| ᠢᠮᠠᠭᠠ ᠡᠷᠳᠡᠨᠢ | | ᠠᠭᠤᠯᠠᠨ ᠬᠢᠷᠠ ᠪᠠᠷ ᠪᠡᠯᠴᠢᠬᠡᠷ ᠲᠠᠢ | ᠤᠷᠳᠤᠭᠤᠨᠠ ᠵᠠᠭᠰᠠᠭᠠᠯ ᠤᠨ ᠮᠠᠯᠳᠠᠭᠤᠰᠢ ᠲᠠᠢ | ᠤᠭᠰᠠᠭᠠ ᠤᠳᠤᠮ ᠢᠶᠠᠷ ᠢᠶᠠᠨ ᠬᠤᠳᠠᠯᠠᠳᠠᠭ | ᠤᠭᠰᠢᠯ ᠤᠨ ᠴᠢᠰᠦᠨ ᠪᠠᠷᠢᠯᠳᠤᠯᠭᠠ ᠲᠠᠢ | ᠡᠪ ᠤᠨ ᠲᠤᠭᠤᠷᠢᠭ ᠲᠤ ᠪᠦᠷᠢᠳᠭᠡᠭᠳᠡᠭᠰᠡᠨ | ᠡᠩᠬᠡ ᠶᠢᠨ ᠪᠦᠪᠡᠢ ᠲᠠᠢ ᠢᠮᠠᠭᠠ ᠡᠷᠳᠡᠨᠢ ᠡ︕ | ᠰᠡᠯᠡᠮᠡᠨ ᠬᠤᠶᠠᠷ ᠡᠪᠡᠷ ᠲᠠᠢ | ᠰᠡᠭᠡᠷ ᠪᠤᠰᠤᠭᠠ ᠰᠤᠷᠳᠤᠭᠤ ᠲᠠᠢ | ᠵᠤᠨ ᠳᠠᠭᠠᠨ ᠲᠠᠷᠠᠤᠬᠠᠨ | ᠡᠪᠦᠯ ᠳᠡᠭᠡᠨ ᠴᠤᠭᠯᠠᠭᠤᠬᠠᠨ ᠬᠡᠪᠳᠡᠳᠡᠭ | ᠴᠠᠭ ᠠᠭᠤᠷ ᠤᠨ ᠴᠢᠩᠭᠠ ᠵᠤᠬᠢᠴᠠᠯ ᠲᠠᠢ | ᠴᠤᠪᠤᠭᠤ ᠴᠤᠯᠬᠢᠨ ᠢᠮᠠᠭᠠ ᠡᠷᠳᠡᠨᠢ ᠡ︕ | | | ᠬᠤᠨᠢ ᠡᠷᠳᠡᠨᠢ | | ᠠᠷᠭᠠᠯᠢ ᠤᠭᠠᠯᠵᠠ ᠶᠢᠨ ᠤᠳᠤᠮ ᠲᠠᠢ | ᠠᠮᠤᠭᠤᠯᠠᠩ ᠲᠠᠶᠢᠪᠤᠩ ᠠᠷᠠᠨᠰᠢᠨ ᠲᠠᠢ | ᠬᠤᠳᠤᠭᠤᠷ ᠢᠶᠠᠷ ᠲᠦᠬᠦᠷᠡᠩ ᠨᠠᠯᠠᠶᠢᠳᠠᠭ | ᠬᠤᠷᠠᠵᠤ ᠭᠠᠳᠠᠨᠠ ᠪᠠᠨ ᠦᠳᠡᠯᠡᠳᠡᠭ | ᠮᠦᠷᠬᠦᠯᠳᠦᠭᠰᠡᠨ ᠬᠤᠶᠠᠷ ᠢ ᠪᠠᠨ ᠡᠪᠰᠡᠬᠦᠯᠳᠡᠭ | ᠮᠤᠩᠬᠤᠷ ᠬᠠᠮᠠᠷᠳᠤ ᠬᠤᠨᠢ ᠡᠷᠳᠡᠨᠢ ᠡ︕ | ᠬᠠᠯᠵᠠᠨ ᠵᠢᠰᠦᠮ ᠤᠨ ᠭᠤᠶᠤᠯᠠᠯ ᠲᠠᠢ | ᠬᠠᠪᠬᠠᠭᠠᠰᠤᠨ ᠰᠡᠬᠦᠯ ᠤᠨ ᠲᠠᠯᠠᠯᠭᠠ ᠲᠠᠢ | ᠬᠤᠷᠠᠭᠠ ᠲᠦᠯ ᠨᠢ ᠦᠰᠭᠦᠯᠡᠩ | ᠬᠤᠷ ᠬᠦᠴᠦ ᠨᠢ ᠬᠠᠳᠠᠭᠠᠯᠠᠮᠠᠳᠠᠭᠠᠢ | ᠬᠤᠷᠢᠮ ᠤᠨ ᠬᠤᠶᠢᠮᠤᠷ ᠲᠤ ᠲᠡᠭᠡᠵᠢᠯᠡᠭᠳᠡᠳᠡᠭ | ᠬᠤᠷᠸᠠ ᠳᠤ ᠬᠤᠪᠤᠷᠬᠠᠨ ᠬᠤᠨᠢ ᠡᠷᠳᠡᠨᠢ ᠡ︕ | | | ᠦᠭᠡᠷ ᠡᠷᠳᠡᠨᠢ | | ᠲᠤᠭᠤᠯ ᠪᠢᠷᠠᠭᠤ ᠨᠢ ᠪᠡᠯᠴᠢᠭᠡᠷ ᠲᠤ ᠤᠭᠤᠳᠤᠩᠨᠠᠵᠤ | ᠲᠤᠭᠤᠯᠴᠢᠨ ᠬᠡᠦᠬᠡᠳ ᠵᠠᠬᠠ ᠳᠤᠨᠢ ᠲᠤᠭᠯᠠᠳᠠᠭ | ᠰᠢᠷᠭᠠᠯ ᠰᠦ ᠨᠢ ᠰᠠᠭᠤᠯᠠᠭᠠᠨ ᠳᠤ ᠬᠦᠬᠡᠰᠦᠷᠡᠵᠦ | ᠰᠠᠭᠠᠯᠢᠴᠢᠨ ᠡᠵᠡᠳ ᠨᠢ ᠪᠠᠶᠠᠰᠤᠨ ᠵᠢᠷᠭᠠᠳᠠᠭ | ᠠᠷᠠᠰᠤ ᠰᠢᠷᠢ ᠨᠢ ᠢᠳᠡᠬᠡᠯᠡᠭᠳᠡᠨ ᠡᠯᠳᠡᠭᠳᠡᠵᠦ | ᠠᠰᠢᠭ ᠢᠶᠠᠨ ᠬᠦᠷᠳᠡᠭᠡᠳᠡᠭ ᠦᠬᠡᠷ ᠡᠷᠳᠡᠨᠢ ᠡ︕ | ᠲᠠᠩᠰᠤᠭ ᠤᠷᠭᠤᠮᠠᠯ ᠢ ᠤᠷᠢᠶᠠᠨ ᠢᠳᠡᠰᠢᠯᠡᠵᠦ | ᠲᠠᠯᠠ ᠵᠣ ᠪᠠᠷ ᠭᠡᠪᠳᠡᠨ ᠲᠠᠷᠭᠤᠯᠠᠳᠠᠭ | ᠰᠢᠮᠡᠳᠡᠢ ᠮᠢᠬᠠ ᠨᠢ ᠲᠤᠭᠤᠭᠠᠨ ᠳᠤ ᠲᠠᠷᠬᠢᠯᠵᠤ | ᠰᠢᠷᠪᠦᠰᠦᠯᠢᠭ ᠡᠵᠡᠳ ᠨᠢ ᠬᠦᠷᠦᠰᠦᠵᠢᠨ ᠪᠦᠬᠡᠵᠢᠳᠡᠭ | ᠰᠢᠨᠳᠡᠰᠦ ᠰᠢᠷᠪᠤᠰᠤ ᠨᠢ ᠬᠠᠰᠠᠭ ᠲᠤ ᠡᠷᠴᠢᠯᠡᠵᠦ | ᠨᠡᠬᠦᠳᠡᠯ ᠬᠦᠪᠦᠷᠡᠬᠦᠯᠳᠡᠭ ᠦᠬᠡᠷ ᠡᠷᠳᠡᠨᠢ ᠡ︕ | | | ᠠᠳᠤᠭᠤ ᠡᠷᠳᠡᠨᠢ | | ᠤᠨᠠᠭᠠᠨ ᠨᠤᠳᠤᠭ ᠤᠷᠤᠭᠤ ᠪᠠᠨ ᠬᠦᠶᠦᠮᠡᠳᠡᠭᠡᠢ | ᠤᠨᠤᠭᠰᠠᠨ ᠡᠵᠡᠨ ᠳᠡᠭᠡᠨ ᠲᠠᠰᠤᠮᠠᠳᠠᠭᠠᠢ | ᠨᠠᠭᠤᠷ ᠵᠠᠳᠠᠭᠠᠢ ᠳᠤ ᠬᠦᠷᠪᠡᠮᠡᠳᠡᠬᠡᠢ | ᠨᠢᠷᠤᠭᠤ ᠵᠣ ᠪᠠᠷ ᠦᠳᠡᠯᠡᠮᠡᠳᠡᠬᠡᠢ | ᠨᠠᠭᠠᠳᠤᠮᠴᠢᠳ ᠤᠨ ᠨᠢᠳᠦ ᠶᠢ ᠪᠤᠯᠢᠶᠠᠮᠠᠳᠠᠭᠠᠢ | ᠨᠠᠶᠢᠷ ᠤᠨ ᠤᠳᠤ ᠲᠠᠢ ᠠᠳᠤᠭᠤ ᠡᠷᠳᠡᠨᠢ ᠡ︕ | ᠦᠳᠡᠰᠢ ᠰᠦᠨᠢ ᠪᠠᠷ ᠢᠳᠡᠰᠢᠯᠡᠳᠡᠭ | ᠦᠤᠷ ᠤᠨ ᠴᠤᠯᠮᠤᠨ ᠢᠶᠠᠷ ᠤᠨᠳᠠᠳᠠᠭ | ᠬᠦᠷᠪᠡᠬᠦ ᠶᠢᠨ ᠭᠱᠠᠨ ᠳᠤ ᠤᠨᠠᠭᠠᠯᠠᠳᠠᠭ | ᠬᠤᠨᠢᠨ ᠤ ᠲᠤᠭᠤᠰᠤᠨ ᠳᠤ ᠬᠤᠷᠳᠤᠯᠠᠳᠠᠭ | ᠰᠦᠢᠯᠭᠠ ᠤᠶᠠᠯᠭᠠ ᠳᠤ ᠴᠢᠩᠭᠠᠷᠠᠳᠠᠭ | ᠰᠢᠨᠳᠠᠰᠤᠳᠣ ᠬᠦᠯᠦ᠋ᠭ ᠠᠳᠤᠭᠤ ᠡᠷᠳᠡᠨᠢ ᠡ︕ | | | ᠲᠡᠮᠡᠭᠡ ᠡᠷᠳᠡᠨᠢ | | ᠬᠤᠭᠤᠯᠠᠢ ᠬᠦᠨᠳᠡᠢ ᠪᠠᠷ ᠬᠦᠷᠡᠩᠳᠡᠩᠬᠡᠨ ᠪᠡᠯᠴᠢᠬᠡᠷᠯᠡᠵᠦ | ᠬᠤᠯᠠ ᠶᠢᠨ ᠵᠡᠷᠭᠡᠯᠬᠡᠨ ᠳᠤ ᠠᠭᠤᠰᠤᠩᠬᠠᠨ ᠪᠠᠷᠠᠭᠠᠨᠳᠠᠵᠤ | ᠬᠤᠶᠢᠷᠠᠭ ᠬᠠᠷᠭᠠᠨᠠ ᠳᠤ ᠢᠳᠡᠭᠡᠰᠢᠩᠬᠡᠨ ᠢᠳᠡᠰᠢᠯᠡᠵᠦ | ᠬᠡᠦᠬᠡᠳ ᠬᠦᠭᠰᠢᠳ ᠲᠤ ᠨᠤᠯᠤᠭᠤᠯᠤᠩᠬᠠᠨ ᠤᠨᠤᠭᠠᠷᠢᠰᠢᠵᠤ | ᠬᠦᠦᠰᠢᠯᠡᠬᠦ ᠠᠶᠠᠯᠭᠤᠨ ᠳᠤ ᠢᠪᠢᠯᠦ᠋ᠩᠬᠡᠨ ᠰᠠᠭᠠᠮᠰᠢᠷᠠᠳᠠᠭ | ᠬᠦᠢ ᠭᠤᠪᠢ ᠶᠢᠨ ᠲᠡᠮᠡᠭᠡ ᠡᠷᠳᠡᠨᠢ ᠡ︕ | ᠤᠶᠠᠭᠠ ᠲᠠᠢ ᠪᠤᠳᠤᠭᠤᠨ ᠳᠠᠭᠠᠨ ᠪᠤᠶᠢᠯᠠᠩᠬᠠᠨ ᠶᠠᠭᠠᠷᠠᠵᠤ | ᠤᠨᠤᠯᠭᠠ ᠠᠴᠢᠯᠭᠠ ᠳᠤ ᠴᠦᠷᠬᠡᠯᠡᠬᠦᠯᠦ᠋ᠩᠬᠡᠨ ᠬᠦᠪᠦᠷᠡᠵᠦ | ᠰᠢᠯᠢ ᠵᠤᠭᠳᠤᠷ ᠢᠶᠠᠨ ᠰᠤᠭᠰᠤᠯᠵᠠᠭᠤᠯᠤᠩᠬᠠᠨ ᠵᠤᠨᠵᠢᠵᠦ | ᠰᠢᠷᠡᠮᠦᠨ ᠲᠠᠪᠠᠭᠠᠢ ᠪᠠᠨ ᠬᠢᠯᠠᠯᠵᠠᠭᠤᠯᠤᠩᠬᠠᠨ ᠲᠡᠰᠢᠵᠦ | ᠰᠢᠷᠭᠠᠯ ᠮᠠᠩᠬᠠ ᠶᠢ ᠲᠤᠭᠤᠴᠢᠩᠬᠠᠨ ᠲᠤᠭᠤᠯᠳᠠᠭ | ᠰᠢᠳᠡᠷᠡ ᠶᠢᠨ ᠬᠦᠯᠬᠡ ᠲᠡᠮᠡᠭᠡ ᠡᠷᠳᠡᠨᠢ ᠡ︕ | | |