ᠨᠡᠭᠦᠳᠡᠯ ᠳᠤ ᠶᠠᠪᠣᠭᠰᠠᠨ ᠡᠪᠥᠭᠡᠳ ᠤᠨ ᠮᠢᠨᠢ | ᠨᠢᠭᠤᠴᠠᠯᠠᠵᠣ ᠥᠯᠡᠳᠡᠭᠡᠭᠰᠡᠨ ᠬᠠᠶᠢᠷᠠ | ᠭᠠᠵᠠᠷ ᠢᠶᠠᠨ ᠡᠯᠢᠭᠡᠳᠡᠵᠥ ᠭᠡᠪᠳᠡᠭᠰᠡᠨ | ᠭᠠᠭᠴᠠ ᠶᠠᠩᠵᠣ ᠪᠠᠷ ᠵᠣᠭᠰᠣᠭᠰᠠᠨ ᠠᠮᠢᠰᠬᠤᠭᠠ | ᠨᠠᠷᠠ ᠰᠠᠯᠬᠢᠨ ᠳᠤ ᠳᠠᠰᠳᠠᠯᠠ ᠪᠠᠨ ᠳᠥᠩᠰᠦ᠋ᠭᠰᠡᠨ | ᠨᠠᠮᠣᠷ ᠤᠨ ᠳᠠᠯᠠᠯᠭᠠ ᠲᠠᠢ ᠰᠡᠳᠭᠢᠯ ᠤᠨ ᠠᠷᠭᠠᠮᠵᠢᠶᠠ | ᠰᠥᠮᠪᠥᠷ ᠶᠡᠭᠡ ᠠᠭᠤᠯᠠᠰ ᠤᠨ ᠬᠡᠯᠳᠡᠷᠬᠡᠢ | ᠰᠦ ᠳᠣᠰᠣᠭᠠᠭᠰᠠᠨ ᠡᠵᠢ ᠶᠢᠨ ᠡᠩᠬᠦᠷᠠᠢ | | | ᠣᠯᠠᠷᠢᠯ ᠤᠨ ᠴᠡᠩᠭᠡᠷ ᠰᠠᠯᠬᠢ ᠶᠢ | ᠠᠨᠢᠰᠬᠠᠨ ᠳᠣᠭᠤᠣᠷ ᠢᠶᠠᠨ ᠬᠤᠷᠭᠤᠳᠠᠭᠤᠯᠵᠣ | ᠠᠳᠠᠷ ᠤᠨ ᠰᠡᠮᠬᠡᠨ ᠪᠥᠷᠥᠢ ᠳᠤ | ᠰᠥᠭ ᠰᠥᠨᠡᠰᠥ ᠰᠢᠭ ᠣᠷᠣᠰᠢᠭᠰᠠᠨ | ᠥᠭᠡᠳᠡ ᠪᠠᠨ ᠬᠠᠨᠳᠣᠨ ᠣᠷᠭᠤᠵᠣ | ᠠᠮᠢᠳᠣᠷᠠᠯ ᠡᠭᠦᠷᠥᠭᠰᠡᠨ ᠬᠠᠳᠠᠭᠤ ᠲᠠᠩᠭᠠᠷᠢᠭ | ᠠᠪᠤ ᠶᠢᠨ ᠮᠢᠨᠢ ᠶᠠᠩᠵᠣᠯᠠᠵᠣ ᠬᠤᠴᠣᠷᠭᠠᠭᠰᠠᠨ | ᠠᠷᠭᠠᠯ ᠤᠨ ᠳᠥᠯᠥ ᠲᠠᠢ ᠮᠥᠷᠥᠭᠡᠳᠥᠯ ᠤᠳ | | | ᠪᠣᠷᠤᠭᠠ ᠳᠡᠭᠡᠷᠡ ᠴᠢᠨᠢ ᠰᠢᠪᠡᠷᠡᠵᠦ ᠬᠤᠨᠣᠳᠠᠭ ᠢᠶᠠᠷ ᠢᠶᠠᠨ | ᠪᠣᠳᠣᠯ ᠤᠨ ᠥᠵᠥᠭᠦᠷ ᠴᠢ ᠬᠠᠶᠢᠷᠠ ᠶᠢᠨ ᠲᠦᠯᠦᠭᠡᠯᠡᠯ | ᠬᠠᠳᠠ ᠬᠠᠳᠠᠨ ᠤ ᠳᠣᠷᠠᠰᠣᠮᠵᠢ ᠬᠥᠷᠥᠳᠡᠭ ᠢᠶᠠᠷ ᠢᠶᠠᠨ | ᠬᠠᠨᠢ ᠶᠢᠨ ᠵᠠᠶᠠᠭᠠ ᠳᠥᠰᠢᠵᠥ ᠥᠨᠳᠡᠶᠢᠭᠰᠡᠨ ᠰᠥᠷᠯᠢᠭᠦᠨ | ᠭᠠᠭᠴᠠ ᠬᠤᠶᠠᠷ ᠢᠶᠠᠷ ᠴᠣᠪᠣᠵᠣ ᠰᠠᠭᠤᠳᠠᠭ ᠴᠤ | ᠭᠠᠩᠭᠠᠷᠠᠵᠣ ᠭᠠᠵᠠᠷ ᠲᠠᠭᠠᠨ ᠣᠷᠭᠤᠭᠰᠠᠨ ᠵᠠᠶᠠᠭᠠ | ᠰᠠᠷᠠᠨ ᠤ ᠳᠣᠶᠠᠭᠠ ᠠᠭᠤᠰᠣᠭᠰᠠᠨ | ᠰᠠᠨᠠᠬᠤ ᠶᠢᠨ ᠣᠴᠢᠷᠳᠠᠢ ᠳᠣᠷᠠᠰᠣᠮᠵᠢ ᠨᠤᠭᠤᠳ | | | ᠥᠨᠢ ᠡᠷᠳᠡᠨ ᠤ ᠲᠠᠯᠠ ᠳᠠᠭᠠᠨ | ᠥᠯᠡᠳᠡᠵᠥ ᠬᠤᠴᠣᠷᠣᠭᠰᠠᠨ ᠬᠥᠰᠡᠯ ᠤᠳ ᠮᠢᠨᠢ | ᠠᠳᠠᠨ ᠴᠠᠭᠠᠨ ᠳᠡᠮᠡᠭᠡᠳ ᠤᠨ | ᠠᠯᠣᠰ ᠠᠴᠠ ᠴᠣᠣᠷᠢᠶᠠᠯᠠᠬᠤ ᠪᠤᠶᠢᠯᠠᠭᠠ ᠴᠢᠩᠨᠠᠵᠣ | ᠳᠣᠣᠯᠢ ᠳᠡᠥᠬᠡᠨ ᠠᠴᠠ ᠨᠠᠭᠠᠰᠢᠯᠠᠭᠰᠠᠨ | ᠭᠠᠵᠠᠷ ᠤᠨ ᠡᠵᠡᠯᠡᠭᠦᠨ ᠳᠠᠮᠠᠭᠠ ᠨᠤᠭᠤᠳ ᠮᠢᠨᠢ | ᠪᠥᠭᠦᠳᠡ ᠶᠢᠨ ᠳᠣᠮᠳᠠ ᠪᠠᠨ ᠨᠠᠷᠠᠨ ᠵᠡᠭᠦᠳᠥ ᠲᠠᠢ | ᠪᠥᠯᠢᠶᠡᠨ ᠴᠤᠭ ᠲᠠᠢ ᠠᠮᠢᠵᠢᠷᠠᠯ ᠤᠳ᠃ | | | ᠳᠡᠭᠷᠢ ᠭᠠᠵᠠᠷ ᠤᠨ ᠬᠤᠭᠤᠷᠣᠨᠳᠣ | ᠴᠢ ᠬᠠᠶᠢᠷᠠ ᠶᠢᠨ ᠪᠥᠷᠢᠯᠳᠥᠭᠦᠨ | ᠠᠯᠠᠭᠠᠨ ᠳᠡᠭᠡᠷᠡ ᠪᠠᠨ ᠳᠠᠯᠪᠢᠭᠠᠳ ᠡᠩᠬᠦᠷᠠᠶᠢᠯᠡᠬᠦ ᠳᠤ | ᠠᠮᠢᠳᠣ ᠡᠷᠳᠡᠨᠢ ᠴᠢ ᠮᠢᠨᠣ ᠨᠣᠳᠤᠭ ᠡ | ᠭᠡᠷᠡᠯ ᠳᠣᠶᠠᠭᠠᠨ ᠤ ᠠᠰᠬᠠᠷᠠᠯ ᠢ ᠴᠢᠨᠢ ᠴᠢᠩᠨᠠᠬᠤ ᠳᠤ | ᠭᠡᠭᠡᠷᠡᠵᠥ ᠳᠣᠭᠳᠠᠨᠢᠬᠤ ᠶᠢᠨ ᠣᠬᠠᠭᠠ ᠱᠣᠣᠭᠢᠨᠠ | ᠭᠠᠵᠠᠷ ᠢᠶᠠᠨ ᠰᠠᠬᠢᠵᠣ ᠬᠤᠴᠣᠷᠬᠤ | ᠭᠠᠯᠪᠠ ᠶᠢᠨ ᠶᠠᠰᠣᠳᠠᠢ ᠴᠢᠯᠠᠭᠤᠳ ᠮᠢᠨᠢ᠃ | | |