ᠪ᠊ · ᠠᠳᠢᠶᠠ ︵ᠮᠣᠩᠭᠤᠯ︶ | ᠪᠠᠷᠭᠤ ᠪᠤᠷᠢᠶᠠᠳ ᠮᠣᠩᠭᠤᠯᠴᠤᠳ ᠤᠨ ᠤᠭ ᠤᠨ ᠪᠢᠴᠢᠭ | ᠤᠭ ᠤᠨ ᠪᠢᠴᠢᠭ ᠭᠡᠵᠤ ᠶᠠᠭᠤ ᠪᠣᠢ︖ | ᠮᠣᠩᠭᠤᠯᠴᠤᠳ ᠤᠨ ᠳᠤᠮᠳᠠ ᠥᠪᠡᠷᠰᠡᠳ ᠤᠨ ᠤᠳᠤᠮ ᠤᠨ ᠢᠶᠠᠨ ᠲᠡᠦᠬᠡ ᠶᠢ ᠤᠭ ᠢᠵᠠᠭᠤᠷ ᠤᠨ | ᠥᠨᠳᠦᠷ ᠲᠡᠭᠡᠳᠦ ᠡᠪᠦᠭᠡ ᠠᠴᠠ ᠪᠠᠨ ᠡᠬᠢᠯᠡᠨ ᠠᠮᠠᠨ ᠪᠣᠯᠤᠨ ᠪᠢᠴᠢᠭ ᠤᠨ ᠬᠡᠯᠪᠡᠷᠢ ᠪᠠᠷ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠬᠦ | ᠤᠯᠠᠮᠵᠢᠯᠠᠯ ᠨᠡᠩ ᠡᠷᠲᠡ ᠡᠭᠦᠰᠴᠦ᠂ ᠲᠡᠷᠡ ᠨᠢ ᠲᠤᠬᠠᠢ ᠶᠢᠨ ᠨᠡᠶᠢᠭᠡᠮ ᠤᠨ ᠢᠶᠠᠨ ᠬᠥᠭᠵᠢᠯ ᠤᠨ ᠲᠦᠪᠰᠢᠨ ᠲᠠᠢ | ᠬᠤᠯᠪᠤᠭᠳᠠᠨ ᠡᠬᠢᠨ ᠦᠶᠡ ᠳᠡᠭᠡᠨ ᠣᠪᠤᠭ ᠨᠡᠶᠢᠲᠡ ᠶᠢᠨ ᠲᠡᠦᠬᠡ ᠶᠢᠨ ᠲᠡᠮᠳᠡᠭᠯᠡᠯ ᠰᠢᠨᠵᠢᠲᠡᠢ ᠪᠠᠶᠢᠭᠠᠳ ᠣᠪᠤᠭ | ᠵᠠᠳᠠᠷᠠᠵᠤ ᠹᠸᠤᠳᠠᠯ ᠤᠨ ᠬᠠᠷᠢᠯᠴᠠᠭᠠ ᠡᠭᠦᠰᠴᠦ ᠬᠥᠭᠵᠢᠬᠦ ᠶᠢᠨ ᠬᠢᠷᠢ ᠪᠠᠷ ᠡᠷᠦᠬᠡ ᠭᠡᠷ ᠤᠨ ᠲᠡᠦᠬᠡ ᠪᠣᠯᠤᠨ | ᠬᠤᠪᠢᠷᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠨᠢ ᠹᠸᠤᠳᠠᠯ ᠤᠨ ᠨᠡᠶᠢᠭᠡᠮ ᠭᠦᠨᠵᠡᠭᠡᠶᠢᠷᠡᠨ ᠬᠥᠭᠵᠢᠬᠦ ᠶᠠᠪᠤᠴᠠ ᠳᠤ ᠨᠡᠶᠢᠭᠡᠮ ᠤᠨ | ᠠᠮᠢᠳᠤᠷᠠᠯ ᠳᠤ ᠭᠡᠷ ᠤᠨ ᠲᠡᠦᠬᠡ ᠶᠢᠨ ᠭᠦᠢᠴᠡᠳᠬᠡᠬᠦ ᠡᠭᠦᠷᠭᠡ ᠶᠡᠬᠡᠳᠡ ᠡᠭᠦᠰᠴᠦ᠂ ᠰᠤᠷᠪᠤᠯᠵᠢᠲᠤ ᠡᠷᠦᠬᠡ ᠪᠦᠷᠢ | ᠶᠢᠨ ᠵᠠᠶᠢᠯᠠᠰᠢ ᠦᠭᠡᠢ ᠬᠥᠲᠦᠯᠬᠦ ᠠᠯᠪᠠᠨ ᠪᠠᠷᠢᠮᠲᠠ ᠪᠣᠯᠵᠠᠢ᠃ | ᠣᠨ ᠲᠣᠭᠠᠯᠠᠯ ᠤᠨ 8 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠳᠤ ᠮᠣᠩᠭᠤᠯᠴᠤᠳ ᠣᠪᠤᠭ ᠨᠡᠶᠢᠲᠡ ᠶᠢᠨ ᠪᠣᠯᠤᠨ | ᠰᠤᠷᠪᠤᠯᠵᠢᠲᠤ ᠡᠷᠦᠬᠡ ᠠᠶᠢᠯ ᠤᠨ ᠡᠷᠡᠴᠦᠳ ᠤᠨ ᠦᠶᠡ ᠵᠠᠯᠭᠠᠮᠵᠢ ᠶᠢ ᠵᠢᠷᠤᠭᠯᠠᠭᠰᠠᠨ ᠲᠡᠦᠬᠡᠨ ᠲᠡᠮᠳᠡᠭᠯᠡᠯ | ᠬᠥᠲᠦᠯᠳᠡᠭ ᠪᠠᠶᠢᠭᠰᠠᠨ ᠢ 1240 ᠣᠨ ᠳᠤ ᠵᠣᠬᠢᠶᠠᠭᠳᠠᠭᠰᠠᠨ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ | ᠭᠡᠷᠡᠴᠢᠯᠡᠵᠦ ᠪᠠᠶᠢᠨᠠ᠃ | ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠪᠣᠯ ᠮᠠᠰᠢ ᠣᠯᠠᠨ ᠣᠪᠤᠭ ᠤᠨ ᠭᠠᠷᠤᠯ ᠡᠭᠦᠰᠦᠯ᠂ ᠲᠡᠭᠦᠨ ᠤ | ᠲᠡᠦᠬᠡ ᠶᠢ ᠲᠣᠪᠴᠢᠯᠠᠨ ᠪᠢᠴᠢᠭᠰᠡᠨ ᠰᠥᠮᠪᠦᠷ ᠣᠷᠬᠢᠯ ᠪᠢᠯᠡ᠃ | ᠭᠡᠷ ᠤᠨ ᠲᠡᠦᠬᠡ ᠶᠢ ᠬᠥᠲᠥᠯᠵᠦ ᠢᠷᠡᠭᠰᠡᠨ ᠪᠢᠴᠢᠭ ᠤᠨ ᠤᠯᠠᠮᠵᠢᠯᠡᠯ ᠶᠡᠷᠦᠩᠬᠡᠢ ᠳᠡᠭᠡᠨ ᠭᠤᠷᠪᠠᠨ ᠶᠠᠩᠵᠤ ᠪᠠᠶᠢᠨᠠ | ᠃ ᠡᠭᠦᠨ ᠳᠤ᠄ | ⒈ ᠳᠡᠭᠡᠷᠡ ᠠᠴᠠ ᠳᠣᠷᠤᠭᠰᠢ ᠴᠤᠪᠤᠭᠤᠯᠤᠨ ᠰᠠᠯᠪᠤᠷᠢᠯᠠᠭᠤᠯᠵᠤ ᠪᠢᠴᠢᠬᠦ︔ | ⒉ ᠮᠣᠳᠤᠨ ᠤ ᠰᠠᠷᠬᠢᠶᠠᠭ ᠮᠡᠲᠦ ᠲᠤᠭᠤᠷᠢᠭ ᠲᠠᠲᠠᠨ ᠬᠥᠲᠥᠯᠬᠦ︔ | ⒊ ᠮᠣᠳᠤᠨ ᠤ ᠮᠥᠴᠢᠷ ᠮᠡᠲᠦ ᠰᠠᠯᠪᠤᠷᠢᠯᠠᠭᠤᠯᠤᠨ ᠵᠢᠷᠤᠵᠤ ᠪᠢᠴᠢᠬᠦ ᠵᠡᠷᠭᠡ ᠭᠤᠷᠪᠠᠨ ᠬᠡᠯᠪᠡᠷᠢ ᠪᠠᠶᠢᠨᠠ᠃ | ᠡᠭᠦᠨ ᠠᠴᠠ ᠪᠠᠷᠭᠤ᠂ ᠪᠤᠷᠢᠶᠠᠳ ᠮᠣᠩᠭᠤᠯᠴᠤᠳ ᠤᠨ ᠤᠭ ᠤᠨ ᠪᠢᠴᠢᠭ ᠢᠶᠠᠨ ᠤᠯᠠᠮᠵᠢᠯᠠᠨ ᠢᠷᠡᠭᠰᠡᠨ | ᠭᠤᠷᠪᠠᠳᠠᠬᠢ ᠬᠤᠪᠢᠯᠪᠤᠷᠢ ᠪᠠᠷ ᠶᠡᠬᠡᠪᠴᠢᠯᠡᠨ ᠬᠥᠲᠥᠯᠵᠦ ᠢᠷᠡᠵᠡᠢ᠃ | ᠤᠭ ᠤᠨ ᠪᠢᠴᠢᠭ ᠡᠷᠲᠡᠨ ᠠᠴᠠ ᠬᠥᠲᠥᠯᠵᠦ ᠢᠷᠡᠭᠰᠡᠨ ᠡᠨᠡᠬᠦ ᠤᠯᠠᠮᠵᠢᠯᠠᠯ ᠮᠠᠨ ᠤ ᠳᠤ ᠨᠢᠭᠡᠨ ᠦᠶᠡ | ᠪᠦᠷᠭᠦᠭᠳᠡᠨ ᠲᠠᠰᠤᠷᠠᠭᠰᠠᠨ ᠪᠣᠯᠪᠠᠴᠤ ᠲᠠᠭᠦᠨ ᠤ ᠳᠠᠪᠲᠠᠭᠳᠠᠰᠢ ᠦᠭᠡᠢ ᠦᠨᠡ ᠴᠡᠨᠡ᠂ ᠤᠷᠤᠭ ᠲᠥᠷᠥᠯ | ᠪᠤᠯᠠᠩᠭᠢᠷᠲᠤᠬᠤ ᠦᠭᠡᠢ ᠴᠡᠪᠡᠷ ᠪᠠᠶᠢᠬᠤ ᠠᠴᠢ ᠬᠤᠯᠪᠤᠭᠳᠠᠯ ᠢ ᠤᠬᠠᠪᠤᠷᠢᠯᠠᠭᠰᠠᠨ ᠤ ᠦᠨᠳᠦᠰᠦᠨ ᠳᠡᠭᠡᠷᠡ ᠲᠥᠷᠥ | ᠠᠴᠠ ᠠᠬᠢᠨ ᠰᠡᠷᠭᠦᠭᠡᠬᠦ ᠠᠷᠭᠠ ᠬᠡᠮᠵᠢᠶᠡ ᠶᠢ ᠬᠤᠵᠢᠭᠤ ᠴᠦ ᠭᠡᠰᠡᠨ ᠠᠪᠤᠭᠰᠠᠨ᠃ | ᠲᠤᠬᠠᠶᠢᠯᠠᠪᠠᠯ᠂ ᠤᠭ ᠤᠨ ᠪᠢᠴᠢᠭ ᠰᠡᠷᠭᠦᠭᠡᠨ ᠬᠥᠲᠥᠯᠬᠦ ᠲᠤᠬᠠᠢ 1996 ᠣᠨ ᠳᠤ ᠪᠠᠲᠤᠯᠠᠭᠳᠠᠭᠰᠠᠨ | ᠮᠣᠩᠭᠤᠯ ᠤᠯᠤᠰ ᠤᠨ ᠰᠣᠶᠤᠯ ᠤᠨ ᠲᠤᠬᠠᠢ 2 ᠳ᠋ᠤᠭᠠᠷ ᠪᠣᠳᠢ ᠶᠢᠨ 5 ᠳ᠋ᠤᠭᠠᠷ ᠵᠦᠢᠯ ᠳᠤ ︽ᠭᠡᠷ ᠪᠦᠯᠢ ᠶᠢᠨ | ᠰᠣᠶᠤᠯ ᠬᠥᠮᠥᠵᠢᠯ ᠤᠨ ᠤᠯᠠᠮᠵᠢᠯᠠᠯ ᠢ ᠳᠡᠭᠡᠳᠦᠯᠡᠨ ᠬᠥᠭᠵᠢᠭᠦᠯᠵᠦ ᠤᠳᠬᠠ ᠤᠭᠰᠠᠭᠠ ᠮᠡᠳᠡᠬᠦ᠂ ᠤᠭ ᠤᠨ ᠪᠢᠴᠢᠭ | ᠬᠥᠲᠦᠯᠬᠦ︾ ᠭᠡᠵᠤ ᠵᠢᠭᠠᠭᠰᠠᠨ ᠪᠣᠢ᠃ ᠡᠭᠦᠨ ᠲᠠᠢ ᠬᠤᠯᠪᠤᠭᠳᠠᠭᠤᠯᠵᠤ ᠮᠣᠩᠭᠤᠯ ᠤᠯᠤᠰ ᠤᠨ ᠶᠡᠭᠡ ᠬᠤᠷᠠᠯ ᠤᠨ | 1996 ᠣᠨ ᠤ 22 ᠳ᠋ᠤᠭᠠᠷ ᠲᠣᠭᠲᠠᠭᠠᠯ ᠳᠤ ᠮᠣᠩᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠶᠢᠨ 1991 ᠣᠨ ᠤ | 115 ᠳ᠋ᠤᠭᠠᠷ ᠵᠠᠷᠯᠢᠭ᠂ ᠮᠣᠩᠭᠤᠯ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ 1997 ᠣᠨ ᠤ 17 ᠳ᠋ᠤᠭᠠᠷ | ᠲᠣᠭᠲᠠᠭᠠᠯ ᠤᠳ ᠲᠤᠰ ᠲᠤᠰ ᠭᠠᠷᠴᠠᠢ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠤᠭ ᠤᠨ ᠪᠢᠴᠢᠭ ᠢ ᠠᠷᠠᠳ ᠢᠷᠭᠡᠳ | ᠬᠥᠲᠥᠯᠵᠦ ᠣᠪᠤᠭ ᠤᠷᠤᠭ ᠤᠨ ᠲᠠᠨᠢᠯᠴᠠᠬᠤ ᠴᠤᠭᠯᠠᠷᠠᠯᠲᠠ᠂ ᠨᠠᠭᠠᠳᠤᠮ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠳᠠᠬᠤ ᠪᠣᠯᠤᠭᠰᠠᠨ᠃ | ᠣᠪᠤᠭ ᠭᠡᠵᠤ ᠶᠠᠭᠤ ᠪᠣᠢ︖ | ᠤᠭ ᠤᠨ ᠪᠢᠴᠢᠭ ᠤᠨ ᠦᠨᠳᠦᠰᠦ ᠪᠣᠯᠤᠭᠰᠠᠨ ᠣᠪᠤᠭ ᠲᠡᠭᠦᠨ ᠤ ᠲᠤᠬᠠᠢ ᠳᠤᠷᠠᠳᠪᠠᠯ ᠰᠤᠳᠤᠯᠤᠭᠠᠴᠢᠳ | ᠣᠪᠤᠭ ᠭᠡᠳᠡᠭ ᠢ ︽ᠨᠢᠭᠡᠨ ᠣᠪᠤᠭ ᠳᠡᠭᠡᠳᠦᠰ ᠠᠴᠠ ᠭᠠᠷᠤᠯᠲᠠᠢ ᠶᠠᠰᠤᠨ ᠲᠥᠷᠥᠯ ᠤᠨ ᠬᠤᠯᠪᠤᠭᠠ ᠪᠦᠬᠦᠢ ᠪᠦᠯᠦᠭ | ᠬᠥᠮᠥᠰ ᠤᠨ ᠳᠤᠮᠳᠠ ᠦᠶᠡ ᠤᠯᠠᠮᠵᠢᠯᠠᠨ ᠬᠡᠷᠡᠭᠯᠡᠳᠡᠭ ᠨᠡᠷᠡᠯᠡᠯ ᠪᠣᠯᠤᠨᠠ᠃ ᠡᠨᠡᠬᠦ ᠤᠯᠠᠮᠵᠢᠯᠠᠯ ᠬᠥᠮᠥᠨ ᠤ ᠨᠡᠶᠢᠭᠡᠮ | ᠳᠤ ᠡᠴᠢᠭᠡ ᠶᠢᠨ ᠡᠷᠬᠡᠲᠦ ᠶᠣᠰᠤ ᠨᠣᠶᠠᠷᠬᠠᠬᠤ ᠠᠴᠠ ᠡᠮᠦᠨᠡ ᠡᠬᠡ ᠶᠢᠨ ᠡᠷᠬᠡᠲᠦ ᠶᠣᠰᠤᠨ ᠤ ᠦᠶᠡ ᠠᠴᠠ | ᠤᠯᠪᠠᠭᠠ ᠲᠠᠢ ᠪᠥᠭᠡᠳ ᠲᠡᠭᠦᠨ ᠢ ︿ᠣᠮᠤᠭ﹀ ᠭᠡᠰᠡᠨ ᠤᠬᠠᠭᠳᠠᠬᠤᠨ ᠳᠤ ᠬᠠᠮᠢᠶᠠᠷᠠᠭᠤᠯᠵᠤ ᠪᠠᠶᠢᠵᠠᠢ︾ ᠭᠡᠰᠡᠨ | ᠪᠠᠶᠢᠳᠠᠭ᠃ | 12 — 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠶᠢᠨ ᠮᠣᠩᠭᠤᠯ᠂ ᠲᠦᠷᠺ ᠤᠭᠰᠠᠭᠠᠲᠠᠨ ᠨᠢ ᠣᠪᠤᠭ ᠤᠨ ︵ | ᠠᠶᠢᠮᠠᠭ︶ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠪᠠᠷ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠨᠡᠶᠢᠭᠡᠮ ᠤᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠳᠤ | ᠰᠢᠯᠵᠢᠭᠰᠡᠨ ᠪᠠᠶᠢᠨᠠ᠃ ︵ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠵᠣᠬᠢᠶᠠᠨ | ᠪᠠᠶᠢᠭᠤᠯᠤᠯᠲᠠ︶ | ᠲᠡᠷᠡ ᠦᠶᠡ ᠳᠤ ᠣᠳᠤ ᠶᠢᠨ ᠠᠶᠢᠮᠠᠭ ᠬᠡᠮᠡᠬᠦ ᠶᠢ ︽ᠤᠪᠠᠭ︾ ᠭᠡᠵᠤ ᠨᠡᠷᠡᠯᠡᠳᠡᠭ ᠪᠠᠶᠢᠭᠰᠠᠨ ᠪᠠ ᠡᠨᠡ | ᠲᠤᠬᠠᠢ ᠬᠡ᠊ · ᠫᠧᠷᠯᠠᠢ ᠠᠪᠤᠭᠠᠢ ᠲᠡᠮᠳᠡᠭᠯᠡᠯ ᠳᠡᠭᠡᠨ᠄ ᠲᠡᠷᠡ ︽ᠤᠪᠠᠭ︾ ᠭᠡᠳᠡᠭ ᠨᠢ ᠪᠢᠳᠡᠨ ᠤ ᠬᠡᠯᠡᠯᠴᠡᠭᠡ ᠪᠠᠷ | ᠵᠠᠩᠰᠢᠭᠰᠠᠨ ︽ᠠᠶᠢᠮᠠᠭ︾ ᠲᠠᠢ ᠤᠳᠬᠠ ᠳ᠋ᠦᠢᠵᠦ ᠪᠠᠶᠢᠨᠠ ᠭᠡᠵᠡᠢ᠃ ᠲᠡᠭᠡᠬᠦᠯᠡᠷ ᠲᠡᠦᠬᠡᠨ ᠬᠤᠭᠤᠴᠠᠭᠠᠨ ᠳᠤ | ᠣᠪᠤᠭ᠂ ᠠᠶᠢᠮᠠᠭ᠂ ᠣᠮᠤᠭ᠂ ᠡᠯᠺᠢᠨ᠂ ᠬᠠᠯᠠᠭᠠ᠂ ᠬᠦᠬᠦᠦᠷ ᠭᠡᠬᠦ ᠮᠡᠲᠦ ᠪᠠᠷ ᠮᠣᠩᠭᠤᠯ ᠤᠭᠰᠠᠭᠠᠲᠠᠨ ᠨᠤᠭᠤᠳ | ᠲᠤᠰ ᠪᠦᠷᠢ ᠳᠡᠭᠡᠨ ᠨᠡᠷᠡᠯᠡᠨ ᠢᠷᠡᠵᠡᠢ᠃ | ᠡᠨᠡᠬᠦ ᠣᠪᠤᠭ ᠭᠡᠳᠡᠭ ᠨᠢ ᠮᠣᠩᠭᠤᠯ ᠤᠭᠰᠠᠭᠠᠲᠠᠨ ᠪᠦᠷᠢᠯᠳᠦᠨ ᠲᠣᠭᠲᠠᠬᠤ ᠳᠤ ᠣᠨᠴᠠᠭᠠᠢ ᠡᠭᠦᠷᠭᠡ | ᠭᠦᠢᠴᠡᠳᠬᠡᠵᠡᠢ ᠬᠡᠮᠡᠨ ᠦᠵᠡᠵᠦ ᠪᠣᠯᠬᠤ ᠪᠠᠷ ᠪᠠᠶᠢᠨᠠ᠃ ᠲᠤᠬᠠᠶᠢᠯᠠᠪᠠᠯ ᠪᠦᠷᠲᠡ ᠴᠢᠨ᠋ᠸᠠ ᠠᠴᠠ ᠡᠬᠢ ᠲᠠᠢ | ᠪᠣᠷᠵᠢᠭᠢᠨ ᠣᠪᠤᠭ ᠤᠨ ᠬᠢᠨ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠣᠪᠤᠭ ᠤᠳ ᠳᠣᠲᠤᠷᠠ ᠠᠴᠠ ᠲᠣᠳᠤᠷᠠᠵᠤ ᠬᠠᠮᠤᠭ | ᠮᠣᠩᠭᠤᠯ ᠠᠴᠠ ᠠᠪᠤᠬᠤᠯᠬᠤ ᠳᠤ ᠶᠡᠭᠡ ᠮᠣᠩᠭᠤᠯ ᠭᠦᠷᠦᠨ ᠢ ᠪᠠᠶᠢᠭᠤᠯᠬᠤ ᠳᠤ ᠢᠮᠠᠭᠲᠠ ᠣᠷᠣᠶᠢᠯᠠᠨ ᠲᠡᠷᠢᠭᠦᠯᠡᠵᠦ | ᠢᠷᠡᠭᠰᠡᠨ ᠢ ᠲᠡᠦᠬᠡ ᠬᠡᠷᠡᠴᠢᠯᠡᠵᠦ ᠪᠠᠶᠢᠨᠠ᠃ | ᠡᠨᠡ ᠤᠳᠬᠠ ᠪᠠᠷ ᠢᠶᠠᠨ ᠣᠪᠤᠭ ᠨᠢ ᠥᠪᠡᠷ ᠤᠨ ᠨᠡᠷᠡ ᠬᠦᠨᠳᠦ᠂ ᠲᠡᠷᠢᠭᠦᠯᠡᠬᠦ ᠴᠢᠳᠠᠪᠤᠷᠢ ᠪᠠᠨ ᠬᠠᠳᠠᠭᠠᠯᠠᠵᠤ | ᠪᠠᠶᠢᠬᠤ ᠶᠢᠨ ᠲᠥᠯᠥᠭᠡ ᠴᠢᠷᠮᠠᠶᠢᠵᠤ ᠢᠷᠡᠭᠰᠡᠨ ᠢ ᠪᠠᠷᠭᠤ — ᠪᠤᠷᠢᠶᠠᠳ ᠠᠴᠠ ᠭᠠᠷᠤᠯ ᠲᠠᠢ ᠠᠯᠤᠨ ᠭᠤᠸᠠ ᠡᠬᠡ | ᠶᠢᠨ ᠳᠣᠮᠤᠭ ᠪᠠᠲᠤᠯᠠᠳᠠᠭ᠃ ᠳᠣᠮᠤᠭ ᠲᠤ ᠳᠤᠷᠠᠳᠤᠭᠰᠠᠨ ᠢᠶᠠᠷ ᠳᠡᠭᠡᠳᠦ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠲᠤ ᠲᠥᠷᠥᠭᠰᠡᠨ | ᠪᠦᠷᠲᠡ ᠴᠢᠨ᠋ᠸᠠ ᠶᠢᠨ ᠤᠳᠤᠮ ᠲᠡᠭᠷᠢ ᠶᠢᠨ ᠬᠦᠪᠡᠭᠦᠳ ᠲᠠ ᠨᠠᠷ ᠡᠶᠡ ᠡᠪ ᠲᠠᠢ ᠪᠠᠶᠢᠭ ᠬᠡᠮᠡᠨ ᠲᠠᠪᠤᠨ ᠰᠤᠮᠤ ᠶᠢᠨ | ᠰᠤᠷᠭᠠᠯ ᠢᠶᠠᠨ ᠠᠶᠢᠯᠠᠳᠤᠭᠰᠠᠨ ᠢᠶᠠᠷ ᠢᠶᠠᠨ ᠣᠪᠤᠭ ᠤᠨ ᠢᠶᠠᠨ ᠨᠡᠷᠡ ᠬᠦᠨᠳᠦ᠂ ᠪᠠᠲᠤ ᠨᠢᠭᠡᠳᠦᠯ ᠢ ᠬᠠᠮᠠᠭᠠᠯᠠᠵᠤ᠂ | ᠦᠶᠡ ᠶᠢᠨ ᠦᠶᠡ ᠳᠡᠭᠡᠨ ᠤᠯᠠᠮᠵᠢᠯᠠᠭᠤᠯᠵᠤ ᠢᠷᠡᠭᠰᠡᠨ ᠨᠢ ᠡᠳᠦᠭᠡ ᠴᠦ ᠲᠡᠦᠬᠡᠨ ᠠᠴᠢ ᠬᠤᠯᠪᠤᠭᠳᠠᠯ᠂ ᠦᠨᠡ | ᠴᠡᠨᠡ ᠪᠠᠨ ᠠᠯᠳᠠᠭᠠ ᠦᠭᠡᠢ ᠪᠠᠶᠢᠨᠠ᠃ | ︽ᠪᠠᠷᠭᠤ ᠣᠪᠤᠭ ᠦᠨᠳᠦᠰᠦᠲᠡᠨ ᠤ ᠭᠠᠷᠤᠯ ᠡᠭᠦᠰᠦᠯ ᠤᠨ ᠲᠤᠬᠠᠢ ᠪᠠᠷᠭᠤᠴᠤᠳ ᠤᠨ ᠲᠤᠬᠠᠢ ᠡᠷᠲᠡᠨ ᠤ | ᠭᠷᠧᠭ ᠤᠨ ᠲᠡᠦᠬᠡ᠂ ᠷᠤᠮ ᠤᠨ ᠲᠡᠦᠬᠡ᠂ ᠭᠧᠷᠦᠳᠢᠲ ᠤᠨ ᠲᠡᠦᠬᠡ᠂ ᠭᠤᠶᠢᠮᠧᠷ ᠤᠨ ᠲᠤᠤᠯᠢᠰ᠂ ᠭᠢᠷᠭᠢᠰ ᠤᠨ ᠮᠠᠨᠠᠰ | ᠬᠡᠮᠡᠬᠦ ᠠᠯᠳᠠᠷᠲᠤ ᠲᠤᠤᠯᠢᠰ ᠠᠴᠠ ᠭᠠᠳᠠᠨᠠ ᠸᠧᠢ ︵ᠣᠨ ᠲᠣᠭᠠᠯᠠᠯ ᠤᠨ ᠡᠮᠦᠨᠡ 220 — 265 ᠣᠨ︶᠂ | ᠰᠦᠢ ︵ᠣᠨ ᠲᠣᠭᠠᠯᠠᠯ ᠤᠨ 589 — 618 ᠣᠨ︶ ᠲᠠᠩ ︵ᠣᠨ ᠲᠣᠭᠠᠯᠠᠯ ᠤᠨ 618 — 907 | ᠣᠨ︶ ᠤᠯᠤᠰ ᠵᠡᠷᠭᠡ ᠭᠠᠳᠠᠭᠠᠳᠤ ᠳᠣᠲᠤᠭᠠᠳᠤ ᠶᠢᠨ ᠰᠤᠷᠪᠤᠯᠵᠢ ᠲᠡᠦᠬᠡᠨ ᠳᠤ ᠲᠡᠮᠳᠡᠭᠯᠡᠭᠳᠡᠵᠦ᠂ ᠲᠡᠭᠦᠨ ᠤ | ᠲᠡᠦᠬᠡᠨ ᠤᠯᠠ ᠮᠥᠷ ᠠᠽᠢᠶᠠ᠂ ᠡᠸᠦ᠋ᠷᠦᠫᠡ ᠶᠢᠨ ᠬᠤᠶᠠᠷ ᠲᠢᠪ ᠢ ᠰᠤᠨᠳᠠᠯᠠᠵᠠᠢ︾ ᠬᠡᠮᠡᠨ ᠥᠪᠥᠷᠯᠡᠭᠴᠢ ᠮᠢᠩᠭᠠᠳ | ᠱ᠊ · ᠲᠦᠩᠰᠢᠭ ᠪᠦᠲᠦᠭᠡᠯ ᠳᠡᠭᠡᠨ ᠲᠤᠷᠠᠳᠤᠭᠰᠠᠨ ᠪᠠᠶᠢᠳᠠᠭ᠃ ᠲᠡᠷᠡᠪᠡᠷ ︽ᠪᠠᠷᠭᠤ ᠤᠳ ᠤᠨ ᠡᠷᠲᠡᠨ ᠤ ᠪᠢᠴᠢᠭ | ᠳᠠᠭᠤᠳᠠᠯᠭᠠ ᠨᠢ ᠪᠠᠷᠢᠭ ᠪᠤᠶᠤ ᠪᠠᠷᠦ᠋ᠭ᠂ ᠪᠠᠷᠢᠭ ᠪᠣᠯ ᠨᠡᠶᠢᠲᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ ᠡᠮᠦᠨᠡ 14 ᠳ᠋ᠤᠭᠡᠷ | ᠵᠠᠭᠤᠨ ᠠᠴᠠ ᠡᠮᠦᠨᠡ ᠪᠠᠷᠭᠤ ᠠᠽᠢᠶᠠ ᠶᠢᠨ ᠰᠠᠭᠠᠷᠢ ︵︶ ᠭᠤᠣᠯ ᠤᠨ ᠰᠠᠪᠠ ᠣᠷᠤᠨ ᠳᠤ ᠲᠥᠷᠥ ᠪᠠᠶᠢᠭᠤᠯᠤᠭᠰᠠᠨ | ᠪᠠᠷᠢᠭ ᠮᠥᠨ᠃ ᠲᠡᠳᠡᠨ ᠤ ᠤᠤᠭᠠᠯ ᠨᠤᠲᠤᠭ ᠨᠢ ᠶᠧᠹᠷᠠᠲ ᠮᠥᠷᠡᠨ ᠤ ᠳᠡᠭᠡᠳᠦ ᠰᠠᠯᠪᠤᠷᠢ ᠤᠷᠤᠰᠬᠠᠯ ᠬᠠᠪᠠᠷ | ᠭᠤᠣᠯ ᠤᠨ ᠰᠠᠪᠠ ᠣᠷᠤᠨ ᠭᠡᠵᠤ ᠡᠷᠳᠡᠮᠲᠡᠳ ᠮᠥᠷᠳᠡᠨ ᠰᠤᠳᠤᠯᠵᠤ ᠲᠣᠳᠤᠷᠬᠠᠶᠢᠯᠠᠪᠠ︾ ᠭᠡᠵᠡᠢ᠃ ᠮᠥᠨ ᠲᠡᠦᠬᠡ | ᠰᠤᠷᠪᠤᠯᠵᠢ ᠤᠳ ᠲᠤ ᠪᠢᠴᠢᠭᠰᠡᠨ ᠢᠶᠠᠷ ᠪᠣᠯ ᠪᠠᠷᠭᠤ ᠤᠳ ᠤᠨ ᠡᠯᠦᠨᠴᠡ ᠦᠶᠡ ᠣᠨ ᠲᠣᠭᠠᠯᠠᠯ ᠤᠨ ᠡᠮᠦᠨᠡ 3 | ᠳ᠋ᠤᠭᠠᠷ ᠵᠠᠭᠤᠨ ᠳᠤ ᠮᠣᠩᠭᠤᠯᠴᠤᠳ ᠤᠨ ᠬᠤᠯᠪᠤᠭᠠ ᠪᠤᠶᠤ ᠲᠡᠭᠦᠨ ᠤ ᠤᠮᠠᠷᠠᠳᠤ ᠰᠠᠯᠪᠤᠷᠢ ᠪᠣᠯᠬᠤ ᠿᠧᠦ ᠿᠠᠨ ᠤ | ᠬᠠᠷᠢᠶᠠᠨ ᠳᠤ ᠪᠠᠭᠲᠠᠵᠤ ᠪᠠᠶᠢᠭᠠᠳ ᠤᠭ ᠬᠤᠯᠪᠤᠭᠠ ᠵᠠᠳᠠᠷᠠᠨ ᠰᠠᠷᠨᠢᠬᠤ ᠳᠤ ᠡᠳᠡᠨ ᠢ ᠣᠨ ᠲᠣᠭᠠᠯᠠᠯ ᠤᠨ 4 | ᠳ᠋ᠤᠭᠡᠷ ᠵᠠᠭᠤᠨ ᠬᠦᠷᠲᠡᠯᠡ ᠬᠡᠳᠦᠨ ᠵᠠᠭᠤᠨ ᠵᠢᠯ ᠤᠨ ᠤᠷᠲᠤ ᠬᠤᠭᠤᠴᠠᠭᠠᠨ ᠳᠤ ᠾᠦᠩᠨᠦ ᠭᠦᠷᠦᠨ ︵ᠣᠨ | ᠲᠣᠭᠠᠯᠠᠯ ᠤᠨ ᠡᠮᠦᠨᠡ 209 — ᠣᠨ ᠲᠣᠭᠠᠯᠠᠯ ᠤᠨ 91 ᠣᠨ︶ ᠬᠢᠭᠡᠳ ᠰᠢᠶᠠᠨᠪᠢ ︵ᠣᠨ ᠲᠣᠭᠠᠯᠠᠯ ᠤᠨ | 150 — 235 ᠣᠨ︶ ᠬᠦᠷᠦᠨ ᠳᠤ ᠬᠦᠴᠦ ᠪᠠᠨ ᠡᠷᠭᠦᠵᠦ ᠶᠠᠪᠤᠭᠰᠠᠨ ᠪᠥᠭᠡᠳ ᠲᠦᠷᠡᠭ ᠤᠭᠰᠠᠭᠠᠲᠠᠨ | ᠲᠧᠶᠧᠯᠧ ᠶᠢᠨ ᠰᠠᠯᠪᠤᠷᠢ ᠯᠤᠭᠠ ᠬᠤᠯᠢᠯᠳᠤᠨ ᠢᠵᠢᠯᠰᠡᠨ ᠢᠷᠡᠵᠡᠢ ᠭᠡᠳᠡᠭ᠃ | ᠡᠶᠢᠮᠦ ᠠᠴᠠ ︽ᠪᠠᠷᠭᠤᠴᠤᠳ ᠨᠢ ᠴᠣᠯ ᠲᠦᠷᠡᠭ ᠭᠠᠷᠤᠯ ᠲᠠᠢ ᠬᠥᠮᠥᠰ ᠪᠢᠰᠢ ᠮᠠᠶ᠋ᠢᠭ ᠲᠠᠢ᠂ ᠬᠠᠷᠢᠨ ᠤᠷᠲᠤ | ᠤᠳᠠᠭᠠᠨ ᠵᠢᠯ ᠤᠨ ᠬᠥᠭᠵᠢᠯ ᠤᠨ ᠶᠠᠪᠤᠴᠠ ᠳᠤ ᠲᠦᠷᠡᠭ ᠬᠥᠮᠥᠰ ᠪᠣᠯᠤᠨ ᠮᠤᠨ ᠤᠭᠰᠠᠭᠠᠲᠠᠨ ᠬᠠᠷᠢᠯᠴᠠᠨ | ᠢᠵᠢᠯᠰᠡᠵᠦ ᠨᠡᠶᠢᠯᠡᠵᠦ ᠪᠦᠷᠢᠯᠳᠦᠭᠰᠡᠨ ᠲᠦᠷᠡᠭᠵᠢᠭᠰᠡᠨ ᠮᠣᠩᠭᠤᠯᠴᠤᠳ ᠪᠣᠯᠤᠨᠠ᠃ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ | ᠪᠠᠷᠭᠤᠴᠤᠳ ᠪᠣᠯ ᠲᠦᠷᠡᠭᠵᠢᠭᠰᠡᠨ ᠮᠣᠩᠭᠤᠯ ᠬᠥᠮᠥᠨ︾ ᠭᠡᠵᠤ ᠥᠪᠥᠷᠯᠡᠭᠴᠢ ᠱᠠᠭᠳᠠᠷ ᠤᠨ ᠰᠣᠩᠳᠤᠢ ᠪᠢᠴᠢᠭᠰᠡᠨ | ᠪᠠᠶᠢᠳᠠᠭ᠃ | ᠶᠠᠮᠠᠷ ᠲᠠᠢ ᠴᠦ ᠨᠢᠭᠤᠴᠠ ᠲᠣᠪᠴᠢᠶᠠᠨ ᠤ 239 ᠳ᠋ᠤᠭᠡᠷ ᠨᠢᠭᠤᠷ ᠲᠤ ᠳᠤᠷᠠᠳᠤᠭᠰᠠᠨ ᠢᠶᠠᠷ ︽ᠲᠠᠤᠯᠠᠢ ᠵᠢᠯ | ︵1207 ᠣᠨ︶ ᠵᠦᠴᠢ ᠶᠢ ᠪᠠᠷᠠᠭᠤᠨ ᠭᠠᠷᠤᠨ ᠴᠡᠷᠢᠭ ᠤᠳ ᠢᠶᠠᠷ ᠣᠢ ᠶᠢᠨ ᠢᠷᠭᠡᠳ ᠲᠤ ᠮᠣᠷᠳᠠᠭᠤᠯᠪᠠ ᠁ | ᠵᠦᠴᠢ ᠣᠶᠢᠷᠠᠳ᠂ ᠪᠤᠷᠢᠶᠠᠳ᠂ ᠪᠠᠷᠭᠤᠳ᠂ ᠤᠷᠠᠴᠤᠳ᠂ ᠬᠠᠪᠬᠠᠨᠠᠰ᠂ ᠲᠤᠪᠠ ᠲᠡᠷᠢᠭᠦᠲᠡᠨ ᠢ ᠣᠷᠤᠭᠤᠯᠤᠭᠠᠳ ᠁ | ︾ ᠭᠡᠰᠡᠨ ᠠᠴᠠ ᠬᠤᠶᠢᠰᠢ ᠶᠡᠭᠡ ᠮᠣᠩᠭᠤᠯ ᠤᠯᠤᠰ ᠤᠨ ᠭᠠᠵᠠᠷ ᠨᠤᠲᠤᠭ ᠠᠴᠠ ᠣᠶᠢᠵᠤ ᠬᠠᠯᠢᠭᠠ ᠦᠭᠡᠢ᠂ ᠣᠳᠤ | ᠶᠢ ᠬᠦᠷᠲᠡᠯᠡ ᠲᠤᠰ ᠲᠤᠰ ᠤᠨ ᠨᠤᠲᠤᠭ ᠲᠠᠭᠠᠨ ᠰᠠᠭᠤᠷᠢᠰᠢᠵᠤ ᠠᠵᠤ ᠲᠥᠷᠥᠵᠦ ᠪᠠᠶᠢᠭᠠ ᠮᠣᠩᠭᠤᠯ ᠤᠭᠰᠠᠭᠠᠲᠠᠨ | ᠵᠣᠨ ᠣᠯᠠᠨ ᠪᠢᠯᠡ᠃ | ᠪᠠᠷᠭᠤ ᠬᠡᠮᠡᠬᠦ ᠨᠡᠷᠡ ᠶᠢᠨ ᠲᠤᠬᠠᠢ | ᠡᠨᠡ ᠨᠡᠷᠡ ᠶᠢᠨ ᠲᠤᠬᠠᠢ ᠰᠤᠳᠤᠯᠭᠠ ᠨᠤᠭᠤᠳ ᠢ ᠲᠣᠶᠢᠮᠤᠯᠠᠬᠤ ᠳᠤ᠄ | ⒈ ᠪᠠᠷᠭᠤ ᠬᠡᠮᠡᠬᠦ ᠬᠥᠮᠥᠨ ᠤ ᠨᠡᠷᠡ ᠠᠴᠠ ᠡᠭᠦᠰᠦᠯ ᠲᠠᠢ︔ | ⒉ ᠪᠠᠷᠭᠦ᠋ ︵︶ ᠬᠡᠮᠡᠬᠦ ᠬᠦᠴᠦ ᠴᠢᠳᠠᠯ ᠲᠠᠢ ᠨᠢᠭᠡᠨ ᠲᠥᠷᠥᠯ ᠤᠨ ᠨᠣᠬᠠᠢ ᠶᠢᠨ ᠨᠡᠷᠡ ᠠᠴᠠ ᠡᠭᠦᠰᠦᠯ ᠲᠠᠢ︔ | ⒊ ᠪᠠᠷᠭᠤᠵᠢᠨ ᠳᠥᠬᠦᠮ ᠭᠡᠳᠡᠭ ᠭᠠᠵᠠᠷ ᠤᠰᠤᠨ ᠤ ᠨᠡᠷᠡ ᠠᠴᠠ ᠡᠭᠦᠰᠦᠯ ᠲᠠᠢ︔ | ⒋ ᠲᠦᠷᠡᠭ ᠬᠡᠯᠡᠨ ᠤ ᠪᠠᠶᠧᠷᠭᠦ᠋ ᠭᠡᠳᠡᠭ ᠦᠭᠡ ᠠᠴᠠ ᠢᠷᠡᠯ ᠲᠠᠢ ᠭᠡᠬᠦ ᠮᠡᠲᠦ ᠪᠠᠷ ᠰᠤᠳᠤᠯᠤᠭᠠᠴᠢᠳ | ᠦᠵᠡᠭᠰᠡᠨ ᠪᠠᠶᠢᠨᠠ᠃ | ᠳᠡᠭᠡᠷᠡᠬᠢ ᠠᠴᠠ᠄ ᠪᠠᠷᠭᠤᠴᠤᠳ ᠨᠢ ᠪᠠᠷᠭᠤᠵᠢᠨ ᠳᠦᠬᠦᠮ ᠳᠤ 9 ᠳ᠋ᠤᠭᠡᠷ ᠵᠠᠭᠤᠨ ᠤ ᠦᠶᠡ ᠳᠤ ᠨᠡᠭᠦᠳᠡᠯᠯᠡᠨ | ᠢᠷᠡᠭᠰᠡᠨ ᠠᠴᠠ ᠬᠤᠯᠠ ᠡᠮᠦᠨᠡ 3 ᠳ᠋ᠤᠭᠠᠷ ᠵᠠᠭᠤᠨ ᠤ ᠲᠡᠦᠬᠡ ᠲᠡᠮᠳᠡᠭᠯᠡᠯ ᠳᠤ ᠪᠠᠷᠭᠤ ᠨᠡᠷᠡ ᠪᠠᠷ ᠲᠡᠮᠳᠡᠭᠯᠡᠭᠳᠡᠭᠰᠡᠨ | ᠭᠡᠵᠤ ᠡᠷᠳᠡᠮᠲᠡᠳ ᠦᠵᠡᠭᠰᠡᠨ ᠪᠣᠢ᠃ ᠬᠠᠷᠢᠨ ᠪᠠᠷᠭᠤ ᠭᠡᠳᠡᠭ ᠪᠣᠳᠠᠲᠤ ᠬᠥᠮᠥᠨ ᠪᠥᠭᠡᠳ ᠡᠷᠲᠡᠨ ᠤ ᠨᠢᠭᠡᠨ ᠠᠶᠢᠮᠠᠭ | ᠤᠨ ᠲᠡᠷᠢᠭᠦᠨ ᠶᠠᠪᠤᠵᠠᠢ᠃ ᠲᠡᠷᠡ ᠠᠶᠢᠮᠠᠭ ᠳᠣᠲᠤᠷᠠᠬᠢ ᠣᠪᠤᠭ ᠶᠠᠰᠤᠲᠠᠨ ᠨᠤᠭᠤᠳ ︽ᠪᠢᠳᠡ ᠪᠠᠷᠭᠦ᠋ ᠶᠢᠨ | ᠬᠠᠷᠢᠶᠠᠲᠤ ᠢᠷᠭᠡᠳ᠂ ᠪᠠᠷᠭᠦ᠋ ᠬᠥᠮᠥᠰ ᠪᠤᠶᠤ ᠪᠠᠷᠭᠤᠴᠤᠳ ᠭᠡᠵᠡᠭᠡᠬᠦ ᠪᠣᠯᠤᠭᠰᠠᠨ ᠠᠴᠠ ᠡᠨᠡ ᠨᠢ ᠶᠠᠪᠤᠨ | ᠶᠠᠪᠤᠭᠰᠠᠭᠠᠷ ᠪᠠᠷᠭᠤ ᠶᠠᠰᠤᠲᠠᠨ ᠤ ᠨᠢᠭᠡ ᠪᠣᠯᠵᠤ ᠬᠤᠪᠢᠷᠠᠵᠠᠢ︾ ᠭᠡᠰᠡᠨ ᠳ᠋ᠦᠩᠨᠡᠯᠲᠡ ᠶᠢ ᠰᠤᠳᠤᠯᠤᠭᠠᠴᠢᠳ ᠬᠢᠭᠰᠡᠨ | ᠪᠠᠶᠢᠳᠠᠭ᠃ | ᠨᠥᠭᠦᠭᠡ ᠲᠠᠯᠠ ᠪᠠᠷ ︽ᠪᠠᠷᠭᠦ᠋ ︵︶᠂ ᠪᠠᠷᠭᠦ᠋ ︵︶ ᠨᠢ ᠲᠦᠷᠡᠭ ᠬᠡᠯᠡᠨ ᠤ ᠪᠠᠷᠦ᠋ᠭ᠂ ᠪᠠᠷᠭᠠ ᠭᠡᠰᠡᠨ ᠦᠭᠡ | ᠪᠥᠭᠡᠳ ᠡᠨᠡ ᠰᠢᠳᠡᠭ ᠨᠣᠬᠠᠢ ᠪᠤᠶᠤ ᠴᠢᠨ᠋ᠸᠠ ᠶᠢᠨ ᠨᠡᠷᠡ ᠪᠣᠯᠤᠨᠠ︾ ᠭᠡᠵᠤ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠢ ᠦᠨᠳᠦᠰᠦᠯᠡᠵᠦ | ᠪᠠᠷᠭᠤ ᠪᠣᠯ ᠬᠥᠮᠥᠨ ᠤ ᠨᠡᠷᠡ ᠪᠥᠭᠡᠳ ᠨᠡᠷᠡ ᠶᠢᠨ ᠤᠳᠬᠠ ᠨᠢ ᠨᠣᠬᠠᠢ ᠭᠡᠰᠡᠨ ᠦᠭᠡ ᠪᠣᠯᠤᠨᠠ᠃ | ᠨᠣᠬᠠᠢ ᠭᠡᠳᠡᠭ ᠦᠭᠡ ᠶᠢ ᠡᠷᠳᠡᠮᠲᠡᠨ ᠱ᠊ · ᠭᠠᠳᠠᠮᠪᠠ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ ᠤ ᠰᠤᠳᠤᠯᠤᠯ | ᠤᠨ ᠵᠠᠷᠢᠮ ᠠᠰᠠᠭᠤᠳᠠᠯ︾ ᠪᠦᠲᠦᠭᠡᠯ ᠳᠡᠭᠡᠨ ᠨᠣᠬᠠᠢ ᠶᠢ ᠵᠥᠪᠬᠡᠨ ᠮᠣᠩᠭᠤᠯ ᠳᠤ ᠴᠦ ᠪᠢᠰᠢ᠂ ᠶᠡᠷᠦ ᠨᠢ ᠲᠥᠪ | ᠠᠽᠢᠶᠠ ᠶᠢᠨ ᠨᠡᠭᠦᠳᠡᠯᠴᠢᠨ ᠠᠶᠢᠮᠠᠭ᠂ ᠲᠤᠬᠠᠶᠢᠯᠠᠪᠠᠯ ᠵᠠᠷᠢᠮ ᠲᠦᠷᠺ ᠦᠨᠳᠦᠰᠦᠲᠡᠨ ᠳᠤ ᠴᠦ ᠮᠥᠨ ︽ᠦᠨᠡᠨᠴᠢ | ᠢᠲᠡᠭᠡᠯ︾ ᠲᠠᠢ ᠶᠢᠨ ᠪᠤᠶᠤ ︽ᠪᠣᠭᠤᠯ ᠮᠡᠲᠦ ᠬᠦᠯᠢᠴᠡᠩᠭᠦᠢ︾ ᠶᠢᠨ ᠪᠡᠯᠭᠡᠳᠡᠯ ᠪᠣᠯᠭᠠᠨ ᠦᠵᠡᠳᠡᠭ ᠵᠠᠩᠰᠢᠯ | ᠤᠯᠠᠮᠵᠢᠯᠠᠯ ᠪᠠᠶᠢᠭᠰᠠᠨ ᠁ ᠭᠡᠵᠡᠢ᠃ ᠮᠥᠨ ᠴᠠᠭᠠᠰᠢ ᠨᠢ ︽ᠮᠣᠩᠭᠤᠯ ᠤᠨ ᠹᠸᠤᠳᠠᠯ ᠤᠨ ᠪᠡᠯᠭᠡ ᠲᠡᠮᠳᠡᠭ ᠤᠨ | ᠬᠡᠯᠡᠨ ᠳᠤ ᠦᠨᠡᠨᠴᠢ ᠵᠢᠷᠤᠮ ᠲᠠᠢ᠂ ᠪᠠᠲᠤ ᠢᠲᠡᠭᠡᠯ ᠲᠠᠢ ᠶᠢᠨ ᠳᠦᠷᠢ ᠶᠢ ᠲᠥᠯᠥᠭᠡᠯᠡᠨ ᠭᠠᠷᠳᠠᠭ ︽ᠨᠣᠬᠠᠢ︾ | ᠭᠡᠵᠤ ᠪᠢᠴᠢᠭᠰᠡᠨ ᠪᠣᠢ᠃ | ᠡᠶᠢᠮᠦ ᠠᠴᠠ ᠪᠠᠷᠬᠦ᠋ ᠨᠢ ᠪᠣᠳᠠᠲᠤ ᠬᠥᠮᠥᠨ ᠪᠠᠶᠢᠭᠰᠠᠨ ᠠᠭᠠᠳ ᠲᠡᠷᠡᠪᠡᠷ ᠪᠡᠯᠭᠡᠳᠡᠯ ᠤᠨ ᠤᠳᠬᠠ ᠪᠦᠬᠦᠢ ᠨᠡᠷᠡ | ᠦᠭᠡ᠂ ᠡᠭᠦᠪᠡᠷ ᠡᠨᠡ ᠣᠪᠤᠭ ᠦᠨᠳᠦᠰᠦᠲᠡᠨ ᠪᠠᠶᠢᠨᠠ ᠭᠡᠵᠤ ᠦᠵᠡᠬᠦ ᠨᠢ ᠦᠨᠡᠨ ᠳᠤ ᠣᠶᠢᠷᠠᠲᠤᠬᠤ ᠪᠣᠯᠤᠨᠠ᠃ | ᠪᠠᠷᠭᠤ ᠪᠤᠷᠢᠶᠠᠳ ᠮᠣᠩᠭᠤᠯᠴᠤᠳ ᠤᠨ ᠤᠭ ᠤᠨ ᠪᠢᠴᠢᠭ | ⒈ ᠪᠠᠷᠭᠤ — ᠪᠤᠷᠢᠶᠠᠳ ᠮᠣᠩᠭᠤᠯᠴᠤᠳ ᠢ ᠪᠦᠷᠢᠯᠳᠦᠭᠦᠯᠵᠦ ᠪᠣᠢ ᠵᠣᠩᠬᠢᠯᠠᠬᠤ 250 ᠭᠠᠷᠤᠢ ᠣᠪᠤᠭ | ᠬᠠᠯᠠ ᠬᠦᠬᠦᠦᠷ ᠤᠳ ᠢ ᠬᠠᠮᠤᠷᠤᠭᠤᠯᠤᠭᠰᠠᠨ ᠢᠶᠠᠷ ᠢᠶᠠᠨ ᠤᠭ ᠤᠨ ᠡᠬᠢ ᠪᠢᠴᠢᠭ ᠪᠣᠯᠤᠨᠠ ᠭᠡᠵᠤ ᠦᠵᠡᠵᠦ ᠪᠠᠶᠢᠨᠠ | ᠃ ᠤᠭ ᠤᠨ ᠪᠢᠴᠢᠭ ᠤᠳ ᠨᠢ ᠵᠥᠪᠬᠡᠨ ᠨᠢᠭᠡ ᠣᠪᠤᠭ ᠠᠴᠠ ᠡᠭᠦᠰᠦᠯ ᠲᠠᠢ ᠤᠷᠤᠭ ᠢ ᠰᠠᠯᠪᠤᠷᠢᠯᠠᠭᠤᠯᠤᠨ | ᠳᠡᠯᠭᠡᠷᠡᠭᠦᠯᠵᠦ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ ᠪᠣᠯ ᠡᠨᠡᠬᠦ ᠤᠭ ᠤᠨ ᠪᠢᠴᠢᠭᠡᠰᠦ ᠨᠢ ᠪᠠᠷᠭᠤ ᠪᠤᠷᠢᠶᠠᠳ ᠵᠣᠨ ᠣᠯᠠᠨ ᠤ ᠶᠠᠮᠠᠷ | ᠴᠦ ᠣᠪᠤᠭ ᠤᠨ ᠬᠥᠮᠥᠨ ᠤᠷᠤᠭ ᠤᠨ ᠢᠶᠠᠨ ᠡᠬᠢ ᠶᠢ ᠲᠣᠭᠲᠠᠭᠠᠵᠤ᠂ ᠡᠭᠦᠨ ᠠᠴᠠ ᠴᠠᠭᠠᠰᠢ ᠦᠷᠭᠦᠯᠵᠢᠯᠡᠭᠦᠯᠦᠨ | ᠪᠢᠴᠢᠬᠦ ᠪᠣᠯᠤᠮᠵᠢ ᠲᠠᠢ ᠤᠴᠢᠷ ᠡᠶᠢᠨ ᠬᠦ ᠨᠡᠷᠡᠯᠡᠬᠦ ᠦᠨᠳᠦᠰᠦ ᠲᠠᠢ ᠭᠡᠵᠤ ᠦᠵᠡᠵᠦ ᠪᠠᠶᠢᠨᠠ᠃ | ⒉ ᠤᠭ ᠤᠨ ᠪᠢᠴᠢᠭ ᠲᠤ ᠤᠳᠤᠮ ᠤᠭᠰᠠᠭᠠᠨ ᠤ ᠦᠶᠡᠴᠢᠯᠡᠯ ᠲᠣᠭᠲᠠᠭᠠᠵᠤ ᠤᠷᠤᠭ ᠤᠨ ᠨᠡᠷᠡ ᠶᠢᠨ ᠡᠮᠦᠨᠡ | ᠪᠢᠴᠢᠪᠠ᠃ ᠤᠳᠤᠮ ᠤᠭᠰᠠᠭᠠᠨ ᠤ ᠦᠶᠡᠴᠢᠯ ᠢ ᠲᠣᠭᠲᠠᠭᠠᠬᠤ ᠳᠠᠭᠠᠨ ᠮᠣᠩᠭᠤᠯ ᠤᠨ ᠲᠡᠦᠬᠡ ᠲᠠᠢ | ᠤᠶᠠᠯᠳᠤᠭᠤᠯᠵᠤ ᠪᠦᠷᠲᠡ ᠴᠢᠨ᠋ᠸᠠ ᠶᠢᠨ ᠲᠥᠷᠥᠭᠰᠡᠨ ᠣᠨ ᠴᠠᠭ ᠢ ᠨᠢᠭᠡᠳᠦᠭᠡᠷ ᠦᠶᠡ ᠪᠣᠯᠭᠠᠨ ᠠᠪᠤᠯᠠ᠃ | ᠡᠭᠦᠨ ᠤ ᠠᠴᠢ ᠬᠤᠯᠪᠤᠭᠳᠠᠯ ᠨᠢ᠄ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠲᠡᠦᠬᠡᠨ ᠬᠥᠮᠥᠨ ᠢ ᠲᠡᠷᠡ ᠴᠠᠭ | ᠤᠨ ᠪᠤᠰᠤᠳ ᠮᠣᠩᠭᠤᠯ ᠤᠭᠰᠠᠭᠠᠨ ᠤ ᠲᠡᠦᠬᠡᠲᠦ ᠬᠥᠮᠥᠰ ᠤᠨ ᠦᠢᠯᠡ ᠶᠠᠪᠤᠳᠠᠯ ᠲᠠᠢ ᠤᠶᠠᠯᠳᠤᠭᠤᠯᠤᠨ | ᠬᠠᠷᠢᠴᠠᠭᠤᠯᠬᠤ ᠳᠤ ᠣᠷᠤᠰᠢᠨᠠ᠃ ᠲᠤᠬᠠᠶᠢᠯᠠᠪᠠᠯ᠄ ᠠᠯᠤᠨ ᠭᠤᠸᠠ ᠬᠠᠲᠤᠨ 944 ᠣᠨ ᠳᠤ ᠲᠥᠷᠥᠭᠡᠳ 980 | ᠣᠨ ᠳᠤ ᠨᠠᠰᠤ ᠪᠠᠷᠠᠭᠰᠠᠨ ᠪᠣᠯᠤᠯᠲᠠᠢ ᠭᠡᠵᠤ ᠲᠡᠦᠬᠡ ᠰᠤᠳᠤᠯᠤᠭᠠᠴᠢ ᠨᠠᠷ ᠤᠨ ᠲᠣᠭᠲᠠᠭᠠᠭᠰᠠᠨ ᠣᠨ ᠴᠠᠭ᠃ | ᠪᠦᠷᠲᠡ ᠴᠢᠨ᠋ᠸᠠ ᠶᠢᠨ 12 ᠳ᠋ᠤᠭᠠᠷ ᠦᠶᠡ ᠶᠢᠨ ᠲᠣᠪᠤ ᠮᠡᠷᠭᠡᠨ ᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ 10 ᠳ᠋ᠤᠭᠠᠷ ᠵᠠᠭᠤᠨ ᠤ | ᠦᠶᠡ ᠲᠠᠢ ᠲᠣᠬᠢᠷᠠᠵᠤ ᠪᠠᠶᠢᠬᠤ ᠰᠢᠨᠵᠢ ᠲᠠᠢ᠃ | ⒊ ᠤᠭ ᠤᠨ ᠪᠢᠴᠢᠭ ᠲᠤ ᠬᠠᠮᠤᠷᠤᠭᠳᠠᠭᠰᠠᠨ ᠴᠠᠭ ᠬᠤᠭᠤᠴᠠᠭᠠᠨ ᠤ ᠲᠤᠬᠠᠢ ᠳᠤ ᠣᠨ ᠲᠣᠭᠠᠯᠠᠯ ᠤᠨ 420 | ᠣᠨ ᠠᠴᠠ ᠳᠤᠮᠳᠠ ᠲᠠᠰᠤᠷᠠᠭᠰᠠᠨ ᠬᠤᠷᠢ ᠭᠠᠷᠤᠢ ᠦᠶᠡ ︵ᠡᠨᠡ ᠦᠶᠡ ᠶᠢᠨ ᠪᠠᠷᠢᠮᠲᠠ ᠰᠤᠳᠤᠯᠭᠠ ᠶᠢ ᠣᠯᠵᠤ | ᠦᠵᠡᠭᠡ ᠦᠭᠡᠢ︶ ᠶᠢ ᠡᠰᠡ ᠲᠣᠭᠠᠴᠢᠪᠠᠯ 1560 ᠭᠠᠷᠤᠢ ᠵᠢᠯ ᠢ ᠪᠠᠭᠲᠠᠭᠠᠭᠰᠠᠨ ᠪᠣᠯᠤᠨᠠ᠃ ᠡᠬᠢ ᠪᠣᠯᠭᠠᠵᠤ | ᠠᠪᠤᠭᠰᠠᠨ 420 ᠣᠨ ᠢ ᠲᠣᠬᠢᠶᠠᠯᠳᠤᠯ ᠢᠶᠠᠷ ᠰᠣᠩᠭᠤᠭᠠ ᠦᠭᠡᠢ ᠪᠥᠭᠡᠳ ᠡᠨᠡ ᠨᠢ ︽ᠣᠨ ᠲᠣᠭᠠᠯᠠᠯ ᠤᠨ | 551 — 554 ᠣᠨ ᠤ ᠬᠤᠭᠤᠷᠤᠨᠳᠤ ᠪᠢᠴᠢᠭᠳᠡᠭᠰᠡᠨ ︿ᠸᠧᠢ ᠤᠯᠤᠰ ᠤᠨ ᠪᠢᠴᠢᠭ﹀ ᠤᠨ ᠿᠸᠦ ᠿᠤᠸᠠᠨ ᠤ | ᠱᠠᠰᠲᠢᠷ ᠲᠤ ᠿᠸᠦ ᠿᠤᠸᠠᠨ ᠤ ︵402 — 555 ᠣᠨ︶ ᠪᠠᠷᠠᠭᠤᠨ ᠬᠤᠶᠢᠨᠠ ᠾᠦᠩᠨᠦ ᠶᠢᠨ | ᠦᠯᠡᠳᠡᠭᠳᠡᠯ ᠪᠠᠶᠢᠨᠠ᠃ ᠤᠯᠤᠰ ᠨᠢ ᠪᠠᠶᠠᠨ ᠬᠦᠴᠦᠷᠭᠡᠭ᠂ ᠲᠡᠷᠢᠭᠦᠨ ᠨᠢ ᠪᠠ ᠶᠧ ᠵᠢᠢ ᠭᠡᠳᠡᠭ᠃ ᠲᠡᠷᠡ ᠨᠢ ᠴᠡᠷᠢᠭ | ᠳᠠᠶᠢᠴᠢᠯᠠᠨ ᠱᠧᠯᠦ᠋ᠨ ᠢ ᠴᠣᠬᠢᠭᠰᠠᠨ ᠳᠤ ᠱᠧᠯᠦ᠋ᠨ ᠡᠸ᠋ ᠭᠧᠨ ︵ᠣᠳᠤ ᠶᠢᠨ ᠣᠷᠬᠤᠨ ᠭᠤᠣᠯ︶ ᠭᠤᠣᠯ ᠳᠤ | ᠲᠣᠰᠴᠤ ᠴᠣᠬᠢᠭᠠᠳ ᠶᠡᠭᠡ ᠪᠠᠷ ᠢᠯᠠᠪᠠ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠳᠡᠳᠡ ᠨᠠᠷ ᠱᠧᠯᠦ᠋ᠨ ᠳᠤ ᠬᠠᠷᠢᠶᠠᠯᠠᠭᠳᠠᠵᠠᠢ᠃︾ | ᠭᠡᠰᠡᠨ ᠲᠡᠮᠳᠡᠭᠯᠡᠯ ᠪᠠᠶᠢᠨ ᠳᠤᠷᠠᠳᠤᠭᠳᠠᠵᠤ ᠪᠣᠢ᠃ ᠪᠠ ᠶᠧ ᠵᠢᠢ ᠨᠢ ᠪᠠᠷᠭᠤ ᠠᠶᠢᠮᠠᠭ ᠤᠨ ᠲᠡᠷᠢᠭᠦᠨ ᠮᠥᠨ ᠪᠣᠯᠬᠤ | ᠲᠠᠯᠠ ᠪᠠᠷ ᠡᠷᠳᠡᠮᠲᠡᠨ ᠵ᠊ · ᠥᠯᠵᠡᠢ ᠪᠦᠲᠦᠭᠡᠯ ᠳᠡᠭᠡᠨ᠄ ᠿᠸᠦ ᠿᠠᠨ ᠤ ᠬᠠᠭᠠᠨ ᠱᠧᠯᠦ᠋ᠨ ᠁ ᠥᠪᠡᠷᠲᠡᠭᠡᠨ | ᠨᠢᠭᠡᠳᠬᠡᠭᠰᠡᠨ ︵394 — 409 ᠣᠨ ᠤ ᠦᠶᠡ ᠳᠤ︶ ᠨᠢᠭᠡᠨ ᠠᠶᠢᠮᠠᠭ ᠤᠨ ᠲᠣᠯᠤᠭᠠᠶᠢᠯᠠᠭᠴᠢ ᠨᠢ ︽ᠶᠢᠦ | ᠸᠧ ︵︶ ᠪᠠ ᠶᠧ ᠵᠢᠢ︾ ᠬᠡᠮᠡᠨ ᠨᠡᠷᠡ ᠲᠠᠢ ᠪᠠᠶᠢᠭᠰᠠᠨ᠃ ᠡᠨᠡ ᠪᠠ ᠶᠧ ᠵᠢᠢ ᠪᠣᠯ ᠪᠠᠷᠭᠤᠵᠢᠨ ᠭᠡᠰᠡᠨ ᠦᠭᠡ᠃ | ᠪᠠᠷᠭᠤᠵᠢᠨ ᠬᠡᠮᠡᠬᠦ ᠨᠡᠷᠡ ᠨᠢ ᠡᠷᠲᠡᠨ ᠤ ᠾᠦᠩᠨᠦ᠂ ᠿᠸᠦ ᠿᠠᠨ᠂ ᠲᠦᠷᠡᠭ ᠤᠨ ᠦᠶᠡ ᠠᠴᠠ ᠤᠯᠠᠮᠵᠢᠯᠠᠵᠤ | ᠢᠷᠡᠭᠰᠡᠨ ᠪᠠᠶᠧᠷᠺᠦ᠂ ᠪᠠ ᠶᠧ ᠭᠦ᠋᠂ ᠪᠠᠷᠭᠤ ᠬᠡᠮᠡᠬᠦ ᠮᠥᠨ ᠪᠣᠯᠬᠤ ᠶᠢ ᠨᠣᠲᠠᠯᠠᠵᠤ ᠪᠣᠢ︾ ᠭᠡᠵᠤ ᠪᠢᠴᠢᠭᠰᠡᠨ | ᠪᠠᠶᠢᠳᠠᠭ᠃ ᠤᠭ ᠤᠨ ᠪᠢᠴᠢᠭ ᠤᠨ ᠢᠵᠠᠭᠤᠷ ᠣᠪᠤᠭ ᠪᠣᠯᠤᠨ ᠪᠤᠰᠤᠳ ᠤᠷᠤᠭ ᠤᠨ ᠰᠠᠯᠠᠭᠠ ᠰᠠᠯᠪᠤᠷᠢ ᠤᠳ ᠢ | ᠡᠨᠡ ᠮᠡᠲᠦ ᠲᠡᠦᠬᠡᠨ ᠰᠤᠷᠪᠤᠯᠵᠢ ᠪᠢᠴᠢᠭ ᠠᠴᠠ ᠲᠡᠭᠦᠪᠦᠷᠢᠯᠡᠨ ᠪᠢᠴᠢᠭᠰᠡᠨ ᠪᠣᠯᠤᠨᠠ᠃ | ⒋ ᠡᠨᠡ ᠤᠭ ᠤᠨ ᠡᠬᠢ ᠪᠢᠴᠢᠭ ᠲᠤ ᠲᠡᠦᠬᠡ ᠰᠤᠷᠪᠤᠯᠵᠢ ᠤᠳ ᠲᠤ ᠮᠥᠩᠬᠡᠷᠡᠭᠰᠡᠨ ᠪᠠᠭᠠᠲᠤᠷᠯᠢᠭ | ᠦᠢᠯᠡᠰᠲᠡᠨ᠂ ᠰᠡᠴᠡᠨ ᠮᠡᠷᠭᠡᠳ ᠤᠳ᠂ ᠲᠣᠪᠤᠶᠢᠨ ᠰᠢᠯᠭᠠᠷᠠᠭᠰᠠᠨ ᠬᠥᠮᠥᠰ᠂ ᠲᠡᠳᠡᠨ ᠤ ᠤᠷᠤᠭ ᠰᠠᠳᠤᠨ | ᠣᠷᠤᠭᠰᠠᠨ ᠤᠴᠢᠷ ᠮᠣᠩᠭᠤᠯᠴᠤᠳ ᠠᠯᠲᠠᠨ ᠤᠷᠤᠭ ᠤᠨ ᠬᠢᠨ ᠤ ᠤᠭ ᠤᠨ ᠪᠢᠴᠢᠭ ᠢ ᠳᠡᠭᠡᠳᠦᠯᠡᠳᠡᠭ ᠤᠨ ᠠᠳᠠᠯᠢ | ᠪᠠᠷ ᠪᠠᠷᠭᠤ ᠪᠤᠷᠢᠶᠠᠳ ᠵᠣᠨ ᠡᠷᠬᠢᠮᠯᠡᠪᠡᠯ ᠵᠣᠬᠢᠬᠤ ᠬᠦᠨᠳᠦᠲᠡᠢ ᠤᠭ ᠤᠨ ᠪᠢᠴᠢᠭ ᠪᠣᠯᠤᠨᠠ᠃ | ᠡᠳᠦᠭᠡ ᠬᠥᠯᠥᠨ ᠪᠣᠶᠢᠷ ᠤᠨ ᠪᠠᠷᠭᠤ ᠤᠳ ᠳᠣᠲᠤᠷᠠ ᠡᠸᠡᠩᠬᠢ ︵ᠬᠠᠮᠨᠢᠭᠠᠨ︶᠂ ᠲᠦᠩᠬᠦᠰ᠂ ᠣᠷᠴᠤᠨ᠂ | ᠪᠤᠷᠢᠶᠠᠳ᠂ ᠴᠢᠪᠴᠢᠨ ᠪᠠᠷᠭᠤ᠂ ᠰᠣᠯᠤᠨ ︵ᠮᠠᠨᠵᠤ ᠬᠠᠮᠨᠢᠭᠠᠨ︶᠂ ᠥᠭᠡᠯᠡᠳ ︵ᠣᠶᠢᠷᠠᠳ︶ ᠭᠡᠬᠦ ᠮᠡᠲᠦ | ᠶᠠᠰᠤᠲᠠᠨ ᠨᠤᠭᠤᠳ ᠬᠤᠯᠢᠯᠳᠤᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠪᠥᠭᠡᠳ ᠲᠡᠳᠡᠨ ᠤ 120 ᠭᠠᠷᠤᠢ ᠣᠪᠤᠭ ᠡᠳᠦᠭᠡ | ᠪᠦᠷᠢᠳᠬᠡᠭᠳᠡᠭᠡᠳ ᠪᠠᠶᠢᠨᠠ᠃ | ᠪᠠᠷᠭᠤ᠂ ᠪᠤᠷᠢᠶᠠᠳ ᠲᠦᠮᠡᠨ ᠤ ᠤᠭ ᠤᠨ ᠪᠢᠴᠢᠭ ᠤᠨ ᠲᠤᠬᠠᠢ ᠥᠪᠡᠷ ᠤᠨ ᠰᠤᠳᠤᠯᠭᠠᠨ ᠳᠤ | ᠲᠤᠯᠭᠠᠭᠤᠷᠢᠯᠠᠨ ᠲᠡᠳᠡᠨ ᠤ ᠤᠭ ᠢᠵᠠᠭᠤᠷ᠂ ᠣᠳᠤ ᠶᠢᠨ ᠬᠡᠯᠡᠯᠴᠡᠭᠳᠡᠵᠦ ᠢᠷᠡᠭᠰᠡᠨ ᠣᠪᠤᠭ ᠤᠳᠤᠮ ᠤᠨ ᠲᠠᠯᠠ | ᠪᠠᠷ ᠳᠠᠷᠠᠭᠠᠬᠢ ᠳ᠋ᠦᠩᠨᠡᠯᠲᠡ ᠶᠢ ᠬᠢᠵᠦ ᠪᠠᠶᠢᠨᠠ᠃ | ⒈ ᠪᠠᠷᠭᠤ ᠪᠤᠷᠢᠶᠠᠳ ᠨᠠᠷ ᠤᠨ ᠣᠪᠤᠭ ᠭᠠᠷᠪᠠᠯᠢ ᠪᠦᠷ ᠾᠦᠩᠨᠦ ᠶᠢᠨ ᠦᠶᠡ ᠠᠴᠠ ᠤᠯᠪᠠᠭᠠᠯᠠᠵᠤ᠂ ᠣᠨ | ᠴᠠᠭ ᠤᠨ ᠲᠡᠦᠬᠡᠨ ᠬᠡᠯᠬᠢᠶᠡᠨ ᠳᠤ ᠶᠡᠬᠡᠪᠴᠢᠯᠡᠨ ᠠᠯᠢ ᠨᠢᠭᠡᠨ ᠠᠶᠢᠮᠠᠭ᠂ ᠤᠯᠤᠰ ᠤᠨ ᠥᠮᠥᠭ ᠲᠦᠰᠢᠭ ᠬᠠᠷᠢᠶᠠᠯᠠᠯ | ᠳᠣᠣᠷᠠ ᠶᠠᠪᠤᠵᠤ ᠢᠷᠡᠭᠰᠡᠨ ᠤᠴᠢᠷ ᠲᠡᠷᠡ ᠴᠠᠭ ᠤᠨ ᠲᠡᠦᠬᠡ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠤ ᠡᠯᠦᠨᠴᠡ ᠬᠤᠯᠤᠨᠴᠠ ᠶᠢᠨ | ᠬᠢᠨᠢ ᠲᠤᠬᠠᠢ ᠮᠥᠴᠢᠳ ᠲᠡᠮᠳᠡᠭᠯᠡᠭᠳᠡᠨ ᠦᠯᠡᠳᠡᠭᠰᠡᠨ ᠪᠣᠯᠤᠯᠲᠠᠢ᠃ ᠭᠡᠪᠡᠴᠦ ᠡᠴᠢᠭᠡ ᠡᠪᠦᠭᠡᠳ ᠤᠨ ᠢᠶᠠᠨ ᠲᠤᠬᠠᠢ | ᠳᠣᠮᠤᠭ ᠲᠤᠤᠯᠢᠰ ᠢᠶᠠᠷ ᠠᠮᠠ ᠳᠠᠮᠵᠢᠭᠤᠯᠤᠨ ᠡᠳᠦᠭᠡ ᠬᠦᠷᠲᠡᠯᠡ ᠠᠮᠠᠨ ᠤᠯᠠᠮᠵᠢᠯᠠᠯ ᠢᠶᠠᠷ ᠲᠡᠦᠬᠡ ᠪᠠᠨ ᠠᠮᠢᠳᠤ | ᠬᠠᠳᠠᠭᠠᠯᠠᠵᠤ ᠢᠷᠡᠭᠰᠡᠨ ᠡᠨᠡ ᠠᠷᠠᠳ ᠲᠦᠮᠡᠨ ᠤ ᠠᠭᠤᠤ ᠤᠬᠠᠭᠠᠨ᠂ ᠥᠪ ᠰᠣᠶᠤᠯ ᠢ ᠨᠢ ᠪᠠᠭ᠋ᠠᠲᠤᠨ | ᠳᠡᠮᠳᠡᠭᠯᠡᠭᠦᠰᠢᠲᠡᠢ᠃ | ⒉ ᠡᠨᠡᠬᠦ ᠰᠤᠳᠤᠯᠭᠠᠨ ᠳᠤ ᠬᠠᠮᠤᠷᠤᠭᠳᠠᠭᠰᠠᠨ ᠪᠠᠷᠭᠤ ᠪᠤᠷᠢᠶᠠᠳ ᠵᠣᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠣᠨ ᠲᠣᠭᠠᠯᠠᠯ | ᠤᠨ 4 ᠳ᠋ᠤᠭᠡᠷ ᠵᠠᠭᠤᠨ ᠠᠴᠠ ᠡᠬᠢᠯᠡᠵᠦ ᠪᠠᠶᠢᠭᠠ ᠪᠠ ᠪᠦᠷ ᠡᠷᠲᠡᠨ ᠤ ᠣᠪᠤᠭ ᠭᠠᠷᠪᠠᠯᠢ ᠶᠢᠨ ᠲᠤᠬᠠᠢ ᠥᠪᠥᠷ | ᠮᠣᠩᠭᠤᠯ ᠤᠨ ᠡᠷᠳᠡᠮᠲᠡᠨ᠂ ᠳᠣᠮᠤᠭ ᠲᠤᠤᠯᠢᠰ ᠤᠨ ᠰᠤᠳᠤᠯᠤᠭᠠᠴᠢ ᠴᠢᠨᠳᠠᠮᠤᠨᠢ᠂ ᠲᠠᠩᠭᠢᠰ ᠨᠠᠷ ᠤᠨ ᠪᠦᠲᠦᠭᠡᠯ | ᠨᠥᠬᠦᠵᠦ ᠥᠭᠬᠦ ᠪᠣᠯᠤᠮᠵᠢ ᠲᠠᠢ ᠪᠠᠶᠢᠨᠠ᠃ | ⒊ ᠣᠳᠤ ᠶᠢᠨ ᠬᠡᠯᠡᠯᠴᠡᠭᠳᠡᠵᠦ ᠪᠣᠢ ᠪᠠᠷᠭᠤ ᠪᠠᠭᠠᠲᠤᠷ ᠤᠨ ᠭᠤᠷᠪᠠᠨ ᠬᠦᠪᠡᠭᠦᠨ ᠤ ᠦᠷᠡ ᠤᠳᠤᠮ ᠪᠣᠯᠬᠤ | ᠪᠤᠷᠢᠶᠠᠳ ᠵᠣᠨ ᠤ ᠡᠭᠢᠷᠢᠳ᠂ ᠪᠤᠯᠠᠭᠠᠲᠠᠢ᠂ ᠬᠤᠷᠢ ᠣᠪᠤᠭ ᠤᠳ ᠨᠢ ᠣᠨ ᠲᠣᠭᠠᠯᠠᠯ ᠤᠨ 9 ᠳ᠋ᠦ᠋ᠭᠡᠷ ᠵᠠᠭᠤᠨ ᠠᠴᠠ | ᠡᠭᠦᠰᠦᠨ ᠰᠠᠶ᠋ᠢ ᠲᠦᠯᠦᠪᠰᠢᠭᠰᠡᠨ ᠪᠥᠭᠡᠳ ᠡᠭᠦᠨ ᠠᠴᠠ ᠤᠷᠤᠭᠰᠢᠬᠢ ᠦᠶᠡ ᠨᠢ ᠲᠡᠦᠬᠡ ᠶᠢᠨ ᠰᠤᠳᠤᠯᠭᠠ ᠪᠠᠷ | ᠪᠠᠷᠤᠭᠲᠠᠢ ᠬᠠᠮᠢᠶᠠᠷᠤᠯᠲᠠᠲᠠᠢ ᠨᠢ ᠪᠠᠲᠤᠯᠠᠭᠳᠠᠵᠤ ᠪᠠᠶᠢᠨᠠ᠃ | ⒋ ᠬᠠᠯᠬᠠ ᠮᠣᠩᠭᠤᠯ ᠮᠠᠨᠵᠤ ᠴᠢᠩ ᠤᠯᠤᠰ ᠤᠨ ᠨᠥᠯᠥᠭᠡᠨ ᠳᠤ ᠠᠪᠲᠠᠵᠤ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢᠶᠠᠨ | ᠠᠯᠳᠠᠬᠤ ᠳᠤ ᠮᠣᠩᠭᠤᠯ ᠠᠴᠠ ᠳᠠᠶᠢᠵᠢᠨ ᠳᠥᠷᠪᠡᠵᠦ ᠪᠤᠷᠢᠶᠠᠳ ᠤᠨ ᠨᠤᠲᠤᠭ ᠲᠤ ᠨᠡᠭᠦᠨ ᠣᠷᠤᠭᠰᠠᠨ ᠬᠠᠯᠬᠠ᠂ | ᠥᠪᠥᠷᠯᠡᠭᠴᠢ᠂ ᠥᠭᠡᠯᠡᠳ ᠤᠳ ᠤᠨ ᠵᠠᠷᠢᠮ ᠣᠪᠤᠭ ᠤᠳ ᠢᠶᠠᠷ ᠪᠤᠷᠢᠶᠠᠳ ᠵᠣᠨ ᠥᠨᠢᠷᠵᠢᠨ ᠢᠷᠡᠵᠡᠢ᠃ | ᠲᠤᠬᠠᠶᠢᠯᠠᠪᠠᠯ ᠳ᠋ᠠᠷᠯᠧᠺᠠᠨ ᠤ ᠬᠤᠩᠭᠢᠷᠠᠳ ᠠᠶᠢᠮᠠᠭ ᠤᠨ ᠰᠠᠯᠪᠤᠷᠢ ᠣᠪᠤᠭ ᠤᠳ ᠪᠣᠯᠬᠤ ᠭᠤᠷᠯᠤᠰ᠂ ᠬᠠᠷᠠᠨᠤᠳ᠂ | ᠨᠢᠷᠤᠭᠤᠨ ᠤ ᠬᠠᠳᠠᠬᠢᠨ᠂ ᠵᠡᠭᠦᠨ ᠮᠣᠩᠭᠤᠯ ᠤᠨ ᠵᠢᠷᠭᠤᠭᠠᠨ ᠲᠦᠮᠡᠨ ᠤ ᠨᠢᠭᠡ ᠶᠦᠩᠰᠢᠶᠡᠪᠦ᠂ ᠴᠠᠬᠠᠷ ᠨᠠᠢᠮᠠᠨ | ᠬᠤᠰᠢᠭᠤᠨ ᠠᠴᠠ ᠭᠠᠷᠤᠯ ᠲᠠᠢ ᠭᠡᠭᠳᠡᠬᠦ ᠰᠣᠩᠭᠤᠯ᠂ ᠬᠠᠯᠬᠠ ᠭᠠᠷᠤᠯ ᠲᠠᠢ ᠰᠡᠯᠡᠩᠭᠡ ᠶᠢᠨ ᠭᠤᠷᠪᠠᠨ ᠡᠴᠢᠭᠡ ᠶᠢᠨ | ᠲᠠᠪᠤᠠᠭᠤᠳ ᠵᠡᠷᠭᠡ ᠣᠯᠠᠨ ᠣᠪᠤᠭ ᠤᠳ ᠢ ᠳᠤᠷᠠᠳᠴᠤ ᠪᠣᠯᠤᠨᠠ᠃ ᠭᠠᠭᠴᠠ ᠬᠦ᠋ ᠨᠢᠭᠡ ᠣᠨᠴᠠᠯᠢᠭ ᠨᠢ ᠭᠠᠳᠠᠨᠠ | ᠠᠴᠠ ᠣᠴᠢᠭᠰᠠᠨ ᠣᠪᠤᠭ ᠤᠳ ᠨᠢ ᠪᠤᠷᠢᠶᠠᠳ ᠵᠣᠨ ᠤ ᠬᠡᠪ ᠶᠣᠰᠤ ᠵᠠᠩᠰᠢᠯ᠂ ᠬᠡᠯᠡ ᠰᠣᠶᠤᠯ ᠳᠤ ᠨᠡᠪᠲᠡᠷᠡᠵᠦ | ᠢᠯᠭᠠᠭᠳᠠᠮᠠ ᠦᠭᠡᠢ ᠪᠣᠯᠤᠭᠰᠠᠨ ᠨᠢ ᠭᠠᠶᠢᠬᠠᠯᠲᠠᠢ᠃ | ⒌ ᠪᠠᠷᠭᠤ ᠪᠤᠷᠢᠶᠠᠳ ᠤᠳ ᠨᠢ ᠪᠣᠷᠵᠢᠭᠢᠨ ᠣᠪᠤᠭ ᠤᠨ ᠬᠢᠨ ᠲᠠᠢ ᠠᠨᠳᠠᠭᠠᠢ ᠬᠤᠳᠠ ᠪᠠᠷᠢᠯᠴᠠᠵᠤ ᠤᠯᠠᠮ ᠢᠶᠠᠷ | ︽ᠠᠯᠲᠠᠨ ᠤᠷᠤᠭ︾ ᠤᠨ ᠬᠢᠨ ᠤ ᠨᠠᠭᠠᠴᠤ ᠪᠤᠶᠤ ᠴᠢᠰᠤᠨ ᠲᠥᠷᠥᠯ ᠡᠨᠡ ᠶᠠᠰᠤᠨ ᠠᠴᠠ ᠪᠦᠷᠢᠯᠳᠦᠵᠡᠢ᠃ | ᠵᠢᠱᠢᠶᠡᠯᠡᠪᠡᠯ ᠲᠣᠪᠤ ᠮᠡᠷᠭᠡᠨ ᠤ ᠭᠡᠷᠭᠡᠢ ᠠᠯᠳᠠᠷᠲᠤ ᠠᠯᠤᠨ ᠭᠤᠸᠠ ᠬᠠᠲᠤᠨ᠂ ᠴᠢᠩᠭᠢᠰ ᠤᠨ ᠡᠪᠦᠭᠡ ᠪᠠᠷᠳᠠᠨ | ᠪᠠᠭᠠᠲᠤᠷ ᠤᠨ ᠭᠡᠷᠭᠡᠢ ᠰᠦᠨᠢᠭᠦᠯ ᠦᠵᠢᠨ᠂ ᠴᠢᠨᠠᠭᠰᠢᠯᠠᠭᠠᠳ ᠡᠬᠡ ᠥᠭᠡᠯᠦᠨ ᠦᠵᠢᠨ᠂ ᠶᠡᠭᠡ ᠬᠠᠲᠤᠨ ᠪᠦᠷᠲᠡ | ᠦᠵᠢᠨ᠂ ᠬᠤᠪᠢᠯᠠᠢ᠂ ᠬᠦᠯᠡᠭᠦᠦ ᠬᠠᠭᠠᠳ ᠤᠨ ᠨᠠᠮᠪᠤᠢ ᠬᠠᠲᠤᠨ᠂ ᠺᠣᠳᠠᠢ ᠬᠠᠲᠤᠨ᠂ ᠬᠡᠷᠮᠡᠨ ᠬᠠᠲᠤᠨ ᠵᠡᠷᠭᠡ | ᠣᠯᠠᠨ ᠬᠠᠲᠤᠳ ᠢ ᠨᠡᠷᠡᠯᠡᠵᠦ ᠪᠣᠯᠤᠨᠠ᠃ ᠡᠭᠦᠪᠡᠷ ᠢᠶᠠᠨ ᠪᠤᠰᠤᠳ ᠮᠣᠩᠭᠤᠯ ᠤᠭᠰᠠᠭᠠ ᠲᠠᠢ ᠠᠶᠢᠮᠠᠭ ᠶᠠᠰᠤᠲᠠᠨ᠂ | ᠣᠪᠤᠭ ᠤᠳ ᠠᠴᠠ ᠨᠡᠩ ᠢᠯᠭᠠᠷᠠᠳᠠᠭ ᠤᠴᠢᠷ ᠪᠠᠷᠭᠤ᠂ ᠪᠤᠷᠢᠶᠠᠳ ᠲᠦᠮᠡᠨ ᠤ ᠨᠢᠭᠡᠨ ᠪᠠᠭ᠋ᠠᠷᠬᠠᠯ ᠪᠣᠯᠬᠤ ᠶᠢ | ᠬᠤᠶᠢᠴᠢ ᠦᠶᠡ ᠮᠡᠳᠡᠲᠦᠭᠡᠢ᠃ | ᠪᠠᠷᠭᠤ ᠪᠤᠷᠢᠶᠠᠳ ᠮᠣᠩᠭᠤᠯᠴᠤᠳ ᠤᠨ ᠤᠭ ᠤᠨ ᠪᠢᠴᠢᠭ ᠠᠴᠠ ᠪᠤᠷᠢᠶᠠᠳ ᠲᠦᠮᠡᠨ ᠤ ᠣᠪᠤᠭ ᠠᠶᠢᠮᠠᠭ ᠤᠨ | ᠲᠣᠪᠴᠢ ᠣᠶᠢᠯᠠᠭᠠᠯᠲᠠ᠂ ᠣᠪᠤᠭ ᠤᠳ ᠤᠨ ᠤᠭ ᠢᠵᠠᠭᠤᠷ᠂ ᠲᠠᠳᠡᠨ ᠤ ᠲᠤᠬᠠᠢ ᠳᠣᠮᠤᠭ᠂ ᠡᠳᠡᠭᠡᠷ ᠣᠪᠤᠭ ᠠᠴᠠ | ᠭᠠᠷᠤᠯ ᠲᠠᠢ ᠲᠡᠦᠬᠡᠲᠦ ᠬᠥᠮᠥᠰ ᠤᠨ ᠤᠳᠤᠮ᠂ ᠲᠡᠳᠡᠨ ᠤ ᠲᠣᠪᠴᠢ ᠲᠠᠶᠢᠯᠪᠤᠷᠢ ᠵᠡᠷᠭᠡ ᠶᠢ ᠨᠢᠭᠡᠳᠬᠡᠨ ᠦᠵᠡᠬᠦ | ᠪᠣᠯᠤᠮᠵᠢ ᠲᠠᠢ᠃ | | | | | |