ᠳ᠋ᠣ · ᠴᠢᠯᠠᠭᠤᠨ | ︽ᠨᠢᠳᠦ ᠪᠠᠨ ᠡᠪᠦᠷᠲᠦᠯᠡᠬᠦ︾ ᠠᠴᠠ ᠰᠠᠨᠠᠭᠳᠠᠭᠰᠠᠨ ᠵᠦᠢᠯ | ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠣᠷᠣᠬᠤ ᠠᠴᠠ ᠡᠮᠦᠨᠡᠬᠢ ᠬᠡᠦᠬᠡᠳ ᠪᠠᠭᠠ ᠶᠢᠨ ᠦᠶᠡ ᠮᠢᠨᠢ ᠪᠦᠷ ᠯᠡ | ᠬᠥᠳᠡᠭᠡ ᠪᠠᠶᠢᠵᠤ᠂ ᠨᠠᠰᠤᠲᠠᠢ ᠢᠵᠢᠢ ᠶᠢᠨ ᠢᠶᠠᠨ ᠭᠠᠷ ᠳᠡᠭᠡᠷᠡ ᠡᠪᠡᠷ ᠤᠭᠵᠢ ᠬᠥᠬᠦᠵᠦ᠂ ᠬᠡᠯᠡ ᠳᠤ ᠣᠷᠣᠵᠤ᠂ | ᠬᠥᠯ ᠳᠤ ᠣᠷᠣᠵᠤ ᠥᠰᠴᠦ ᠥᠨᠳᠡᠶᠢᠭᠰᠡᠨ ᠳᠤᠷᠠᠰᠬᠠᠯᠲᠠᠢ ᠰᠠᠶᠢᠬᠠᠨ ᠦᠶᠡ ᠮᠢᠨᠢ ᠪᠢᠯᠡ᠃ ᠡᠷᠲᠡ ᠪᠣᠰᠣᠭᠠᠳ᠂ | ᠡᠷᠲᠡ ᠴᠦ ᠭᠡᠵᠤ ᠳ᠋ᠧ᠂ ᠨᠠᠷᠠ ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠳᠤ ᠪᠠᠭᠤᠭᠰᠠᠨ ᠬᠤᠶᠢᠨᠠ ᠢᠵᠢᠢ ᠮᠢᠨᠢ ᠨᠠᠮᠠᠶᠢ | ᠡᠩᠬᠦᠷᠡᠶᠢᠯᠡᠵᠦ ᠳᠠᠭᠤᠳᠠᠭᠰᠠᠨ ᠬᠤᠶᠢᠨᠠ ᠯᠡ ᠰᠠᠶ᠋ᠢ ᠨᠣᠶᠢᠷᠮᠤᠭ ᠨᠢᠳᠦ ᠲᠠᠢ ᠪᠣᠰᠣᠨ ᠭᠠᠷᠤᠭᠠᠳ᠂ ᠮᠥᠨ ᠨᠤᠤᠬᠠ | ᠲᠠᠢ ᠨᠢᠳᠦ ᠪᠠᠨ ᠨᠤᠬᠤᠯᠠᠭᠰᠠᠭᠠᠷ ᠣᠷᠣᠵᠤ ᠢᠷᠠᠨᠠ᠃ ᠡᠨᠡ ᠦᠶᠡ ᠳᠤ ᠢᠵᠢᠢ ᠮᠢᠨᠢ᠄ ︽ᠭᠠᠳᠠᠭᠤᠷ ᠶᠠᠭᠤ ᠪᠣᠯᠵᠤ | ᠪᠠᠶᠢᠨᠠ︖ ᠬᠤᠨᠢ ᠮᠠᠯ ᠬᠠᠷᠠᠭᠳᠠᠨᠠ ᠦᠦ︖︾ ᠭᠡᠬᠦᠴᠢᠯᠡᠨ ᠠᠰᠠᠭᠤᠬᠤ ᠳᠤ᠂ ᠪᠢ ᠶᠠᠭᠤ ᠴᠦ ᠬᠠᠷᠠᠭᠠ ᠦᠭᠡᠢ | ᠣᠷᠣᠵᠤ ᠢᠷᠡᠭᠰᠡᠨ ᠪᠣᠯᠬᠤᠷ᠄ ︽ᠶᠠᠭᠤ ᠴᠦ ᠬᠠᠷᠠᠭᠠ ᠦᠭᠡᠢ︾ ᠭᠡᠬᠦ ᠳᠤ ᠢᠵᠢᠢ ᠮᠢᠨᠢ᠄ ︽ᠳᠠᠩᠳᠠ ᠨᠢᠳᠦ ᠪᠠᠨ | ᠡᠪᠦᠷᠲᠦᠯᠡᠵᠦ ᠣᠷᠣᠵᠤ ᠢᠷᠡᠳᠡᠭ ᠴᠢᠨᠢ︕ ︿ᠡᠷᠲᠡ ᠪᠣᠰᠪᠠᠯ ᠨᠢᠭᠡ ᠶᠢ ᠦᠵᠡᠨᠡ᠂ ᠣᠷᠣᠢ ᠤᠨᠲᠠᠪᠠᠯ ᠨᠢᠭᠡ ᠶᠢ | ᠰᠣᠨᠣᠰᠤᠨᠠ﹀ ᠭᠡᠳᠡᠭ᠃ ᠤᠳᠠᠬᠤ ᠦᠭᠡᠢ ᠰᠤᠷᠭᠠᠭᠤᠯᠢ ᠳᠤ ᠣᠷᠣᠬᠤ ᠨᠠᠰᠤ ᠴᠢᠨᠢ ᠪᠣᠯᠣᠯᠠ᠃ ᠡᠷᠲᠡ ᠪᠣᠰᠴᠤ | ᠰᠤᠷ︕︾ ᠭᠡᠵᠤ ᠵᠠᠩᠨᠠᠬᠤ ᠡᠩᠬᠦᠷᠡᠶᠢᠯᠡᠬᠦ ᠶᠢᠨ ᠬᠤᠭᠤᠷᠣᠨᠳᠤ ᠦᠭᠡᠯᠡᠭᠰᠡᠭᠡᠷ᠂ ᠭᠤᠷᠪᠠᠨ ᠡᠪᠡᠷ ᠭᠡᠵᠢᠭᠡ ᠲᠠᠢ | ᠲᠣᠯᠣᠭᠠᠢ ᠶᠢ ᠮᠢᠨᠢ ᠢᠯᠢᠨ ᠦᠨᠦᠰᠴᠦ᠂ ᠪᠣᠯᠣᠭᠰᠠᠨ ᠪᠤᠳᠠᠭᠠ ︵ᠬᠠᠭᠤᠷᠤᠭᠰᠠᠨ ᠪᠤᠳᠠᠭᠠ︶᠂ ᠥᠷᠥᠮᠡ | ᠠᠭᠠᠷᠤᠤᠯ ᠲᠠᠢ ᠴᠠᠢ ᠬᠡᠵᠢᠶᠡᠨ ᠤ ᠪᠡᠯᠡᠨ ᠲᠠᠯᠪᠢᠴᠢᠬᠠᠭᠰᠠᠨ ᠪᠠᠶᠢᠳᠠᠭ ᠰᠠᠨ᠃ | ᠨᠠᠰᠤ ᠥᠰᠬᠦ ᠲᠤᠲᠤᠮ ᠪᠢ ᠴᠦ ᠤᠬᠠᠭᠠᠨ ᠲᠣᠮᠤᠭᠠ ᠣᠷᠣᠵᠤ᠂ ᠡᠷᠲᠡ ᠴᠦ ᠪᠣᠰᠬᠤ ᠪᠣᠯᠵᠤ᠂ ᠬᠥᠳᠡᠭᠡ ᠪᠠᠶᠢᠬᠤ | ᠳᠠᠭᠠᠨ ᠴᠦ ᠲᠡᠷᠡ᠂ ᠰᠤᠷᠭᠠᠭᠤᠯᠢ ᠶᠢᠨ ᠠᠮᠠᠷᠠᠯᠲᠠ ᠪᠠᠷ ᠭᠡᠷ ᠲᠡᠭᠡᠨ ᠬᠠᠷᠢᠭᠰᠠᠨ ᠴᠦ ᠲᠡᠷᠡ᠂ ᠡᠷᠲᠡ ᠪᠣᠰᠪᠠᠯ | ᠭᠠᠳᠠᠭᠤᠷ ᠶᠠᠪᠤᠵᠤ ᠶᠠᠭᠤᠮᠠ ᠠᠵᠢᠭᠯᠠᠵᠤ᠂ ᠮᠠᠯ ᠬᠠᠮᠢᠭᠠᠰᠢ ᠪᠠᠨ ᠪᠡᠯᠴᠢᠭᠰᠡᠨ᠂ ᠬᠠᠮᠢᠭᠠ ᠠᠴᠠ ᠰᠠᠯᠬᠢ ᠲᠠᠢ ᠪᠣᠢ︖ | ᠲᠡᠭᠷᠢ ᠶᠢᠨ ᠪᠠᠶᠢᠳᠠᠯ ᠶᠠᠮᠠᠷ ᠵᠡᠷᠭᠡ ᠶᠢ ᠠᠩᠬᠠᠷᠴᠤ ᠠᠵᠢᠬᠤ ᠪᠣᠯᠣᠭᠰᠠᠨ ᠪᠢᠯᠡ᠃ ᠡᠨᠡ ᠪᠣᠯ ᠪᠦᠷ ︽ᠨᠢᠳᠦ ᠪᠠᠨ | ᠪᠦᠦ ᠡᠪᠦᠷᠲᠦᠯᠡᠵᠦ ᠶᠠᠪᠤ︕︾ ᠭᠡᠵᠤ ᠢᠵᠢᠢ ᠮᠢᠨᠢ ᠪᠠᠶᠢᠨ ᠳᠠᠬᠢᠨ ᠵᠠᠬᠢᠵᠤ ᠰᠤᠷᠭᠠᠭᠰᠠᠨ ᠤ ᠠᠴᠢ ᠰᠣᠶᠣᠷᠬᠠᠯ | ᠪᠠᠶᠢᠵᠤ᠂ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠤᠨ ᠠᠩᠬᠠᠨ ᠤ ᠬᠢᠴᠢᠶᠡᠯ ᠮᠢᠨᠢ ᠪᠣᠯᠣᠭᠰᠠᠨ ᠪᠢᠯᠡ᠃ | ︽ᠨᠢᠳᠦ ᠪᠠᠨ ᠡᠪᠦᠷᠲᠦᠯᠡᠬᠦ︾ ᠭᠡᠳᠡᠭ ᠦᠭᠡ ᠪᠣᠯ ᠡᠷᠲᠡ ᠳᠡᠭᠡᠷᠡ ᠦᠶᠡ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ | ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠳᠤ ᠯᠡ ᠭᠤᠣᠯᠳᠠᠭᠤ ᠪᠠᠶᠢᠳᠠᠭ ᠥᠪᠡᠷᠮᠢᠴᠡ ᠶᠣᠭᠲᠠ ᠤᠳᠬᠠ ᠲᠠᠢ ᠬᠡᠯᠡᠯᠭᠡ ᠪᠢᠯᠡ᠃ ᠣᠳᠣ | ᠡᠶᠢᠮᠦᠷᠬᠦᠦ ᠦᠭᠡ ᠬᠡᠯᠡᠯᠭᠡ ᠶᠢ ᠮᠡᠳᠡᠬᠦ ᠬᠡᠯᠡᠬᠦ ᠬᠥᠮᠥᠨ ᠴᠥᠭᠡᠷᠡᠵᠡᠢ᠃ ᠨᠡᠩ ᠴᠦ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠤᠨ | ᠳᠤᠮᠳᠠ ᠪᠣᠯ ᠡᠳᠦᠷ ᠤᠨ ᠣᠳᠣ ᠰᠢᠭ᠋ ᠪᠣᠯᠵᠤ ᠪᠣᠢ ᠨᠢ ᠳᠠᠩᠴᠤ ᠬᠠᠷᠠᠮᠰᠠᠯᠲᠠᠢ᠃ ︽ᠨᠢᠳᠦ ᠪᠠᠨ ᠡᠪᠦᠷᠲᠦᠯᠡᠬᠦ︾ | ᠭᠡᠳᠡᠭ ᠦᠭᠡ ᠶᠢ ᠣᠳᠣ ᠶᠢᠨ ᠬᠡᠦᠬᠡᠳ ᠳᠡᠭᠦᠦ ᠨᠠᠷ ᠲᠤ ᠬᠠᠶᠠ ᠨᠢᠭᠡ ᠲᠣᠬᠢᠶᠠᠯᠳᠤᠯ ᠢᠶᠠᠷ ᠬᠡᠯᠡᠬᠦ ᠳᠤ᠂ ᠲᠡᠳᠡ | ᠬᠠᠷᠢᠭᠤ ᠳᠤᠨᠢ᠄ ︽ᠨᠢᠳᠦ ᠶᠢ ᠶᠠᠭᠠᠬᠢᠵᠤ ᠡᠪᠦᠷᠲᠦᠯᠡᠬᠦ ᠶᠤᠮ ᠪᠣᠢ︖︾ ᠭᠡᠵᠤ ᠭᠡᠳᠡᠷᠭᠦ ᠠᠰᠠᠭᠤᠬᠤ ᠨᠢ ᠴᠦ ᠪᠣᠢ᠃ | ᠡᠭᠦᠨ ᠤ ᠰᠢᠯᠲᠠᠭᠠᠨ ᠨᠢ ᠭᠤᠣᠯᠳᠠᠭᠤ ᠮᠣᠩᠭᠤᠯ ᠬᠡᠯᠡᠨ ᠤ ᠶᠠᠳᠠᠭᠤᠷᠠᠯ ᠪᠣᠯᠣᠨ ᠬᠥᠳᠡᠭᠡ ᠠᠴᠠ ᠬᠤᠲᠠᠴᠢᠯᠠᠬᠤ | ᠪᠣᠯᠣᠭᠰᠠᠨ ᠤ ᠰᠢᠯᠲᠠᠭᠠᠨ ᠭᠡᠵᠤ ᠦᠵᠡᠨᠡ᠃ | ︽ᠬᠥᠳᠡᠭᠡ ᠲᠣᠰᠬᠤᠨ ᠢᠶᠠᠷ ᠬᠤᠲᠠ ᠶᠢ ᠪᠦᠰᠡᠯᠡᠬᠦ︾ ᠭᠡᠳᠡᠭ ᠦᠭᠡ ᠪᠣᠯ ᠥᠩᠭᠡᠷᠡᠭᠰᠡᠨ ᠤ ᠬᠤᠪᠢᠰᠬᠠᠯᠲᠤ | ᠳᠠᠶᠢᠨ ᠤ ᠦᠶᠡ ᠳᠤ ᠮᠠᠤ ᠽᠧ ᠳ᠋ᠦᠩ ᠲᠡᠷᠢᠭᠦᠯᠡᠭᠴᠢ ᠶᠢᠨ ᠰᠡᠳᠦᠵᠦ ᠰᠠᠨᠠᠭᠠᠴᠢᠯᠠᠭᠰᠠᠨ ᠪᠠᠶᠢᠯᠳᠤᠬᠤ ᠪᠣᠳᠣᠯᠭᠠ | ᠪᠣᠯᠬᠤ ᠪᠥᠭᠡᠳ ᠲᠡᠷᠡ ᠨᠢ ᠳᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠲᠡᠨ ᠤ ᠴᠢᠯᠦᠭᠡᠯᠡᠯᠲᠡ ᠶᠢᠨ ᠦᠢᠯᠡᠰ ᠲᠤ ᠯᠤᠲᠤ ᠶᠡᠭᠡ | ᠦᠢᠯᠡᠳᠦᠯ ᠨᠥᠯᠥᠭᠡ ᠦᠵᠡᠭᠦᠯᠦᠭᠰᠡᠨ ᠪᠢᠯᠡ᠃ ᠣᠳᠣ ᠰᠢᠨᠡ ᠴᠠᠭ ᠡᠷᠡᠨ ᠳᠤ ᠣᠷᠣᠭᠰᠠᠨ ᠤ ᠰᠡᠭᠦᠯᠡᠷ ᠬᠠᠷᠢᠨ ︽ | ᠬᠤᠲᠠ ᠪᠠᠷ ᠬᠥᠳᠡᠭᠡ ᠲᠣᠰᠬᠤᠨ ᠢ ᠪᠦᠰᠡᠯᠡᠬᠦ︾ ᠪᠣᠯᠵᠤ᠂ ᠬᠥᠳᠡᠭᠡ ᠠᠴᠠ ᠬᠤᠲᠠᠴᠢᠯᠠᠬᠤ ᠲᠡᠰᠢ ᠪᠠᠨ | ᠬᠤᠰᠢᠭᠤᠷᠠᠵᠤ᠂ ᠨᠡᠭᠦᠳᠡᠯ ᠠᠷᠠᠳ ᠨᠢ ᠣᠯᠠᠰᠢᠷᠠᠭᠰᠠᠨ ᠠᠴᠠ ᠦᠨᠳᠦᠰᠦᠲᠡᠨ ᠤ ᠮᠠᠨᠢ ᠦᠷᠡ ᠦᠨᠳᠦᠰᠦ ᠪᠣᠯᠬᠤ | ᠵᠠᠯᠭᠠᠮᠵᠢ ᠬᠤᠶᠢᠴᠢ ᠦᠶᠡ ᠮᠠᠨᠢ ︽ᠨᠢᠳᠦ ᠪᠠᠨ ᠡᠪᠦᠷᠲᠦᠯᠡᠵᠦ︾ ᠶᠠᠪᠤᠬᠤ ᠨᠢ ᠨᠠᠭᠠᠲᠤ ᠵᠠᠬᠠ ᠶᠢᠨ ᠵᠢᠱᠢᠶᠡ ᠪᠣᠯᠵᠠᠢ | ᠃ | ᠡᠶᠢᠮᠦ ᠠᠴᠠ ︽ᠨᠢᠳᠦ ᠪᠠᠨ ᠡᠪᠦᠷᠲᠦᠯᠡᠬᠦ︾ ᠦᠭᠡᠢ᠂ ᠠᠯᠢᠪᠠ ᠶᠠᠭᠤᠮᠠ ᠶᠢ ᠠᠵᠢᠵᠤ ᠠᠩᠬᠠᠷᠴᠤ ᠶᠠᠪᠤᠬᠤ ᠨᠢ | ᠵᠥᠪᠬᠡᠨ ᠮᠠᠯᠴᠢᠨ ᠬᠥᠮᠥᠨ ᠳᠤ ᠯᠡ ᠬᠡᠷᠡᠭ ᠲᠠᠢ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠤᠷᠠᠨ ᠪᠦᠲᠦᠭᠡᠯᠴᠢ᠂ ᠴᠢᠨᠠᠭᠰᠢᠯᠠᠪᠠᠯ | ᠦᠢᠯᠡᠰ ᠪᠦᠲᠦᠭᠡᠭᠴᠢ ᠠᠯᠢᠪᠠ ᠬᠥᠮᠥᠰ ᠲᠤ ᠴᠦ ᠭᠡᠰᠡᠨ ᠲᠤᠰᠠᠲᠠᠢ ᠪᠠᠶᠢᠬᠤ ᠭᠡᠵᠤ ᠪᠣᠳᠣᠨᠠ᠃ | | ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ | ᠬᠤᠰᠢᠭᠤᠨ ᠤ ᠨᠢᠭᠡᠳᠦᠮᠡᠯ ᠹᠷᠣᠨᠲ ᠤᠨ ᠬᠡᠯᠲᠡᠰ |