| ᠰ᠊ · ᠮᠡᠨᠳᠦᠰᠠᠶᠢᠬᠠᠨ ︵ᠮᠣᠩᠭᠤᠯ︶ | | ᠲᠦᠰᠢᠶᠡᠲᠦ ᠬᠠᠨ ᠠᠶᠢᠮᠠᠭ ᠤᠨ ᠡᠷᠳᠡᠨᠢ | ᠸᠠᠩ ᠤᠨ ᠬᠤᠰᠢᠭᠤᠨ ᠤ ᠪᠠᠷᠭᠤ ᠤᠳ | | ᠡᠷᠳᠡᠨᠢ ᠸᠠᠩ ᠤᠨ ᠬᠤᠰᠢᠭᠤ ᠨᠤᠲᠤᠭ ᠪᠣᠯ ᠣᠷᠬᠤᠨ᠂ ᠰᠡᠯᠡᠩᠭᠡ ᠮᠥᠷᠡᠨ᠂ ᠬᠠᠷᠠᠭᠠ᠂ ᠢᠷᠦᠭᠡ᠂ | ᠪᠣᠷᠤᠭᠠ ᠵᠡᠷᠭᠡ ᠣᠯᠠᠨ ᠭᠤᠣᠯ᠂ ᠮᠥᠷᠡᠨ ᠤ ᠪᠣᠯᠤᠨ ᠬᠡᠨᠲᠡᠢ ᠬᠠᠨ ᠤ ᠨᠢᠷᠤᠭᠤᠨ ᠤ ᠠᠭᠤᠯᠠ᠂ ᠨᠢᠷᠤᠭᠤᠳ ᠢᠶᠠᠷ | ᠬᠦᠷᠢᠶᠡᠯᠡᠭᠦᠯᠦᠭᠰᠡᠨ ᠥᠷᠭᠡᠨ ᠠᠭᠤᠳᠠᠮ ᠨᠤᠲᠤᠭ ᠲᠤ ᠣᠷᠤᠰᠢᠳᠠᠭ᠃ ᠡᠨᠡ ᠨᠤᠲᠤᠭ ᠲᠤ ᠬᠠᠯᠬᠠ᠂ ᠪᠠᠷᠭᠤ᠂ | ᠪᠤᠷᠢᠶᠠᠳ᠂ ᠴᠠᠬᠠᠷ᠂ ᠣᠷᠤᠰ᠂ ᠬᠢᠲᠠᠳ ᠵᠡᠷᠭᠡ ᠣᠯᠠᠨ ᠶᠠᠰᠤᠲᠠᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠣᠷᠤᠰᠢᠨ ᠰᠠᠭᠤᠵᠤ | ᠠᠵᠤ ᠲᠥᠷᠥᠳᠡᠭ᠃ | ᠭᠠᠵᠠᠷ ᠨᠤᠲᠤᠭ ᠨᠢ ᠠᠭᠤᠯᠠ ᠤᠰᠤ᠂ ᠤᠷᠭᠤᠮᠠᠯ᠂ ᠬᠦᠷᠦᠰᠦ ᠰᠢᠷᠤᠢ ᠰᠠᠶᠢᠲᠠᠢ ᠠᠭᠤᠳᠠᠮ ᠲᠠᠩᠰᠤᠭ᠂ | ᠦᠷᠡᠵᠢᠯ ᠰᠢᠮᠡ ᠲᠠᠢ ᠪᠣᠯᠬᠤᠷ ᠮᠠᠯ ᠠᠴᠠ ᠭᠠᠳᠠᠨᠠ ᠲᠠᠷᠢᠶᠠ ᠪᠤᠳᠠᠭᠠ᠂ ᠨᠣᠭᠤᠭᠠ ᠲᠠᠷᠢᠳᠠᠭ ᠡᠷᠲᠡᠨ ᠤ | ᠤᠯᠠᠮᠵᠢᠯᠠᠯ ᠲᠠᠢ ᠰᠠᠶᠢᠬᠠᠨ ᠨᠤᠲᠤᠭ᠃ ᠡᠨᠡ ᠬᠤᠰᠢᠭᠤᠨ ᠤ ᠨᠣᠶᠠᠨ ᠨᠠᠮᠰᠠᠷᠠᠢ ᠸᠠᠩ᠂ ᠲᠡᠭᠦᠨ ᠤ ᠬᠦᠦ ᠪᠡᠶᠢᠰᠡ | ᠴᠡᠷᠡᠨᠳᠣᠷᠵᠢ ᠭᠡᠵᠤ ᠪᠠᠶᠢᠪᠠ᠃ | ᠮᠥᠨ ᠬᠠᠷᠠᠭᠠ ᠶᠢᠨ ᠪᠠᠭᠠᠲᠤᠷ ᠸᠠᠩ ᠨᠠᠰᠤᠨ᠋ᠧᠴᠢᠷ ᠤᠨ ᠬᠦᠦ ᠨᠠᠸᠠᠩᠶᠦ᠋ᠨᠳᠦᠨ ᠪᠠᠭᠠ ᠳᠠᠭᠠᠨ ᠬᠤᠰᠢᠭᠤ | ᠨᠣᠶᠠᠨ ᠢᠶᠠᠷ ᠲᠣᠳᠤᠷᠠᠵᠤ᠂ ᠰᠡᠭᠦᠯ ᠳᠡᠭᠡᠨ ᠡᠷᠳᠡᠮ ᠨᠣᠮ ᠤᠨ ᠮᠥᠷ ᠬᠥᠭᠡᠭᠡᠨ᠂ ᠵᠣᠬᠢᠶᠠᠯᠴᠢ᠂ ᠢᠷᠠᠭᠤ ᠨᠠᠶᠢᠷᠠᠭᠴᠢ | ᠂ ᠳ᠋ᠢᠫᠯᠤᠮᠠᠲ ᠠᠯᠪᠠ ᠬᠠᠰᠢᠵᠤ᠂ ᠲᠥᠷᠥ ᠤᠯᠤᠰ ᠨᠡᠶᠢᠭᠡᠮ ᠤᠨ ᠨᠡᠷᠡᠲᠦ ᠵᠢᠳᠬᠦᠯᠲᠡᠨ ᠪᠣᠯᠤᠭᠰᠠᠨ ᠠᠴᠠ ᠲᠡᠭᠦᠨ ᠢ | ᠮᠣᠩᠭᠤᠯ ᠤᠨ ᠠᠷᠠᠳ ᠲᠦᠮᠡᠨ ︽ᠰᠣᠶᠤᠯ ᠡᠷᠳᠡᠨᠢ︾ ᠭᠡᠳᠡᠭ ᠳᠠᠭᠤᠤ ᠪᠠᠷ ᠨᠢ ᠠᠨᠳᠠᠬᠤ ᠦᠭᠡᠢ᠃ | ᠮᠠᠨ ᠤ ᠨᠤᠲᠤᠭ ᠤᠨ ᠬᠤᠰᠢᠶᠠᠳᠤ ᠢᠷᠦᠭᠡ᠂ ᠰᠤᠮᠤ ᠶᠢᠨ ᠣᠷᠬᠤᠨ᠂ ᠰᠢᠷᠠ ᠶᠢᠨ ᠪᠠᠭ᠂ ᠲᠡᠷᠭᠡ | ᠱᠠᠭᠠᠵᠠᠭᠠᠶᠢᠲᠤ᠂ ᠪᠤᠤᠷᠠᠲᠤ ᠶᠢᠨ ᠭᠤᠣᠯ ᠢᠶᠠᠷ ᠪᠠᠷᠭᠤ ᠤᠳ ᠨᠤᠲᠤᠭᠯᠠᠳᠠᠭ ᠪᠠᠶᠢᠭᠰᠠᠨ᠃ ᠣᠳᠤ ᠴᠦ ᠦᠷᠡ | ᠤᠳᠤᠮ ᠨᠢ ᠪᠣᠢ᠃ | ᠮᠡᠨᠳᠦᠰᠠᠶᠢᠬᠠᠨ ᠮᠢᠨᠦ ᠮᠡᠳᠡᠵᠦ ᠪᠠᠶᠢᠭᠠ ᠪᠠᠷ ᠣᠷᠬᠤᠨ ᠪᠠᠭ ᠤᠨ ᠴᠣᠯᠮᠤᠨ᠂ ᠰᠢᠷᠠ ᠶᠢᠨ ᠪᠠᠭ ᠤᠨ | ᠪᠤᠮᠠᠴᠡᠩᠳᠡ ᠵᠡᠷᠭᠡ 120 ᠭᠠᠷᠤᠢ ᠵᠠᠯᠠᠭᠤᠰ ᠫᠠᠷᠲ᠋ᠢᠼᠠᠨ ᠴᠡᠷᠢᠭ ᠲᠤ ᠶᠠᠪᠤᠭᠰᠠᠨ ᠤ ᠶᠡᠬᠡᠩᠬᠢ ᠨᠢ ᠪᠠᠷᠭᠤ ᠤᠳ | ᠪᠠᠶᠢᠭᠰᠠᠨ᠃ | ᠬᠠᠷᠠᠭᠠ ᠶᠢᠨ ᠳ᠋ᠠᠷᠢ ᠡᠬᠡ ᠯᠠᠮᠠ ᠪᠣᠯ ᠮᠠᠨ ᠤ ᠬᠤᠰᠢᠭᠤ ᠨᠤᠲᠤᠭ ᠤᠨ ᠠᠯᠳᠠᠷ ᠲᠠᠢ ᠬᠥᠮᠥᠨ ᠪᠠᠶᠢᠭᠰᠠᠨ᠃ | ᠳ᠋ᠠᠷᠢ ᠡᠬᠡ ᠯᠠᠮᠠ ᠶᠢᠨ ᠬᠡᠶᠢᠳ ᠲᠤ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠪᠠᠷᠭᠤ ᠠᠶᠢᠮᠠᠭ ᠤᠨ ᠭᠠᠪᠠᠵᠢ ᠢᠰᠢ ᠭᠡᠳᠡᠭ | ᠬᠥᠮᠥᠨ ᠬᠤᠶᠢᠰᠢ ᠪᠠᠨ ᠤᠷᠤᠭᠰᠢ ᠪᠠᠨ ᠳ᠋ᠠᠷᠢ ᠡᠬᠡ ᠯᠠᠮᠠ ᠶᠢᠨ ᠵᠠᠷᠤᠯᠭᠠ ᠪᠠᠷ ᠶᠡᠭᠡ ᠶᠠᠪᠤᠳᠠᠭ ᠬᠥᠮᠥᠨ ᠪᠠᠶᠢᠭᠰᠠᠨ᠃ | ᠬᠢᠲᠠᠳ ᠤᠨ ᠲᠦᠷᠢᠮᠡᠬᠡᠶᠢᠯᠡᠭᠴᠢᠳ ᠤᠨ ᠡᠰᠡᠷᠭᠦ ᠲᠡᠮᠡᠴᠡᠯ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠴᠢ ᠶᠢᠨ ᠨᠢᠭᠡ ᠭᠡᠳᠡᠭ᠃ | 1921 ᠣᠨ ᠤ ᠴᠠᠭᠠᠨ ᠰᠠᠷᠠ ᠶᠢᠨ ᠡᠮᠦᠨᠡᠬᠡᠨ ᠳ᠋ᠠᠷᠢ ᠡᠬᠡ ᠯᠠᠮᠠ ᠶᠢᠨ ᠳᠠᠭᠠᠭᠠᠯᠭᠠᠪᠤᠷᠢ ᠪᠠᠷ ᠴᠠᠬᠠᠷ ᠭᠦᠩ | ᠲᠣᠭᠲᠠᠬᠤ ᠶᠢᠨ ᠴᠡᠷᠢᠭ ᠲᠤ ᠬᠡᠯᠡ ᠬᠦᠷᠭᠡᠵᠦ ᠤᠯᠠᠮ ᠢᠶᠠᠷ ᠲᠣᠭᠲᠠᠬᠤ ᠶᠢᠨ ᠴᠡᠷᠢᠭ ᠢ ᠨᠢᠭᠤᠴᠠ ᠪᠠᠷ ᠳᠠᠭᠠᠭᠤᠯᠤᠨ | ᠢᠷᠡᠵᠦ ᠪᠤᠷᠬᠠᠨᠲᠤ ᠶᠢᠨ ᠬᠥᠨᠳᠡᠢ ᠶᠢᠨ ᠵᠡᠭᠦᠨ ᠠᠭᠤᠯᠠᠨ ᠳᠤ ᠪᠠᠶᠢᠷᠢᠯᠠᠭᠤᠯᠤᠭᠠᠳ ᠬᠡᠶᠢᠳ ᠲᠡᠭᠡᠨ ᠢᠷᠡᠵᠦ | ᠪᠠᠶᠢᠭᠰᠠᠨ ᠢᠰᠢ ᠭᠠᠪᠠᠵᠢ ᠲᠡᠭᠡᠵᠦ ᠶᠠᠪᠤᠬᠤ ᠳᠠᠭᠠᠨ ᠣᠲᠤᠭ ᠤᠨ ᠪᠠᠷᠭᠤ ᠪᠠᠲᠤᠴᠡᠷᠡᠨ ᠤ ᠰᠡᠷᠢᠳᠡᠷ᠂ | ᠳᠤᠯᠵᠢᠨᠰᠦ᠋ᠷᠦᠩ ᠤᠨ ᠮᠠᠭᠰᠤᠷ ᠭᠡᠳᠡᠭ ᠬᠤᠶᠠᠷ ᠬᠥᠮᠥᠨ ᠢ ᠳᠠᠭᠠᠭᠤᠯᠵᠤ ᠶᠠᠪᠤᠵᠤ ᠪᠠᠶᠢᠭᠰᠠᠨ᠃ | ᠮᠠᠨ ᠤ ᠬᠤᠰᠢᠭᠤ ᠨᠤᠲᠤᠭ ᠲᠤ ᠪᠠᠷᠭᠤ ᠤᠳ ᠨᠡᠭᠦᠵᠦ ᠢᠷᠡᠭᠰᠡᠨ ᠨᠢ ᠶᠡᠭᠡ ᠰᠣᠨᠢᠨ ᠲᠡᠦᠬᠡ ᠲᠠᠢ᠃ | ᠬᠥᠯᠥᠨ ᠪᠣᠶᠢᠷ ᠨᠤᠲᠤᠭ ᠤᠨ ᠨᠣᠶᠠᠨ ᠵᠢᠶᠦ᠋ᠨ ᠸᠠᠩ ᠤᠨ ᠥᠬᠢᠨ ᠶᠠᠷᠠ ᠰᠢᠷᠬᠠᠨ ᠳᠤ ᠪᠠᠷᠢᠭᠳᠠᠵᠤ ᠡᠮᠴᠢᠯᠡᠭᠦᠯᠵᠦ | ᠳᠡᠶᠢᠯᠬᠦ ᠦᠭᠡᠢ ᠪᠣᠯᠤᠭᠰᠠᠨ ᠢᠶᠠᠷ ᠪᠣᠭᠳᠠ ᠯᠠᠮᠠ ᠳᠤ ᠠᠶᠢᠯᠠᠳᠬᠠᠵᠤ ᠠᠪᠤᠷᠠᠯ ᠡᠷᠢᠭᠦᠢ ᠳᠤᠷ ᠵᠡᠭᠦᠨ ᠬᠠᠷᠠᠭᠠ ᠶᠢᠨ | ᠡᠷᠬᠡᠲᠦ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠤ ᠳᠣᠪᠳᠤᠮ ᠭᠡᠳᠡᠭ ᠯᠠᠮᠠ ᠪᠠᠶᠢᠭᠠ᠂ ᠲᠡᠭᠦᠨ ᠳᠤ ᠣᠴᠢ ᠭᠡᠵᠡᠢ᠃ | ᠲᠡᠷᠡ ᠬᠤᠶᠠᠷ ᠶᠠᠪᠤᠵᠤ ᠳᠣᠪᠳᠤᠮ ᠯᠠᠮᠠ ᠶᠢ ᠡᠷᠢᠵᠦ ᠣᠴᠢᠭᠠᠳ ᠤᠴᠢᠷ ᠶᠠᠪᠤᠳᠠᠯ ᠪᠠᠶᠢᠳᠠᠯ ᠢᠶᠠᠨ | ᠠᠶᠢᠯᠠᠳᠬᠠᠬᠤ ᠳᠤ ︽ᠵᠠ ᠪᠢ ᠥᠪᠡᠷ ᠢᠶᠠᠨ ᠣᠴᠢᠵᠤ ᠦᠵᠡᠶᠡ︾ ᠭᠡᠵᠡᠢ᠃ ᠢᠩᠭᠢᠭᠡᠳ ᠬᠥᠯᠥᠨ ᠪᠣᠶᠢᠷ ᠲᠤ | ᠣᠴᠢᠵᠤ ᠨᠣᠶᠠᠨ ᠤ ᠥᠬᠢᠨ ᠢ ᠦᠵᠡᠭᠡᠳ ︽ᠡᠮᠴᠢᠯᠡᠵᠦ ᠪᠣᠯᠬᠤ ᠶᠤᠮ ᠪᠠᠶᠢᠨᠠ︾ ᠭᠡᠵᠤ ᠬᠡᠯᠡᠭᠡᠳ ᠥᠪᠡᠷ ᠢᠶᠠᠨ | ᠡᠮ ᠢᠶᠠᠨ ᠪᠡᠯᠡᠳᠬᠡᠵᠦ ᠵᠠᠰᠠᠯ ᠬᠢᠵᠤ ᠰᠠᠷᠠ ᠭᠠᠷᠤᠢ ᠬᠤᠨᠤᠭ ᠪᠣᠯᠬᠤ ᠳᠤ ᠥᠬᠢᠨ ᠪᠦᠷᠢᠨ ᠡᠳᠡᠭᠡᠷᠡᠵᠡᠢ᠃ | ᠯᠠᠮᠠ ᠨᠤᠲᠤᠭ ᠪᠤᠴᠠᠬᠤ ᠳᠤ ᠨᠣᠶᠠᠨ 6 ᠡᠷᠦᠬᠡ ᠠᠶᠢᠯ ᠢ ᠮᠠᠯ ᠰᠦᠷᠦᠭ᠂ ᠭᠡᠷ ᠬᠦᠷᠦᠩᠭᠡ ᠲᠠᠢ ᠨᠢ ᠱᠠᠪᠢ | ᠪᠣᠯᠭᠠᠨ ᠥᠭᠴᠦ ᠶᠠᠪᠤᠭᠤᠯᠤᠭᠰᠠᠨ ᠢᠶᠠᠷ ᠲᠡᠷᠡ ᠠᠶᠢᠯ ᠤᠳ ᠤᠨ ᠬᠥᠮᠥᠨ ᠠᠮᠠ ᠦᠰᠦᠨ ᠦᠷᠡᠵᠢᠭᠰᠡᠭᠡᠷ 71 | ᠣᠲᠤᠭ ᠪᠣᠯᠵᠤ ᠪᠦᠷᠢᠨ ᠤ ᠬᠦᠨᠳᠡᠢ᠂ ᠪᠠᠷᠠᠭᠤᠨ ᠬᠠᠷᠠᠭᠠ᠂ ᠢᠷᠦᠭᠡ᠂ ᠰᠢᠷᠠ ᠶᠢᠨ ᠭᠤᠣᠯ᠂ ᠥᠷᠭᠡᠨ ᠬᠦᠨᠳᠡᠢ᠂ | ᠲᠤᠵᠢ ᠶᠢᠨ ᠨᠠᠷᠠᠰᠤ᠂ ᠳᠦᠷᠰᠦ ᠨᠠᠷᠠᠰᠤ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠲᠠᠷᠬᠠᠨ ᠨᠤᠲᠤᠭᠯᠠᠬᠤ ᠪᠣᠯᠤᠭᠰᠠᠨ ᠭᠡᠳᠡᠭ᠃ ᠪᠠᠷᠭᠤ | ᠣᠲᠤᠭ ᠤᠨ ᠰᠡᠭᠦᠯ ᠤᠨ ᠦᠶᠡ ᠶᠢᠨ ᠳᠠᠷᠤᠭᠠ ᠴᠣᠯᠠᠭᠦᠦ᠂ ᠳᠠᠭᠠᠭᠠᠮᠠᠯ ᠯᠤᠪᠰᠠᠩᠰᠡᠳᠦᠪ ᠢ ᠵᠠᠶᠢᠰᠠᠩ ᠴᠡᠪᠡᠭᠳᠣᠷᠵᠢ᠂ | ᠰᠢᠭᠦᠭᠴᠢ ᠬᠠᠮᠷᠠᠭᠠ ᠨᠠᠷ ᠤᠨ ᠬᠥᠮᠥᠰ ᠪᠠᠶᠢᠭᠰᠠᠨ ᠢ ᠪᠢ ᠮᠡᠳᠡᠬᠦ ᠶᠤᠮ᠃ ᠪᠠᠷᠭᠤ ᠣᠲᠤᠭ 6 ᠪᠠᠭ ᠲᠠᠢ᠃ | ᠪᠠᠷᠭᠤ ᠣᠲᠤᠭ ᠤᠳ ᠣᠲᠤᠭ ᠤᠨ ᠢᠶᠠᠨ ᠨᠠᠭᠠᠳᠤᠮ ᠢ ᠵᠢᠯ ᠳᠤ ᠨᠢᠭᠡ ᠤᠳᠠᠭᠠ ᠠᠯᠲᠠᠨ ᠬᠤᠨᠳᠠᠭᠠ ᠭᠡᠳᠡᠭ | ᠭᠠᠵᠠᠷ ᠬᠢᠳᠡᠭ ᠪᠠᠶᠢᠭᠰᠠᠨ᠃ ᠮᠠᠨ ᠤ ᠣᠲᠤᠭ ᠤᠨ ᠬᠢᠨ ᠢ ᠬᠤᠷᠳᠤ ᠰᠠᠶᠢᠲᠠᠢ ᠭᠡᠳᠡᠭ᠂ ᠵᠠᠶᠢᠰᠠᠩ ᠴᠡᠪᠡᠭᠳᠣᠷᠵᠢ | ᠶᠢᠨ ᠬᠠᠪᠴᠢᠭ ᠬᠠᠷᠠ᠂ ᠰᠣᠨᠣᠮᠴᠣᠬᠤᠮ ︵ᠳ᠋ᠠᠷᠢ ᠡᠬᠡ ᠶᠢᠨ ᠬᠡᠶᠢᠳ ᠤᠨ ᠭᠡᠰᠭᠦᠢ ᠯᠠᠮᠠ︶ ᠤᠨ ᠬᠤᠩᠭᠤᠷ ᠭᠡᠳ | ᠵᠠᠷ ᠲᠠᠢ ᠬᠤᠷᠳᠤᠨ ᠮᠣᠷᠢᠳ ᠪᠠᠶᠢᠪᠠ᠃ | ᠮᠠᠨ ᠤ ᠨᠤᠲᠤᠭ ᠤᠨ ᠪᠠᠷᠭᠤ ᠤᠳ ᠪᠣᠭᠳᠠ ᠶᠢᠨ ᠵᠡᠭᠦᠨ ᠬᠦᠷᠢᠶᠡᠨ ᠤ ᠵᠠᠰᠠᠭ ᠤᠨ ᠮᠠᠯ ᠰᠦᠷᠦᠭ ᠢ ᠮᠠᠯᠯᠠᠳᠠᠭ | ᠵᠢᠷᠭᠤᠭᠠᠨ ᠪᠠᠭ ᠤᠨ 200 ᠭᠠᠷᠤᠢ ᠠᠶᠢᠯ ᠤᠳ ᠢ ᠶᠡᠭᠡ ᠱᠠᠪᠢ ᠶᠢᠨ ᠣᠲᠤᠭ ᠭᠡᠳᠡᠭ ᠪᠠᠶᠢᠭᠰᠠᠨ᠃ | ᠮᠠᠨ ᠤ ᠣᠲᠤᠭ ᠤᠨ ᠳᠣᠪᠳᠤᠮ ᠯᠠᠮᠠᠲᠠᠨ᠂ ᠵᠠᠳᠬᠠ ᠪᠠᠯᠳᠠᠨ ᠬᠤᠶᠠᠷ ᠢ ᠠᠶᠢᠬᠤᠪᠲᠤᠷ ᠬᠡᠴᠡᠭᠦᠦ ᠬᠥᠮᠥᠰ | ᠪᠠᠶᠢᠭᠰᠠᠨ ᠭᠡᠯᠴᠡᠳᠡᠭ᠃ ᠮᠠᠨ ᠤ ᠨᠤᠲᠤᠭ ᠤᠨ ᠤᠯᠤᠰ ᠤᠨ ᠵᠠᠭᠠᠨ ᠭᠤᠮᠪᠤᠳᠠᠭᠪᠠ ᠪᠣᠯ ᠪᠠᠷᠭᠤ ᠬᠥᠮᠥᠨ᠃ | ᠭᠤᠮᠪᠤᠳᠠᠭᠪᠠ ᠪᠠᠭᠠ ᠳᠠᠭᠠᠨ ᠡᠪᠡᠳᠦᠭᠡᠳ ᠪᠠᠶᠢᠬᠤ ᠳᠤ ᠨᠢ ᠬᠠᠷᠠᠭᠠ ᠶᠢᠨ ᠳ᠋ᠠᠷᠢ ᠡᠬᠡ ᠯᠠᠮᠠ ᠳᠤ ᠡᠴᠢᠭᠡ ᠨᠢ | ᠦᠵᠡᠭᠦᠯᠦᠭᠰᠡᠨ ᠳᠤ ᠬᠤᠶᠠᠷ ᠭᠠᠷ ᠠᠴᠠ ᠨᠢ ᠡᠷᠭᠦᠵᠦ ᠬᠤᠰᠭᠢᠨᠠᠭ ᠲᠤᠨᠢ ᠶᠣᠣᠲᠠᠩ ᠬᠠᠪᠴᠢᠭᠤᠯᠤᠭᠠᠳ ᠣᠷᠤᠨ | ᠳᠡᠭᠡᠷᠡ ᠰᠢᠳᠡᠴᠢᠬᠡᠭᠰᠡᠨ ᠢᠶᠠᠨ ᠪᠠᠷᠠᠭᠤᠨ ᠠᠶᠢᠮᠠᠭ ᠤᠨ ᠴᠡᠮᠪᠠᠯ ᠤᠨ ᠭᠠᠯᠢᠳᠠ ᠶᠢᠨ ᠬᠦᠦ ᠶᠢᠨ ᠰᠦᠨᠡᠰᠦ ᠲᠠᠨ ᠤ | ᠳᠤ ᠨᠢᠭᠡ ᠮᠠᠭᠤ ᠪᠥᠬᠡ ᠪᠣᠯᠬᠤ ᠰᠠᠨᠠᠭᠠ ᠲᠠᠢ ᠢᠷᠡᠵᠦ ᠲᠥᠷᠥᠭᠰᠡᠨ ᠪᠠᠶᠢᠨᠠ᠃ ᠮᠠᠨᠳᠤᠬᠤ ᠭᠡᠳᠡᠭ ᠨᠡᠷᠡ ᠶᠢ | ᠰᠣᠯᠢᠵᠤ ᠭᠤᠮᠪᠤᠳᠠᠭᠪᠠ ᠭᠡᠵᠤ ᠨᠡᠷᠡ ᠥᠭᠭᠦᠭᠰᠡᠨ ᠶᠤᠮ ᠬᠡᠮᠡᠨ ᠬᠠᠭᠤᠴᠢᠯᠠᠳᠠᠭ ᠪᠠᠶᠢᠭᠰᠠᠨ᠃ ᠮᠢᠨᠦ ᠮᠡᠳᠡᠬᠦ ᠪᠠᠷᠭᠤ | ᠭᠡᠳᠡᠭ ᠵᠣᠨ ᠣᠯᠠᠨ᠂ ᠮᠠᠨ ᠤ ᠨᠤᠲᠤᠭ ᠲᠤ ᠪᠠᠶᠢᠭᠰᠠᠨ᠃ ᠣᠳᠤ ᠴᠦ ᠪᠠᠶᠢᠭᠠ ᠶᠢ ᠭᠡᠷᠡᠴᠢᠯᠡᠵᠦ ᠡᠭᠦᠨ ᠢ ᠪᠢᠴᠢᠪᠡ᠃ | | ︵ᠴᠣ · ᠳᠤᠭᠠᠷᠵᠠᠪ ᠺᠢᠷᠢᠯ ᠦᠰᠦᠭ ᠠᠴᠠ ᠪᠠᠭᠤᠯᠭᠠᠪᠠ︶ | | |