠠᠭᠠᠳ ᠣᠨ︶ | ᠠᠴᠠ ᠯᠡ ᠡᠬᠢᠯᠡᠨ ᠮᠠᠨᠵᠤᠤᠷ ᠤᠨ ᠲᠠᠷᠪᠠᠭᠠᠴᠢᠳ ᠠᠳᠡ ᠪᠠᠭᠤᠴᠢᠬᠠᠯᠠ᠂ ᠲᠡᠨᠳᠡ ᠪᠠᠭᠤᠴᠢᠬᠠᠯᠠ ᠭᠡᠯᠴᠡᠳᠡᠭ | ᠪᠠᠶᠢᠭᠰᠠᠨ᠃ 1970 ᠣᠨ ᠬᠦᠷᠬᠦ ᠲᠠᠢ ᠦᠭᠡᠢ ᠲᠠᠢ ᠲᠠᠷᠪᠠᠭᠠ ᠴᠦ ᠬᠠᠷᠠᠭᠳᠠᠬᠤ ᠪᠠᠨ ᠪᠣᠯᠢᠵᠠᠢ᠃ ᠥᠨᠥ | ᠪᠣᠳᠤᠬᠤ ᠳᠤ ᠨᠢᠭᠡ ᠪᠦᠯᠦᠭ ᠬᠢᠲᠤᠭᠠᠴᠢᠨ ᠯᠡ ᠲᠡᠷᠡ ᠣᠯᠠᠨ ᠰᠠᠶᠢᠬᠠᠨ ᠠᠮᠢᠲᠠᠨ ᠢ ᠦᠭᠡᠶᠢᠬᠢᠴᠢᠭᠡᠭᠰᠡᠨ ᠪᠠᠶᠢᠵᠠᠢ᠃ | ᠮᠠᠨᠵᠤᠤᠷ ᠤᠨ ᠬᠢ ᠶᠢ ᠪᠠᠶᠢᠶᠠ︕ ᠮᠠᠨ ᠤ ᠬᠤᠰᠢᠭᠤᠨ ᠤ ᠵᠠᠷᠢᠮ ᠬᠢᠳᠡᠯ ᠢᠶᠠᠨ ᠠᠯᠳᠠᠭᠰᠠᠨ ᠬᠥᠮᠥᠰ ᠲᠠᠷᠪᠠᠭᠠᠨ ᠤ | ᠡᠷᠢᠨ ᠪᠣᠯᠤᠮᠠᠭᠴᠠ ᠯᠡ ᠬᠢᠲᠤᠯᠭᠠ ᠶᠢᠨ ᠠᠵᠢᠯ ᠢᠶᠠᠨ ᠡᠬᠢᠯᠡᠭᠦᠯᠴᠢᠬᠡᠳᠡᠭ ᠶᠤᠮ ᠴᠢᠨᠢ᠃ ᠮᠢᠨᠦ ᠮᠡᠳᠡᠬᠦ ᠪᠠᠷ ᠮᠢᠬᠠ | ᠶᠢ ᠨᠢ ᠴᠢᠨᠠᠵᠤ ᠪᠣᠯᠭᠤᠭᠠᠭᠠᠳ ᠪᠦᠳᠦᠭᠦᠨ ᠭᠠᠩ ᠳᠤ ᠳᠠᠪᠤᠰᠤᠯᠠᠴᠢᠬᠠᠨᠠ᠃ ᠲᠣᠰᠤ ᠶᠢ ᠨᠢ ᠰᠢᠷᠭᠠᠭᠠᠭᠠᠳ | ᠬᠠᠭᠤᠴᠢᠨ ᠴᠠᠭ ᠤᠨ ᠰᠦᠨ ᠤ ᠵᠠᠪᠤᠳ᠋ ᠲᠤ ᠬᠡᠷᠡᠭᠯᠡᠳᠡᠭ ᠲᠡᠭᠡᠷᠡ ᠪᠠᠨ ᠳᠠᠷᠤᠮᠠᠯ ᠬᠠᠪᠬᠠᠭ ᠲᠠᠢ ᠥᠨᠳᠦᠷ ᠬᠦᠨᠦᠭ | ᠢᠶᠠᠷ ᠳᠦᠭᠦᠷᠲᠡᠯᠡ ᠰᠠᠪᠠᠯᠠᠨᠠ᠃ ᠠᠷᠠᠰᠤ ᠶᠢ ᠨᠢ ᠬᠤᠳᠠᠯᠳᠤᠭᠠᠳ ᠵᠣᠭᠤᠰ ᠪᠣᠷᠤᠯᠠᠭᠤᠯᠤᠨᠠ᠃ ᠢᠩᠭᠢᠭᠰᠡᠭᠡᠷ | ᠪᠠᠶᠢᠭᠠᠳ ᠬᠠᠷᠠ ᠤᠰᠤ ᠤᠤᠭᠤᠬᠤ ᠦᠭᠡᠢ᠂ ᠬᠠᠭᠳᠠ ᠡᠪᠡᠰᠦ ᠢᠳᠡᠬᠦ ᠦᠭᠡᠢ᠂ ᠬᠠᠮᠤᠭ ᠤᠨ ᠰᠢᠮᠡ ᠲᠠᠢ ᠡᠪᠡᠰᠦ | ᠢᠳᠡᠵᠦ ᠬᠠᠭᠠᠨ ᠰᠠᠭᠤᠳᠠᠯ ᠳᠠᠭᠠᠨ ᠰᠠᠭᠤᠴᠢᠬᠠᠭᠠᠳ ᠬᠠᠳᠠᠨ ᠭᠡᠷ ᠲᠡᠭᠡᠨ ᠣᠷᠤᠩᠨᠠᠵᠤ ᠠᠮᠢᠳᠤᠷᠠᠳᠠᠭ ᠲᠠᠯᠠ ᠶᠢᠨ | ᠲᠠᠷᠪᠠᠭᠠ ᠮᠠᠨᠢ ᠠᠯᠠᠭᠠᠴᠢᠨ ᠤ ᠭᠠᠷ ᠠᠴᠠ ᠮᠤᠯᠲᠤᠷᠠᠵᠤ ᠴᠢᠳᠠᠯ ᠦᠭᠡᠢ ᠤᠭᠰᠠᠭᠠ ᠬᠠᠷᠠᠯᠠᠬᠤ ᠳᠤ ᠬᠦᠷᠴᠡᠢ᠃ | ᠵᠡᠭᠡᠷᠡ | ᠮᠠᠨ ᠤ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤ ᠪᠣᠯ ᠥᠩ ᠰᠢᠮᠡᠯᠢᠭ ᠨᠤᠲᠤᠭ ᠪᠡᠯᠴᠢᠭᠡᠷ ᠲᠠᠢ ᠴᠤᠯᠤ ᠮᠣᠩᠭᠤᠯ | ᠭᠠᠵᠠᠷ ᠣᠷᠤᠨ ᠪᠣᠯᠤᠨᠠ᠃ ᠡᠨᠡ ᠭᠠᠵᠠᠷ ᠤᠨ ᠡᠪᠡᠰᠦᠨ ᠤ ᠰᠢᠮᠡ ᠨᠢ ᠪᠤᠰᠤᠳ ᠭᠤᠷᠪᠠᠨ ᠮᠠᠯᠵᠢᠬᠤ ᠬᠤᠰᠢᠭᠤᠨ | ᠠᠴᠠ ᠪᠠᠨ ᠰᠠᠶᠢᠨ ᠪᠣᠯᠬᠤᠷ ᠬᠤᠨᠢᠨ ᠤ ᠮᠢᠬᠠ ᠨᠢ ᠠᠮᠲᠠ ᠲᠠᠢ ᠪᠠᠶᠢᠵᠤ᠂ ᠣᠳᠤ ᠪᠣᠯᠬᠤ ᠳᠤ ︽ᠪᠠᠷᠭᠤ ᠬᠤᠨᠢᠨ ᠤ | ᠮᠢᠬᠠ︾ ᠤᠯᠤᠰ ᠤᠨ ᠨᠡᠷᠡᠲᠦ ᠲᠡᠮᠳᠡᠭ ᠢ ᠡᠭᠦᠳᠦᠭᠰᠡᠨ ᠪᠠᠶᠢᠳᠠᠭ᠃ ᠵᠡᠭᠡᠷᠡ ᠭᠡᠳᠡᠭ ᠠᠮᠢᠲᠠᠨ ᠪᠣᠯ ᠬᠠᠮᠤᠭ ᠤᠨ | ᠰᠢᠮᠡ ᠲᠠᠢ ᠡᠪᠡᠰᠦ ᠢᠳᠡᠳᠡᠭ ᠡᠪᠡᠰᠦᠨ ᠲᠡᠵᠢᠭᠡᠯᠲᠦ ᠠᠮᠢᠲᠠᠨ ᠪᠣᠯᠬᠤᠷ ᠮᠠᠨ ᠤ ᠨᠤᠲᠤᠭ ᠲᠤ ᠣᠯᠠᠨ ᠪᠠᠶᠢᠬᠤ ᠨᠢ | ᠵᠦᠢ ᠶᠣᠰᠤᠨ ᠤ ᠬᠡᠷᠡᠭ ᠶᠤᠮ᠃ ᠥᠩᠭᠡᠷᠡᠭᠰᠡᠨ ᠳᠤ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠨᠤᠲᠤᠭ ᠳᠡᠪᠢᠰᠬᠡᠷ | ᠲᠤ ᠵᠡᠭᠡᠷᠡ ᠬᠡᠳᠦᠨ ᠵᠠᠭᠤ ᠮᠢᠩᠭᠠ ᠪᠠᠷ ᠰᠦᠷᠦᠭᠯᠡᠨ ᠪᠡᠯᠴᠢᠵᠦ ᠪᠠᠶᠢᠭᠰᠠᠨ᠃ ᠭᠡᠪᠡᠴᠦ ᠬᠥᠮᠥᠨ ᠭᠡᠳᠡᠭ ᠡᠨᠡ ᠬᠦ | ᠢᠳᠡᠭᠡᠳ ᠴᠦ ᠴᠠᠳᠬᠤ ᠦᠭᠡᠢ᠂ ᠤᠤᠭᠤᠭᠠᠳ ᠴᠦ ᠬᠠᠩᠬᠤ ᠦᠭᠡᠢ ᠤᠯᠤᠰ ᠵᠡᠭᠡᠷᠡ ᠶᠢᠨ ᠠᠰᠢᠭ ᠬᠡᠷᠡᠭᠴᠡᠭᠡ ᠶᠢ | ᠮᠡᠳᠡᠭᠰᠡᠨ ᠤ ᠰᠡᠭᠦᠯᠡᠷ ᠮᠥᠨ ᠯᠡ ᠨᠢᠳᠦ ᠤᠯᠠᠶᠢᠵᠤ ᠲᠣᠮᠤ ᠲᠣᠮᠤ ᠮᠠᠰᠢᠨ ᠬᠥᠳᠡᠯᠭᠡᠨ ᠳᠠᠶᠢᠨ ᠳᠤ ᠮᠣᠷᠳᠠᠬᠤ ᠴᠡᠷᠢᠭ | ᠰᠢᠭ ᠫᠤᠤ ᠰᠤᠮᠤ ᠪᠠᠨ ᠲᠦᠭᠦᠭᠡᠷᠦᠨ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠳᠤ ᠬᠢᠮᠤᠰᠤᠨ ᠲᠡᠳᠦᠢ ᠴᠦ ᠬᠤᠣᠷ ᠦᠭᠡᠢ ᠲᠠᠯᠠ | ᠶᠢᠨ ᠵᠡᠭᠡᠷᠡ ᠳᠤ ᠶᠠᠫᠤᠨ ᠤ ᠳᠡᠭᠡᠷᠡᠮ ᠰᠢᠭ ︽ᠪᠦᠰᠡᠯᠡᠨ ᠤᠰᠠᠳᠬᠠᠯᠲᠠ︾ ᠬᠢᠭᠰᠡᠨ ᠨᠢ ᠬᠡᠳᠦᠨ ᠠᠷᠪᠠᠨ | ᠵᠢᠯ ᠤᠨ ᠯᠡ ᠡᠮᠦᠨᠡᠬᠢ ᠤᠴᠢᠷ᠃ ᠮᠢᠨᠦ ᠳᠡᠭᠡᠳᠦᠰ ᠤᠨ ᠨᠤᠲᠤᠭ ᠬᠠᠭᠤᠴᠢᠨ ᠬᠡᠷᠦᠯᠦᠨ ᠭᠦᠩᠱᠧ ︵ᠰᠤᠮᠤ︶ ᠪᠣᠯ | ᠮᠥᠨ ᠯᠡ ᠵᠡᠭᠡᠷᠡ᠂ ᠲᠠᠷᠪᠠᠭᠠᠨ ᠤ ᠦᠯᠦᠭᠡᠢ ᠪᠠᠷ ᠢᠶᠠᠨ ᠠᠯᠳᠠᠷᠰᠢᠭᠰᠠᠨ ᠰᠠᠶᠢᠬᠠᠨ ᠭᠠᠵᠠᠷ ᠶᠤᠮᠰᠠᠨ᠃ ᠬᠡᠷᠦᠯᠦᠨ | ᠰᠤᠮᠤ ᠳᠤ ᠵᠡᠭᠡᠷᠡ ᠠᠯᠠᠭᠠᠳ ᠨᠢᠭᠡ ᠯᠡ ᠰᠥᠨᠢ ᠶᠢᠨ ᠬᠤᠭᠤᠷᠤᠨᠳᠤ ᠪᠠᠶᠠᠵᠢᠭᠰᠠᠨ ᠠᠶᠢᠯ ᠪᠣᠢ᠃ ᠪᠠᠰᠠ ᠵᠡᠭᠡᠷᠡ | ᠠᠯᠠᠬᠤ ᠭᠡᠵᠤ ᠪᠠᠶᠢᠭᠠᠳ ᠬᠥᠮᠥᠨ ᠢᠶᠠᠨ ᠠᠯᠠᠭᠰᠠᠨ ᠬᠡᠷᠡᠭ ᠴᠦ ᠭᠠᠷᠴᠤ ᠪᠠᠶᠢᠭᠰᠠᠨ᠃ ᠲᠡᠷᠡ ᠦᠶᠡ ᠳᠤ ᠬᠡᠳᠦᠨ | ᠠᠷᠪᠠᠨ ᠲᠣᠮᠤ ᠮᠠᠰᠢᠨ ᠨᠤᠭᠤᠳ ᠰᠥᠨᠢ ᠪᠣᠯᠤᠮᠠᠭᠴᠠ ᠯᠡ ᠲᠠᠯᠠ ᠪᠠᠷ ᠰᠥᠯᠵᠢᠯᠳᠦᠨ ᠳ᠋ᠧᠩ ᠭᠢᠯᠠᠯᠵᠠᠭᠤᠯᠤᠨ ᠳ᠋ᠧᠩ | ᠤᠨ ᠭᠡᠷᠡᠯ ᠳᠤ ᠣᠷᠤᠭᠰᠠᠨ ᠵᠡᠭᠡᠷᠡ ᠨᠦᠭᠦᠳ ᠢ ᠶᠡᠭᠡ ᠲᠠᠢ ᠪᠠᠭᠠ ᠲᠠᠢ ᠨᠢ ᠪᠦᠬᠦᠨ ᠢ ᠬᠢᠲᠤᠨᠠ᠃ ᠵᠠ ᠲᠡᠭᠡᠭᠡᠳ | ᠮᠠᠰᠢᠨ ᠮᠠᠰᠢᠨ ᠢᠶᠠᠷ ᠦᠬᠦᠳᠡᠯ ᠲᠡᠭᠡᠭᠡᠭᠡᠳ ᠭᠠᠳᠠᠭᠰᠢ ᠠᠪᠠᠴᠢᠵᠤ ᠬᠤᠳᠠᠯᠳᠤᠭᠠᠳ ᠬᠠᠷᠠ ᠠᠮᠢ ᠪᠠᠨ | ᠪᠣᠷᠤᠯᠠᠭᠤᠯᠤᠨᠠ᠃ ᠣᠳᠤ ᠪᠣᠯᠬᠤ ᠳᠤ ᠶᠠᠮᠠᠷ︖ ᠲᠠᠯᠠ ᠶᠢᠨ ᠵᠡᠭᠡᠷᠡ ᠨᠦᠭᠦᠳ ᠮᠠᠨ ᠤ ᠨᠤᠲᠤᠭ ᠲᠤ ᠦᠵᠡᠭᠳᠡᠬᠦ | ᠪᠠᠨ ᠪᠠᠶᠢᠴᠢᠬᠠᠭᠰᠠᠨ᠃ | ᠪᠣᠭᠤᠨᠢ ᠶᠢᠨ ᠠᠷᠠᠯ | ᠬᠡᠷᠦᠯᠦᠨ ᠰᠤᠮᠤ ᠠᠴᠠ ᠪᠠᠷᠠᠭᠤᠨᠰᠢ ᠭᠤᠴᠢᠭᠠᠳ ᠭᠠᠵᠠᠷ ᠤᠨ ᠵᠠᠢ ᠲᠠᠢ ︽ᠪᠤᠭᠤᠨᠢ ᠶᠢᠨ ᠠᠷᠠᠯ︾ ᠭᠡᠳᠡᠭ | ᠰᠠᠶᠢᠬᠠᠨ ᠭᠠᠵᠠᠷ ᠬᠡᠷᠦᠯᠦᠨ ᠭᠤᠣᠯ ᠤᠨ ᠢᠶᠠᠨ ᠵᠠᠬᠠ ᠳᠠᠭᠠᠤ ᠪᠠᠶᠢᠷᠢᠰᠢᠵᠤ᠂ ᠪᠠᠷᠠᠭᠤᠨᠰᠢᠯᠠᠭᠠᠳ ᠮᠣᠩᠭᠤᠯ ᠤᠯᠤᠰ | ᠤᠨ ᠬᠢᠯᠢ ᠪᠠᠷ ᠴᠠᠭᠠᠰᠢ ᠨᠡᠪᠲᠡᠷᠡᠨᠡ᠃ 1960 ᠣᠨ ᠳᠤ ︽ᠨᠡᠭᠦᠳᠡᠯ ᠠᠷᠠᠳ︾ ᠢᠷᠡᠬᠦ ᠠᠴᠠ ᠡᠮᠦᠨᠡ ᠪᠤᠭᠤᠨᠢ | ᠶᠢᠨ ᠠᠷᠠᠯ ᠤᠨ ᠪᠤᠷᠭᠠᠰᠤ ᠨᠢᠭ᠋ ᠵᠤᠵᠠᠭᠠᠨ ᠤᠷᠭᠤᠭᠰᠠᠨ ᠲᠤᠯᠠ ᠮᠣᠷᠢᠲᠠᠢ ᠬᠥᠮᠥᠨ ᠶᠠᠪᠤᠬᠤ ᠶᠢᠨ ᠠᠷᠭᠠ ᠦᠭᠡᠢ | ᠪᠠᠶᠢᠵᠤ᠂ ᠬᠠᠨᠠ᠂ ᠤᠨᠢ ᠠᠴᠠ ᠡᠬᠢᠯᠡᠨ ᠮᠣᠩᠭᠤᠯ ᠭᠡᠷ ᠤᠨ ᠪᠦᠬᠦᠶᠢᠯᠡ ᠮᠣᠳᠤᠨ ᠬᠡᠷᠡᠭᠰᠡᠯ ᠢ ᠬᠠᠩᠭᠠᠵᠤ ᠴᠢᠳᠠᠳᠠᠭ | ᠰᠠᠶᠢᠬᠠᠨ ᠪᠤᠷᠭᠠᠰᠤ ᠲᠠᠢ ᠭᠠᠵᠠᠷ ᠪᠠᠶᠢᠭᠰᠠᠨ ᠭᠡᠵᠤ ᠲᠣᠮᠤᠴᠤᠤᠯ ᠤᠨ ᠬᠡᠯᠡᠬᠦ ᠶᠢ ᠪᠢ ᠣᠯᠠᠨ ᠴᠦ ᠰᠣᠨᠤᠰᠤᠯᠠ᠃ | ᠨᠡᠩ ᠤᠷᠭᠠ ᠶᠢᠨ ᠦᠵᠦᠭᠦᠷ ᠤᠵᠤᠭᠤᠷ ᠢ ᠬᠡᠯᠡᠬᠦ ᠬᠡᠷᠡᠭ ᠪᠠᠶᠢᠬᠤ ᠦᠭᠡᠢ᠃ ᠡᠪᠦᠯ ᠪᠣᠯᠪᠡᠯ ᠪᠤᠭᠤᠨᠢ ᠶᠢᠨ ᠠᠷᠠᠯ | ᠤᠨ ᠶᠡᠭᠡ ᠪᠤᠷᠭᠠᠰᠤᠨ ᠤ ᠨᠥᠮᠥᠷᠢ ᠳᠤ ᠮᠠᠯᠴᠢᠳ ᠡᠪᠦᠯ ᠤᠨ ᠲᠥᠯ ᠢᠶᠠᠨ ᠲᠣᠰᠳᠠᠭ ᠪᠠᠶᠢᠭᠰᠠᠨ᠃ ᠲᠥᠪ ᠷᠠᠳᠢᠣ᠋ | ᠬᠤᠷᠢᠶᠠᠨ ᠤ ᠤᠯᠤᠰ ᠤᠨ ᠳᠡᠰ ᠤᠨ ᠣᠨᠴᠠ ᠨᠡᠪᠲᠡᠷᠡᠭᠦᠯᠦᠭᠴᠢ ᠽᠠᠨᠳᠠᠷᠠ ᠭᠤᠸᠠᠢ ᠪᠣᠯ ᠮᠠᠨ ᠤ ᠬᠡᠷᠦᠯᠦᠨ ᠤ | ᠬᠦᠷᠭᠡᠨ ᠪᠣᠯᠬᠤᠷ ᠮᠢᠨᠦ ᠮᠢᠭᠮᠡᠷ ᠡᠭᠡᠴᠢ ᠲᠠᠢ ᠤᠷᠤᠭᠯᠠᠭᠠᠳ ᠤᠳᠠᠭᠠ ᠦᠭᠡᠢ ᠪᠠᠶᠢᠭᠰᠠᠨ ᠵᠠᠯᠠᠭᠤ ᠡᠷᠡᠨ ᠳᠡᠭᠡᠨ | ᠡᠶᠢᠮᠦ ᠨᠢᠭᠡ ᠳᠠᠭᠤᠤ ᠵᠣᠬᠢᠶᠠᠭᠠᠳ ᠥᠪᠡᠷ ᠢᠶᠠᠨ ᠳᠠᠭᠤᠯᠠᠳᠠᠭ ᠪᠠᠶᠢᠭᠰᠠᠨ᠄ | ᠥᠯᠵᠡᠶᠢᠲᠦ ᠪᠤᠭᠤᠨᠢ ᠶᠢᠨ ᠠᠷᠠᠯ ᠢᠶᠠᠷ | ᠡᠪᠦᠯ ᠤᠨ ᠲᠥᠯ ᠢ ᠲᠣᠰᠴᠤ ᠪᠠᠶᠢᠨᠠ | ᠠᠷᠠᠯ ᠤᠨ ᠮᠣᠳᠤᠨ ᠤ ᠳᠡᠭᠡᠭᠦᠷ | ᠠᠯᠠᠭ ᠱᠠᠭᠠᠵᠠᠭᠠᠢ ᠱᠠᠭᠰᠢᠯᠳᠤᠨᠠ᠃ | ᠪᠦᠳᠦᠭᠦᠨ ᠡᠮᠡ ᠬᠤᠨᠢᠳ ᠨᠢ | ᠪᠥᠮᠪᠦᠭᠡᠷ ᠪᠤᠷᠭᠠᠰᠤᠨ ᠬᠠᠰᠢᠶᠠᠨ ᠰᠠ ︵ ᠳᠤ︶ | ᠪᠦᠨᠳᠦᠭᠡᠷ ᠬᠥᠭᠡᠷᠦᠬᠦᠨ ᠬᠤᠷᠠᠭᠠ ᠨᠤᠭᠤᠳ ᠨᠢ | ᠠᠮᠠ ᠪᠠᠨ ᠪᠤᠯᠢᠶᠠᠯᠳᠤᠨ ᠮᠠᠶᠢᠯᠠᠯᠳᠤᠨᠠ᠃ | ᠡᠬᠡ ᠪᠠᠶᠢᠭᠠᠯᠢ ᠠᠴᠠ ᠰᠣᠶᠤᠷᠬᠠᠭᠰᠠᠨ ᠡᠨᠡ ᠰᠠᠶᠢᠬᠠᠨ ᠣᠷᠤᠨ ᠳᠡᠯᠡᠬᠡᠢ ᠨᠢᠭᠡ ᠮᠢᠩᠭᠠ ᠶᠢᠰᠦᠨ ᠵᠠᠭᠤ | ᠳᠠᠯᠠᠭᠠᠳ ᠣᠨ ᠤ ᠡᠬᠢ ᠪᠣᠯᠬᠤ ᠳᠤ ᠪᠠᠰᠠ ᠠᠶᠢᠯ ᠡᠪᠦᠯᠵᠢᠳᠡᠭ ᠪᠠᠶᠢᠭᠰᠠᠨ ᠪᠣᠯ ᠣᠳᠤ ᠪᠣᠯᠬᠤ ᠬᠢᠷᠢ ᠳᠤ ᠪᠠᠷᠤᠭ | ᠨᠢᠴᠦᠭᠦᠨ ᠬᠤᠵᠢᠭᠢᠷ ᠭᠠᠵᠠᠷ ᠳᠡᠯᠡᠬᠡᠢ ᠪᠣᠯᠴᠢᠬᠠᠭᠰᠠᠨ ᠪᠠᠶᠢᠳᠠᠭ᠃ ᠰᠣᠨᠤᠰᠬᠤᠯᠠ ᠠᠷᠭᠠᠯ ᠲᠡᠭᠦᠬᠦ ᠠᠴᠠ ᠪᠠᠨ | ᠠᠯᠵᠠᠭᠤᠷᠠᠳᠠᠭ ᠬᠥᠮᠥᠰ ᠡᠬᠢᠯᠡᠭᠡᠳ ᠳᠡᠭᠡᠷᠡ ᠨᠢ ᠤᠷᠭᠤᠭᠰᠠᠨ ᠪᠤᠷᠭᠠᠰᠤ ᠶᠢ ᠨᠢ ᠬᠠᠳᠤᠵᠤ ᠬᠤᠷᠢᠶᠠᠭᠠᠳ ᠲᠦᠯᠡᠭᠡ | ᠪᠣᠯᠭᠠᠨ ᠰᠢᠲᠠᠭᠠᠳᠠᠭ ᠪᠠᠶᠢᠭᠰᠠᠨ ᠪᠣᠯ ᠪᠦᠷ ᠰᠡᠭᠦᠯ ᠳᠤᠨᠢ ᠳᠡᠭᠡᠷᠡ ᠨᠢ ᠪᠤᠷᠭᠠᠰᠤ ᠦᠭᠡᠢ ᠪᠣᠯᠬᠤ ᠳᠤ ᠪᠦᠳᠦᠭᠦᠨ | ᠰᠦᠭᠡ ᠪᠠᠷ ᠦᠨᠳᠦᠰᠦ ᠶᠢ ᠨᠢ ᠴᠠᠪᠴᠢᠵᠤ ᠪᠠᠶᠢᠭᠠᠳ ᠲᠦᠯᠡᠴᠢᠬᠡᠳᠡᠭ ᠬᠤᠶᠢᠨᠠ ᠦᠯᠡᠳᠡᠬᠦ ᠶᠠᠭᠤᠮᠠ ᠭᠡᠵᠤ ᠪᠠᠶᠢᠨᠠ | ᠤᠤ︖ ᠪᠤᠭᠤᠨᠢ ᠶᠢᠨ ᠠᠷᠠᠯ ᠠᠴᠠ ᠪᠠᠷᠠᠭᠤᠨᠰᠢ ᠬᠤᠸᠠ ᠬᠤᠰᠢᠭᠤ᠂ ᠤᠯᠠᠭᠠᠨ ᠡᠩᠭᠡᠷ ᠢᠶᠠᠷ ᠪᠦᠷ ᠯᠡ ᠢᠭ᠌ᠴᠢ | ᠰᠠᠬᠤᠯᠢᠭ ᠪᠤᠷᠭᠠᠰᠤ ᠲᠠᠢ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠮᠵᠢᠲᠦ ᠣᠷᠤᠨ ᠪᠠᠶᠢᠭᠰᠠᠨ ᠪᠣᠯ ᠣᠳᠤ ᠬᠡᠯᠡᠬᠦ ᠭᠠᠵᠠᠷ ᠨᠢᠭᠡ ᠴᠦ | ᠦᠭᠡᠢ᠃ 1993 ᠣᠨ ᠳᠤ ᠪᠢ ᠮᠣᠩᠭᠤᠯ ᠤᠯᠤᠰ ᠤᠨ ᠴᠣᠶᠢᠪᠠᠯᠰᠠᠩ ᠬᠤᠲᠠᠨ ᠳᠤ ᠵᠤᠭᠠᠴᠠᠬᠤ ᠪᠠᠷ | ᠠᠷᠤᠬᠠᠰᠢᠶᠠᠲᠤ ᠶᠢᠨ ᠬᠢᠯᠢ ᠶᠢ ᠥᠩᠭᠡᠷᠡᠭᠡᠳ ᠤᠷᠤᠭᠰᠢ ᠪᠠᠨ ᠬᠠᠷᠠᠭᠰᠠᠨ ᠳᠤ ᠬᠡᠷᠦᠯᠦᠨ ᠭᠤᠣᠯ ᠢᠶᠠᠨ ᠳᠠᠭᠠᠭᠠᠳ | ᠨᠢᠵᠢᠭᠢᠷ ᠬᠠᠷᠠ ᠪᠤᠷᠭᠠᠰᠤ ᠪᠠᠷᠠᠭᠤᠨᠰᠢ ᠪᠠᠨ ᠦᠷᠭᠦᠯᠵᠢᠯᠡᠵᠦ ᠪᠠᠶᠢᠭᠰᠠᠨ᠃ ᠭᠡᠲᠡᠯᠡ ᠮᠠᠨᠠᠶᠢᠬᠢᠨ ᠁ | ᠶᠡᠭᠡ ᠰᠢᠯᠦᠭᠴᠢ ᠳ᠋᠊ · ᠨᠠᠴᠤᠭᠳᠤᠷᠵᠢ ᠠᠴᠠ᠄ | ︽ᠳᠥᠷᠪᠡᠨ ᠴᠠᠭ ᠤᠨ ᠤᠯᠠᠷᠢᠯ ᠳᠤ | ᠳᠤᠷᠠ ᠪᠠᠷ ᠢᠶᠠᠨ ᠨᠡᠭᠦᠬᠦ ᠨᠤᠲᠤᠭ ᠲᠠᠢ | ᠲᠠᠪᠤᠨ ᠵᠦᠢᠯ ᠤᠨ ᠲᠠᠷᠢᠶᠠᠨ ᠤ | ᠬᠦᠷᠦᠰᠦ ᠰᠢᠷᠤᠶᠢᠲᠤ ᠭᠠᠵᠠᠷ ᠲᠠᠢ︾ ᠭᠡᠵᠤ ᠮᠣᠩᠭᠤᠯ ᠣᠷᠤᠨ ᠢᠶᠠᠨ ᠮᠠᠭᠲᠠᠨ ᠰᠢᠯᠦᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠡᠭᠦᠨ | ᠲᠠᠢ ᠠᠳᠠᠯᠢ ᠪᠠᠷ ᠮᠢᠨᠦ ᠨᠤᠲᠤᠭ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤ ᠪᠣᠯ ᠡᠶᠢᠮᠦᠷᠭᠦᠦ ᠯᠡ ᠡᠷᠢᠶᠡᠨ ᠬᠤᠷᠭᠤᠢ | ᠨᠤᠲᠤᠭ ᠲᠤᠨᠢ ᠴᠡᠴᠡᠭ ᠤᠨ ᠭᠠᠩᠬᠤᠭᠠ ᠲᠠᠢ᠂ ᠠᠳᠤᠭᠤ ᠮᠠᠯ ᠨᠠᠯᠠᠶᠢᠵᠤ᠂ ᠠᠭᠢ ᠲᠠᠭᠠᠨᠠ ᠶᠢᠨ ᠦᠨᠦᠷ | ᠰᠡᠩᠭᠢᠨᠡᠵᠦ᠂ ᠠᠶᠢᠷᠠᠭ ᠲᠠᠷᠠᠭ ᠤᠨ ᠦᠨᠦᠷ ᠬᠠᠩᠬᠤᠯᠤᠭᠰᠠᠨ ᠰᠠᠶᠢᠬᠠᠨ ᠣᠷᠤᠨ ᠪᠠᠶᠢᠭᠰᠠᠨ ᠶᠤᠮ᠃ ᠣᠳᠤ ᠪᠣᠯᠬᠤ | ᠳᠤ ᠭᠡᠬᠦ ᠳᠤ ᠯᠡ ᠡᠯᠢᠭᠡ ᠡᠮᠲᠡᠷᠡᠮᠡᠷ ᠪᠣᠯᠬᠤ ᠶᠤᠮ᠃ ᠠᠭᠤᠯᠠᠨ ᠳᠠᠭᠠᠨ ᠭᠦᠷᠦᠭᠡᠰᠦ ᠦᠭᠡᠢ᠂ ᠤᠰᠤᠨ ᠳᠠᠭᠠᠨ | ᠵᠢᠭᠠᠰᠤ ᠦᠭᠡᠢ᠂ ᠲᠠᠯᠠ ᠪᠠᠷ ᠲᠠᠭᠰᠢᠳᠠᠭ ᠵᠡᠭᠡᠷᠡ᠂ ᠲᠠᠯᠠ ᠳᠤ ᠬᠤᠰᠬᠢᠷᠳᠠᠭ ᠲᠠᠷᠪᠠᠭᠠ ᠨᠤᠭᠤᠳ ᠪᠦᠷ ᠡᠨᠡ | ᠨᠤᠲᠤᠭ ᠠᠴᠠ ᠵᠠᠶᠢᠯᠠᠵᠤ ᠪᠠᠶᠢᠨᠠ᠃ ᠪᠡᠯᠴᠢᠭᠡᠷ ᠳᠠᠭᠠᠭᠠᠬᠤ ᠪᠠᠨ ᠪᠣᠯᠢᠵᠤ ᠪᠠᠶᠢᠨᠠ ᠭᠡᠳᠡᠭ ᠢ ᠪᠣᠳᠤᠯᠲᠠᠢ ᠶᠤᠮ ᠳ᠋ᠠ᠃ | ᠦᠷᠡ ᠬᠡᠦᠬᠡᠳ ᠲᠡᠭᠡᠨ ᠶᠠᠭᠤ ᠪᠠᠨ ᠦᠯᠡᠳᠡᠭᠡᠶᠡ ᠭᠡᠵᠤ ᠪᠣᠳᠤᠵᠤ ᠪᠠᠶᠢᠭᠠ ᠪᠣᠯ︖ ᠠᠰᠠᠷ ᠲᠠᠭᠲᠤ ᠨᠡᠮᠡᠭᠳᠡᠭᠡᠳ | ᠲᠥᠪ ᠪᠠᠯᠭᠠᠰᠤ ᠨᠢ ᠭᠤᠶᠤᠵᠢᠭᠠᠳ ᠮᠠᠶᠢᠮᠠᠢ ᠱᠣᠣᠮᠠᠢ ᠬᠥᠭᠵᠢᠶᠡᠨᠲᠡᠢ᠂ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠥᠨᠥ ᠳᠡᠭᠡᠷᠡ ᠪᠠᠨ | ᠰᠠᠶᠢᠨ ᠪᠠᠶᠢᠨᠠ᠃ ᠪᠣᠯᠬᠤ ᠴᠦ ᠪᠣᠯᠤᠨᠠ᠃ ᠨᠤᠲᠤᠭ ᠣᠷᠴᠢᠨ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠦᠭᠡᠢ ᠪᠣᠯ ᠪᠢᠳᠡ ᠮᠠᠯ ᠢᠶᠠᠨ | ᠶᠠᠭᠠᠬᠢᠵᠤ ᠮᠠᠯᠵᠢᠬᠤ ᠪᠣᠢ︖ ᠨᠣᠭᠤᠭᠠ ᠪᠠᠨ ᠬᠠᠮᠢᠭᠠ ᠲᠠᠷᠢᠬᠤ ᠪᠣᠢ⁈ ᠬᠤᠭᠤᠰᠤᠨ ᠭᠤᠶᠤ ᠶᠢ ᠡᠮᠦᠰᠦᠭᠡᠳ | ᠭᠡᠳᠡᠰᠦ ᠦᠯᠦᠨ ᠶᠠᠪᠤᠬᠤ ᠤᠤ⁈ ᠪᠦᠬᠦ ᠳᠡᠯᠡᠬᠡᠢ ᠶᠢᠨ 50 ᠳ᠋ᠦᠩᠰᠢᠭᠤᠷ ᠬᠠᠷᠠ ᠲᠡᠷᠢᠭᠦᠲᠡᠨ ᠤ ᠨᠢᠭᠡ ᠪᠣᠯᠤᠭᠰᠠᠨ | ᠮᠠᠨ ᠤ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠴᠤᠳ ᠡᠨᠡ ᠶᠠᠪᠤᠳᠠᠯ ᠢ ᠠᠩᠬᠠᠷᠤᠯ ᠳᠠᠭᠠᠨ ᠠᠪᠬᠤ ᠦᠭᠡᠢ ᠪᠣᠯ | ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠨᠡ ᠤᠤ⁈ ᠣᠨᠴᠠᠭᠠᠶᠢᠯᠠᠨ ᠵᠠᠯᠠᠭᠤ ᠦᠶᠡ ᠶᠢᠨ ᠬᠢᠨ ᠳᠤ ᠪᠠᠨ ᠨᠠᠶᠢᠳᠠᠶᠠ︕ | 2012 ᠣᠨ ᠤ 9 ᠰᠠᠷᠠ ᠳᠤ ᠪᠢᠴᠢᠪᠡ᠃ | | ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ | ᠬᠤᠰᠢᠭᠤᠨ ᠤ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ |