| ᠨᠠ᠊ · ᠳᠤᠯᠭᠠᠷ | ᠨᠤᠲᠤᠭᠨᠤᠲᠤᠭ ᠤᠨ ᠪᠣᠷᠤ ᠪᠢᠯᠵᠤᠤᠬᠠᠢ | ᠰᠤᠯᠠᠷᠠᠭᠰᠠᠨ ᠠᠷᠭᠠᠮᠵᠢᠶᠠ ᠰᠢᠭ᠋ ᠬᠥᠪᠥᠷᠡᠨ ᠬᠥᠭᠯᠡᠷᠡᠵᠦ ᠲᠡᠷᠲᠡᠭᠡ ᠵᠦᠭ ᠲᠤ ᠰᠤᠨᠤᠯᠵᠠᠬᠤ ᠴᠠᠷᠳᠠᠮᠠᠯ | ᠵᠠᠮ ᠢᠶᠠᠷ ᠮᠠᠨ ᠤ ᠰᠠᠭᠤᠭᠰᠠᠨ ᠮᠠᠰᠢᠨ ᠬᠠᠷᠠᠭᠠ ᠠᠯᠳᠠᠮᠠ ᠠᠨᠢᠷ ᠦᠭᠡᠢ ᠲᠠᠯᠠ ᠶᠢᠨ ᠥᠷᠥᠴᠡ ᠶᠢ ᠵᠦᠰᠦᠨ | ᠳᠠᠪᠭᠢᠨᠠ᠃ ᠲᠡᠷᠭᠡᠨ ᠳᠣᠲᠤᠷᠠ ᠮᠢᠨᠦ ᠤᠨᠠᠭᠠᠨ ᠪᠠᠭᠠ ᠶᠢᠨ ᠨᠠᠶᠢᠵᠠ᠂ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠮᠲᠤ | ᠰᠤᠷᠤᠭᠴᠢ ᠠᠭᠰᠠᠨ ᠠᠳᠢᠶᠠ᠂ ᠪᠠᠳᠮᠠᠴᠢᠮᠡᠭ᠂ ᠵᠢᠯᠤᠭᠤᠴᠢ ᠴᠤᠭ ᠠᠬᠠ ᠲᠠᠢ ᠳᠥᠷᠪᠡᠭᠦᠯᠡ᠃ | ᠴᠤᠭ ᠠᠬᠠ ᠭᠡᠭᠴᠢ ᠤᠤᠯ ᠠᠴᠠ ᠪᠠᠨ ᠶᠠᠷᠢᠶᠠ ᠬᠥᠭᠡᠷᠦᠭᠡ ᠰᠠᠶᠢᠲᠠᠢ᠂ ᠳᠠᠭᠤᠤ ᠰᠢᠯᠦᠭ ᠲᠤ ᠪᠠᠭ᠋ᠠᠲᠠᠢ | ᠬᠥᠮᠥᠨ᠃ ᠶᠠᠳᠠᠷᠠᠭᠰᠠᠨ ᠵᠦᠳᠡᠷᠡᠭᠰᠡᠨ ᠵᠤᠨ ᠳᠤ ᠳᠠᠩᠳᠠ ᠯᠡ ᠲᠤᠰᠠ ᠬᠦᠷᠭᠡᠵᠦ ᠶᠠᠪᠤᠳᠠᠭ ᠶᠤᠮ ᠪᠣᠯᠬᠤᠷ ᠨᠤᠲᠤᠭ | ᠤᠰᠤᠨ ᠳᠤ ᠪᠠᠨ ᠬᠦᠨᠳᠦᠲᠡᠢ ᠬᠥᠮᠥᠨ ᠤ ᠨᠢᠭᠡ᠃ ᠴᠤᠭ ᠠᠬᠠ ᠶᠢᠨ ᠰᠠᠶᠢᠬᠠᠨ ᠶᠠᠷᠢᠶᠠ᠂ ᠮᠠᠨ ᠤ ᠭᠤᠷᠪᠠᠭᠤᠯᠠ | ᠶᠢᠨ ᠬᠥᠭᠲᠡᠢ ᠵᠣᠭᠤᠭ ᠲᠡᠷᠭᠡᠨ ᠳᠣᠲᠤᠷᠠ ᠪᠠᠶᠠᠨ ᠪᠠᠷᠭᠤ ᠶᠢᠨ ᠲᠡᠰᠬᠢᠮᠠ ᠬᠦᠢᠲᠡᠨ ᠡᠪᠦᠯ ᠶᠠᠮᠠᠷ ᠪᠠᠶᠢᠳᠠᠭ ᠢ | ᠮᠠᠷᠲᠠᠭᠤᠯᠵᠤ ᠪᠠᠶᠢᠯᠠ᠃ | ᠳᠠᠯᠠᠢ ᠰᠤᠮᠤᠨ ᠤ ᠲᠡᠳ᠋ ᠳᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠳᠤ ᠪᠠᠶᠢᠭᠰᠠᠨ ᠠᠳᠢᠶᠠ ᠮᠠᠨᠢ ᠠᠵᠢᠯ ᠢᠶᠠᠷ ᠬᠥᠳᠡᠭᠡ | ᠪᠠᠭᠤᠵᠤ ᠪᠠᠶᠢᠬᠤ ᠳᠤ ᠪᠠᠨ ᠭᠠᠷᠭᠠᠭᠰᠠᠨ ᠱᠣᠭᠲᠠᠢ ᠤᠴᠠᠷᠠᠯ ᠢᠶᠠᠨ ᠶᠠᠷᠢᠵᠤ ᠡᠯᠢᠭᠡ ᠬᠦᠰᠢᠲᠡᠯᠡ ᠢᠨᠢᠶᠡᠯᠭᠡᠨᠡ᠃ | ᠪᠠᠳᠮᠠᠴᠢᠮᠡᠭ ᠮᠢᠨᠢ ᠵᠠᠯᠠᠭᠤ ᠽᠠᠨᠳᠠᠨ ᠨᠠᠰᠤᠨ ᠤ ᠬᠠᠶᠢᠷᠠ ᠳᠤᠷᠠᠯᠠᠯ ᠤᠨ ᠦᠯᠢᠭᠡᠷ ᠠᠴᠠ ᠪᠠᠨ ᠶᠠᠷᠢᠵᠤ ᠰᠡᠳᠬᠢᠯ | ᠪᠠᠶᠠᠰᠬᠠᠨᠠ᠃ ᠬᠠᠵᠠᠭᠤ ᠠᠴᠠ ᠨᠢ ᠴᠤᠭ ᠠᠬᠠ ᠪᠢᠳᠡ ᠬᠤᠶᠠᠷ ᠠᠮᠲᠠ ᠰᠢᠮᠲᠡ ᠶᠢ ᠨᠢ ᠲᠠᠭᠠᠷᠠᠭᠤᠯᠵᠤ ᠭᠠᠯ | ᠳᠡᠭᠡᠷᠡ ᠲᠣᠰᠤ ᠨᠡᠮᠡᠨᠡ᠃ | ᠨᠢᠭᠡ ᠮᠡᠳᠡᠬᠦ ᠳᠤ᠂ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠲᠥᠪ ᠠᠮᠤᠭᠤᠯᠠᠩ ᠪᠠᠯᠭᠠᠰᠤ ᠪᠠᠷ ᠳᠠᠭᠠᠷᠢᠵᠤ | ᠮᠣᠳᠤᠭᠮᠵᠢ ᠥᠩᠭᠡᠷᠡᠭᠰᠡᠨ ᠪᠠᠶᠢᠯᠠ᠃ | ᠨᠠᠷᠠᠨ ᠵᠡᠭᠦᠨ ᠵᠦᠭ ᠠᠴᠠ ᠳᠤᠯᠠᠶᠢᠨ ᠮᠠᠨᠳᠤᠨᠠ᠃ ᠡᠬᠡ ᠨᠤᠲᠤᠭ ᠤᠨ ᠢᠶᠠᠨ ᠡᠯᠢᠭᠡᠨ ᠳᠡᠭᠡᠷᠡ ᠠᠴᠠ ᠬᠤᠷᠳᠤᠯᠠᠨ | ᠳᠠᠪᠬᠢᠬᠤ ᠮᠠᠰᠢᠨ ᠲᠡᠷᠭᠡᠨ ᠤ ᠴᠣᠩᠬᠤ ᠪᠠᠷ ᠨᠠᠷᠠᠨ ᠮᠠᠨᠳᠤᠬᠤ ᠶᠢ ᠬᠠᠷᠠᠵᠤ ᠰᠡᠳᠬᠢᠯ ᠳᠣᠭᠲᠤᠯᠤᠨᠠ᠃ ᠦᠨᠡᠨ ᠳᠤ | ᠪᠠᠨ ᠪᠢᠳᠡ ᠡᠨᠡ ᠶᠠᠪᠤᠭᠠ ᠨᠠᠰᠤᠨ ᠳᠤ ᠪᠠᠨ ᠬᠡᠴᠢᠨᠡᠨ ᠤᠳᠠᠭᠠ ᠨᠠᠷᠠᠨ ᠮᠠᠨᠳᠤᠬᠤ ᠶᠢ ᠬᠠᠷᠠᠭᠠ ᠦᠭᠡᠢ ᠪᠣᠢ︕ | ᠭᠡᠬᠦ ᠳᠤ᠂ ᠡᠨᠡ ᠡᠳᠦᠷ ᠤᠨ ᠨᠠᠷᠠᠨ ᠪᠤᠰᠤᠳ ᠡᠳᠦᠷ ᠤᠨ ᠬᠢ ᠠᠴᠠ ᠥᠰᠦᠳ ᠥᠭᠡᠷᠡ ᠪᠠᠷ ᠮᠠᠨᠳᠤᠨᠠ᠃ ᠪᠦᠷ | ᠭᠡᠷᠡᠯᠲᠡᠢ᠂ ᠢᠯᠴᠢᠲᠡᠢ ᠨᠢ ᠠᠷᠭᠠ ᠦᠭᠡᠢ᠃ | ᠪᠢᠳᠡ ᠨᠠᠷᠠᠨ ᠤ ᠵᠦᠭ ᠰᠤᠮᠤᠳᠠᠨ ᠳᠠᠪᠬᠢᠨᠠ᠃ | ᠲᠡᠶᠢᠮᠦ ᠡ︕ ᠲᠡᠷᠡ ᠢᠨᠢᠶᠡᠮᠰᠦᠭᠯᠡᠨ ᠮᠠᠨᠳᠤᠬᠤ ᠨᠠᠷᠠᠨ ᠤ ᠵᠦᠭ ᠲᠤ ᠡᠨᠡ ᠯᠡ ᠡᠳᠦᠷ ᠮᠢᠨᠦ ᠳᠤᠮᠳᠠᠳᠤ | ᠰᠤᠷᠭᠠᠭᠤᠯᠢ ᠶᠢᠨ ᠬᠠᠮᠲᠤ ᠰᠤᠷᠤᠭᠴᠢ ᠨᠠᠷᠠᠠᠭᠡᠷᠡᠯ ᠤᠨ ᠮᠠᠨᠢ ᠥᠬᠢᠨ ᠨᠢᠨᠠ᠂ ᠨᠠᠰᠤᠨ ᠤ ᠬᠠᠨᠢ ᠠᠰᠬᠠᠨ ᠲᠠᠢ ᠪᠠᠨ | ᠰᠢᠨᠡ ᠨᠢᠭᠡᠨ ᠵᠣᠯ ᠵᠢᠷᠭᠠᠯᠲᠤ ᠠᠮᠢᠳᠤᠷᠠᠯ ᠢᠶᠠᠨ ᠴᠣᠭᠴᠠᠯᠠᠬᠤ ᠭᠡᠵᠤ ᠪᠠᠶᠢᠨᠠ᠃ ︽ᠦᠷᠡ ᠶᠢ ᠪᠠᠨ ᠬᠥᠮᠥᠨ | ᠪᠣᠯᠭᠠᠵᠤ᠂ ᠦᠷᠢᠶᠡ ᠪᠠᠨ ᠮᠣᠷᠢ ᠪᠣᠯᠭᠠᠳᠠᠭ︾ ᠶᠢᠷᠲᠢᠨᠴᠦ ᠶᠢᠨ ᠵᠢᠮᠡ ᠶᠣᠰᠤᠭᠠᠷ ᠨᠠᠷᠬᠭᠡᠷᠡᠯ ᠮᠠᠨᠢ ᠡᠬᠡ ᠬᠥᠮᠥᠨ ᠤ | ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠪᠡᠶᠡᠯᠡᠭᠦᠯᠵᠦ ᠬᠠᠶᠢᠷᠠᠲᠠᠢ ᠥᠬᠢᠨ ᠢᠶᠠᠨ ᠬᠠᠳᠠᠮ ᠤᠨ ᠬᠢᠨᠢ ᠭᠠᠵᠠᠷ ᠲᠤ ᠲᠦᠰᠢᠭᠦᠯᠬᠦ | ᠭᠡᠵᠤ ᠪᠠᠶᠢᠨᠠ᠃ | ᠲᠡᠷᠡ ᠵᠢᠷᠭᠠᠯᠲᠠᠢ ᠮᠦᠰᠢᠶᠡᠬᠦ ᠨᠠᠷᠠᠨ ᠤ ᠳᠣᠣᠷᠠ ᠪᠠᠶᠠᠨ ᠪᠠᠷᠭᠤ ᠶᠢᠨ ᠲᠠᠯᠠ ᠨᠤᠲᠤᠭ ᠲᠤ ᠪᠠᠰᠠ ᠨᠢᠭᠡᠨ | ᠠᠶᠢᠯ ᠨᠡᠮᠡᠭᠳᠡᠵᠦ ᠠᠵᠠ ᠵᠢᠷᠭᠠᠯ ᠤᠨ ᠠᠯᠲᠠᠨ ᠴᠡᠭᠴᠡᠦᠬᠡᠢ ᠡᠭᠦᠷᠢᠳᠡ ᠲᠣᠭᠤᠨᠤᠲᠤ ᠭᠡᠷ ᠤᠨ ᠬᠢᠨᠢ ᠲᠣᠳᠤᠭᠤᠨ | ᠳᠡᠭᠡᠷᠡ ᠨᠢ ᠵᠢᠷᠭᠢᠵᠦ ᠪᠠᠶᠠᠷ ᠵᠢᠷᠭᠠᠯ ᠤᠨ ᠨᠠᠷᠠᠨ ᠬᠤᠶᠢᠮᠤᠷ ᠲᠤ ᠨᠢ ᠢᠰᠪᠠᠯᠵᠠᠨ ᠰᠠᠭᠠᠲᠠᠬᠤ ᠪᠣᠯᠤᠨᠠ᠃ ᠲᠡᠷᠡ | ᠣᠮᠤᠭᠯᠠᠩ ᠳᠠᠪᠬᠢᠬᠤ ᠮᠣᠷᠢᠨ ᠤ ᠠᠰᠠᠨ ᠳᠦᠷᠡᠯᠵᠡᠬᠦ ᠳᠡᠯ ᠰᠢᠭ ᠰᠢᠨᠡ ᠬᠤᠣᠰ ᠤᠨ ᠪᠠᠶᠠᠷ ᠨᠠᠶᠢᠷ᠂ ᠬᠤᠷᠢᠮ | ᠲᠥᠷᠥ ᠶᠢᠨ ᠴᠠᠭᠠᠨᠠ ᠬᠡᠴᠢᠨᠡᠨ ᠵᠢᠯ ᠠᠭᠤᠯᠵᠠᠵᠤ ᠤᠴᠠᠷᠠᠭᠠ ᠦᠭᠡᠢ ᠣᠨ ᠤᠳᠠᠭᠰᠠᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ | ᠶᠢᠨ ᠬᠠᠮᠲᠤ ᠨᠥᠬᠦᠳ ᠮᠢᠨᠢ ᠬᠦᠯᠢᠶᠡᠵᠦ ᠪᠠᠶᠢᠭᠠ ᠰᠢᠦ ᠁ | 1979 ᠣᠨ ᠤ ᠨᠠᠮᠤᠷ ᠪᠢᠳᠡ ᠰᠢᠯᠭᠠᠯᠲᠠ ᠪᠠᠷ ᠳᠠᠮᠵᠢᠵᠤ ᠬᠠᠶᠢᠯᠠᠷ ᠲᠠᠬᠢ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ | ᠶᠢᠨ ᠠᠩᠬᠠ ᠨᠢᠭᠡᠳᠦᠭᠡᠷ ᠣᠨ ᠳᠤ ᠳᠠᠪᠰᠢᠨ ᠣᠷᠤᠪᠠ᠃ ᠡᠨᠡ ᠪᠣᠯ ᠲᠥᠷᠥ ᠶᠢ ᠲᠦᠢᠪᠡᠭᠡᠵᠦ ᠲᠦᠮᠡᠨ ᠢ | ᠭᠠᠰᠠᠯᠭᠠᠭᠰᠠᠨ ᠰᠣᠶᠤᠯ ᠤᠨ ᠬᠤᠪᠢᠰᠬᠠᠯ ᠤᠨ ᠳᠠᠷᠠᠭᠠ ᠠᠩᠬᠠ ᠤᠳᠠᠭᠠ ᠰᠢᠯᠭᠠᠯᠲᠠ ᠶᠢᠨ ᠳᠦᠷᠢᠮ ᠢ | ᠬᠡᠷᠡᠭᠵᠢᠭᠦᠯᠵᠦ ᠬᠥᠯᠥᠨ ᠪᠣᠶᠢᠷ ᠤᠨ ᠭᠤᠣᠯᠳᠠᠯᠭᠠ ᠲᠠᠢ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠪᠣᠯᠬᠤ ᠬᠠᠶᠢᠯᠠᠷ ᠲᠠᠬᠢ ᠨᠢᠭᠡᠳᠦᠭᠡᠷ | ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠨᠢ ᠮᠠᠯᠵᠢᠬᠤ ᠳᠥᠷᠪᠡᠨ ᠬᠤᠰᠢᠭᠤᠨ ᠠᠴᠠ ᠰᠤᠷᠤᠭᠴᠢ ᠰᠢᠯᠭᠠᠨ ᠡᠯᠰᠡᠵᠦ ᠪᠠᠶᠢᠭᠠ | ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠢᠩᠭᠢᠭᠡᠳ ᠪᠢᠳᠡ ᠬᠤᠪᠢ ᠢᠷᠦᠭᠡᠯ ᠤᠨ ᠠᠯᠲᠠᠨ ᠬᠦᠬᠦᠷᠭᠡᠨ ᠳᠡᠭᠡᠭᠦᠷ ᠬᠤᠶᠢᠨᠠ ᠡᠮᠦᠨᠡ | ᠠᠴᠠ ᠪᠠᠨ ᠴᠤᠪᠤᠷᠠᠯᠳᠤᠨ ᠬᠥᠯᠥᠨ ᠪᠣᠶᠢᠷ ᠠᠶᠢᠮᠠᠭ ᠤᠨ ᠠᠭᠲᠠ ᠶᠢᠨ ᠳᠥᠷᠪᠡᠨ ᠲᠤᠭᠤᠷᠠᠢ ᠪᠣᠯᠬᠤ ᠳᠥᠷᠪᠡᠨ | ᠮᠠᠯᠵᠢᠬᠤ ᠬᠤᠰᠢᠭᠤᠨ ᠠᠴᠠ ᠬᠠᠶᠢᠯᠠᠷ ᠲᠠᠬᠢ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠬᠤᠷᠠᠨ ᠴᠤᠭᠯᠠᠷᠠᠭᠰᠠᠨ ᠶᠤᠮ | ᠃ ᠮᠠᠨ ᠤ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠸᠠᠩ ᠭᠦᠢ ᠯᠠᠨ ᠭᠡᠭᠴᠢ ᠥᠨᠳᠦᠷᠬᠡᠨ ᠪᠡᠶᠡ ᠲᠠᠢ ᠮᠠᠷᠢᠶᠠᠯᠢᠭ ᠬᠡᠦᠬᠡᠨ᠃ ᠮᠠᠨ | ᠤ ᠠᠩᠬᠠ ᠨᠢᠭᠡ ᠶᠢᠨ ᠨᠢᠭᠡ ᠶᠢᠨ ᠰᠤᠷᠤᠭᠴᠢᠳ ᠭᠡᠭᠴᠢ ᠪᠦᠷ ᠯᠡ ᠬᠤᠰᠢᠭᠤ ᠰᠤᠮᠤᠨ ᠤ ᠰᠤᠷᠭᠠᠭᠤᠯᠢ ᠠᠴᠠ | ᠰᠢᠯᠭᠠᠭᠳᠠᠨ ᠣᠷᠤᠭᠰᠠᠨ ᠵᠢᠩᠬᠢᠨᠢ ᠨᠤᠲᠤᠭ ᠨᠤᠲᠤᠭ ᠤᠨ ᠪᠣᠷᠤ ᠪᠢᠯᠵᠤᠤᠬᠠᠢ ᠨᠤᠭᠤᠳ᠃ ᠪᠠᠷᠭᠤ᠂ ᠪᠤᠷᠢᠶᠠᠳ᠂ | ᠳᠠᠭᠤᠷ᠂ ᠡᠸᠡᠩᠬᠢ᠂ ᠥᠭᠡᠯᠡᠳ᠂ ᠬᠤᠷᠴᠢᠨ ᠣᠯᠠᠨ ᠶᠠᠰᠤᠲᠠᠨ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠥᠩᠭᠡ ᠥᠩᠭᠡ ᠶᠢᠨ | ᠵᠠᠳᠠᠷᠠᠨ ᠳᠡᠯᠭᠡᠷᠡᠭᠡ ᠦᠭᠡᠢ ᠴᠡᠴᠡᠭᠡᠰ᠃ ᠵᠢᠷ ᠤᠨ ᠪᠣᠷᠤᠭᠵᠢᠭᠤᠨ ᠨᠡᠭᠦᠳᠡᠯᠴᠢᠨ ᠤ ᠦᠷᠡᠰ ᠤᠳ ᠤᠨ ᠨᠠᠭᠠᠳᠴᠤ | ᠤᠬᠠᠭᠠᠵᠢᠵᠤ ᠥᠰᠥᠭᠰᠡᠨ ᠡᠭᠡᠯ ᠪᠣᠷᠤᠬᠠᠨ ᠳᠥᠷᠬᠦ ᠪᠠᠷ ᠢᠶᠠᠨ ᠁ ᠡᠶᠢᠮᠦ ᠠᠴᠠ ᠪᠢᠳᠡ ᠬᠡᠳᠦᠶᠢᠪᠡᠷ ᠮᠣᠩᠭᠤᠯ | ᠢᠶᠠᠷ ᠶᠠᠷᠢᠯᠴᠠᠵᠤ ᠪᠠᠶᠢᠭᠠ ᠭᠡᠳᠡᠭ ᠪᠣᠯᠪᠠᠴᠤ ᠪᠦᠷ ᠯᠡ ᠥᠪᠡᠷ ᠥᠪᠡᠷ ᠤᠨ ᠨᠤᠲᠤᠭ ᠤᠨ ᠠᠶᠠᠯᠭᠤ ᠲᠠᠢ ᠪᠣᠯᠬᠤᠷ | ᠶᠠᠭᠤᠮᠠ ᠦᠵᠡᠭᠡ ᠦᠭᠡᠢ ᠬᠡᠦᠬᠡᠳ ᠤᠳ ᠲᠤ ᠶᠡᠭᠡ ᠯᠡ ᠰᠣᠨᠢᠬᠠᠨ ᠰᠠᠨᠠᠭᠳᠠᠨᠠ᠃ ᠨᠠᠰᠤ ᠵᠢᠯ ᠢᠶᠠᠷ ᠠᠪᠴᠤ | ᠬᠡᠯᠡᠭᠰᠡᠨ ᠴᠦ ᠬᠠᠮᠤᠭ ᠤᠨ ᠪᠠᠭᠠ ᠨᠢ ᠠᠷᠪᠠᠨ ᠬᠤᠶᠠᠷ ᠭᠤᠷᠪᠠ ᠲᠠᠢ᠃ ᠲᠡᠭᠦᠨ ᠠᠴᠠ ᠲᠣᠮᠤ ᠬᠤᠶᠠᠷ ᠭᠤᠷᠪᠠᠨ | ᠨᠠᠰᠤ ᠠᠬᠠᠮᠠᠳ ᠠᠷᠪᠠᠨ ᠲᠠᠪᠤ ᠵᠢᠷᠭᠤᠭᠠ ᠬᠦᠷᠦᠭᠰᠡᠨ ᠬᠡᠦᠬᠡᠳ ᠤᠳ ᠴᠦ ᠵᠦᠩᠳᠡᠭᠡᠨ᠃ ᠬᠡᠳᠦᠶᠢᠪᠡᠷ ᠨᠠᠰᠤ ᠵᠢᠯ | ᠤᠨ ᠵᠥᠷᠢᠶᠡ ᠲᠠᠢ ᠪᠣᠯᠪᠠᠴᠤ ᠪᠦᠷ ᠯᠡ ᠮᠠᠯᠵᠢᠬᠤ ᠣᠷᠤᠨ ᠠᠴᠠ ᠣᠴᠢᠭᠰᠠᠨ ᠲᠤᠯᠠ ᠠᠮᠢᠳᠤᠷᠠᠯ ᠤᠨ ᠵᠠᠩ ᠳᠠᠳᠬᠠᠯ | ᠦᠨᠳᠦᠰᠦᠨ ᠳᠤ ᠪᠠᠨ ᠠᠳᠠᠯᠢᠪᠲᠤᠷ᠃ ᠪᠡᠶᠡ ᠪᠡᠶᠡ ᠪᠠᠨ ᠲᠤᠰᠠᠯᠠᠵᠤ ᠳᠡᠮᠵᠢᠳᠡᠭ ᠥᠭᠭᠢᠶᠡᠮᠦᠷᠴᠢ ᠰᠡᠳᠬᠢᠯ ᠲᠠᠢ᠃ | ᠠᠩᠭᠢ ᠶᠢᠨ ᠭᠡᠷ ᠭᠡᠭᠴᠢ ᠨᠢ ᠪᠤᠰᠤᠳ ᠬᠢᠴᠢᠶᠡᠯ ᠤᠨ ᠭᠡᠷ ᠤᠳ ᠠᠴᠠ ᠨᠡᠯᠢᠶᠡᠳ ᠵᠠᠶᠢᠲᠠᠢ ᠰᠤᠷᠭᠠᠭᠤᠯᠢ ᠶᠢᠨ ᠢᠶᠠᠨ | ᠵᠡᠭᠦᠨ ᠬᠤᠶᠢᠲᠤ ᠪᠤᠯᠤᠩ ᠳᠤ ᠪᠠᠶᠢᠷᠢᠯᠠᠭᠰᠠᠨ ᠡᠪ ᠡᠩ ᠤᠨ ᠨᠢᠭᠡ ᠨᠠᠪᠲᠠᠷᠬᠠᠨ ᠰᠢᠪᠠᠷ ᠪᠠᠶᠢᠰᠢᠩ᠃ ᠰᠤᠷᠭᠠᠭᠤᠯᠢ | ᠠᠴᠠ ᠪᠠᠨ ᠲᠠᠰᠤᠷᠠᠵᠤ ᠭᠠᠷᠤᠭᠰᠠᠨ ᠬᠢᠴᠢᠶᠡᠯ ᠤᠨ ᠭᠡᠷ ᠲᠠᠢ ᠪᠣᠯᠬᠤᠷ ᠬᠢᠴᠢᠶᠡᠯ ᠪᠠᠭᠤᠪᠠᠯ ᠨᠠᠪᠲᠠᠷᠬᠠᠨ ᠰᠢᠪᠠᠷ | ᠪᠠᠶᠢᠰᠢᠩ ᠤᠨ ᠢᠶᠠᠨ ᠣᠷᠤᠢ ᠤᠨᠠᠭᠠᠮᠠ ᠪᠤᠵᠢᠭᠢᠨᠠᠯᠳᠤᠵᠤ ᠪᠥᠭᠡᠮ ᠲᠣᠭᠤᠰᠤ ᠰᠢᠷᠤᠢ ᠶᠢᠨ ᠳᠤᠮᠳᠠᠭᠤᠷ ᠬᠡᠦᠭᠡᠳ | ᠤᠳ ᠢᠨᠵᠠᠭᠠ ᠰᠢᠭ᠋ ᠴᠠᠬᠢᠯᠤᠨᠠ᠃ ᠪᠠᠭᠰᠢ ᠣᠷᠤᠵᠤ ᠢᠷᠡᠭᠰᠡᠭᠡᠷ ᠦᠢᠮᠡᠭᠡᠨ ᠱᠤᠤᠭᠢᠶᠠᠨ ᠳᠣᠣᠷᠠ ᠪᠠᠨ ᠨᠠᠮᠬᠠᠷᠠᠵᠤ | ᠦᠢᠮᠡᠯᠳᠦᠨ ᠲᠦᠷᠴᠢᠬᠢᠨᠡᠯᠳᠦᠵᠦ ᠪᠠᠶᠢᠭᠰᠠᠨ ᠬᠡᠦᠬᠡᠳ ᠤᠳ ᠬᠥᠩᠭᠡᠯᠡᠭᠦᠯᠦᠭᠰᠡᠨ ᠢᠰᠢᠭᠡ ᠬᠤᠷᠠᠭᠠ ᠰᠢᠭ᠋ | ᠨᠣᠮᠤᠬᠠᠷᠠᠵᠤ ᠣᠷᠤ ᠣᠷᠤᠨ ᠳᠤ ᠪᠠᠨ ᠲᠣᠯᠤᠭᠠᠢ ᠳᠦᠭᠦᠷᠡᠩ ᠬᠥᠯᠥᠰᠦ ᠲᠠᠢ ᠵᠣᠭᠰᠤᠨᠠ᠃ ᠢᠩᠭᠢᠭᠡᠳ ᠬᠢᠴᠢᠶᠡᠯ | ᠣᠷᠤᠨᠠ᠃ ᠬᠥᠮᠥᠨ ᠪᠣᠯᠤᠭᠰᠠᠨ ᠠᠴᠠ ᠪᠠᠨ ᠨᠠᠭᠠᠰᠢ ᠠᠩᠬᠠ ᠤᠳᠠᠭᠠ ᠠᠪᠤ ᠡᠵᠢ ᠠᠴᠠ ᠪᠠᠨ ᠰᠠᠯᠵᠤ ᠪᠠᠶᠢᠭᠠ | ᠪᠠᠭᠠᠴᠤᠤᠯ ᠪᠣᠯᠬᠤᠷ ᠨᠠᠰᠤ ᠪᠠᠭᠠ ᠨᠢ ᠪᠠᠭᠰᠢ ᠶᠢᠨ ᠢᠶᠠᠨ ᠬᠢᠴᠢᠶᠡᠯ ᠲᠠᠶᠢᠯᠪᠤᠷᠢᠯᠠᠬᠤ ᠶᠢ ᠰᠣᠨᠤᠰᠴᠤ ᠪᠠᠶᠢᠭᠰᠠᠭᠠᠷ | ᠭᠡᠨᠡᠳᠲᠡ ᠭᠡᠷ ᠢᠶᠠᠨ ᠰᠠᠨᠠᠭᠠᠳ ᠤᠬᠢᠯᠠᠴᠢᠬᠠᠨᠠ᠃ ᠵᠠᠷᠢᠮ ᠨᠢ ᠭᠠᠷ ᠲᠤ ᠪᠠᠨ ᠱᠠᠭᠠᠢ ᠶᠢᠨ ᠴᠢᠨᠡᠭᠡ ᠬᠠᠷᠠ ᠪᠤᠷᠠᠮ | ᠪᠠᠷᠢᠴᠢᠬᠠᠭᠠᠳ ᠨᠢᠳᠦ ᠳᠦᠭᠦᠷᠡᠩ ᠨᠢᠯᠪᠤᠰᠤ ᠲᠠᠢ ᠥᠨᠥᠭᠢ ᠬᠠᠪ ᠬᠠᠲᠠᠭᠤ ᠪᠤᠷᠠᠮ ᠢᠶᠠᠨ ᠴᠠᠭᠠᠨ ᠰᠤᠳᠠᠯ | ᠲᠠᠲᠠᠭᠤᠯᠤᠨ ᠮᠡᠷᠡᠨᠡ᠃ ᠵᠠᠷᠢᠮ ᠨᠢ ᠬᠢᠴᠢᠶᠡᠯ ᠤᠨ ᠵᠠᠪᠰᠠᠷ ᠳᠡᠩᠳᠡᠭᠦᠦ ᠭᠦᠶᠦᠵᠦ ᠳᠡᠪᠬᠡᠷᠦᠭᠰᠡᠨ ᠠᠴᠠ ᠪᠣᠯᠵᠤ | ᠢᠳᠡᠭᠰᠡᠨ ᠬᠤᠭᠤᠯᠠ ᠨᠢ ᠳᠣᠣᠷᠠ ᠪᠠᠨ ᠰᠢᠩᠭᠡᠵᠦ ᠬᠤᠳᠤᠭᠤᠳᠤ ᠭᠡᠳᠡᠰᠦ ᠨᠢ ᠬᠤᠩᠭᠢᠨᠠᠵᠤ ᠬᠤᠶᠠᠷ ᠴᠢᠬᠢ ᠨᠢ | ᠳᠦᠩᠭᠢᠨᠡᠬᠦ ᠲᠤᠲᠤᠮ ᠤᠯᠠᠮ ᠭᠡᠷ ᠢᠶᠠᠨ ᠰᠠᠨᠠᠬᠤ ᠨᠢ ᠭᠡᠴᠡᠭᠦᠳᠡᠵᠦ ᠳᠣᠣᠷᠠ ᠳᠠᠭᠤᠨ ᠢᠶᠠᠷ ᠮᠡᠭᠰᠢᠨᠡ᠃ ᠲᠡᠭᠡᠵᠦ | ᠪᠠᠶᠢᠭᠰᠠᠭᠠᠷ ᠨᠢᠭᠡ ᠠᠴᠠ ᠬᠤᠶᠠᠷ᠂ ᠬᠤᠶᠠᠷ ᠠᠴᠠ ᠭᠤᠷᠪᠠ ᠪᠣᠯᠵᠤ ᠪᠡᠶᠡ ᠪᠡᠶᠡ ᠪᠠᠨ ᠳᠠᠭᠠᠵᠤ ᠤᠬᠢᠯᠠᠭᠰᠠᠭᠠᠷ | ᠠᠩᠭᠢ ᠶᠢᠨ ᠭᠡᠷ ᠮᠡᠭᠰᠢᠬᠦ ᠳᠠᠭᠤᠨ ᠢᠶᠠᠷ ᠰᠣᠯᠢᠭᠳᠠᠨᠠ᠃ ᠬᠢᠴᠢᠶᠡᠯ ᠣᠷᠤᠵᠤ ᠪᠠᠶᠢᠭᠰᠠᠨ ᠪᠠᠭᠰᠢ ᠠᠷᠭᠠ ᠪᠤᠰᠤ | ᠬᠢᠴᠢᠶᠡᠯ ᠲᠠᠶᠢᠯᠪᠤᠷᠢᠯᠠᠬᠤ ᠪᠠᠨ ᠪᠣᠯᠢᠵᠤ ᠦᠵᠡᠯ ᠰᠠᠨᠠᠭᠠᠨ ᠤ ᠠᠵᠢᠯ ᠬᠢᠵᠦ ᠵᠣᠷᠢᠭᠵᠢᠭᠤᠯᠤᠨ ᠰᠤᠷᠤᠯᠴᠠᠬᠤ ᠤᠷᠮᠠ | ᠬᠠᠶᠢᠷᠠᠯᠠᠨᠠ᠃ | ᠨᠢᠭᠡ ᠤᠳᠠᠭᠠ ᠸᠠᠩ ᠭᠦᠢ ᠯᠠᠨ ᠪᠠᠭᠰᠢ ᠲᠣᠭᠠᠨ ᠤ ᠬᠢᠴᠢᠶᠡᠯ ᠳᠡᠭᠡᠷᠡ ᠡᠶᠡᠷᠭᠦ ᠰᠥᠭᠡᠷᠬᠦ ᠲᠤᠭᠠ ᠶᠢ | ᠵᠢᠭᠠᠵᠤ ᠪᠠᠶᠢᠭᠰᠠᠭᠠᠷ ᠰᠠᠮᠪᠠᠷᠠ ᠳᠡᠭᠡᠷᠡ ᠡᠶᠡᠷᠭᠦ ᠭᠤᠷᠪᠠ ᠭᠡᠵᠤ ᠪᠢᠴᠢᠴᠢᠬᠡᠭᠡᠳ ᠬᠠᠭᠤᠴᠢᠨ ᠪᠠᠷᠭᠤ ᠠᠴᠠ ᠢᠷᠡᠭᠰᠡᠨ | ᠰᠤᠷᠤᠭᠴᠢ ᠪᠦᠬᠡᠭᠤᠣᠯ ᠢ ᠳᠠᠭᠤᠳᠠᠨ ᠪᠣᠰᠬᠠᠵᠤ᠄ ︽ᠡᠨᠡ ᠲᠤᠭᠠ ᠶᠢ ᠤᠩᠰᠢ︾ ᠭᠡᠪᠡ᠃ ᠪᠥᠬᠡᠭᠤᠣᠯ ᠪᠣᠰᠴᠤ | ᠵᠣᠭᠰᠤᠴᠢᠬᠠᠭᠠᠳ ︽ᠭᠤᠷᠪᠠ︾ ᠭᠡᠪᠡ᠃ ︽ᠶᠠᠮᠠᠷ ᠭᠤᠷᠪᠠ ᠪᠣᠢ︖︾ ᠭᠡᠵᠤ ᠪᠠᠭᠰᠢ ᠯᠠᠪᠳᠠᠭᠤᠯᠤᠨ ᠠᠰᠠᠭᠤᠬᠤ | ᠳᠤ ᠪᠥᠬᠡᠭᠤᠣᠯ ᠮᠠᠨᠢ ᠬᠠᠭᠤᠴᠢᠨ ᠪᠠᠷᠭᠤ ᠬᠡᠯᠡᠯᠭᠡ ᠪᠠᠷ ᠢᠶᠠᠨ᠄ ︽ᠪᠠᠶᠢᠳᠠ ᠭᠤᠷᠪᠠ︾ ᠭᠡᠨᠡ᠃ ᠸᠠᠩ ᠪᠠᠭᠰᠢ | ᠣᠶᠢᠯᠠᠭᠠᠭᠰᠠᠨ ᠦᠭᠡᠢ᠃ ︽ᠶᠠᠮᠠᠷ ᠭᠤᠷᠪᠠ ᠭᠡᠨᠡ︖︾ ᠭᠡᠵᠤ ᠳᠠᠬᠢᠨ ᠳᠠᠪᠲᠠᠨ ᠠᠰᠠᠭᠤᠬᠤ ᠳᠤ ᠪᠠᠭᠰᠢ ᠶᠢᠨ | ᠠᠰᠠᠭᠤᠯᠳᠠ ᠳᠤ ᠪᠠᠯᠢᠳᠠᠨ ᠰᠠᠨᠳᠤᠷᠤᠭᠰᠠᠨ ᠪᠥᠬᠡᠭᠤᠣᠯ ᠮᠥᠨ ᠯᠡ᠄ ︽ᠪᠠᠶᠢᠳᠠ ᠭᠤᠷᠪᠠ︾ ᠭᠡᠵᠤ ᠠᠬᠢᠨ ᠳᠠᠬᠢᠨ | ᠬᠠᠷᠢᠭᠤᠯᠤᠨᠠ᠃ ᠡᠨᠡ ᠦᠶᠡ ᠳᠤ ᠬᠠᠵᠠᠭᠤ ᠠᠴᠠ ᠨᠢ ᠨᠢᠭᠡ ᠰᠤᠷᠤᠭᠴᠢ ᠪᠤᠰᠴᠤ ᠁ ᠶᠢ ᠪᠠᠶᠢᠳᠠ ᠭᠡᠵᠤ | ᠬᠡᠯᠡᠳᠡᠭ ᠭᠡᠵᠤ ᠬᠡᠯᠡᠵᠦ ᠥᠭᠪᠡ᠃ ᠢᠩᠭᠢᠭᠡᠳ ᠪᠠᠭᠰᠢ ᠰᠤᠷᠤᠭᠴᠢ ᠬᠤᠶᠠᠷ ᠤᠴᠢᠷ ᠵᠦᠭ ᠢᠶᠠᠨ ᠣᠯᠣᠯᠴᠠᠭᠰᠠᠨ | ᠪᠣᠯᠪᠠᠴᠤ ᠠᠩᠭᠢ ᠶᠢᠨ ᠨᠥᠬᠦᠳ ᠢᠶᠠᠨ ᠲᠦᠷᠴᠢᠬᠢᠨᠡᠲᠡᠯᠡ ᠢᠨᠢᠶᠡᠯᠭᠡᠵᠦ ᠬᠤᠵᠢᠮ ᠨᠢ ᠪᠦᠬᠡᠭᠤᠣᠯ ᠮᠠᠨᠢ ︽ᠪᠠᠶᠢᠳᠠ | ᠭᠤᠷᠪᠠ︾ ᠭᠡᠳᠡᠭ ᠬᠤᠴᠢ ᠨᠡᠷᠡ ᠣᠯᠵᠤ ᠲᠠᠩᠬᠢᠯ ᠨᠠᠰᠤᠨ ᠤ ᠨᠥᠬᠦᠳ ᠤᠨ ᠢᠶᠠᠨ ᠵᠢᠷᠦᠬᠡᠨ ᠳᠤ ᠮᠥᠩᠬᠡ ᠶᠢᠨ | ᠬᠥᠭᠡᠷᠦᠬᠦᠨ ᠳᠤᠷᠠᠳᠬᠠᠯ ᠢ ᠱᠤᠭᠤᠵᠤ ᠣᠷᠬᠢᠭᠰᠠᠨ ᠪᠠᠶᠢᠯᠠ᠃ ᠡᠨᠡ ᠮᠡᠲᠦ ᠪᠠᠷ ᠪᠠᠭᠰᠢ ᠶᠢᠨ ᠢᠶᠠᠨ ᠨᠢᠳᠦᠨ ᠤ | ᠬᠠᠷᠠᠴᠠ ᠪᠠᠷ ᠰᠢᠯᠪᠢᠭᠦᠷᠳᠡᠭᠦᠯᠦᠨ ᠨᠣᠮᠤᠬᠠᠷᠠᠳᠠᠭ ᠬᠡᠦᠬᠡᠳ ᠨᠠᠰᠤ ᠮᠢᠨᠢ ᠥᠯᠮᠡᠢ ᠳᠤ ᠮᠢᠨᠢ ᠥᠶᠦᠭᠡᠢ ᠪᠠᠨ | ᠲᠡᠪᠢᠰᠦᠭᠰᠡᠨ ᠪᠠᠷᠭᠤ ᠶᠢᠨ ᠲᠠᠯᠠ ᠶᠠᠪᠤᠬᠤ ᠲᠤᠲᠤᠮ ᠠᠭᠤᠵᠢᠷᠠᠳᠠᠭ ᠰᠢᠭ᠋ ᠪᠣᠳᠤᠯ ᠤᠨ ᠭᠦᠨ ᠳᠤ ᠮᠢᠨᠢ ᠴᠠᠬᠢᠯᠤᠨ | ᠪᠠᠭᠤᠵᠤ ᠰᠡᠳᠬᠢᠯ ᠤᠨ ᠳ᠋ᠧᠪᠠᠵᠠᠨ ᠳᠤ ᠢᠲᠡᠭᠡᠯ ᠬᠦᠰᠡᠯ ᠤᠨ ᠳᠥᠯᠥ ᠪᠠᠳᠠᠷᠠᠭᠠᠨ ᠪᠠᠶᠢᠬᠤ ᠳᠤ ᠮᠠᠰᠢᠨ ᠮᠢᠨᠢ ᠴᠠᠩ | ᠪᠦᠩ ᠳᠤ ᠬᠤᠴᠢᠭᠳᠠᠭᠰᠠᠨ ᠨᠣᠶᠢᠷᠮᠤᠭ ᠲᠠᠯᠠ ᠶᠢᠨ ᠴᠠᠰᠤ ᠪᠤᠲᠠᠷᠠᠭᠠᠨ ᠭᠡᠨᠡᠳᠲᠡ ᠵᠣᠭᠬᠢᠨ ᠵᠣᠭᠰᠤᠪᠠ᠃ | ᠵᠠᠰᠠᠮᠠᠯ ᠵᠠᠮ ᠤᠨ ᠬᠠᠵᠠᠭᠤᠳᠠᠬᠢ ᠬᠤᠩᠭᠠᠷᠯᠠᠭᠰᠠᠨ ᠴᠠᠰᠤᠨ ᠳᠤ ᠤᠨᠠᠴᠢᠬᠠᠵᠠᠢ᠃ ᠴᠤᠭ ᠠᠬᠠ ᠬᠦᠴᠦᠲᠡᠢ | ᠲᠣᠰᠤ ᠨᠡᠮᠡᠵᠦ ᠤᠷᠤᠭᠰᠢ ᠵᠢᠳᠬᠦᠭᠦᠯᠬᠦ ᠳᠤ ᠮᠠᠰᠢᠨ ᠨᠢ ᠡᠴᠡᠵᠦ ᠴᠤᠴᠠᠭᠰᠠᠨ ᠮᠣᠷᠢ ᠣᠷᠤᠨ ᠳᠤ ᠪᠠᠨ ᠳᠡᠪᠬᠡᠴᠡᠬᠦ | ᠰᠢᠭ ᠲᠡᠨᠳᠡ ᠪᠠᠨ ᠳᠡᠮᠡᠢ ᠯᠡ ᠣᠭᠤᠭᠢᠯᠠᠨᠠ᠃ ᠭᠠᠳᠠᠨᠠ ᠶᠠᠪᠠᠭᠠᠨ ᠪᠣᠷᠳᠤᠰᠤ ᠬᠡᠶᠢᠰᠴᠦ ᠰᠠᠭᠠᠷᠠᠯ ᠮᠠᠨᠠᠨ | ᠥᠨᠳᠡᠯᠵᠡᠨ ᠳᠦᠩᠰᠦᠭᠡᠷ ᠠᠭᠤᠯᠠᠰ ᠤᠨ ᠣᠷᠭᠢᠯ ᠪᠦᠦᠷ ᠲᠦᠦᠷ ᠰᠦᠮᠡᠯᠵᠡᠭᠡᠳ ᠭᠦᠢᠲᠡᠨ ᠭᠡᠳᠡᠭ ᠨᠢ ᠵᠢᠭᠲᠡᠶᠢᠬᠡᠨ᠃ | ᠪᠢᠳᠡ ᠠᠷᠭᠠ ᠪᠤᠰᠤ ᠮᠠᠰᠢᠨ ᠠᠴᠠ ᠪᠠᠨ ᠪᠠᠭᠤᠵᠤ ᠴᠠᠰᠤ ᠮᠠᠯᠲᠠᠪᠠ᠃ ᠢᠩᠭᠢᠵᠦ ᠪᠠᠶᠢᠲᠠᠯᠠ ᠬᠤᠶᠢᠨᠠ ᠠᠴᠠ | ᠵᠠᠰᠠᠮᠠᠯ ᠵᠠᠮ ᠤᠨ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠲᠣᠪᠴᠢᠶᠠᠨ ᠤ ᠪᠣᠯᠤᠯᠲᠠᠢ ᠨᠢᠭᠡ ᠮᠠᠰᠢᠨ ᠳᠠᠪᠬᠢᠵᠤ ᠢᠷᠡᠭᠡᠳ ᠳᠣᠲᠤᠷᠠ | ᠠᠴᠠ ᠨᠢ ᠥᠨᠳᠦᠷᠬᠡᠨ ᠪᠡᠶᠡ ᠲᠠᠢ᠂ ᠮᠠᠷᠢᠶᠠᠯᠢᠭ ᠵᠠᠯᠠᠭᠤ᠂ ᠴᠡᠴᠡᠭ ᠰᠢᠭ ᠭᠤᠶᠤ ᠭᠤᠷᠪᠠᠨ ᠥᠬᠢᠨ ᠪᠠᠭᠤᠵᠤ ᠪᠢᠳᠡᠨ | ᠲᠠᠢ ᠬᠠᠮᠵᠢᠯᠴᠠᠪᠠ᠃ ᠪᠢᠳᠡ ᠲᠡᠳᠡᠨ ᠳᠤ᠄ ︽ᠲᠠᠯᠠᠷᠬᠠᠵᠤ ᠪᠠᠶᠢᠨᠠ᠃ ᠲᠠᠨᠠᠷ ᠮᠠᠰᠢᠨ ᠳᠤ ᠪᠠᠨ ᠣᠷᠤᠭᠠᠷᠠᠢ᠃ ᠡᠨᠡ | ᠬᠦᠢᠲᠡᠨ ᠳᠤ ᠳᠠᠭᠠᠷᠠᠨᠠ ᠰᠢᠦ︾ ᠭᠡᠨᠡ᠃ ᠬᠥᠭᠡᠷᠦᠬᠦᠢ ᠲᠡᠷᠡ ᠵᠠᠯᠠᠭᠤ ᠯᠡ ᠪᠢᠳᠡᠨ ᠲᠠᠢ ᠬᠠᠭᠠᠰ ᠴᠠᠭ ᠬᠢᠷᠢᠲᠡᠢ | ᠴᠠᠰᠤ ᠮᠠᠯᠲᠠᠵᠤ ᠮᠠᠰᠢᠨ ᠲᠦᠯᠬᠢᠯᠴᠡᠪᠡ᠃ ᠡᠴᠦᠰ ᠲᠡᠭᠡᠨ ᠮᠠᠰᠢᠨ ᠢᠶᠠᠨ ᠴᠠᠰᠤᠨ ᠠᠴᠠ ᠭᠠᠷᠭᠠᠴᠢᠬᠠᠯᠠ᠃ ᠲᠡᠷᠡ | ᠵᠠᠯᠠᠭᠤ ᠳᠤ᠄ ︽ᠪᠠᠶᠠᠷᠯᠠᠵᠤ ᠪᠠᠶᠢᠨᠠ᠂ ᠲᠠᠯᠠᠷᠬᠠᠵᠤ ᠪᠠᠶᠢᠨᠠ︾ ᠭᠡᠵᠤ ᠰᠠᠶᠢᠬᠠᠨ ᠦᠭᠡ ᠶᠢ ᠠᠷᠠᠢ ᠯᠡ ᠬᠡᠯᠡᠵᠦ | ᠠᠮᠵᠢᠭᠰᠠᠨ ᠪᠣᠯᠪᠠᠴᠤ ᠬᠠᠷᠢᠨ ᠨᠡᠷᠡ ᠤᠰᠤ᠂ ᠬᠠᠮᠢᠭᠠᠬᠢ ᠶᠢ ᠨᠢ ᠠᠰᠠᠭᠤᠵᠤ ᠵᠠᠪᠳᠤᠭᠰᠠᠨ ᠦᠭᠡᠢ᠃ ᠵᠠᠯᠠᠭᠤ | ᠮᠠᠰᠢᠨ ᠢᠶᠠᠨ ᠵᠢᠯᠣᠭᠤᠳᠴᠤ ᠬᠤᠷᠤᠮᠬᠠᠨ ᠵᠠᠭᠤᠷᠠ ᠠᠯᠠᠭᠠ ᠪᠣᠯᠪᠠ᠃ ᠪᠢᠳᠡ ᠬᠤᠶᠢᠨᠠ ᠠᠴᠠ ᠨᠢ ᠨᠡᠷᠡ ᠤᠰᠤ ᠶᠢ | ᠨᠢ ᠴᠦ ᠮᠡᠳᠡᠬᠦ ᠦᠭᠡᠢ ᠲᠡᠳᠡᠭᠡᠷ ᠲᠡᠭᠦᠦ ᠨᠠᠷ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠢᠷᠦᠭᠡᠵᠦ ᠶᠠᠪᠤᠯᠠ᠃ ᠴᠤᠭ ᠠᠬᠠ᠄ ︽ | ᠡᠨᠡ ᠬᠦᠢᠲᠡᠨ ᠳᠤ ᠲᠠᠨᠠᠷ ᠢ ᠳᠠᠭᠠᠷᠠᠭᠤᠯᠴᠢᠬᠠᠯᠠ︾ ᠭᠡᠵᠤ ᠡᠪ ᠦᠭᠡᠶᠢᠷᠬᠡᠨᠡ᠃ ᠠᠳᠢᠶᠠ᠂ ᠪᠠᠳᠮᠠᠴᠢᠮᠡᠭ ᠬᠤᠶᠠᠷ᠄ | ︽ᠡᠨᠡ ᠴᠦ ᠭᠠᠶᠢᠭᠤᠢ᠂ ᠬᠠᠷᠢᠨ ᠣᠷᠴᠢᠮ ᠤᠨ ᠵᠢᠯ ᠤᠳ ᠲᠤ ᠴᠠᠰᠤ ᠪᠠᠷ ᠣᠷᠤᠯᠳᠤᠵᠤ ᠬᠦᠢᠲᠡᠨ ᠳᠤ | ᠳᠠᠭᠠᠷᠠᠵᠤ ᠦᠵᠡᠭᠡ ᠦᠭᠡᠢ ᠪᠣᠯᠬᠤᠷ ᠰᠣᠨᠢᠬᠠᠨ ᠪᠠᠶᠢᠨᠠ︾ ᠭᠡᠨᠡ᠃ ᠪᠢ᠄ ︽ᠢᠩᠭᠢᠵᠦ ᠦᠯᠢᠭᠡᠷ ᠲᠠᠢ ᠶᠠᠪᠤᠬᠤ | ᠭᠤᠶᠤ ᠰᠢᠳᠡ᠃ ᠬᠤᠵᠢᠮ ᠳᠤᠷᠠᠰᠬᠤ ᠶᠠᠭᠤᠮᠠ ᠲᠠᠢ ᠪᠢᠰᠢᠦ︖︾ ᠭᠡᠵᠤ ᠤᠯᠵᠠᠷᠬᠠᠪᠠ᠃ ᠪᠢᠳᠡ ᠳᠥᠷᠪᠡ | ᠡᠶᠢᠮᠦᠷᠬᠦᠦ ᠯᠡ ᠶᠠᠷᠢᠯᠴᠠᠭᠰᠠᠭᠠᠷ ᠥᠨᠥᠬᠢ ᠭᠠᠵᠠᠷ ᠠᠴᠠ ᠪᠠᠨ ᠴᠠᠭᠠᠰᠢ ᠠᠷᠪᠠᠭᠠᠳ ᠮᠢᠨᠦ᠋ᠲ ᠶᠠᠪᠤᠯ ᠦᠭᠡᠢ | ᠡᠸᠡᠩᠬᠢ ᠬᠤᠰᠢᠭᠤᠨ ᠤ ᠲᠥᠪ ᠪᠠᠶᠠᠨᠲᠣᠬᠤᠢ ᠪᠠᠯᠭᠠᠰᠤᠨ ᠳᠤ ᠬᠦᠷᠴᠢᠬᠡᠯᠡ᠃ | ᠦᠳᠡ ᠶᠢᠨ ᠠᠷᠪᠠᠨ ᠨᠢᠭᠡᠨ ᠴᠠᠭ ᠤᠨ ᠦᠶᠡ ᠪᠠᠷ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨ ᠤ ᠲᠥᠪ ᠪᠠᠶᠠᠨᠬᠦ᠋ᠷᠢᠶᠡ | ᠪᠠᠯᠭᠠᠰᠤᠨ ᠤ ᠯᠦᠩ ᠶᠦᠨ ᠬᠤᠭᠤᠯᠠᠨ ᠭᠡᠷ ᠲᠤ ᠬᠦᠷᠦᠭᠡᠳ ᠬᠤᠷᠢᠮ ᠨᠢ ᠦᠳᠡ ᠶᠢᠨ ᠬᠤᠶᠢᠨᠠᠬᠢ ᠳᠥᠷᠪᠡᠨ ᠴᠠᠭ | ᠲᠤ ᠬᠢᠬᠦ ᠶᠢ ᠮᠡᠳᠡᠯᠡ᠃ ᠡᠷᠳᠡ ᠪᠠᠶᠢᠭᠰᠠᠭᠠᠷ᠂ ᠳᠥᠷᠪᠡᠨ ᠴᠠᠭ ᠪᠣᠯᠲᠠᠯᠠ ᠶᠠᠭᠤ ᠪᠠᠨ ᠬᠢᠨᠡ︖ ᠪᠢᠳᠡ | ᠭᠤᠷᠪᠠᠭᠤᠯᠠ ᠯᠦᠩ ᠶᠦᠨ ᠬᠤᠭᠤᠯᠠᠨ ᠭᠡᠷ ᠤᠨ ᠬᠤᠶᠢᠲᠤ ᠲᠠᠯᠠ ᠳᠤ ᠪᠠᠶᠢᠭᠠ ᠪᠠᠭᠤᠳᠠᠯ ᠳᠤ ᠠᠮᠠᠷᠠᠬᠤ ᠪᠣᠯᠪᠠ᠃ | ᠮᠠᠨ ᠤ ᠬᠤᠶᠠᠭᠤᠯᠠ ᠪᠠᠭᠤᠳᠠᠯ ᠳᠤ ᠣᠷᠤᠭᠠᠳ ᠣᠷᠤᠨ ᠳᠤ ᠪᠠᠨ ᠬᠡᠪᠲᠡᠮᠡᠭᠴᠡ ᠯᠡ ᠬᠠᠮᠤᠭ ᠴᠣᠭᠴᠠᠰ ᠨᠢ | ᠲᠠᠯᠪᠢᠭᠤᠷᠠᠨ ᠨᠣᠶᠢᠷ ᠤᠨ ᠪᠤᠷᠬᠠᠨ ᠳᠤ ᠲᠣᠯᠤᠭᠠᠢ ᠪᠠᠨ ᠮᠡᠳᠡᠭᠦᠯᠵᠦ ᠨᠠᠮᠵᠢᠭᠤᠬᠠᠨ ᠱᠤᠤᠬᠢᠷᠠᠨᠠ᠃ ᠳᠡᠭᠡᠯᠭᠦᠢ | ᠶᠠᠭᠠᠬᠢᠬᠤ ᠪᠣᠢ ᠳ᠋ᠠ︕ ᠡᠷᠲᠡ ᠶᠢᠨ ᠳᠥᠷᠪᠡᠨ ᠴᠠᠭ ᠲᠤ ᠪᠣᠰᠤᠭᠰᠠᠨ ᠬᠥᠮᠥᠰ ᠵᠠᠮ ᠳᠤ ᠪᠠᠨ ᠳᠠᠭᠠᠷᠠᠵᠤ ᠶᠠᠳᠠᠷᠠᠬᠤ | ᠲᠠᠢ ᠵᠥᠭᠡᠯᠡᠨ ᠪᠥᠬᠡ ᠳᠤ ᠨᠠᠮᠤᠭᠤᠬᠠᠨ ᠴᠣᠬᠢᠭᠤᠯᠬᠤ ᠨᠢ ᠳᠣᠯᠤᠭᠠᠨ ᠵᠥᠪ ᠡ︕ ᠪᠢ ᠯᠡ ᠬᠠᠷᠢᠨ ᠦᠨᠡᠭᠡᠨ ᠤ | ᠨᠢᠳᠦ ᠵᠠᠯᠭᠢᠭᠰᠠᠨ ᠰᠢᠭ᠋ ᠣᠷᠤᠨ ᠳᠤ ᠪᠠᠨ ᠤᠷᠪᠠᠵᠤ ᠬᠦᠷᠪᠡᠭᠡᠳ ᠤᠨᠲᠠᠵᠤ ᠣᠷᠤᠳᠠᠭ ᠶᠠᠭᠤᠮᠠ ᠪᠢᠰᠢ᠃ ᠨᠢᠳᠦ | ᠪᠠᠨ ᠠᠨᠢᠭᠠᠳ ᠬᠡᠪᠲᠡᠬᠦ ᠲᠤᠲᠤᠮ ᠪᠣᠳᠤᠯ ᠣᠯᠠᠳᠠᠨᠠ᠃ ᠲᠡᠭᠡᠵᠦ ᠪᠠᠶᠢᠲᠠᠯᠠ ᠳᠡᠩᠳᠡᠭᠦᠦ ᠭᠡᠨᠡᠨ᠂ ᠳᠠᠩᠴᠤ | ᠴᠠᠶᠢᠯᠭᠠᠨ ᠶᠠᠪᠤᠭᠰᠠᠨ ᠪᠠᠭᠠ ᠨᠠᠰᠤ ᠮᠢᠨᠢ ᠴᠠᠰᠤᠨ ᠳᠡᠭᠡᠷᠡ ᠵᠢᠷᠤᠭᠰᠠᠨ ᠨᠠᠷᠠᠨ ᠤ ᠵᠢᠷᠤᠭ ᠰᠢᠭ᠋ ᠲᠣᠳᠤᠷᠠᠨ | ᠬᠠᠷᠠᠭᠳᠠᠨᠠ᠃ | ᠮᠠᠨ ᠤ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠡᠷᠳᠡᠨᠢᠠᠠᠭᠤᠯᠠ ᠰᠤᠮᠤᠨ ᠠᠴᠠ ᠪᠠᠳᠮᠠᠴᠢᠮᠡᠭ᠂ ᠠᠳᠢᠶᠠ | ᠬᠤᠶᠠᠷ᠂ ᠰᠠᠶᠢᠬᠠᠨᠲᠠᠯᠠ ᠰᠤᠮᠤᠨ ᠠᠴᠠ ᠬᠤᠩ ᠸᠧᠢ᠂ ᠮᠢᠭᠮᠠᠷ ᠬᠤᠶᠠᠷ᠂ ᠠᠳᠤᠭᠤᠨᠴᠢᠯᠠᠭᠤ ᠰᠤᠮᠤᠨ ᠠᠴᠠ ᠨᠠᠳᠠ | ᠲᠠᠢ ᠲᠠᠪᠤᠭᠤᠯᠠ ᠲᠡᠷᠡ ᠵᠢᠯ ︵1979 ᠣᠨ︶ ᠬᠠᠶᠢᠯᠠᠷ ᠲᠠᠬᠢ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠬᠠ | ᠨᠢᠭᠡ ᠶᠢᠨ ᠨᠢᠭᠡ ᠳᠤ ᠣᠴᠢᠭᠰᠠᠨ ᠶᠤᠮ᠃ ᠲᠡᠷᠡ ᠦᠶᠡ ᠳᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠤᠶᠢᠯ ᠤᠨ ᠳᠦᠭᠦᠮ ᠦᠭᠡᠢ᠃ | ᠪᠢᠳᠡ ᠵᠤᠨ ᠤ ᠴᠠᠭ ᠲᠤ ᠪᠣᠯ ᠮᠣᠷᠢᠨ ᠲᠡᠷᠭᠡ ᠲᠠᠢ᠂ ᠡᠪᠦᠯ ᠤᠨ ᠡᠷᠡᠨ ᠳᠤ ᠪᠣᠯ ᠲᠡᠮᠡᠭᠡᠨ ᠲᠡᠷᠭᠡ ᠲᠠᠢ ᠬᠥᠳᠡᠭᠡ | ᠭᠡᠷ ᠠᠴᠠ ᠪᠠᠨ ᠬᠤᠰᠢᠭᠤ ᠣᠷᠤᠨᠠ᠃ ᠮᠠᠷᠭᠠᠰᠢ ᠨᠢ ᠨᠡᠶᠢᠲᠡ ᠶᠢᠨ ᠮᠠᠰᠢᠨ ᠲᠡᠷᠭᠡᠨ ᠳᠤ ᠰᠠᠭᠤᠵᠤ ᠮᠠᠨᠵᠤᠤᠷ | ᠣᠷᠤᠨᠠ᠃ ᠮᠠᠨᠵᠤᠤᠷ ᠲᠤ ᠨᠢᠭᠡ ᠬᠤᠨᠤᠭᠠᠳ ᠰᠠᠶ᠋ᠢ ᠭᠠᠯᠲᠤ ᠲᠡᠷᠭᠡᠨ ᠳᠤ ᠰᠠᠭᠤᠵᠤ ᠬᠠᠶᠢᠯᠠᠷ ᠲᠤ ᠣᠴᠢᠨᠠ᠃ | ᠲᠡᠶᠢᠮᠦ ᠠᠴᠠ ᠬᠠᠶᠢᠯᠠᠷ ᠬᠤᠲᠠ ᠭᠡᠳᠡᠭ ᠴᠢᠨᠢ ᠲᠡᠷᠡ ᠦᠶᠡ ᠶᠢᠨ ᠬᠥᠮᠥᠰ ᠲᠤ ᠲᠣᠩ ᠬᠤᠯᠠ ᠪᠠᠶᠢᠭᠠ ᠲᠣᠮᠤ | ᠬᠤᠲᠠ ᠰᠢᠭ᠋ ᠰᠠᠨᠠᠭᠳᠠᠨᠠ᠃ | ᠪᠢ ᠠᠷᠪᠠᠨ ᠭᠤᠷᠪᠠ ᠬᠦᠷᠲᠡᠯᠡ ᠬᠠᠶᠢᠯᠠᠷ ᠮᠠᠨᠵᠤᠤᠷ ᠭᠡᠳᠡᠭ ᠨᠡᠷᠡ ᠶᠢ ᠰᠣᠨᠤᠰᠴᠤ ᠥᠩᠭᠡᠷᠡᠭᠰᠡᠨ ᠪᠣᠯᠪᠠᠴᠤ | ᠣᠴᠢᠵᠤ ᠦᠵᠡᠭᠡ ᠦᠭᠡᠢ᠃ ᠬᠠᠶᠢᠯᠠᠷ ᠲᠠᠬᠢ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢ ᠪᠣᠯᠤᠨᠠ | ᠭᠡᠳᠡᠭ ᠴᠢᠨᠢ ᠬᠤᠷᠠᠭᠠ ᠲᠤᠭᠤᠯ ᠤᠨ ᠪᠡᠯᠴᠢᠭᠡᠷ ᠠᠴᠠ ᠪᠠᠨ ᠬᠤᠯᠠᠳᠠᠵᠤ ᠦᠵᠡᠭᠡ ᠦᠭᠡᠢ ᠨᠠᠳᠠᠳᠤ ᠠᠪᠴᠤ ᠬᠡᠯᠡᠪᠡᠯ | ᠲᠡᠭᠷᠢ ᠳᠤ ᠲᠤᠯᠤᠮᠠ ᠪᠠᠶᠠᠷᠲᠠᠢ ᠶᠠᠪᠤᠳᠠᠯ᠃ ᠮᠠᠨ ᠤ ᠨᠤᠲᠤᠭ ᠤᠨ ᠬᠥᠮᠥᠰ᠂ ᠮᠢᠨᠦ ᠬᠠᠮᠲᠤ ᠨᠥᠬᠦᠳ ᠪᠦᠷ ᠨᠠᠮᠠᠢᠢ | ᠬᠠᠶᠢᠯᠠᠷ ᠤᠨ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠵᠤ ᠣᠷᠤᠯᠠ ᠭᠡᠰᠡᠨ ᠢ ᠰᠣᠨᠤᠰᠤᠭᠠᠳ ᠪᠢᠰᠢᠷᠡᠨ ᠪᠠᠭ᠋ᠠᠲᠤᠵᠤ ᠵᠠᠷᠢᠮ ᠨᠢ ᠡᠵᠢ | ᠳᠤ ᠮᠢᠨᠢ᠄ ︽ᠴᠢ ᠡᠨᠡ ᠬᠡᠦᠬᠡᠨ ᠢ ᠲᠡᠵᠢᠭᠡᠭᠰᠡᠨ ᠪᠡᠨᠡ ᠲᠠᠢ᠃ ᠬᠥᠮᠥᠨ ᠶᠡᠷᠦᠳᠡᠭᠡᠨ ᠬᠠᠮᠤᠭ ᠤᠨ ᠰᠠᠶᠢᠨ ᠬᠡᠦᠬᠡᠳ | ᠢᠶᠠᠨ ᠪᠤᠰᠤᠳ ᠲᠤ ᠲᠡᠵᠢᠭᠡᠯᠭᠡᠳᠡᠭ ᠭᠡᠨᠡ ᠯᠠᠢ︾ ᠭᠡᠵᠤ ᠭᠡᠨᠡ᠃ ᠲᠡᠷᠡ ᠦᠭᠡ ᠶᠢ ᠰᠣᠨᠤᠰᠤᠭᠠᠳ ᠮᠢᠨᠦ ᠵᠢᠷᠦᠬᠡ | ᠬᠢᠲᠤᠭᠠ ᠪᠠᠷ ᠵᠦᠰᠦᠭᠳᠡᠭᠰᠡᠨ ᠰᠢᠭ ᠡᠮᠵᠡᠭᠯᠡᠨᠡ᠃ ᠲᠡᠭᠡᠬᠦ ᠲᠤᠰᠤᠮ ᠢᠶᠠᠨ ᠪᠢ᠄ ︽ᠪᠣᠣ ᠶᠠᠭᠠᠷᠠᠵᠤ ᠪᠠᠢ︕ ᠪᠢ | ᠡᠵᠢ ᠶᠢᠨ ᠢᠶᠠᠨ ᠨᠢᠭᠤᠷ ᠢ ᠶᠠᠭᠠᠬᠢᠭᠰᠠᠨ ᠴᠦ ᠪᠠᠷᠠᠬᠤ ᠦᠭᠡᠢ ᠶᠤᠮ᠃ ᠲᠠᠨᠠᠷ ᠬᠠᠷᠠᠵᠤ ᠪᠠᠢ︕ ᠪᠢ ᠵᠠᠪᠠᠯ ᠰᠠᠶᠢᠨ | ᠴᠢᠷᠮᠠᠶᠢᠨᠠ︾ ᠭᠡᠵᠤ ᠳᠣᠲᠤᠷᠠ ᠪᠠᠨ ᠰᠡᠮᠡᠭᠡᠷ ᠵᠣᠷᠢᠭ ᠰᠢᠭᠤᠳᠤᠨᠠ᠃ | ᠡᠵᠢ ᠲᠣᠩ ᠪᠠᠶᠠᠷᠲᠠᠢ︕ ᠠᠮᠢᠳᠤᠷᠠᠯ ᠳᠤ ᠪᠠᠨ ᠵᠣᠪᠠᠵᠤ ᠵᠦᠳᠡᠵᠦ ᠶᠠᠪᠤᠭᠰᠠᠨ ᠪᠣᠯᠪᠠᠴᠤ ᠥᠪᠡᠷ ᠢᠶᠠᠨ | ᠰᠣᠶᠤᠯ ᠤᠨ ᠰᠣᠬᠤᠷ ᠪᠣᠯᠤᠭᠰᠠᠨ ᠳᠤ ᠪᠠᠨ ᠭᠡᠮᠰᠢᠵᠦ ᠨᠠᠮᠠᠢᠢ ᠵᠠᠪᠠᠯ ᠰᠠᠶᠢᠨ ᠰᠤᠷᠭᠠᠬᠤ ᠭᠡᠳ ᠴᠢᠷᠮᠠᠶᠢᠳᠠᠭ | ᠪᠠᠶᠢᠭᠰᠠᠨ ᠨᠢ ᠲᠠᠯᠠᠭᠠᠷ ᠪᠣᠯᠤᠭᠰᠠᠨ ᠦᠭᠡᠢ ᠳᠤ ᠰᠡᠳᠬᠢᠯ ᠵᠢᠷᠦᠬᠡ ᠨᠢ ᠦᠨᠡᠨ ᠬᠦ ᠪᠠᠶᠠᠷ ᠵᠢᠷᠭᠠᠯ ᠢᠶᠠᠷ ᠳᠠᠭᠤᠯᠠᠨᠠ᠃ | ᠮᠠᠨ ᠤ ᠰᠤᠮᠤᠨ ᠤ ᠰᠤᠷᠭᠠᠭᠤᠯᠢ ᠠᠴᠠ ᠠᠩᠬᠠ ᠤᠳᠠᠭᠠ ᠪᠢ ᠬᠤᠲᠠ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠭᠳᠠᠨ | ᠣᠷᠤᠵᠤ ᠪᠠᠶᠢᠭᠠ ᠲᠤᠯᠠ ᠮᠠᠨ ᠤ ᠨᠥᠬᠦᠳ᠄ ︽ᠬᠠᠶᠢᠯᠠᠷ ᠬᠤᠲᠠ ᠭᠡᠳᠡᠭ ᠴᠢᠨᠢ ᠶᠡᠭᠡ ᠬᠤᠲᠠ ᠭᠡᠨᠡ᠃ ᠲᠣᠩ | ᠬᠤᠯᠠ ᠭᠡᠨᠡ ᠰᠢᠦ᠃ ᠠᠶᠠᠷ ᠮᠠᠨᠵᠤᠤᠷ ᠬᠤᠲᠠ ᠪᠠᠷ ᠳᠠᠭᠠᠷᠢᠵᠤ ᠭᠠᠯ ᠲᠡᠷᠭᠡᠨ ᠳᠤ ᠰᠠᠭᠤᠭᠠᠳ ᠣᠴᠢᠨᠠ ᠭᠡᠨᠡ᠃ | ᠭᠠᠯ ᠲᠡᠷᠭᠡ ᠭᠡᠳᠡᠭ ᠴᠢᠨᠢ ᠠᠶᠠᠭᠠ ᠲᠠᠢ ᠴᠠᠢ ᠲᠠᠯᠪᠢᠬᠤ ᠳᠤ ᠴᠠᠯᠭᠢᠬᠤ ᠦᠭᠡᠢ ᠶᠠᠪᠤᠳᠠᠭ ᠭᠡᠨᠡ ᠁︾ ᠭᠡᠵᠤ | ᠲᠣᠮᠤᠴᠤᠤᠯ ᠠᠴᠠ ᠰᠣᠨᠤᠰᠤᠭᠰᠠᠨ ᠢᠶᠠᠨ ᠶᠠᠷᠢᠵᠤ ᠨᠠᠳᠠᠳᠤ ᠰᠡᠳᠬᠢᠯ ᠤᠨ ᠤᠷᠮᠠ᠂ ᠢᠲᠡᠭᠡᠯ ᠤᠨ ᠬᠦᠴᠦ ᠥᠭᠭᠦᠨᠡ | ᠃ | ᠪᠢ ᠲᠡᠳᠡᠭᠡᠷ ᠶᠢᠰᠦᠨ ᠬᠦᠰᠡᠯ ᠪᠡᠶᠡᠯᠡᠬᠦ ᠶᠢᠨ ᠥᠯᠵᠡᠢ ᠳᠡᠮᠪᠡᠷᠢᠯ ᠪᠢᠯᠬᠠᠭᠰᠠᠨ ᠵᠦᠩᠨᠡᠯ ᠢ ᠬᠦᠷᠲᠡᠭᠰᠡᠭᠡᠷ ᠰᠤᠷᠭᠠᠭᠤᠯᠢ | ᠳᠤ ᠪᠠᠨ ᠶᠠᠪᠤᠯᠠ᠃ ᠭᠠᠯᠲᠤ ᠲᠡᠷᠭᠡᠨ ᠳᠤ ᠦᠨᠡᠬᠡᠷ ᠠᠩᠬᠠ ᠤᠳᠠᠭᠠ ᠰᠠᠭᠤᠵᠤ ᠦᠵᠡᠪᠡ᠃ ᠬᠠᠶᠢᠯᠠᠷ ᠬᠤᠲᠠ | ᠭᠡᠳᠡᠭ ᠴᠢᠨᠢ ᠦᠨᠡᠨ ᠴᠦ ᠲᠣᠮᠤ ᠬᠤᠲᠠ ᠶᠤᠮ ᠪᠠᠶᠢᠨᠠ᠃ ᠭᠠᠯᠲᠤ ᠲᠡᠷᠭᠡᠨ ᠠᠴᠠ ᠪᠠᠭᠤᠬᠤ ᠳᠤ᠂ ᠡᠷᠡᠮᠡᠭ | ᠪᠣᠷᠤᠯᠠᠭ ᠤᠨ ᠤᠰᠤᠨ ᠵᠢᠷᠤᠭᠠ ᠰᠢᠭ᠋ ᠵᠢᠷᠢᠯᠵᠡᠭᠰᠡᠨ ᠬᠠᠲᠠᠷᠢᠶᠠ ᠪᠠᠷ ᠵᠢᠷᠪᠢᠯᠵᠡᠨ ᠥᠩᠭᠡᠷᠡᠬᠦ ᠮᠠᠰᠢᠨ ᠮᠣᠲ᠋ᠤᠷ᠂ | ᠳᠤᠭᠤᠢ ᠲᠠᠢ ᠬᠥᠮᠥᠰ ᠮᠢᠨᠦ ᠬᠠᠵᠠᠭᠤ ᠪᠠᠷ ᠰᠠᠯᠬᠢ ᠲᠠᠲᠠᠭᠤᠯᠤᠨ ᠵᠥᠷᠢᠨᠡ᠃ ᠲᠡᠭᠦᠨ ᠤ ᠴᠠᠭᠠᠨᠠ ᠨᠢ ᠣᠷᠤᠢ ᠶᠢ | ᠨᠢ ᠬᠠᠷᠠᠬᠤ ᠳᠤ ᠮᠠᠯᠠᠭᠠᠢ ᠤᠨᠠᠮᠠᠷ ᠥᠨᠳᠦᠷ ᠥᠨᠳᠦᠷ ᠠᠰᠠᠷ ᠲᠠᠭᠲᠤ ᠰᠦᠨᠳᠡᠷᠯᠡᠨᠡ᠃ ᠪᠢ ᠲᠡᠳᠡᠭᠡᠷ ᠪᠦᠬᠦᠨ ᠢ | ᠠᠮᠢᠳᠤᠷᠠᠯ ᠤᠨ ᠣᠴᠢ ᠣᠷᠭᠢᠨ ᠬᠠᠷᠠᠵᠤ ᠪᠠᠶᠢᠭᠠ ᠨᠢᠳᠦ ᠪᠠᠷ ᠰᠣᠨᠢᠭᠤᠴᠢᠯᠠᠨ ᠬᠠᠷᠠᠬᠤ ᠳᠤ ᠰᠡᠳᠬᠢᠯ ᠤᠨ ᠳᠣᠲᠤᠷᠠ | ᠵᠤᠯᠠ ᠠᠰᠠᠬᠤ ᠰᠢᠭ᠋ ᠪᠣᠯᠤᠨᠠ᠃ ᠦᠳᠡ ᠶᠢᠨ ᠬᠤᠶᠢᠨᠠ ᠨᠢ ᠡᠵᠢ ᠨᠠᠳᠠᠳᠤ ᠪᠠᠭᠠ ᠰᠠᠭᠠ ᠵᠠᠷᠤᠳᠠᠯ ᠪᠠᠷᠢᠳᠠᠯ | ᠠᠪᠴᠤ ᠥᠭᠬᠦ ᠭᠡᠳ ᠮᠠᠯᠴᠢᠳ ᠤᠨ ᠪᠠᠭᠤᠳᠠᠯ ᠤᠨ ᠵᠡᠭᠦᠨ ᠡᠮᠦᠨᠡ ᠲᠠᠯᠠ ᠳᠤ ᠪᠠᠶᠢᠭᠠ ᠦᠨᠳᠦᠰᠦᠲᠡᠨ ᠤ | ᠬᠤᠳᠠᠯᠳᠤᠭᠠ ᠳᠤ ᠣᠴᠢᠬᠤ ᠪᠠᠷ ᠭᠠᠷᠤᠯᠠ᠃ | ᠥᠷᠭᠡᠨ ᠶᠡᠭᠡ ᠴᠠᠷᠳᠠᠮᠠᠯ ᠵᠠᠮ ᠢᠶᠠᠷ ᠮᠠᠰᠢᠨ ᠲᠡᠷᠭᠡ ᠳᠠᠪᠬᠢᠵᠤ ᠳᠤᠭᠤᠢ ᠲᠠᠢ ᠬᠥᠮᠥᠰ ᠰᠥᠯᠵᠢᠯᠳᠦᠨᠡ᠃ ᠪᠢ | ᠳᠡᠷᠡᠰᠦᠨ ᠤ ᠤᠵᠤᠭᠤᠷ ᠲᠤ ᠤᠨᠲᠠᠵᠤ ᠰᠦᠷᠦᠭ ᠠᠴᠠ ᠪᠠᠨ ᠲᠠᠰᠤᠷᠠᠵᠤ ᠬᠤᠴᠤᠷᠤᠭᠰᠠᠨ ᠬᠤᠷᠠᠭᠠ ᠰᠢᠭ᠋ | ᠪᠦᠯᠲᠡᠯᠵᠡᠵᠦ ᠶᠠᠭᠠᠬᠢᠵᠤ ᠵᠠᠮ ᠤᠨ ᠴᠠᠭᠠᠳᠤ ᠲᠠᠯᠠ ᠳᠤ ᠭᠠᠷᠬᠤ ᠪᠠᠨ ᠣᠯᠬᠤ ᠦᠭᠡᠢ ᠰᠠᠨᠳᠤᠷᠤᠨᠠ᠃ ᠲᠡᠭᠡᠵᠦ | ᠪᠠᠶᠢᠭᠰᠠᠭᠠᠷ ᠦᠷᠭᠦᠭᠰᠡᠨ ᠵᠡᠭᠡᠷᠡ ᠰᠢᠭ ᠤᠭᠯᠤ ᠦᠰᠦᠷᠦᠨ ᠭᠦᠶᠦᠬᠦ ᠲᠠᠢ ᠵᠡᠷᠭᠡ ᠳᠤᠭᠤᠢ ᠲᠠᠢ ᠬᠥᠮᠥᠨ ᠳᠤ | ᠳᠠᠭᠠᠷᠢᠭᠳᠠᠵᠤ ᠲᠡᠷᠡᠶᠢᠲᠡᠯᠡ ᠭᠠᠵᠠᠷ ᠡᠯᠢᠭᠡᠳᠡᠵᠦ ᠤᠨᠠᠪᠠ᠃ ᠬᠠᠷᠢᠨ ᠨᠠᠮᠠᠢᠢ ᠳᠠᠭᠠᠷᠢᠵᠤ ᠤᠨᠠᠭᠠᠭᠰᠠᠨ ᠥᠨᠥᠬᠢ | ᠬᠥᠮᠥᠨ ᠮᠠᠨᠢ ᠡᠷᠭᠦᠵᠦ ᠪᠣᠰᠬᠠᠬᠤ ᠶᠢ ᠪᠣᠣ ᠬᠡᠯᠡ᠂ ᠴᠣᠬᠢᠮᠠᠷ ᠠᠭᠠᠰᠢᠯᠠᠵᠤ ᠬᠢᠲᠠᠳ ᠢᠶᠠᠷ ᠱᠣᠯᠤᠭᠠᠨᠠᠵᠤ | ᠱᠣᠯᠤᠭᠠᠨᠠᠭᠠᠳ ᠴᠠᠭᠠᠰᠢ ᠶᠠᠪᠤᠪᠠ᠃ ᠪᠣᠳᠤᠬᠤ ᠳᠤ ᠬᠠᠷᠢᠶᠠᠭᠰᠠᠨ ᠯᠡ ᠪᠠᠶᠢᠬᠠ᠃ ᠬᠥᠳᠡᠭᠡ ᠠᠴᠠ ᠳᠦᠩᠭᠡᠵᠢ | ᠣᠴᠢᠭᠰᠠᠨ ᠪᠢ ᠶᠠᠮᠠᠷ ᠬᠢᠲᠠᠳ ᠦᠭᠡ ᠭᠦᠦᠷᠡᠬᠦ ᠪᠢᠰᠢ ᠳ᠋ᠠ᠃ ᠠᠶᠤᠵᠤ ᠰᠣᠴᠢᠬᠤ ᠳᠤ ᠪᠠᠨ ᠵᠥᠪᠬᠡᠨ ᠯᠡ | ᠰᠢᠵᠠᠷᠠᠵᠤ ᠵᠤᠯᠭᠠᠷᠠᠭᠰᠠᠨ ᠭᠠᠷ ᠤᠨ ᠠᠯᠠᠭᠠ ᠪᠠᠨ ᠨᠤᠬᠤᠯᠠᠵᠤ ᠡᠪᠦᠳᠦᠭ ᠢᠶᠠᠨ ᠪᠠᠷᠢᠨᠠ᠃ ᠲᠡᠷᠡ ᠡᠪᠡᠳᠦᠭᠰᠡᠨ | ᠭᠡᠵᠢ ᠡ︕ ᠣᠷᠤᠢ ᠨᠢ ᠡᠵᠢ ᠨᠠᠳᠠᠳᠤ᠄ ︽ᠮᠢᠨᠦ ᠬᠡᠦᠬᠡᠨ ᠵᠠᠮ ᠶᠠᠪᠤᠬᠤ ᠳᠤ ᠪᠠᠨ ᠬᠢᠴᠢᠶᠡᠬᠦ ᠶᠤᠮ ᠰᠢᠦ᠃ ᠪᠣᠣ | ᠯᠡ ᠮᠠᠰᠢᠨ ᠮᠣᠲ᠋ᠤᠷ ᠲᠤ ᠳᠠᠭᠠᠷᠢᠭᠤᠯᠴᠢᠬᠠ ᠳ᠋ᠠ᠃ ᠬᠤᠲᠠ ᠶᠢᠨ ᠭᠤᠲᠤᠮᠵᠢ ᠪᠠᠷ ᠶᠠᠪᠤᠬᠤ ᠳᠤ ᠪᠠᠨ ᠪᠠᠷᠠᠭᠤᠨ | ᠮᠥᠷᠥ ᠪᠠᠨ ᠳᠠᠭᠠᠵᠤ ᠶᠠᠪᠤᠭᠠᠷᠠᠢ᠃ ᠵᠠᠮ ᠣᠭᠲᠤᠯᠬᠤ ᠳᠤ ᠪᠠᠨ ᠭᠦᠶᠦᠵᠦ ᠪᠣᠯᠬᠤ ᠦᠭᠡᠢ᠃ ᠭᠠᠭᠴᠠᠭᠠᠷ ᠢᠶᠠᠨ ᠪᠣᠣ | ᠬᠤᠲᠠ ᠭᠠᠷᠤᠭᠠᠷᠠᠢ᠃ ᠬᠤᠲᠠ ᠭᠠᠷᠬᠤ ᠭᠡᠪᠡᠯ ᠣᠯᠠᠨ ᠨᠥᠬᠦᠳ ᠲᠠᠢ ᠪᠠᠨ ᠴᠤᠭ ᠶᠠᠪᠤ᠃ ᠁︾ ᠭᠡᠵᠤ | ᠵᠠᠬᠢᠭᠰᠠᠨ ᠳᠡᠭᠡᠷᠡ ᠨᠢ ᠵᠠᠬᠢᠨᠠ᠃ ᠪᠠᠰᠠ᠄ ︽ᠴᠢ ᠦᠨᠡᠨ ᠯᠡ ᠡᠵᠢ ᠶᠢ ᠪᠠᠨ ᠰᠠᠨᠠᠳᠠᠭ ᠶᠤᠮ ᠪᠣᠯ ᠪᠢᠴᠢᠭ ᠢᠶᠠᠨ | ᠰᠠᠶᠢᠨ ᠰᠤᠷᠤᠭᠠᠷᠠᠢ᠃ ᠴᠢ ᠰᠤᠷᠤᠯᠭᠠ ᠳᠤ ᠪᠠᠨ ᠪᠤᠰᠤᠳ ᠠᠴᠠ ᠳᠣᠣᠭᠤᠷ ᠣᠷᠤᠬᠤ ᠦᠭᠡᠢ ᠶᠠᠪᠤᠪᠠᠯ ᠡᠵᠢ ᠶᠢ | ᠪᠠᠨ ᠰᠠᠨᠠᠵᠤ ᠪᠠᠶᠢᠨᠠ ᠯᠡ ᠭᠡᠰᠡᠨ ᠦᠭᠡ︾ ᠭᠡᠵᠤ ᠡᠷᠴᠢ ᠶᠢ ᠨᠢ ᠴᠢᠩᠭᠠᠷᠠᠭᠤᠯᠵᠤ ᠦᠭᠡ ᠪᠠᠷ ᠲᠠᠰᠢᠭᠤᠷᠳᠠᠨᠠ᠃ | ᠮᠠᠷᠭᠠᠰᠢ ᠨᠢ ᠡᠵᠢ ᠨᠠᠮᠠᠢᠢ ᠰᠤᠷᠭᠠᠭᠤᠯᠢ ᠳᠤ ᠬᠦᠷᠭᠡᠵᠦ ᠪᠠᠶᠢᠷᠢ ᠳᠤ ᠰᠠᠭᠤᠯᠭᠠᠴᠢᠬᠠᠭᠠᠳ ᠥᠪᠡᠷ ᠢᠶᠠᠨ ᠭᠠᠯ ᠲᠡᠷᠭᠡ | ᠪᠠᠷ ᠪᠤᠴᠠᠪᠠ᠃ ᠲᠡᠭᠡᠬᠦ ᠳᠤ ᠪᠠᠨ ᠬᠠᠶᠢᠯᠠᠷ ᠠᠴᠠ ᠭᠠᠷᠤᠭᠠᠳ ᠴᠠᠭᠠᠨ ᠪᠠᠯᠭᠠᠰᠤ ᠬᠦᠷᠲᠡᠯᠡ᠄ ︽ᠮᠢᠨᠦ ᠬᠡᠦᠬᠡᠨ ᠠᠯᠢ | ᠪᠠᠶᠢᠰᠢᠩ ᠤᠨ ᠬᠢᠨᠢ ᠪᠤᠯᠤᠩ ᠳᠤ ᠵᠣᠭᠰᠤᠭᠠᠳ ᠤᠬᠢᠯᠠᠵᠤ ᠪᠠᠶᠢᠭᠠ ᠪᠣᠯ︖ ᠥᠯᠥᠰᠴᠦ ᠪᠠᠶᠢᠭᠠ ᠪᠣᠯ ᠦᠦ︖ | ᠳᠠᠭᠠᠷᠠᠵᠤ ᠪᠡᠭᠡᠷᠡᠵᠦ ᠶᠠᠪᠤᠭᠠ ᠪᠣᠯ ᠤᠤ︖︾ ᠭᠡᠵᠤ ᠪᠣᠳᠤᠨ ᠪᠣᠳᠤᠨ ᠤᠬᠢᠯᠠᠵᠤ ᠶᠠᠪᠤᠯᠠ ᠭᠡᠵᠤ ᠬᠡᠵᠢᠶᠡ | ᠬᠤᠶᠢᠨᠠ ᠪᠣᠯᠲᠠᠯᠠ ᠬᠠᠭᠤᠴᠢᠯᠠᠳᠠᠭ ᠰᠠᠨ᠃ ᠪᠢ ᠢᠩᠭᠢᠵᠦ ᠯᠡ ᠬᠥᠮᠥᠨ ᠪᠣᠯᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠠᠩᠬᠠ | ᠤᠳᠠᠭᠠ ᠡᠵᠢ ᠠᠴᠠ ᠪᠠᠨ ᠰᠠᠯᠵᠤ ᠦᠵᠡᠭᠰᠡᠨ ᠶᠤᠮ᠃ | ᠡᠵᠢ ᠪᠠᠨ ᠰᠠᠨᠠᠬᠤ ᠭᠡᠳᠡᠭ ᠬᠡᠴᠡᠭᠦᠦ᠃ ᠭᠠᠷᠠᠭ ᠤᠨ ᠡᠳᠦᠷ ᠪᠣᠯᠤᠭᠰᠠᠭᠠᠷ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ | ᠤᠬᠢᠶᠠᠵᠤ ᠪᠠᠷᠠᠴᠢᠬᠠᠪᠠᠯ ᠶᠠᠮᠠᠷ ᠴᠦ ᠵᠣᠷᠢᠯᠭᠠ ᠦᠭᠡᠢ ᠪᠠᠷ ᠬᠤᠲᠠ ᠶᠢᠨ ᠭᠤᠳᠤᠮᠵᠢ ᠪᠠᠷ ᠠᠯᠬᠤᠯᠠᠵᠤ ᠮᠣᠩᠭᠤᠯ | ᠳᠡᠪᠡᠯ ᠲᠠᠢ ᠬᠥᠮᠥᠨ ᠢ ᠬᠠᠷᠠᠨᠠ᠃ ᠮᠣᠩᠭᠤᠯ ᠳᠡᠪᠡᠯ ᠲᠠᠢ ᠬᠥᠮᠥᠨ ᠢ ᠬᠠᠷᠠᠭᠰᠠᠭᠠᠷ ᠳᠣᠲᠤᠷᠠ ᠪᠠᠭ᠋ᠠᠨ ᠣᠩᠭᠤᠶᠢᠵᠤ | ᠡᠨᠡ ᠪᠦᠰᠡᠭᠦᠢ ᠮᠢᠨᠦ ᠡᠵᠢ ᠪᠠᠶᠢᠭᠰᠠᠨ ᠪᠣᠯ ᠬᠡᠳᠦᠢ ᠰᠠᠶᠢᠬᠠᠨ ᠪᠣᠢ︖ ᠭᠦᠶᠦᠵᠦ ᠣᠴᠢᠭᠠᠳ ᠲᠡᠪᠡᠷᠢᠭᠡᠳ ᠠᠪᠬᠤ | ᠰᠠᠨ ᠭᠡᠵᠤ ᠪᠣᠳᠤᠨᠠ᠃ ᠲᠡᠭᠡᠵᠦ ᠪᠣᠳᠤᠵᠤ ᠲᠡᠷᠡ ᠮᠣᠩᠭᠤᠯ ᠳᠡᠪᠡᠯ ᠲᠠᠢ ᠬᠥᠮᠥᠨ ᠤ ᠬᠤᠶᠢᠨᠠ ᠠᠴᠠ ᠳᠠᠭᠠᠭᠰᠠᠭᠠᠷ | ᠮᠠᠯᠴᠢᠳ ᠤᠨ ᠪᠠᠭᠤᠳᠠᠯ ᠳᠤ ᠬᠦᠷᠦᠨᠡ᠃ ᠲᠡᠷᠡ ᠲᠠᠨᠢᠬᠤ ᠦᠭᠡᠢ ᠬᠥᠮᠥᠨ ᠬᠡᠵᠢᠶᠡ ᠬᠤᠳᠠᠯᠳᠤᠭᠠ ᠪᠤᠶᠤ ᠪᠠᠭᠤᠳᠠᠯ | ᠳᠤ ᠣᠷᠤᠭᠠᠳ ᠪᠠᠷᠠ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ ᠪᠣᠯᠪᠠᠯ ᠪᠢ ᠡᠷᠭᠢᠵᠦ ᠰᠤᠷᠭᠠᠭᠤᠯᠢ ᠥᠭᠡᠳᠡ ᠪᠠᠨ ᠭᠦᠶᠦᠨᠡ᠃ ᠪᠢ | ᠢᠩᠭᠢᠵᠦ ᠯᠡ ᠠᠩᠬᠠᠨ ᠤ ᠬᠤᠭᠤᠴᠠᠭᠠ ᠪᠠᠨ ᠥᠩᠭᠡᠷᠡᠭᠦᠯᠦᠭᠰᠡᠨ ᠰᠠᠨ᠃ | ᠡᠪᠦᠯ ᠤᠨ ᠠᠮᠠᠷᠠᠯᠲᠠ ᠪᠣᠯᠵᠤ ᠮᠠᠨ ᠤ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠤᠷᠤᠭᠴᠢᠳ ᠪᠦᠷ ᠭᠠᠯᠲᠤ | ᠲᠡᠷᠭᠡᠨ ᠳᠤ ᠰᠠᠭᠤᠵᠤ ᠮᠠᠨᠵᠤᠤᠷ ᠣᠷᠤᠪᠠ᠃ ᠮᠠᠷᠭᠠᠰᠢ ᠨᠢ ᠬᠤᠰᠢᠭᠤ ᠣᠷᠤᠬᠤ ᠨᠡᠶᠢᠲᠡ ᠶᠢᠨ ᠮᠠᠰᠢᠨ ᠲᠡᠷᠭᠡᠨ ᠳᠤ | ᠭᠠᠷᠬᠤ ᠭᠡᠰᠡᠨ ᠴᠢᠨᠢ ᠪᠢᠳᠡ ᠪᠢᠯᠧᠲ ᠣᠯᠤᠭᠰᠠᠨ ᠪᠠᠶᠢᠲᠠᠯᠠ ᠰᠠᠭᠤᠳᠠᠯ ᠣᠯᠤᠭᠠ ᠦᠭᠡᠢ᠃ ᠪᠠᠳᠮᠠᠴᠢᠮᠡᠭ᠂ ᠠᠳᠢᠶᠠ | ᠬᠤᠶᠠᠭᠤᠯᠠ ᠶᠢ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠡᠷᠳᠡᠨᠢᠠᠭᠤᠯᠠ ᠰᠤᠮᠤᠨ ᠤ ᠡᠪᠯᠡᠯ ᠤᠨ ᠡᠭᠦᠷ ᠤᠨ ᠱᠦᠵᠢ ᠪᠠᠶᠢᠭᠰᠠᠨ | ᠭᠦᠪᠡᠷᠢ ᠠᠬᠠ ᠨᠢ ᠮᠠᠨᠵᠤᠤᠷ ᠠᠴᠠ ᠲᠣᠰᠴᠤ ᠠᠪᠠᠴᠢᠪᠠ᠃ ᠣᠳᠤ ᠮᠢᠭᠮᠠᠷ᠂ ᠬᠤᠩ ᠸᠧᠢ᠂ ᠪᠢᠳᠡ ᠭᠤᠷᠪᠠᠭᠤᠯᠠ | ᠦᠯᠡᠳᠡᠪᠡ᠃ ᠬᠤᠩ ᠸᠧᠢ ᠶᠢᠨ ᠡᠭᠡᠴᠢ ᠨᠠᠷᠠ ᠨᠢ ᠨᠡᠶᠢᠲᠡ ᠶᠢᠨ ᠮᠠᠰᠢᠨ ᠲᠡᠷᠭᠡᠨ ᠤ ᠠᠷᠤ ᠶᠢᠨ ᠴᠣᠩᠬᠤ ᠪᠠᠷ | ᠤᠷᠢᠳᠠᠪᠠᠷ ᠬᠤᠩ ᠸᠧᠢ ᠶᠢ ᠣᠷᠤᠭᠤᠯᠵᠤ ᠳᠠᠷᠠᠭᠠ ᠨᠢ ᠮᠢᠭᠮᠠᠷ ᠢ ᠴᠢᠬᠢᠵᠦ᠂ ᠬᠠᠮᠤᠭ ᠤᠨ ᠰᠡᠭᠦᠯ ᠳᠤ ᠨᠠᠮᠠᠢᠢ ᠠᠷᠠᠢ | ᠴᠢᠮᠠᠢ ᠴᠢᠬᠢᠵᠦ ᠣᠷᠤᠭᠤᠯᠪᠠ᠃ ᠪᠢᠳᠡ ᠭᠤᠷᠪᠠ ᠢᠩᠭᠢᠭᠡᠳ ᠮᠠᠨᠵᠤᠤᠷ ᠠᠴᠠ ᠬᠤᠰᠢᠭᠤ ᠬᠦᠷᠲᠡᠯᠡ ᠥᠷᠥᠭᠡᠰᠦᠨ | ᠬᠥᠯ ᠳᠡᠭᠡᠷᠡ ᠪᠠᠨ ᠡᠭᠡᠯᠵᠢᠯᠡᠨ ᠵᠣᠭᠰᠤᠵᠤ ᠢᠷᠡᠭᠰᠡᠨ ᠶᠤᠮ᠃ ᠬᠤᠰᠢᠭᠤᠨ ᠳᠤ ᠬᠦᠷᠦᠭᠰᠡᠨ ᠤ ᠳᠠᠷᠠᠭᠠ ᠬᠤᠩ | ᠸᠧᠢ ᠶᠢᠨ ᠠᠬᠠ ᠨᠢ ᠲᠡᠷᠭᠡᠨ ᠤ ᠥᠷᠲᠡᠭᠡᠨ ᠠᠴᠠ ᠲᠡᠭᠦᠨ ᠢ ᠲᠣᠰᠪᠠ᠃ ᠬᠤᠩ ᠸᠧᠢ ᠠᠬᠠ ᠪᠠᠷ ᠢᠶᠠᠨ ᠪᠣᠭᠴᠤ | ᠪᠠᠨ ᠡᠭᠦᠷᠦᠭᠦᠯᠴᠢᠬᠡᠭᠡᠳ ᠳᠡᠷᠭᠡᠳᠡ ᠨᠢ ᠳᠡᠭᠳᠡᠭᠡᠭᠡᠢ ᠰᠢᠭ ᠵᠢᠭᠠᠬᠠᠨ ᠶᠠᠭᠤᠮᠠ ᠳᠡᠭᠳᠡᠯᠵᠡᠭᠰᠡᠭᠡᠷ ᠪᠠᠷᠠᠭᠤᠨ ᠲᠠᠶᠢᠰᠢ | ᠶᠠᠪᠤᠨᠠ᠃ ᠮᠢᠭᠮᠠᠷ ᠬᠡᠵᠢᠶᠡᠨᠡᠢ ᠠᠯᠠᠭᠠ ᠪᠣᠯᠪᠠ᠃ ᠪᠣᠳᠤᠬᠤ ᠳᠤ ᠪᠠᠰᠠ ᠲᠠᠨᠢᠯ ᠠᠶᠢᠯ ᠤᠨ ᠳᠤ ᠪᠠᠨ ᠣᠴᠢᠬᠤ ᠪᠠᠷ | ᠶᠠᠪᠤᠭᠰᠠᠨ ᠪᠠᠶᠢᠬᠠ︕ ᠪᠢ ᠬᠤᠶᠠᠷ ᠵᠢᠵᠢᠭ ᠪᠣᠭᠴᠤ ᠪᠠᠨ ᠡᠭᠦᠷᠴᠦ ᠪᠠᠷᠠᠭᠤᠨ ᠬᠤᠶᠢᠰᠢ ᠪᠠᠨ ᠰᠠᠯᠬᠢ ᠰᠦᠷᠦᠨ | ᠠᠯᠬᠤᠯᠠ᠃ | ᠲᠡᠷᠡ ᠵᠢᠯ ᠤᠨ ᠡᠪᠦᠯ ᠴᠠᠰᠤ ᠵᠤᠵᠠᠭᠠᠨ᠃ ᠬᠦᠢᠲᠡᠨ ᠤ ᠡᠷᠴᠢ ᠵᠢᠭᠲᠡᠢ ᠶᠡᠭᠡ ᠴᠢᠩᠭᠠᠷᠠᠵᠤ ᠪᠠᠶᠢᠭᠰᠠᠨ ᠠᠴᠠ | ᠬᠥᠳᠡᠭᠡ ᠭᠡᠷ ᠲᠡᠭᠡᠨ ᠶᠠᠪᠤᠬᠤ ᠤᠨᠤᠭᠠ ᠬᠥᠰᠭᠡ ᠲᠠᠭᠠᠷᠠᠯᠳᠤᠬᠤ ᠦᠭᠡᠢ ᠬᠤᠰᠢᠭᠤᠨ ᠳᠤ ᠬᠡᠳᠦ ᠬᠤᠨᠤᠴᠢᠬᠠᠯᠠ᠃ | ᠢᠩᠭᠢᠵᠦ ᠪᠠᠶᠢᠲᠠᠯᠠ ᠡᠵᠢ ᠨᠠᠮᠠᠢᠢ ᠠᠪᠠᠴᠢᠬᠤ ᠪᠠᠷ ᠲᠡᠮᠡᠭᠡᠨ ᠲᠡᠷᠭᠡ ᠲᠠᠢ ᠢᠷᠡᠪᠡ᠃ ᠪᠢᠳᠡ ᠬᠤᠶᠠᠷ ᠠᠮᠤ ᠪᠤᠳᠠᠭᠠ᠂ | ᠯᠠ᠂ ᠴᠦᠢᠳᠡᠩ ᠭᠡᠬᠦ ᠮᠡᠲᠦ ᠶᠢᠨ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠰᠡᠯ ᠬᠢᠭᠡᠳ ᠵᠢᠯ ᠰᠠᠷᠠ ᠶᠢᠨ ᠶᠠᠭᠤᠮᠠ ᠪᠠᠨ ᠵᠣᠭᠤᠰ ᠤᠨ | ᠢᠶᠠᠨ ᠬᠢᠷᠢ ᠪᠠᠷ ᠠᠪᠴᠢᠬᠠᠭᠠᠳ ᠥᠨᠳᠦᠷ ᠰᠢᠷᠠ ᠮᠣᠳᠤᠨ ᠲᠡᠷᠭᠡᠨ ᠳᠡᠭᠡᠷᠡ ᠪᠠᠨ ᠠᠴᠢᠵᠤ ᠲᠠᠲᠠᠯᠭᠠ ᠪᠠᠷ | ᠳᠠᠩᠭᠢᠨᠠᠲᠠᠯᠠ ᠲᠠᠲᠠᠪᠠ᠃ ᠲᠡᠭᠡᠭᠡᠳ ᠡᠵᠢ ᠲᠡᠷᠭᠡᠨ ᠤ ᠪᠤᠷᠤᠭᠤ ᠲᠠᠯᠠ ᠳᠤ ᠨᠠᠮᠠᠢᠢ ᠵᠤᠵᠠᠭᠠᠨ ᠭᠡᠭᠴᠢ ᠶᠢᠨ ᠨᠡᠬᠡᠢ | ᠠᠷᠠᠰᠤᠨ ᠬᠥᠨᠵᠢᠯᠡ ᠪᠠᠷ ᠬᠤᠴᠢᠵᠤ ᠰᠠᠭᠤᠯᠭᠠᠭᠠᠳ ᠥᠪᠡᠷ ᠢᠶᠠᠨ ᠲᠡᠷᠭᠡᠨ ᠤ ᠵᠥᠪ ᠲᠠᠯᠠ ᠶᠢᠨ ᠠᠷᠠᠯ ᠳᠤ | ᠰᠠᠨᠳᠠᠶᠢᠯᠠᠨ ᠰᠠᠭᠤᠵᠤ ᠲᠡᠮᠡᠭᠡᠨ ᠲᠡᠷᠭᠡ ᠪᠠᠨ ᠭᠡᠯᠢᠨᠡ᠃ ᠲᠡᠷᠭᠡᠨ ᠳᠤ ᠬᠥᠯᠯᠡᠭᠰᠡᠨ ᠰᠢᠷᠠ ᠠᠳᠠ ᠡᠵᠢ ᠪᠢᠳᠡ | ᠬᠤᠶᠠᠷ ᠢ ᠪᠠᠰᠤᠮᠵᠢᠯᠠᠵᠤ ᠳᠤᠷᠠ ᠲᠠᠢ ᠳᠤᠷᠠ ᠦᠭᠡᠢ ᠠᠯᠬᠤᠯᠠᠨᠠ᠃ ᠪᠦᠳᠦᠭᠦᠨ ᠭᠡᠭᠴᠢ ᠶᠢᠨ ᠬᠠᠨᠠ ᠶᠢᠨ ᠮᠣᠳᠤᠨ | ᠤ ᠬᠤᠭᠤᠷᠬᠠᠢ ᠪᠠᠷ ᠠᠷᠤ ᠬᠤᠨᠳᠤᠯᠠᠢ ᠳᠡᠭᠡᠭᠦᠷ ᠨᠢ ᠬᠠᠶᠠ ᠨᠢᠭᠡ ᠴᠢᠨᠡᠭᠡ ᠮᠡᠳᠡᠨ ᠴᠣᠬᠢᠬᠤ ᠳᠤ ᠵᠢᠭᠠᠬᠠᠨ | ᠬᠤᠷᠲᠤᠯᠠᠬᠤ ᠰᠢᠭ᠋ ᠪᠣᠯᠤᠭᠰᠠᠨ ᠢᠶᠠᠨ ᠬᠡᠳᠦ ᠪᠤᠶᠢᠯᠠᠭᠠᠳ ᠤᠭ ᠤᠨ ᠬᠡᠪ ᠲᠡᠭᠡᠨ ᠠᠯᠬᠤᠯᠠᠴᠢᠬᠠᠨᠠ᠃ ᠢᠩᠭᠢᠵᠦ | ᠴᠠᠰᠤᠲᠤ ᠲᠠᠯᠠ ᠶᠢᠨ ᠳᠤᠮᠳᠠᠭᠤᠷ ᠪᠠᠷᠤᠭ ᠶᠣᠭᠤᠬᠤ ᠰᠢᠬᠠᠭᠤ ᠶᠠᠪᠤᠭᠰᠠᠭᠠᠷ ᠳᠦᠩᠭᠡᠵᠢ ᠪᠠᠶᠠᠨ ᠬᠤᠭᠤᠯᠠᠢ | ᠥᠩᠭᠡᠷᠡᠲᠡᠯᠡ ᠲᠡᠷᠡ — ᠬᠤᠶᠢᠨᠠ ᠳᠡᠷᠡᠰᠦᠨ ᠤ ᠨᠥᠮᠦᠷᠢ ᠳᠤ ᠠᠷᠪᠠᠭᠠᠳ ᠳᠡᠮᠡᠭᠡᠳ ᠪᠠᠶᠢᠵᠤ ᠳᠤᠮᠳᠠ ᠨᠢ | ᠳᠤᠩᠭᠢᠷ ᠴᠠᠭᠠᠨ ᠲᠣᠯᠤᠭᠠᠢ ᠲᠠᠢ᠂ ᠤᠯᠠᠭᠠᠨ ᠲᠤᠭ ᠲᠠᠢ ᠨᠢᠭᠡ ᠲᠡᠮᠡᠭᠡ ᠣᠶᠢᠷᠠ ᠣᠷᠴᠢᠮ ᠤᠨ ᠬᠡᠳᠦᠨ ᠲᠡᠮᠡᠭᠡ | ᠪᠠᠨ ᠬᠥᠭᠡᠭᠡᠵᠦ ᠬᠤᠷᠢᠶᠠᠭᠠᠳ ᠪᠢᠳᠡᠨ ᠤ ᠵᠦᠭ ᠬᠠᠨᠳᠤᠵᠤ ᠰᠢᠯᠢ ᠪᠠᠨ ᠪᠠᠶᠢᠨ ᠳᠠᠬᠢᠨ ᠰᠢᠯᠭᠡᠭᠡᠵᠦ ᠰᠢᠪᠠᠵᠤ | ᠵᠣᠭᠰᠤᠨᠠ᠃ ᠲᠡᠷᠡ ᠰᠦᠷᠲᠡᠢ ᠭᠡᠵᠢ ᠡ︕ ᠪᠢ᠄ ︽ᠡᠵᠢ ᠡ︕ ᠲᠡᠷᠡ ᠬᠤᠶᠢᠨᠠ ᠠᠷᠪᠠᠭᠠᠳ ᠲᠡᠮᠡᠭᠡ ᠪᠠᠶᠢᠨᠠ | ᠃ ᠳᠤᠮᠳᠠ ᠨᠢ ᠨᠢᠭᠡ ᠤᠯᠠᠭᠠᠨ ᠲᠤᠭ ᠲᠠᠢ ᠲᠡᠮᠡᠭᠡ ᠪᠠᠶᠢᠨᠠ᠃ ᠶᠠᠭᠠᠬᠢᠭᠠᠳ ᠡᠨᠡ ᠲᠡᠮᠡᠭᠡᠨ ᠳᠤ ᠤᠯᠠᠭᠠᠨ ᠲᠤᠭ | ᠵᠡᠭᠦᠯᠭᠡᠵᠦ ᠪᠠᠶᠢᠭᠠ ᠶᠤᠮ︖︾ ᠭᠡᠵᠤ ᠠᠰᠠᠭᠤᠪᠠ᠃ ᠡᠵᠢ᠄ ︽ᠳᠤᠭᠤᠢ ᠪᠠᠢ︕ ᠡᠯᠢᠶᠡ ᠲᠠᠢ ᠪᠤᠤᠷᠠ ᠪᠠᠶᠢᠨᠠ᠃ | ᠪᠤᠤᠷᠠ ᠣᠷᠤᠭᠠ ᠨᠢ ᠣᠷᠤᠪᠠᠯ ᠬᠡᠴᠡᠭᠦᠷᠡᠵᠦ ᠳᠣᠭᠰᠢᠷᠠᠳᠠᠭ ᠶᠤᠮ᠃ ᠪᠠᠷᠤᠭ ᠯᠡ ᠷᠠᠰᠢᠶᠠᠨ ᠲᠠᠯᠠᠪᠠᠢ ᠶᠢᠨ ᠪᠤᠤᠷᠠ | ᠪᠠᠶᠢᠬᠠ︾ ᠭᠡᠰᠡᠨ ᠢᠶᠠᠨ ᠲᠡᠮᠡᠭᠡ ᠪᠠᠨ ᠴᠣᠬᠢᠭᠰᠠᠨ ᠳᠡᠭᠡᠷᠡ ᠨᠢ ᠴᠣᠬᠢᠵᠤ ᠬᠤᠷᠲᠤᠯᠠᠭᠤᠯᠤᠨᠠ᠃ ᠰᠢᠷᠠ ᠠᠲᠠ ᠴᠦ | ᠬᠤᠯᠠ ᠶᠢᠨ ᠪᠠᠷᠠ ᠬᠠᠷᠠᠭᠰᠠᠨ ᠪᠣᠯᠤᠯᠲᠠᠢ᠃ ᠰᠠᠶ᠋ᠢ ᠶᠢᠨ ᠲᠡᠷᠡ ᠪᠢᠳᠡᠨ ᠢ ᠪᠠᠰᠤᠮᠵᠢᠯᠠᠵᠤ ᠪᠠᠶᠢᠭᠰᠠᠨ ᠳᠦᠷᠢ ᠨᠢ | ᠣᠷᠤ ᠮᠥᠷ ᠦᠭᠡᠢ ᠠᠷᠢᠯᠵᠤ ᠴᠢᠨᠡᠭᠡ ᠮᠡᠳᠡᠨ ᠲᠠᠰᠢᠨᠡ᠃ ᠢᠩᠭᠢᠵᠦ ᠪᠠᠶᠢᠲᠠᠯᠠ ᠥᠨᠥᠬᠢ ᠲᠤᠭ ᠲᠠᠢ ᠪᠤᠤᠷᠠ | ᠠᠷᠪᠠᠭᠠᠳ ᠲᠡᠮᠡᠭᠡ ᠪᠠᠨ ᠬᠤᠶᠢᠯᠠᠷᠠᠲᠠᠯᠠ ᠬᠤᠷᠢᠶᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠬᠦᠵᠦᠭᠦᠦ ᠪᠠᠨ ᠰᠤᠩᠭᠠᠵᠤ ᠪᠢᠳᠡᠨ ᠤ | ᠥᠭᠡᠳᠡ ᠭᠦᠶᠦᠵᠦ ᠢᠷᠡᠪᠡ᠃ ᠲᠡᠷᠭᠡᠨ ᠳᠤ ᠬᠥᠯᠯᠡᠭᠰᠡᠨ ᠰᠢᠷᠠ ᠠᠲᠠ ᠴᠦ ᠲᠡᠭᠦᠨ ᠤ ᠪᠠᠷᠠ ᠪᠠᠷ ᠰᠦᠨᠡᠰᠦ ᠪᠠᠨ | ᠵᠠᠶᠢᠯᠠᠲᠠᠯᠠ ᠠᠶᠤᠵᠤ᠂ ᠴᠠᠰᠤ ᠮᠥᠰᠦ᠂ ᠪᠣᠳᠠ ᠳᠡᠷᠡᠰᠦᠨ ᠤ ᠳᠡᠭᠡᠭᠦᠷ ᠠᠮᠢ ᠲᠡᠮᠡᠴᠡᠨ ᠴᠣᠭᠭᠢᠨᠠ᠃ ᠥᠨᠥᠬᠢ | ᠪᠤᠤᠷᠠ ᠶᠢᠨ ᠴᠡᠭᠡᠵᠢ ᠨᠢ ᠬᠥᠩᠭᠢᠨᠡᠵᠦ᠂ ᠰᠢᠳᠦ ᠪᠠᠨ ᠲᠠᠴᠢᠭᠢᠨᠠᠲᠠᠯᠠ ᠬᠠᠪᠢᠷᠴᠤ᠂ ᠬᠥᠭᠡᠷᠦᠬᠦᠢ ᠰᠢᠷᠠ ᠠᠲᠠ ᠲᠠᠢ | ᠮᠢᠨᠢ ᠦᠰᠢᠶᠡ ᠲᠠᠢ ᠶᠤᠮᠰᠢᠭ ᠵᠣᠭᠲᠤᠷ ᠠᠴᠠ ᠨᠢ ᠠᠪᠤᠮᠠᠷ ᠠᠪᠤᠮᠠᠷ ᠨᠥᠷᠢᠨ ᠲᠡᠰᠢᠨᠡ᠃ ᠥᠨᠳᠦᠷ ᠰᠢᠷᠠ ᠮᠣᠳᠤᠨ | ᠲᠡᠷᠭᠡ ᠮᠢᠨᠢ ᠠᠳᠡ ᠲᠡᠨᠳᠡ ᠪᠠᠯᠪᠠᠷᠠᠮᠠᠷ ᠰᠠᠵᠢᠯᠠᠭᠳᠠᠵᠤ ᠳᠡᠭᠡᠷᠡ ᠨᠢ ᠰᠠᠭᠤᠭᠰᠠᠨ ᠡᠵᠢ ᠪᠢᠳᠡ ᠬᠤᠶᠠᠷ ᠲᠣᠭᠲᠠᠵᠤ | ᠶᠠᠳᠠᠨᠠ᠃ ᠪᠢ ᠤᠬᠠᠭᠠ ᠠᠯᠳᠠᠲᠠᠯᠠ ᠠᠶᠤᠵᠤ ᠠᠴᠢᠶᠠᠨ ᠤ ᠲᠠᠲᠠᠯᠭᠠ ᠠᠴᠠ ᠠᠮᠢ ᠲᠡᠮᠡᠴᠡᠨ ᠵᠠᠭᠤᠷᠠᠨᠠ᠃ ᠡᠵᠢ᠄ | ︽ᠪᠤᠷᠬᠠᠨ ᠡ︕ ᠪᠣᠭᠳᠠ ᠠᠭᠤᠯᠠ ᠮᠢᠨᠢ ᠠᠪᠤᠷᠠᠯ ᠳᠤ ᠪᠠᠨ ᠪᠠᠭᠳᠠᠭᠠ︕ ᠶᠠᠮᠠᠷ ᠴᠦ ᠨᠢᠭᠦᠯ ᠦᠭᠡᠢ ᠤᠯᠠᠭᠠᠨ | ᠨᠢᠯᠬᠠ ᠦᠷᠠ ᠶᠢ ᠮᠢᠨᠢ ᠥᠷᠦᠰᠢᠶᠡᠵᠦ ᠬᠠᠶᠢᠷᠠᠯᠠ︕ ᠶᠡᠭᠡ ᠬᠠᠶᠢᠷᠬᠠᠨ ᠡ︕︾ ᠭᠡᠵᠤ ᠵᠠᠯᠪᠠᠷᠢᠭᠰᠠᠨ ᠳᠡᠭᠡᠷᠡ | ᠨᠢ ᠵᠠᠯᠪᠠᠷᠢᠵᠤ ᠵᠢᠯᠣᠭᠤᠨ ᠠᠴᠠ ᠪᠠᠨ ᠴᠢᠩᠭᠠ ᠪᠠᠷᠢᠨᠠ᠃ ᠰᠢᠷᠦᠭᠦᠨ ᠲᠡᠮᠡᠴᠡᠭᠡᠨ ᠬᠠᠭᠠᠰ ᠴᠠᠭ ᠬᠢᠷᠢᠲᠡᠢ | ᠦᠷᠭᠦᠯᠵᠢᠯᠡᠵᠦ ᠥᠨᠥᠬᠢ ᠠᠭᠤᠷ ᠲᠠᠭᠠᠨ ᠰᠢᠲᠠᠵᠤ ᠵᠡᠪᠡᠭᠦᠦ ᠨᠢ ᠬᠥᠷᠥᠭᠰᠡᠨ ᠪᠤᠤᠷᠠ ᠡᠵᠢ ᠶᠢᠨ ᠵᠠᠯᠪᠠᠷᠢᠨ | ᠳᠠᠭᠠᠳᠬᠠᠬᠤ ᠳᠤ ᠤᠶᠠᠷᠠᠭᠰᠠᠨ ᠶᠤᠮ ᠤᠤ︕ ᠦᠨᠡᠨ ᠴᠦ ᠪᠣᠭᠳᠠ ᠠᠭᠤᠯᠠ ᠬᠠᠷᠠᠭᠰᠠᠨ ᠶᠤᠮ ᠤᠤ᠂ ᠲᠣᠯᠤᠭᠠᠢ | ᠳᠦᠭᠦᠷᠡᠩ ᠬᠥᠭᠡᠰᠦ ᠰᠠᠭᠭᠠᠭᠤᠯᠤᠨ ᠰᠢᠳᠦ ᠪᠠᠨ ᠲᠠᠴᠢᠭᠢᠨᠠᠲᠠᠯᠠ ᠬᠠᠪᠢᠷᠤᠭᠰᠠᠭᠠᠷ ᠬᠤᠴᠤᠷᠪᠠ᠃ ︽ᠠᠷᠰᠯᠠᠨ ᠠᠴᠠ | ᠠᠶᠤᠭᠰᠠᠨ ᠪᠠᠮᠪᠠᠷ ᠠᠷᠪᠠᠨ ᠵᠢᠯ ᠪᠠᠭᠠᠰᠤ ᠠᠯᠳᠠᠨᠠ︾ ᠭᠡᠳᠡᠭᠴᠢᠯᠡᠨ ᠪᠤᠤᠷᠠ ᠠᠴᠠ ᠤᠬᠠᠭᠠᠨ ᠦᠭᠡᠢ ᠠᠶᠤᠭᠰᠠᠨ | ᠰᠢᠷᠠ ᠠᠲᠠ ᠮᠢᠨᠢ ᠬᠡᠰᠡᠭ ᠵᠠᠭᠤᠷᠠ ᠬᠤᠷᠳᠤᠯᠠᠨ ᠶᠠᠪᠤᠭᠰᠠᠭᠠᠷ ᠠᠮᠢᠰᠬᠤᠭᠠ ᠨᠢ ᠰᠦᠢᠯᠡᠭᠯᠡᠵᠦ ᠤᠰᠤᠨ ᠬᠤᠯᠤᠭᠠᠨᠠ | ᠪᠣᠯᠲᠠᠯᠠ ᠬᠦᠯᠦᠷᠡᠭᠰᠡᠨ ᠢᠶᠠᠨ ᠠᠭᠠᠵᠢᠮ ᠢᠶᠠᠷ ᠤᠳᠠᠭᠠᠰᠢᠷᠠᠪᠠ᠃ ᠡᠵᠢ᠄ ︽ᠬᠥᠭᠡᠷᠦᠬᠦᠢ ᠮᠠᠭᠤ ᠲᠡᠮᠡᠭᠡ ᠮᠢᠨᠢ︕ | ᠥᠭᠡᠭᠦᠨ ᠴᠢᠯᠠᠭᠤ ᠰᠢᠭ᠋ ᠰᠠᠶᠢᠬᠠᠨ ᠠᠮᠢᠲᠠᠨ ᠳ᠋ᠠ︕ ᠡᠷᠯᠢᠭ ᠲᠠᠢ ᠪᠠᠨ ᠤᠴᠠᠷᠠᠭᠰᠠᠨ ᠶᠤᠮ ᠴᠢᠨᠢ ᠤᠬᠠᠭᠠ ᠨᠢ | ᠭᠠᠷᠬᠤ ᠦᠭᠡᠢ ᠶᠠᠭᠠᠬᠢᠬᠤ ᠪᠣᠢ︾ ᠭᠡᠵᠤ ᠲᠡᠮᠡᠭᠡ ᠪᠠᠨ ᠥᠷᠥ ᠡᠪᠡᠳᠦᠨᠡ᠃ | ᠤᠬᠠᠭᠠᠨ ᠲᠠᠢ ᠨᠢ ᠤᠬᠠᠭᠠᠨ ᠦᠭᠡᠢ ᠪᠠᠨ᠂ ᠬᠦᠴᠦ ᠲᠠᠢ ᠨᠢ ᠬᠦᠴᠦ ᠦᠭᠡᠢ ᠪᠠᠨ ᠡᠵᠡᠷᠬᠡᠶᠢᠯᠡᠭᠰᠡᠨ ᠡᠨᠡ | ᠣᠷᠴᠢᠯᠠᠩ ᠳᠤ ᠡᠬᠡ ᠬᠥᠮᠥᠨ ᠤ ᠰᠡᠳᠬᠢᠯ ᠠᠴᠠ ᠣᠨᠳᠤᠤ ᠬᠠᠮᠤᠭ ᠤᠨ ᠠᠭᠤᠤ ᠶᠡᠭᠡ ᠶᠠᠭᠤᠮᠠ ᠬᠠᠮᠢᠭᠠ ᠪᠠᠶᠢᠬᠤ | ᠪᠣᠢ ᠳ᠋ᠠ︕ ᠬᠠᠮᠤᠭ ᠤᠨ ᠵᠠᠩᠭᠢᠯᠠᠭᠠ ᠶᠢᠨ ᠦᠶᠡ ᠳᠤ᠂ ᠦᠭᠦᠵᠦ ᠰᠡᠬᠡᠬᠦ ᠶᠢᠨ ᠳᠠᠪᠠᠭᠠᠨ ᠳᠡᠭᠡᠷᠡ ᠴᠦ ᠭᠡᠰᠡᠨ | ᠥᠪᠡᠷ ᠢ ᠪᠠᠨ ᠤᠮᠠᠷᠲᠠᠵᠤ ᠦᠷᠡ ᠶᠢᠨ ᠢᠶᠠᠨ ᠲᠥᠯᠥᠭᠡ ᠭᠡᠰᠡᠨ ᠬᠥᠯ ᠦᠭᠡᠢ ᠶᠡᠭᠡ ᠬᠠᠶᠢᠷᠠ ᠶᠢᠨ ᠰᠡᠳᠬᠢᠯ ᠨᠢ | ᠡᠬᠡ ᠬᠥᠮᠥᠨ ᠤ ᠥᠷᠥ ᠵᠢᠷᠦᠬᠡᠨ ᠠᠴᠠ ᠢᠩᠭᠢᠵᠦ ᠯᠡ ᠤᠷᠤᠰᠤᠨ ᠤᠨᠳᠤᠷᠳᠠᠭ ᠪᠠᠶᠢᠵᠠᠢ ᠳ᠋ᠠ᠃ | ᠰᠠᠶ᠋ᠢ ᠶᠢᠨ ᠲᠡᠷᠡ ᠠᠶᠤᠮᠰᠢᠭᠲᠤ ᠪᠠᠶᠢᠳᠠᠯ ᠠᠷᠢᠯᠵᠤ᠂ ᠡᠵᠢ ᠪᠢᠳᠡ ᠬᠤᠶᠠᠭᠤᠯᠠ ᠲᠡᠮᠡᠭᠡᠨ ᠤ ᠪᠠᠨ ᠵᠦᠩ ᠢᠶᠠᠷ | ᠵᠣᠭᠳᠤᠷ ᠬᠥᠳᠡᠯᠭᠡᠨ ᠶᠠᠪᠤᠨᠠ᠃ ᠡᠵᠢ᠄ ︽ᠮᠢᠨᠦ ᠬᠦᠦ ᠡ︕ ᠣᠷᠴᠢᠯᠠᠩ ᠠᠭᠤᠵᠢᠮ᠂ ᠠᠮᠢᠳᠤᠷᠠᠯ ᠬᠠᠲᠠᠭᠤ | ᠭᠡᠳᠡᠭ ᠢ ᠮᠢᠨᠦ ᠬᠡᠦᠬᠡᠨ ᠵᠢᠭᠠᠬᠠᠨ ᠶᠤᠮ ᠴᠢᠨᠢ ᠶᠠᠭᠠᠬᠢᠵᠤ ᠮᠡᠳᠡᠬᠦ ᠪᠣᠢ ᠳ᠋ᠠ᠃ ᠲᠡᠭᠡᠭᠰᠡᠨ ᠴᠦ ᠮᠢᠨᠦ ᠬᠡᠦᠬᠡᠨ ᠶᠠᠮᠠᠷ | ᠴᠦ ᠶᠠᠭᠤᠮᠠᠨ ᠳᠤ ᠪᠢᠲᠡᠭᠡᠢ ᠯᠡ ᠠᠮᠠ ᠠᠯᠳᠠᠭᠠᠷᠠᠢ᠃ ᠬᠥᠮᠥᠨ ᠠᠮᠢᠲᠠᠨ ᠤ ᠡᠮᠵᠡᠭ ᠢᠶᠠᠷ ᠣᠷᠤᠯᠳᠤᠵᠤ᠂ | ᠳᠣᠭᠤᠭᠢᠯᠠᠵᠤ᠂ ᠳᠣᠷᠤᠮᠵᠢᠯᠠᠵᠤ ᠨᠡᠩ ᠪᠣᠯᠳᠠᠭ ᠦᠭᠡᠢ ᠶᠤᠮ ᠰᠢᠦ︾ ᠭᠡᠰᠡᠨ ᠢᠶᠠᠨ ᠨᠠᠳᠠ ᠳᠤ ᠡᠶᠢᠮᠦ ᠨᠢᠭᠡᠨ | ᠦᠯᠢᠭᠡᠷ ᠶᠠᠷᠢᠵᠤ ᠥᠭᠭᠦᠭᠰᠡᠨ ᠶᠤᠮ᠃ | ︽ᠡᠷᠲᠡ ᠤᠷᠢᠳᠤ ᠶᠢᠨ ᠴᠠᠭ ᠲᠤ ᠨᠢᠭᠡ ᠠᠶᠢᠯ ᠭᠠᠭᠴᠠ ᠬᠡᠦᠬᠡᠨ ᠲᠠᠢ ᠶᠤᠮ ᠭᠡᠨᠡ᠃ ᠨᠢᠭᠡ ᠡᠳᠦᠷ ᠲᠡᠷᠡ ᠠᠶᠢᠯ | ᠤᠨ ᠡᠵᠡᠨ ᠨᠢ ᠬᠥᠳᠡᠭᠡ ᠠᠴᠠ ᠦᠬᠦᠬᠦ ᠶᠢ ᠰᠢᠬᠠᠭᠰᠠᠨ ᠥᠨᠥᠴᠢᠨ ᠪᠣᠳᠤᠭᠤ ᠣᠯᠵᠤ ᠠᠪᠴᠢᠷᠠᠵᠤ ᠭᠡᠨᠡ᠃ ᠭᠡᠷ | ᠤᠨ ᠡᠵᠡᠨ ᠡᠬᠡᠨᠡᠷ ᠲᠠᠢ ᠪᠠᠨ ᠥᠨᠥᠬᠢ ᠥᠨᠦᠴᠢᠨ ᠪᠣᠲᠤᠭᠤ ᠶᠢ ᠲᠡᠵᠢᠭᠡᠵᠦ ᠤᠨᠳᠤᠷᠤᠭᠤᠯᠬᠤ ᠭᠡᠵᠤ ᠴᠢᠷᠮᠠᠶᠢᠵᠤ | ᠭᠡᠨᠡ᠃ ᠭᠡᠬᠦ ᠳᠤ ᠭᠠᠭᠴᠠ ᠬᠡᠦᠬᠡᠨ ᠨᠢ ᠡᠨᠡ ᠥᠨᠥᠴᠢᠨ ᠪᠣᠲᠤᠭᠤ ᠶᠢ ᠶᠠᠭᠤᠮᠠᠨ ᠳᠤ ᠦᠵᠡᠬᠦ ᠦᠭᠡᠢ᠃ ︿ᠠᠢ︕ | ᠴᠢᠨᠦ ᠪᠤᠤᠷᠠ ᠪᠣᠯᠵᠤ ᠮᠢᠨᠦ ᠬᠥᠮᠥᠨ ᠳᠤ ᠣᠴᠢᠬᠤ ᠭᠡᠭᠴᠢ ᠮᠥᠨ ᠴᠦ ᠬᠤᠯᠠ ᠯᠡ ᠪᠠᠶᠢᠨᠠ ᠳ᠋ᠠ﹀ ᠭᠡᠵᠤ | ᠪᠠᠰᠤᠮᠵᠢᠯᠠᠨ ᠬᠡᠯᠡᠵᠦ ᠭᠡᠨᠡ᠃ ᠲᠡᠭᠡᠭᠡᠳ ᠨᠢᠭᠡ ᠮᠡᠳᠡᠬᠦ ᠳᠤ᠂ ᠬᠡᠦᠬᠡᠨ ᠲᠣᠮᠤ ᠪᠣᠯᠵᠤ ᠬᠠᠷᠢ ᠳᠤ ᠮᠣᠷᠳᠠᠵᠠᠢ᠃ | ᠬᠠᠷᠢ ᠳᠤ ᠮᠣᠷᠳᠠᠭᠰᠠᠨ ᠬᠡᠦᠬᠡᠨ ᠰᠠᠷᠠ ᠶᠢᠨ ᠠᠶᠢᠯᠴᠢᠯᠠᠯᠲᠠ ᠬᠢᠵᠦ ᠭᠡᠷ ᠲᠡᠭᠡᠨ ᠢᠷᠡᠬᠦ ᠵᠠᠮ ᠵᠠᠭᠤᠷᠠ ᠨᠢ ᠥᠨᠥᠬᠢ | ᠦᠨᠦᠴᠢᠨ ᠪᠣᠲᠤᠭᠤ ᠨᠢ ᠪᠤᠤᠷᠠ ᠪᠣᠯᠤᠭᠠᠳ ᠣᠷᠤᠭᠠ ᠨᠢ ᠣᠷᠤᠭᠠᠳ ᠲᠣᠭᠰᠢᠷᠠᠵᠤ ᠪᠠᠶᠢᠬᠤ ᠲᠠᠢ ᠳᠠᠭᠠᠷᠠᠴᠢᠬᠠᠵᠤ | ᠭᠡᠨᠡ᠃ ᠲᠡᠭᠡᠭᠡᠳ ᠲᠡᠷᠡ ᠬᠡᠦᠬᠡᠨ ᠢ ᠳᠠᠷᠤᠭᠠᠳ ᠠᠯᠠᠴᠢᠬᠠᠵᠤ ᠭᠡᠨᠡ᠃ ᠲᠡᠭᠡᠬᠦᠯᠡᠷ ᠠᠮᠠ ᠠᠯᠳᠠᠪᠠᠯ ᠪᠠᠷᠢᠵᠤ | ᠪᠣᠯᠬᠤ ᠦᠭᠡᠢ᠂ ᠠᠭᠳᠠ ᠠᠯᠳᠠᠪᠠᠯ ᠪᠠᠷᠢᠵᠤ ᠪᠣᠯᠤᠨᠠ ᠭᠡᠳᠡᠭ ᠪᠢᠰᠢᠦ︖ ᠡᠭᠦᠨ ᠢ ᠯᠡ ᠬᠡᠯᠡᠨᠡ ᠳ᠋ᠠ᠃ ᠮᠢᠨᠦ | ᠬᠡᠦᠬᠡᠨ ᠡ︕ ᠵᠢᠷᠭᠠᠬᠤ ᠦᠶᠡ ᠳᠤ ᠰᠡᠷᠡᠮᠵᠢ᠂ ᠵᠣᠪᠠᠭ᠋ᠤ ᠦᠶᠡ ᠳᠤ ᠬᠠᠲᠠᠭᠤᠵᠢᠯ ᠬᠡᠷᠡᠭ ᠲᠠᠢ ᠶᠤᠮ ᠰᠢᠦ︕ ᠁ | ︾ ᠭᠡᠵᠤ ᠶᠠᠷᠢᠭᠰᠠᠨ ᠢᠶᠠᠨ ᠵᠠᠯᠭᠠᠭᠠᠳ᠄ ︽ᠡᠷᠲᠡ ᠦᠶᠡ ᠳᠤ ᠪᠠᠰᠠ ᠨᠢᠭᠡ ᠠᠶᠢᠯ ᠤᠨ ᠬᠡᠦᠬᠡᠨ ᠲᠡᠵᠢᠭᠡᠪᠦᠷᠢ | ᠪᠣᠳᠤᠭᠤ ᠪᠠᠷ ᠢᠶᠠᠨ ᠡᠳᠦᠷ ᠪᠦᠷᠢ ᠨᠠᠭᠠᠳᠳᠠᠭ ᠭᠡᠨᠡ᠃ ᠨᠢᠭᠡ ᠡᠳᠦᠷ ᠭᠡᠨᠡᠳᠲᠡᠬᠡᠨ ᠲᠡᠵᠢᠭᠡᠪᠦᠷᠢ ᠪᠣᠳᠤᠭᠤ ᠶᠢᠨ | ᠢᠶᠠᠨ ᠳᠡᠭᠡᠳᠦ ᠤᠷᠤᠭᠤᠯ ᠨᠢ ᠰᠡᠲᠡᠷᠬᠡᠢ ᠶᠢ ᠣᠯᠤᠭᠠᠳ ᠦᠵᠡᠴᠢᠬᠡᠵᠡᠢ ᠭᠡᠨᠡ᠃ ᠥᠨᠥ ᠬᠡᠦᠬᠡᠨ ᠤᠨᠠᠨ ᠪᠣᠰᠤᠨ | ᠶᠡᠭᠡ ᠪᠠᠷ ᠢᠨᠢᠶᠡᠵᠦ ᠲᠡᠵᠢᠭᠡᠪᠦᠷᠢ ᠪᠣᠲᠤᠭᠤ ᠪᠠᠨ ᠰᠡᠲᠡᠷᠭᠡᠢ ᠤᠷᠤᠭᠤᠯ ᠲᠠᠢ ᠭᠡᠵᠤ ᠳᠣᠭᠤᠭᠢᠯᠠᠵᠤ ᠭᠡᠨᠡ᠃ | ᠰᠡᠭᠦᠯᠡᠷ ᠨᠢ ᠥᠨᠥ ᠬᠡᠦᠬᠡᠨ ᠨᠠᠰᠤ ᠭᠦᠢᠴᠡᠭᠡᠳ ᠬᠠᠷᠢ ᠳᠤ ᠮᠣᠷᠳᠠᠵᠠᠢ᠃ ᠶᠠᠭ ᠥᠨᠥ ᠲᠡᠵᠢᠭᠡᠪᠦᠷᠢ ᠪᠣᠲᠤᠭᠤ ᠲᠠᠢ | ᠨᠢ ᠢᠵᠢᠯᠢᠬᠡᠨ ᠰᠡᠲᠡᠷᠬᠡᠢ ᠤᠷᠤᠭᠤᠯ ᠲᠠᠢ ᠬᠡᠦᠬᠡᠳ ᠲᠠᠢ ᠪᠣᠯᠤᠭᠰᠠᠨ ᠭᠡᠨᠡ᠃ ᠲᠡᠭᠡᠭᠡᠳ ᠲᠡᠷᠡ ᠡᠮᠡᠭᠲᠡᠢ᠂ | ᠬᠥᠭᠡᠷᠦᠬᠦᠢ ᠲᠡᠷᠡ ᠲᠡᠵᠢᠭᠡᠪᠦᠷᠢ ᠪᠣᠲᠤᠭᠤ ᠶᠢ ᠦᠷᠭᠦᠯᠵᠢ ᠳᠣᠷᠤᠮᠵᠢᠯᠠᠵᠤ ᠳᠣᠭᠤᠭᠢᠯᠠᠭᠰᠠᠨ ᠠᠴᠠ ᠪᠣᠯᠤᠯᠠ ᠭᠡᠵᠤ | ᠮᠡᠳᠡᠷᠡᠭᠡᠳ ᠶᠡᠭᠡ ᠪᠠᠷ ᠭᠡᠮᠰᠢᠵᠡᠢ ᠭᠡᠨᠡ᠃ ᠲᠡᠮᠡᠭᠡ ᠭᠡᠳᠡᠭ ᠠᠮᠢᠲᠠᠨ ᠦᠨᠡᠨ ᠬᠥᠭᠡᠷᠦᠬᠦᠢ ᠶᠤᠮ ᠰᠢᠦ᠃ ᠳᠥᠷᠥᠯᠬᠢ | ᠳᠡᠭᠡᠳᠦ ᠤᠷᠤᠭᠤᠯ ᠨᠢ ᠰᠡᠲᠡᠷᠬᠡᠢ ᠪᠠᠶᠢᠳᠠᠭ ᠶᠤᠮ ᠁︾ | ᠡᠵᠢ ᠳᠠᠭᠠᠷᠠᠭᠰᠠᠨ ᠪᠣᠯᠤᠯᠲᠠᠢ᠃ ᠲᠡᠷᠭᠡᠨ ᠠᠴᠠ ᠪᠠᠨ ᠪᠠᠭᠤᠵᠤ ᠲᠡᠮᠡᠭᠡ ᠪᠠᠨ ᠬᠥᠲᠥᠯᠵᠦ ᠠᠯᠬᠤᠨᠠ᠃ ᠮᠢᠨᠦ | ᠬᠡᠦᠬᠡᠨ ᠳᠠᠭᠠᠷᠠᠵᠤ ᠪᠠᠶᠢᠪᠠᠯ ᠵᠢᠭᠠᠬᠠᠨ ᠭᠦᠶᠦᠭᠡᠳ ᠠᠪ᠃ ᠲᠡᠭᠡᠪᠡᠯ ᠤᠳᠠᠬᠤ ᠦᠭᠡᠢ ᠳᠤᠯᠠᠭᠠᠴᠠᠨᠠ ᠭᠡᠨᠡ᠃ ᠪᠢ | ᠲᠡᠷᠭᠡᠨ ᠤ ᠪᠤᠷᠤᠭᠤ ᠲᠠᠯᠠ ᠪᠠᠷ ᠭᠤᠯᠭᠤᠷᠢᠨ ᠪᠠᠭᠤᠵᠤ ᠡᠵᠢ ᠶᠢᠨ ᠢᠶᠠᠨ ᠳᠡᠷᠭᠡᠳᠡ ᠭᠦᠶᠦᠨ ᠣᠴᠢᠪᠠ᠃ ᠲᠡᠷᠭᠡᠨ ᠤ | ᠴᠠᠷᠢᠭ᠂ ᠰᠢᠨᠡ ᠴᠠᠰᠤᠨ ᠳᠤ ᠬᠢᠬᠤᠨᠠᠬᠤ ᠳᠠᠭᠤᠨ ᠬᠤᠶᠠᠷ ᠴᠠᠰᠤᠲᠤ ᠲᠠᠯᠠ ᠳᠤ ᠴᠤᠤᠷᠢᠶᠠᠯᠠᠵᠤ ᠴᠢᠬᠢᠨ ᠳᠤ | ᠤᠶᠠᠩᠭᠠᠷᠠᠨᠠ᠃ ᠡᠪᠦᠯ ᠤᠨ ᠡᠷᠡᠨ ᠳᠤ ᠥᠰᠦᠲᠡᠢ ᠳᠡᠪᠡᠯ ᠲᠠᠢ᠂ ᠢᠰᠡᠭᠡᠢ ᠭᠤᠲᠤᠯ ᠲᠠᠢ ᠴᠠᠰᠤᠨ ᠳᠤᠮᠳᠠᠭᠤᠷ | ᠠᠯᠬᠤᠨᠠ ᠭᠡᠳᠡᠭ ᠶᠠᠭᠤᠲᠠᠢ ᠬᠦᠴᠢᠷ ᠠᠵᠠᠢ᠃ | ᠡᠵᠢ ᠶᠠᠷᠢᠨᠠ ᠁ ᠥᠷᠥ ᠵᠢᠷᠦᠬᠡᠨ ᠤ ᠬᠢᠨᠢ ᠬᠠᠶᠢᠷᠠ ᠤᠨᠳᠤᠷᠤᠨᠠ ᠁ ᠪᠢ ᠡᠵᠢ ᠶᠢᠨ ᠬᠠᠷᠠᠭᠠ ᠦᠭᠡᠢ | ᠬᠤᠭᠤᠷᠤᠨᠳᠤ ᠡᠷᠭᠢᠨ ᠡᠷᠭᠢᠨ ᠰᠢᠷᠠ ᠠᠲᠠ ᠶᠢᠨ ᠢᠶᠠᠨ ᠤᠷᠤᠭᠤᠯ ᠢ ᠨᠢ ᠰᠢᠨᠵᠢᠨᠡ᠃ ᠁ ᠳᠠᠭᠠᠷᠠᠵᠤ | ᠪᠡᠭᠡᠷᠡᠭᠡᠳ ᠬᠥᠯᠳᠡᠬᠦ ᠰᠢᠬᠠᠭᠰᠠᠨ ᠪᠦᠬᠦ ᠪᠡᠶᠡ ᠮᠢᠨᠢ ᠳᠤᠯᠠᠭᠠᠴᠠᠵᠤ ᠢᠷᠡᠬᠦ ᠳᠤ ᠶᠠᠭᠤ ᠶᠠᠭᠤ ᠦᠭᠡᠢ ᠬᠤᠶᠠᠷ ᠬᠥᠯ | ᠮᠢᠨᠢ ᠬᠥᠰᠢᠯᠳᠦᠵᠦ ᠡᠬᠢᠯᠡᠪᠡ᠃ ᠡᠵᠢ ᠦᠰᠦ ᠶᠢ ᠮᠢᠨᠢ ᠢᠯᠢᠵᠦ ᠵᠤᠯᠠᠢ ᠳᠡᠭᠡᠷᠡ ᠦᠨᠦᠷᠯᠡᠨ ᠦᠨᠦᠷᠯᠡᠨ | ᠦᠨᠦᠰᠦᠭᠰᠡᠨ ᠢᠶᠠᠨ ᠮᠢᠨᠦ ᠮᠠᠯᠠᠭᠠᠢ ᠶᠢᠨ ᠪᠦᠴᠡ ᠶᠢ ᠵᠠᠰᠠᠵᠤ ᠪᠦᠴᠡᠯᠡᠭᠡᠳ ᠲᠡᠷᠭᠡᠨ ᠳᠡᠭᠡᠷᠡ ᠰᠠᠭᠤᠯᠭᠠᠪᠠ᠃ ᠁ | | ᠡᠵᠢ ᠪᠢᠳᠡ ᠬᠤᠶᠠᠷ ᠢᠩᠭᠢᠵᠦ ᠶᠠᠪᠤᠭᠰᠠᠭᠠᠷ ᠬᠥᠬᠡ ᠮᠠᠩᠨᠤᠭ ᠰᠢᠭ᠋ ᠲᠡᠭᠷᠢ ᠶᠢᠨ ᠣᠳᠤᠳ ᠣᠷᠤᠢ ᠳᠡᠭᠡᠷᠡ | ᠠᠴᠠ ᠤᠨᠠᠴᠢᠬᠠᠮᠠᠷ ᠭᠢᠯᠠᠯᠵᠠᠵᠤ ᠪᠠᠶᠢᠬᠤ ᠦᠶᠡ ᠳᠤ ᠭᠡᠷ ᠲᠡᠭᠡᠨ ᠬᠥᠷᠥᠭᠰᠡᠨ ᠶᠤᠮ᠃ ᠲᠡᠷᠡ ᠦᠶᠡ ᠳᠤ ᠮᠠᠨ ᠤ ᠬᠢ | ᠴᠢᠪᠠᠭᠠᠨᠴᠠ ᠶᠢᠨ ᠬᠠᠳᠠᠨ ᠤ ᠳᠡᠷᠭᠡᠳᠡ ᠡᠪᠦᠯᠵᠢᠵᠦ ᠪᠠᠶᠢᠯᠠ᠃ | ᠬᠡᠳᠦᠨ ᠡᠳᠦᠷ ᠤᠨ ᠳᠠᠷᠠᠭᠠ ᠮᠢᠨᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠮᠲᠤ ᠰᠤᠷᠤᠭᠴᠢ ᠠᠢ ᠮᠢᠨ ᠨᠠᠮᠠᠢᠢ ᠢᠷᠡᠯᠡ | ᠭᠡᠵᠤ ᠰᠣᠨᠣᠰᠤᠭᠠᠳ ᠮᠠᠨ ᠤ ᠳᠤ ᠬᠦᠷᠴᠦ ᠢᠷᠡᠪᠡ᠃ ᠠᠢ ᠮᠢᠨ ᠨᠠᠮᠠᠢᠢ ᠬᠠᠷᠠᠩᠭᠤᠲᠠ ᠪᠦᠳᠦᠭᠦᠨ ᠪᠦᠳᠦᠭᠦᠨ | ᠨᠢᠯᠪᠤᠰᠤ ᠪᠥᠮᠪᠦᠷᠢᠭᠦᠯᠦᠨ ᠲᠡᠪᠡᠷᠢᠨ ᠠᠪᠤᠪᠠ᠃ ᠪᠢ ᠴᠦ ᠠᠢ ᠮᠢᠨ ᠤ ᠤᠬᠢᠯᠠᠬᠤ ᠶᠢ ᠬᠠᠷᠠᠭᠠᠳ ᠲᠡᠰᠦᠭᠰᠡᠨ ᠦᠭᠡᠢ | ᠃ ᠬᠠᠮᠠᠷ ᠤᠨ ᠦᠵᠦᠭᠦᠷ ᠨᠢᠭᠡ ᠯᠡ ᠭᠠᠰᠢᠭᠤᠨ ᠱᠠᠷᠭᠢᠷᠠᠵᠤ ᠤᠷᠤᠭᠤᠯ ᠥᠮᠥᠯᠵᠡᠨ ᠨᠢᠳᠦᠨ ᠳᠤ ᠶᠠᠭᠤ ᠶᠠᠭᠤ | ᠦᠭᠡᠢ ᠨᠢᠯᠪᠤᠰᠤ ᠪᠦᠷᠭᠦᠪᠡ᠃ ᠪᠢᠳᠡ ᠬᠤᠶᠠᠷ ᠪᠡᠶᠡ ᠪᠡᠶᠡ ᠪᠠᠨ ᠳᠠᠩᠴᠤ ᠶᠡᠭᠡ ᠰᠠᠨᠠᠭᠰᠠᠨ ᠪᠠᠶᠢᠵᠠᠢ᠃ ᠠᠢ ᠮᠢᠨ᠄ | ︽ᠴᠢ ᠬᠠᠶᠢᠯᠠᠷ ᠲᠤ ᠶᠠᠪᠤᠴᠢᠬᠠᠯᠠ᠃ ᠮᠠᠨ ᠤ ᠠᠩᠭᠢ ᠶᠢᠨ ᠪᠠᠯᠠᠮᠠ᠂ ᠪᠠᠭᠠᠲᠤᠷ᠂ ᠪᠣᠣ ᠭᠦᠸᠧ᠂ ᠬᠤᠪᠢᠰᠬᠠᠯᠲᠤ᠂ | ᠰᠢᠦ ᠵᠧᠨ ᠬᠤᠰᠢᠭᠤᠨ ᠤ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠵᠤ ᠣᠷᠤᠪᠠ᠃ ᠦᠯᠡᠳᠡᠭᠰᠡᠨ ᠨᠢ | ᠠᠳᠤᠭᠤᠨᠴᠢᠯᠠᠭᠤ ᠰᠤᠷᠭᠠᠭᠤᠯᠢ ᠶᠢᠨ ᠢᠶᠠᠨ ᠠᠩᠬᠠ ᠨᠢᠭᠡᠳᠦᠭᠡᠷ ᠣᠨ ᠳᠤ ᠬᠢᠴᠢᠶᠡᠯᠯᠡᠵᠦ ᠪᠠᠶᠢᠨᠠ᠃ ᠨᠠᠨᠳᠢᠨ ᠪᠠᠭᠰᠢ | ᠮᠠᠨ ᠤ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠣᠯᠤᠭᠰᠠᠨ᠃ ᠨᠠ᠊ ᠪᠠᠭᠰᠢ ᠰᠤᠷᠭᠠᠭᠤᠯᠢ ᠲᠠᠷᠬᠠᠬᠤ ᠶᠢᠨ ᠯᠡ ᠡᠮᠦᠨᠡᠬᠡᠨ ᠴᠢᠨᠦ | ᠶᠠᠪᠤᠭᠤᠯᠤᠭᠰᠠᠨ ᠵᠠᠬᠢᠳᠠᠯ ᠢ ᠣᠯᠵᠤ ᠠᠪᠤᠭᠠᠳ ᠮᠠᠨ ᠤ ᠠᠩᠭᠢ ᠶᠢᠨ ᠪᠥᠬᠦ ᠨᠥᠬᠦᠳ ᠲᠤ ᠤᠩᠰᠢᠵᠤ ᠥᠭᠭᠦᠭᠰᠡᠨ᠃ | ᠲᠡᠭᠡᠭᠡᠳ ᠴᠢᠮᠠ ᠶᠢ ᠶᠡᠭᠡ ᠯᠡ ᠮᠠᠭᠲᠠᠵᠤ ᠪᠠᠶᠢᠭᠰᠠᠨ᠃ ᠪᠢᠳᠡᠨ ᠢ ᠴᠢᠮᠠ ᠲᠠᠢ ᠠᠳᠠᠯᠢ ᠰᠠᠶᠢᠨ ᠰᠤᠷ ᠭᠡᠰᠡᠨ᠃ ᠨᠠ᠊ | ᠪᠠᠭᠰᠢ ᠪᠠᠰᠠ ᠴᠢᠨᠦ ᠬᠠᠶ᠋ᠢᠭ ᠢ ᠰᠠᠮᠪᠠᠷᠠ ᠳᠡᠭᠡᠷᠡ ᠬᠢᠲᠠᠳ ᠢᠶᠠᠷ ᠪᠢᠴᠢᠵᠦ ᠥᠭᠭᠦᠭᠡᠳ ᠪᠢᠳᠡᠨ ᠢ ᠴᠢᠮᠠ ᠳᠤ | ᠵᠠᠬᠢᠳᠠᠯ ᠶᠠᠪᠤᠭᠤᠯ ᠭᠡᠰᠡᠨ᠃ ᠮᠠᠨ ᠤ ᠠᠩᠭᠢ ᠶᠢᠨ ᠪᠦᠬᠦ ᠨᠥᠬᠦᠳ ᠴᠢᠮᠠ ᠳᠤ ᠪᠦᠷ ᠪᠠᠶᠠᠷᠯᠠᠵᠤ ᠪᠠᠶᠢᠭᠰᠠᠨ᠃ | ᠣᠷᠭᠢᠯ᠂ ᠲᠤᠶᠠᠭᠠ᠂ ᠰᠣᠶᠤᠯᠮᠠ ᠨᠠᠷ ᠴᠢᠮᠠ ᠳᠤ ᠵᠠᠬᠢᠳᠠᠯ ᠪᠢᠴᠢᠨᠡ ᠯᠡ ᠭᠡᠵᠤ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠳ᠋ᠠ ᠁︾ | ᠭᠡᠬᠦ ᠮᠡᠲᠦ ᠪᠠᠷ ᠠᠯᠢ ᠪᠠᠶᠢᠭᠰᠠᠨ ᠢᠶᠠᠨ ᠶᠠᠷᠢᠨᠠ᠃ ᠪᠢ ᠴᠦ ᠬᠤᠲᠠ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠶᠢᠳᠠᠯ ᠢᠶᠠᠨ | ᠶᠠᠷᠢᠨᠠ᠃ ᠁ | ᠦᠨᠡᠬᠡᠷ ᠳᠠᠷᠠᠭᠠ ᠬᠤᠭᠤᠴᠠᠭᠠ ᠨᠢ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠣᠴᠢᠬᠤ ᠳᠤ ᠵᠠᠬᠢᠳᠠᠯ ᠭᠡᠭᠴᠢ ᠨᠢ ᠴᠠᠰᠤᠨ ᠯᠠᠪᠰᠠ | ᠰᠢᠭ᠋ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠨᠠᠳᠠᠳᠤ ᠬᠦᠷᠴᠦ ᠢᠷᠡᠪᠡ᠃ ᠪᠦᠷ ᠯᠡ ᠮᠢᠨᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ | ᠡᠮᠡᠭᠲᠡᠢ ᠬᠠᠮᠲᠤ ᠰᠤᠷᠤᠭᠴᠢᠳ ᠤᠨ ᠵᠠᠬᠢᠳᠠᠯ ᠪᠠᠶᠢᠯᠠ᠃ ᠲᠡᠳᠡᠨ ᠤ ᠠᠰᠪᠤᠷᠢ ᠴᠠᠭᠠᠪᠤᠷ᠂ ᠦᠨᠡᠨᠴᠢ ᠬᠥᠭᠡᠷᠦᠬᠦᠨ | ᠦᠭᠡᠰ ᠨᠢ ᠨᠠᠮᠠᠢᠢ ᠤᠷᠮᠠᠰᠢᠭᠤᠯᠤᠨ ᠵᠣᠷᠢᠭᠵᠢᠭᠤᠯᠵᠤ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠬᠥᠭᠰᠡᠭᠦᠯᠦᠨ ᠵᠢᠷᠭᠠᠭᠤᠯᠵᠤ ᠪᠠᠶᠢᠪᠠ᠃ | ᠭᠡᠪᠡᠴᠦ ᠡᠨᠡ ᠪᠠᠶᠠᠷ ᠵᠢᠷᠭᠠᠯ ᠤᠳᠠᠭᠠᠨ ᠪᠠᠶᠢᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠬᠠᠷᠢᠨ ᠠᠩᠭᠢ ᠶᠢᠨ ᠡᠷᠭᠢᠯᠡᠭᠴᠢ ᠸᠠᠩ ᠭᠦᠢ | ᠯᠠᠨ ᠪᠠᠭᠰᠢ ᠮᠢᠨᠢ ᠠᠩᠭᠢ ᠶᠢᠨ ᠬᠤᠷᠠᠯ ᠳᠡᠭᠡᠷᠡ᠄ ︽ᠳᠤᠯᠭᠠᠷ ᠲᠤ ᠣᠯᠠᠨ ᠵᠠᠬᠢᠳᠠᠯ ᠢᠷᠡᠵᠦ ᠪᠠᠶᠢᠨᠠ᠃ ᠰᠤᠷᠤᠭᠴᠢ | ᠬᠥᠮᠥᠨ ᠪᠠᠶᠢᠵᠤ ᠪᠠᠶᠢᠭᠠᠳ ᠶᠠᠮᠠᠷ ᠯᠡ ᠬᠥᠮᠥᠨ ᠲᠠᠢ ᠵᠠᠬᠢᠳᠠᠯ ᠨᠡᠪᠲᠡᠷᠡᠯᠴᠡᠵᠦ ᠪᠠᠶᠢᠬᠤ ᠶᠤᠮ︖︾ ᠭᠡᠵᠤ ᠨᠡᠷᠡ | ᠳᠤᠷᠠᠳᠤᠨ ᠵᠠᠩᠨᠠᠵᠤ ᠪᠠᠷᠤᠭ ᠯᠡ ᠨᠠᠮᠠᠢᠢ ᠡᠷᠡᠭᠲᠡᠢ ᠬᠥᠮᠥᠨ ᠲᠠᠢ ᠤᠷᠤᠭ ᠬᠡᠯᠡᠯᠴᠡᠵᠦ ᠪᠠᠶᠢᠨᠠ ᠭᠡᠬᠦ ᠰᠢᠭ ᠠᠭᠤᠷᠯᠠᠪᠠ | ᠃ ᠡᠨᠡ ᠨᠢ ᠭᠡᠭᠡᠨ ᠴᠠᠭᠠᠨ ᠡᠳᠦᠷ ᠠᠶᠤᠩᠭᠠ ᠨᠢᠵᠢᠭᠢᠨᠡᠭᠰᠡᠨ ᠰᠢᠭ᠋ ᠨᠠᠳᠠ ᠳᠤ ᠬᠦᠴᠦᠲᠡᠢ ᠴᠣᠬᠢᠯᠲᠠ ᠥᠭᠴᠦ | ᠨᠢᠯᠬᠠ ᠨᠢᠯᠵᠠᠷᠠᠢ ᠵᠢᠷᠦᠬᠡᠨ ᠳᠤ ᠮᠢᠨᠢ ᠭᠦᠨ ᠰᠣᠷᠪᠢ ᠰᠠᠭᠤᠯᠭᠠᠵᠤ ᠪᠢᠯᠡ᠃ ᠪᠢ ᠬᠢᠯᠢᠰᠳᠡᠭᠰᠡᠨ ᠳᠤ ᠪᠠᠨ | ᠭᠤᠮᠤᠷᠬᠠᠨ ᠭᠤᠮᠤᠳᠠᠪᠠᠴᠤ ᠬᠡᠯᠡᠬᠦ ᠭᠠᠵᠠᠷ ᠦᠭᠡᠢ ᠪᠣᠬᠢᠨᠢᠳᠤᠨ ᠶᠠᠪᠤᠨᠠ᠃ ᠠᠩᠭᠢ ᠶᠢᠨ ᠨᠥᠬᠦᠳ ᠴᠦ ᠨᠠᠮᠠᠢᠢ | ᠣᠨᠳᠤᠤ ᠨᠢᠳᠦ ᠪᠠᠷ ᠬᠠᠷᠠᠵᠤ ᠪᠠᠶᠢᠬᠤ ᠰᠢᠭ᠋ ᠰᠠᠨᠠᠭᠳᠠᠬᠤ ᠪᠣᠯᠪᠠ᠃ ᠢᠩᠭᠢᠵᠦ ᠪᠠᠶᠢᠲᠠᠯᠠ ᠨᠢᠭᠡ ᠡᠳᠦᠷ ᠵᠠᠪᠰᠠᠷ ᠤᠨ | ᠲᠠᠮᠢᠷ ᠬᠢᠬᠦ ᠪᠠᠷ ᠰᠤᠷᠤᠭᠴᠢᠳ ᠪᠦᠷ ᠮᠥᠷᠯᠡᠨ ᠵᠢᠭᠰᠠᠵᠤ ᠪᠠᠶᠢᠯᠠ᠃ ᠮᠠᠨ ᠤ ᠠᠩᠭᠢ ᠶᠢᠨ ᠰᠢᠷᠠ ᠰᠣᠳᠤ ᠬᠤᠶᠠᠷ | ᠭᠠᠷᠯᠠᠨ ᠮᠥᠷᠯᠡᠨ ᠵᠣᠭᠰᠤᠵᠤ ᠪᠠᠶᠢᠭᠠ ᠰᠤᠷᠤᠭᠴᠢᠳ ᠤᠨ ᠳᠤᠮᠳᠠᠭᠤᠷ ᠰᠦᠯᠵᠢᠨ ᠭᠦᠶᠦᠵᠦ᠄ ︽ᠬᠦᠢ︕ | ᠳᠤᠯᠭᠠᠷ ᠲᠤ ᠳᠤᠯᠤᠭᠠᠨ ᠵᠠᠬᠢᠳᠠᠯ ᠢᠷᠡᠵᠡᠢ᠃ ᠳᠤᠯᠭᠠᠷ ᠲᠤ ᠳᠣᠯᠤᠭᠠᠨ ᠵᠠᠬᠢᠳᠠᠯ ᠢᠷᠡᠵᠡᠢ︾ ᠭᠡᠵᠤ ᠪᠠᠷᠬᠢᠷᠠᠨ | ᠦᠰᠦᠷᠦᠨᠡ᠃ ᠮᠢᠨᠦ ᠲᠡᠷᠡ ᠢᠴᠢᠭᠰᠡᠨ ᠭᠡᠵᠢ ᠡ︕ ᠶᠠᠭ ᠯᠡ ᠪᠢ ᠨᠢᠭᠡ ᠶᠠᠯᠠ ᠨᠢᠭᠦᠯ ᠬᠢᠭᠰᠡᠨ ᠰᠢᠭ ᠣᠷᠤᠬᠤ | ᠭᠠᠵᠠᠷ ᠢᠶᠠᠨ ᠣᠯᠬᠤ ᠦᠭᠡᠢ ᠪᠣᠯᠵᠤ ᠪᠢᠯᠡ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠪᠢ ᠨᠡᠯᠢᠶᠡᠳ ᠡᠳᠦᠷ ᠤᠷᠮᠠ ᠦᠭᠡᠢ | ᠶᠠᠪᠤᠵᠤ ᠣᠷᠤᠢ ᠨᠢ ᠪᠣᠯᠪᠠᠯ ᠬᠦᠨᠵᠢᠯᠨ ᠳᠣᠲᠤᠷᠠ ᠪᠠᠨ ᠨᠥᠬᠦᠳ ᠠᠴᠠ ᠪᠠᠨ ᠨᠢᠭᠤᠵᠤ ᠰᠡᠮᠡᠭᠡᠷ ᠤᠬᠢᠯᠠᠨᠠ᠃ ᠮᠢᠨᠦ | ᠬᠠᠵᠠᠭᠤ ᠳᠤ ᠤᠨᠲᠠᠵᠤ ᠪᠠᠶᠢᠭᠰᠠᠨ ᠳᠣᠯᠵᠢᠨᠵᠠᠪ ᠨᠠᠮᠠᠢᠢ ᠠᠷᠭᠠᠳᠠᠵᠤ ᠴᠢᠳᠠᠯ ᠢᠶᠠᠷ ᠢᠶᠠᠨ ᠳᠠᠶᠢᠳᠬᠤᠷᠠᠭᠤᠯᠤᠨᠠ᠃ | ᠪᠢ ᠳᠣᠯᠵᠢᠨᠵᠠᠪ ᠲᠤ᠄ ︽ᠴᠢ ᠦᠵᠡ ᠳ᠋ᠠ︕ ᠡᠨᠡ ᠬᠠᠶᠢᠷᠠ ᠶᠢᠨ ᠵᠠᠬᠢᠳᠠᠯ ᠮᠥᠨ ᠦᠦ︖ ᠪᠦᠷ ᠯᠡ ᠮᠠᠨ ᠤ | ᠠᠩᠭᠢ ᠶᠢᠨ ᠡᠮᠡᠭᠲᠡᠢ ᠰᠤᠷᠤᠭᠴᠢᠳ ᠠᠴᠠ ᠢᠷᠡᠭᠰᠡᠨ ᠵᠠᠬᠢᠳᠠᠯ ᠰᠢᠦ ᠳ᠋ᠠ︾ ᠭᠡᠵᠤ ᠦᠨᠡᠨ ᠢᠶᠠᠨ ᠬᠡᠯᠡᠵᠦ ᠵᠠᠬᠢᠳᠠᠯ | ᠢᠶᠠᠨ ᠦᠵᠡᠭᠦᠯᠦᠨᠡ᠃ ᠠᠢ︕ ᠬᠡᠦᠬᠡᠳ ᠨᠠᠰᠤ ᠡ︕ ᠲᠣᠮᠤᠴᠤᠤᠯ ᠤᠨ ᠡᠮᠦᠨᠡ ᠠᠴᠠ ᠦᠭᠡ ᠬᠡᠯᠡᠵᠦ ᠦᠵᠡᠭᠡ | ᠦᠭᠡᠢ ᠮᠢᠨᠦ ᠬᠡᠦᠬᠡᠳ ᠨᠠᠰᠤ ᠦᠨᠡᠬᠡᠷ ᠬᠥᠭᠡᠷᠦᠬᠦᠢ︕ ᠭᠡᠬᠦ ᠳᠤ᠂ ᠥᠨᠥᠳᠦᠷ ᠪᠣᠯᠬᠤ ᠳᠤ᠂ ᠣᠨ ᠵᠢᠯ ᠣᠯᠠᠨ | ᠣᠯᠠᠨ ᠢᠶᠠᠷ ᠤᠷᠤᠰᠤᠨ ᠠᠯᠤᠰᠯᠠᠵᠤ ᠪᠢᠲᠡᠨ ᠤ ᠦᠶᠡ ᠶᠢᠨ ᠬᠢᠨ ᠠᠮᠢᠳᠤᠷᠠᠯ ᠤᠨ ᠶᠡᠭᠡ ᠤᠷᠤᠰᠬᠠᠯ ᠳᠤ ᠮᠥᠨ ᠴᠦ | ᠦᠭᠡᠢ ᠤᠰᠤᠨ ᠤ ᠴᠢᠯᠠᠭᠤ ᠰᠢᠭ᠋ ᠮᠦᠯᠢᠢᠵᠦ ᠳ᠋ᠠ ᠭᠡᠵᠤ ᠰᠡᠳᠬᠢᠯ ᠤᠨ ᠭᠡᠷᠡᠯ ᠢᠶᠠᠷ ᠢᠶᠠᠨ ᠵᠠᠮ ᠮᠥᠷ ᠢᠶᠠᠨ ᠮᠢᠯᠢᠶᠠᠨ | ᠢᠲᠡᠭᠡᠯ ᠤᠨ ᠬᠠᠳᠠᠭ ᠰᠢᠭ᠋ ᠬᠥᠪᠦᠷᠡᠭᠰᠡᠨ ᠭᠦᠨ ᠪᠣᠳᠤᠯ ᠠᠴᠠ ᠪᠠᠨ ᠰᠡᠷᠢᠬᠦ ᠳᠤ ᠦᠳᠡ ᠶᠢᠨ ᠬᠤᠶᠢᠨᠠᠬᠢ ᠲᠥᠷᠪᠡᠨ | ᠴᠠᠭ ᠪᠣᠯᠴᠢᠬᠠᠭᠰᠠᠨ ᠪᠠᠶᠢᠯᠠ᠃ | ᠪᠢᠳᠡᠨ ᠢ ᠬᠤᠭᠤᠯᠠᠨ ᠭᠡᠷ ᠲᠤ ᠬᠦᠷᠭᠦ ᠳᠤ ᠬᠠᠮᠳᠤ ᠰᠤᠷᠤᠭᠴᠢ ᠮᠠᠨᠳᠠᠷᠠᠸᠠ ᠲᠤᠰᠴᠤ ᠠᠪᠤᠭᠠᠳ᠄ ︽ᠨᠠᠷᠠᠨᠬᠡᠷᠡᠯ | ᠠᠩᠭᠢ ᠶᠢᠨ ᠰᠤᠷᠤᠭᠴᠢᠳ ᠲᠤ ᠪᠠᠨ ᠨᠡᠯᠢᠶᠡᠳ ᠲᠤ ᠨᠢ ᠬᠡᠯᠡᠭᠰᠡᠨ᠃ ᠬᠡᠳᠦᠢ ᠨᠢ ᠢᠷᠡᠬᠦ ᠶᠢ ᠮᠡᠳᠡᠬᠦ ᠦᠭᠡᠢ᠃ | ᠶᠠᠭᠤ ᠴᠦ ᠪᠣᠯᠤᠭᠰᠠᠨ ᠡᠨᠡ ᠬᠤᠶᠠᠷ ᠰᠢᠷᠡᠭᠡᠨ ᠳᠤ ᠬᠠᠮᠲᠤ ᠨᠥᠬᠦᠳ ᠢᠶᠠᠷ ᠢᠶᠠᠨ ᠰᠠᠭᠤᠶᠠ︾ ᠭᠡᠵᠤ ᠵᠡᠭᠦᠨ ᠡᠮᠦᠨᠡ | ᠲᠠᠯᠠ ᠳᠤ ᠪᠠᠶᠢᠭᠠ ᠬᠤᠶᠠᠷ ᠰᠢᠷᠡᠭᠡ ᠶᠢᠨ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠬᠢ ᠳᠤ ᠨᠢ ᠪᠢᠳᠡᠨ ᠢ ᠰᠠᠭᠤᠯᠭᠠᠪᠠ᠃ ᠰᠤᠷᠤᠭᠴᠢ | ᠪᠠᠶᠢᠬᠤ ᠳᠤ ᠪᠠᠨ ᠬᠤᠶᠠᠷ ᠨᠣᠮᠧᠷᠲᠤ ᠢᠰᠡᠭᠡᠢ ᠭᠤᠲᠤᠯ ᠲᠠᠢ᠂ ᠬᠦᠷᠡᠩ ᠡᠷᠢᠶᠡᠨ ᠰᠤᠳᠠᠯ ᠲᠠᠢ ᠪᠦᠰ ᠢᠶᠠᠷ | ᠭᠠᠳᠠᠷᠯᠠᠭᠰᠠᠨ ᠬᠡᠨᠵᠡ ᠬᠤᠷᠠᠭᠠᠨ ᠠᠷᠠᠰᠤᠨ ᠳ᠋ᠠᠴᠠᠩ ᠡᠮᠦᠰᠴᠦ ᠦᠭᠡ ᠳᠠᠭᠤᠨ ᠴᠥᠭᠡᠨ ᠲᠠᠢ ᠶᠠᠪᠤᠳᠠᠭ ᠮᠠᠨᠳᠠᠷᠠᠸᠠ | ᠮᠠᠨᠢ ᠨᠡᠯᠢᠶᠡᠳ ᠵᠤᠭᠵᠠᠶᠢᠭᠰᠠᠨ ᠮᠠᠷᠢᠶᠠᠯᠢᠭ ᠰᠢᠷᠠ ᠪᠦᠰᠡᠭᠦᠢ ᠪᠣᠯᠤᠨ ᠬᠤᠪᠢᠷᠠᠭᠰᠠᠨ ᠪᠠᠶᠢᠯᠠ᠃ | ᠪᠢᠳᠡ ᠳᠥᠷᠪᠡ ᠡᠭᠦᠳᠡᠨ ᠥᠭᠡᠳᠡ ᠪᠠᠶᠢᠨ ᠪᠠᠶᠢᠨ ᠬᠠᠷᠠᠵᠤ ᠬᠡᠨ ᠨᠢ ᠤᠷᠢᠳ ᠢᠶᠠᠷ ᠣᠷᠤᠵᠤ ᠢᠷᠡᠳᠡᠭ ᠪᠣᠯ | ᠭᠡᠵᠤ ᠥᠨᠳᠡᠯᠵᠡᠨ ᠬᠦᠯᠢᠶᠡᠨᠡ᠃ ᠲᠡᠭᠡᠵᠦ ᠪᠠᠶᠢᠲᠠᠯᠠ ᠡᠸᠡᠩᠬᠢ ᠬᠤᠰᠢᠭᠤᠨ ᠤ ᠤᠰᠤᠨ ᠠᠰᠢᠭᠯᠠᠯᠲᠠ ᠶᠢᠨ | ᠲᠣᠪᠴᠢᠶᠠᠨ ᠳᠤ ᠳᠠᠷᠤᠭᠠ ᠪᠠᠷ ᠠᠵᠢᠯᠯᠠᠳᠠᠭ ᠥᠭᠡᠯᠡᠳ ᠶᠠᠰᠤᠲᠠᠨ ᠬᠦᠳᠡᠷ ᠮᠠᠨᠢ ᠴᠡᠯᠮᠡᠭ᠂ ᠰᠧᠵᠢᠳᠮᠠ᠂ | ᠰᠠᠷᠠᠨᠴᠡᠴᠡᠭ ᠭᠤᠷᠪᠠᠨ ᠪᠤᠷᠢᠶᠠᠳ ᠡᠮᠡᠭᠲᠡᠢ ᠬᠠᠮᠲᠤ ᠰᠤᠷᠤᠭᠴᠢ ᠪᠠᠨ ᠳᠠᠭᠠᠭᠤᠯᠤᠨ ᠣᠯᠠᠨ ᠤ ᠳᠤᠮᠳᠠᠭᠤᠷ ᠨᠠᠮᠪᠠᠯᠢᠭ | ᠠᠯᠬᠤᠯᠠᠭᠰᠠᠭᠠᠷ ᠣᠷᠤᠵᠤ ᠢᠷᠡᠯᠡ᠃ ᠴᠡᠯᠮᠡᠭ ᠪᠠᠭᠰᠢ ᠡᠵᠢ ᠲᠠᠢ᠂ ᠡᠭᠡᠴᠢ ᠳᠡᠭᠦᠦ ᠳᠥᠷᠪᠡᠭᠦᠯᠡ᠃ ᠶᠡᠭᠡ ᠯᠡ | ᠠᠰᠪᠤᠷᠢ ᠴᠠᠭᠠᠪᠤᠷ ᠬᠡᠦᠬᠡᠳ ᠪᠠᠶᠢᠭᠰᠠᠨ᠃ ᠡᠭᠡᠴᠢ ᠴᠡᠩᠭᠡᠯ ᠨᠢ ᠳᠡᠭᠡᠭᠦᠷ ᠠᠩᠭᠢ ᠳᠤ ᠰᠤᠷᠤᠯᠴᠠᠳᠠᠭ ᠪᠣᠯᠬᠤᠷ | ᠳᠡᠭᠦᠦ ᠶᠢᠨ ᠢᠶᠠᠨ ᠬᠤᠪᠴᠠᠰᠤ ᠬᠤᠨᠠᠷ ᠢ ᠨᠢ ᠤᠬᠢᠶᠠᠵᠤ ᠴᠡᠪᠡᠷᠯᠡᠵᠦ ᠰᠠᠶᠢᠨ ᠬᠠᠷᠠᠭᠠᠯᠵᠠᠳᠠᠭ ᠠᠴᠠ ᠴᠡᠯᠮᠡᠭ ᠮᠠᠨᠢ | ᠡᠭᠡᠴᠢ ᠲᠠᠢ ᠪᠠᠶᠢᠬᠤ ᠶᠢᠨ ᠬᠤᠪᠢ ᠴᠡᠩᠭᠡᠯ ᠢ ᠬᠥᠮᠥᠨ ᠠᠴᠠ ᠢᠯᠡᠭᠦᠦ ᠬᠦᠷᠲᠡᠳᠡᠭ ᠲᠡᠭᠡᠨ ᠵᠢᠷᠭᠠᠯᠲᠠᠢ᠃ | ᠰᠧᠵᠢᠳᠮᠠ ᠶᠢᠨ ᠠᠮᠢᠳᠤᠷᠠᠯ ᠨᠡᠯᠢᠶᠡᠳ ᠴᠢᠨᠡᠭᠡᠯᠢᠭ᠃ ᠭᠡᠷ ᠨᠢ ᠣᠶᠢᠷᠠᠬᠠᠨ ᠲᠤᠯᠠᠳᠠ ᠬᠠᠭᠠᠷᠢᠮᠠᠯ᠂ ᠪᠣᠣᠪᠤ᠂ ᠶᠠᠩᠵᠤ | ᠪᠦᠷᠢ ᠶᠢᠨ ᠢᠳᠡᠬᠦ ᠶᠠᠭᠤᠮᠠ ᠵᠦᠩᠳᠡᠭᠡᠨ ᠢᠷᠡᠨᠡ᠃ ᠲᠡᠭᠡᠬᠦ ᠪᠦᠷᠢ ᠰᠧᠵᠢᠳᠮᠠ ᠪᠢᠳᠡᠨ ᠲᠠᠢ ᠬᠤᠪᠢᠶᠠᠯᠴᠠᠵᠤ | ᠢᠳᠡᠳᠡᠭ᠃ ᠪᠢᠳᠡᠨ ᠰᠢᠭ ᠨᠢᠭᠡ ᠬᠤᠭᠤᠴᠠᠭᠠ ᠭᠡᠷ ᠠᠴᠠ ᠨᠢ ᠬᠥᠮᠥᠨ ᠤ ᠪᠠᠷᠠ ᠬᠠᠷᠠᠭᠳᠠᠬᠤ ᠦᠭᠡᠢ᠂ ᠥᠪᠡᠷ | ᠢᠶᠠᠨ ᠬᠠᠷᠢᠵᠤ ᠳᠡᠶᠢᠯᠬᠦ ᠦᠭᠡᠢ ᠬᠤᠯᠠ ᠭᠡᠷ ᠲᠠᠢ ᠶᠠᠳᠠᠭᠤᠬᠠᠨ ᠬᠡᠦᠬᠡᠳ ᠤᠳ ᠲᠡᠭᠦᠨ ᠤ ᠢᠳᠡᠬᠦ ᠶᠠᠭᠤᠮᠠᠨ ᠳᠤ | ᠬᠡᠴᠢᠨᠡᠨ ᠭᠤᠷᠢ ᠬᠥᠳᠡᠯᠵᠦ ᠪᠠᠶᠢᠭᠰᠠᠨ ᠢ ᠪᠣᠣ ᠮᠡᠳᠡ᠃ ᠰᠠᠷᠠᠨᠴᠡᠴᠡᠭ ᠤᠨ ᠡᠭᠡᠴᠢ ᠨᠢ ᠭᠡᠵᠤ ᠬᠠᠶᠢᠯᠠᠷ ᠤᠨ ᠴᠡᠷᠢᠭ | ᠤᠨ ᠲᠣᠭᠤᠷᠢᠭ ᠤᠨ ᠡᠮᠨᠡᠯᠭᠡ ᠳᠤ ᠠᠵᠢᠯᠯᠠᠳᠠᠭ ᠴᠡᠷᠢᠭ ᠡᠭᠡᠴᠢ ᠳᠠᠩᠳᠠ ᠰᠠᠷᠠᠨᠴᠡᠴᠡᠭ ᠢ ᠡᠷᠭᠢᠵᠦ ᠢᠷᠡᠨᠡ᠃ ᠲᠡᠷᠡ | ᠡᠭᠡᠴᠢ ᠶᠢᠨ ᠭᠤᠶᠤ ᠭᠡᠵᠢ ᠡ︕ ᠨᠣᠭᠤᠭᠠᠨ ᠥᠩᠭᠡ ᠶᠢᠨ ᠴᠡᠷᠢᠭ ᠬᠤᠪᠴᠠᠰᠤ ᠶᠢ ᠴᠢᠪᠬᠢᠲᠡᠯᠡ ᠡᠮᠦᠰᠴᠦ | ᠠᠯᠬᠤᠵᠤ ᠬᠢᠰᠬᠢᠬᠦ ᠶᠢᠨ ᠬᠢᠨᠢ ᠰᠠᠶᠢᠬᠠᠨ ᠭᠡᠵᠢ ᠡ︕ ᠰᠠᠷᠠᠨᠴᠡᠴᠡᠭ ᠲᠣᠩ ᠡᠷᠬᠡ᠃ ᠳᠠᠩᠳᠠ ᠯᠡ ᠡᠭᠡᠴᠢ ᠳᠤ ᠪᠠᠨ | ᠡᠷᠬᠡᠯᠡᠵᠦ ᠪᠠᠶᠢᠬᠤ ᠬᠠᠷᠠᠭᠳᠠᠨᠠ᠃ ᠬᠠᠵᠠᠭᠤ ᠳᠤ ᠨᠢ ᠪᠠᠶᠢᠭᠰᠠᠨ ᠪᠢᠳᠡ ᠪᠢᠲᠡᠭᠦᠬᠡᠨ ᠳᠤ ᠪᠠᠨ ᠠᠲᠠᠭᠠᠷᠬᠠᠵᠤ ᠪᠢ | ᠪᠠᠰᠠ ᠡᠶᠢᠮᠦ ᠭᠤᠶᠤ ᠡᠭᠡᠴᠢ ᠲᠠᠢ ᠪᠠᠶᠢᠭᠰᠠᠨ ᠪᠣᠯ ᠡ ᠭᠡᠵᠤ ᠰᠡᠮᠡᠭᠡᠷᠬᠡᠨ ᠬᠦᠰᠡᠨᠡ᠃ ᠮᠠᠨ ᠤ ᠠᠩᠭᠢ ᠶᠢᠨ ᠡᠮᠡᠭᠲᠡᠢ | ᠰᠤᠷᠤᠭᠴᠢᠳ ᠰᠠᠷᠠᠨᠴᠡᠴᠡᠭ ᠢᠶᠠᠷ ᠡᠭᠡᠴᠢ ᠶᠢᠨ ᠬᠢᠨᠢ ᠴᠡᠷᠢᠭ ᠤᠨ ᠬᠤᠪᠴᠠᠰᠤ ᠶᠢ ᠵᠢᠭᠡᠯᠡᠭᠦᠯᠵᠦ ᠭᠠᠷᠠᠭ ᠤᠨ ᠡᠳᠦᠷ | ᠪᠣᠯᠪᠠᠯ ᠰᠡᠭᠦᠳᠡᠷ ᠲᠠᠲᠠᠭᠤᠯᠤᠨᠠ᠃ ᠲᠡᠶᠢᠮᠦ ᠠᠴᠠ ᠰᠧᠵᠢᠳᠮᠠ ᠶᠢᠨ ᠴᠡᠷᠢᠭ ᠬᠤᠪᠴᠠᠰᠤ ᠡᠮᠦᠰᠴᠦ | ᠲᠠᠲᠠᠭᠤᠯᠤᠭᠰᠠᠨ ᠰᠡᠭᠦᠳᠡᠷ ᠣᠳᠤ ᠪᠣᠯᠲᠠᠯᠠ ᠮᠢᠨᠦ ᠰᠡᠭᠦᠳᠡᠷ ᠤᠨ ᠬᠠᠪᠢᠰᠤᠨ ᠳᠤ ᠬᠠᠳᠠᠭᠠᠯᠠᠭᠳᠠᠭᠰᠠᠭᠠᠷ ᠪᠠᠶᠢᠭᠠ | ᠰᠢᠦ᠃ | ᠭᠠᠳᠠᠨᠠ ᠠᠴᠠ ᠨᠢ ᠬᠠᠷᠠᠬᠤ ᠳᠤ᠂ ᠦᠭᠡ ᠳᠠᠭᠤᠨ ᠣᠯᠠᠨ ᠦᠭᠡᠢ ᠴᠦ ᠴᠠᠭᠠᠨᠠ ᠪᠠᠨ ᠨᠢᠭᠡ ᠯᠡ ᠬᠡᠷᠰᠡᠦ᠃ ᠤᠭ | ᠠᠴᠠ ᠪᠠᠨ ᠨᠢᠮᠪᠠᠢ ᠬᠢᠨᠠᠭᠤᠷ᠂ ᠰᠠᠨᠠᠵᠤ ᠵᠣᠷᠢᠭᠰᠠᠨ ᠳᠤ ᠪᠠᠨ ᠢᠲᠡᠭᠡᠯ ᠲᠠᠢ ᠥᠬᠢᠨ ᠪᠠᠶᠢᠭᠰᠠᠨ ᠬᠠᠰ ᠮᠠᠨᠢ ᠴᠦ | ᠬᠦᠷᠦᠯᠴᠡᠨ ᠢᠷᠡᠵᠡᠢ᠃ | ᠳ᠋ᠠᠰᠢᠨᠢᠮᠠ ᠪᠦᠰᠡᠭᠦᠢ ᠲᠠᠢ ᠪᠠᠨ ᠢᠷᠡᠯᠡ ᠭᠡᠵᠤ ᠬᠡᠨ ᠨᠢᠭᠡ ᠨᠢ ᠬᠡᠯᠡᠨᠡ᠃ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨ ᠤ | ᠡᠸᠡᠩᠬᠢ ᠰᠤᠮᠤᠨ ᠳᠤ ᠨᠤᠲᠤᠭ ᠲᠠᠢ᠂ ᠳᠤᠭᠤᠢ ᠨᠣᠮᠤᠬᠠᠨ᠂ ᠠᠩᠭᠢ ᠶᠢᠨ ᠨᠥᠭᠦᠳ ᠲᠡᠭᠡᠨ ᠬᠦᠷᠢᠶᠡᠯᠡᠯ ᠲᠠᠢ | ᠬᠡᠦᠬᠡᠳ ᠪᠠᠶᠢᠭᠰᠠᠨ ᠳ᠋ᠠᠰᠢᠨᠢᠮᠠ ᠶᠢ ᠪᠢ ᠲᠡᠳᠡᠭᠡᠷ ᠣᠷᠤᠵᠤ ᠢᠷᠡᠵᠦ ᠪᠠᠶᠢᠭᠠ ᠬᠥᠮᠥᠰ ᠤᠨ ᠤᠷᠤᠰᠬᠠᠯ ᠠᠴᠠ | ᠡᠷᠢᠭᠡᠳ ᠣᠯᠤᠭᠰᠠᠨ ᠦᠭᠡᠢ᠃ ᠢᠩᠭᠢᠵᠦ ᠪᠠᠶᠢᠲᠠᠯᠠ ᠨᠢᠭᠡ ᠳᠤᠮᠳᠠ ᠶᠢᠨ ᠪᠡᠶᠡ ᠲᠠᠢ᠂ ᠬᠠᠷᠠᠪᠲᠤᠷ ᠴᠢᠷᠠᠢ ᠲᠠᠢ᠂ | ᠶᠡᠷᠦ ᠳᠡᠭᠡᠨ ᠯᠡ ᠨᠢᠭᠡ ᠨᠠᠷᠠᠨ ᠤ ᠪᠣᠷᠤ ᠮᠠᠯᠴᠢᠨ ᠮᠠᠨ ᠤ ᠰᠢᠷᠡᠭᠡᠨ ᠳᠤ ᠢᠷᠡᠵᠦ ᠰᠠᠭᠤᠪᠠ᠃ ᠲᠡᠷᠡ ᠨᠢ ᠳ᠋ᠠᠰᠢᠨᠢᠮᠠ | ᠪᠠᠶᠢᠵᠠᠢ᠃ | ᠡᠷᠳᠡᠨᠢᠴᠢᠮᠡᠭ ᠢᠷᠡᠯᠡ ᠭᠡᠨᠡ᠃ ᠬᠠᠵᠠᠭᠤ ᠳᠤ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠬᠦᠳᠡᠷ᠄ ︽ᠡᠷᠳᠡᠨᠢᠴᠢᠮᠡᠭ ᠴᠢᠨᠢ ᠬᠡᠨ ᠪᠢᠯᠡ︖ | ︾ ᠭᠡᠵᠤ ᠨᠠᠳᠠ ᠠᠴᠠ ᠠᠰᠠᠭᠤᠨᠠ᠃ ᠪᠢ᠄ ︽ᠮᠠᠨ ᠤ ᠠᠩᠭᠢ ᠳᠤ ᠬᠠᠭᠤᠴᠢᠨ ᠪᠠᠷᠭᠤ ᠶᠢᠨ ᠬᠠᠷᠭᠠᠨᠠᠲᠤ ᠠᠴᠠ | ᠣᠴᠢᠭᠰᠠᠨ ᠨᠢᠭᠡ ᠥᠨᠳᠦᠷ ᠪᠡᠶᠡ ᠲᠠᠢ ᠰᠢᠷᠠ ᠥᠬᠢᠨ᠂ ᠨᠢᠭᠡ ᠨᠠᠮᠬᠠᠨ ᠪᠡᠶᠡ ᠲᠠᠢ ᠪᠣᠷᠤ ᠬᠡᠦᠬᠡᠨ ᠬᠤᠶᠠᠭᠤᠯᠠ | ᠳᠠᠩᠳᠠ ᠯᠡ ᠬᠠᠮᠲᠤ ᠶᠠᠪᠤᠳᠠᠭ ᠪᠠᠶᠢᠭᠰᠠᠨ ᠰᠢᠳᠡ᠃ ᠲᠡᠷᠡ ᠨᠠᠮᠬᠠᠨ ᠪᠡᠶᠡ ᠲᠠᠢ ᠶᠢ ᠨᠢ ᠨᠠᠷᠠᠨᠬᠡᠷᠡᠯ ᠭᠡᠳᠡᠭ᠃ ᠣᠳᠤ | ᠬᠡᠦᠬᠡᠨ ᠢᠶᠠᠨ ᠮᠣᠷᠳᠠᠭᠤᠯᠵᠤ ᠪᠠᠶᠢᠨᠠ᠃ ᠲᠡᠭᠦᠨ ᠲᠠᠢ ᠬᠠᠮᠲᠤ ᠶᠠᠪᠤᠳᠠᠭ ᠥᠨᠳᠦᠷ ᠰᠢᠷᠠ ᠥᠬᠢᠨ ᠢ ᠨᠢ | ᠡᠷᠳᠡᠨᠢᠴᠢᠮᠡᠭ ᠭᠡᠳᠡᠭ ᠶᠤᠮ᠃ ᠴᠢ ᠰᠠᠶᠢᠬᠠᠨ ᠪᠣᠳᠤᠪᠠᠯ ᠪᠣᠳᠤᠵᠤ ᠣᠯᠬᠤ ᠪᠠᠶᠢᠬᠠ︾ ᠭᠡᠲᠡᠯᠡ ᠡᠷᠲᠡᠨᠢᠴᠢᠮᠡᠭ | ᠬᠦᠷᠴᠦ ᠢᠷᠡᠭᠡᠳ ᠨᠥᠭᠦᠭᠡ ᠰᠢᠷᠡᠭᠡᠨ ᠳᠤ ᠰᠠᠭᠤᠯᠠ᠃ ᠡᠨᠡ ᠦᠶᠡ ᠳᠤ ᠮᠠᠨᠳᠠᠷᠠᠸᠠ᠄ ︽ᠡᠷᠳᠡᠨᠢᠴᠢᠮᠡᠭ ᠤᠨ ᠭᠡᠷ | ᠨᠢ ᠬᠤᠰᠢᠭᠤᠨ ᠠᠴᠠ ᠭᠤᠴᠢᠭᠠᠳ ᠭᠠᠵᠠᠷ ᠬᠤᠯᠠ ᠪᠠᠶᠢᠭᠠ ᠬᠥᠬᠡᠨᠠᠭᠤᠷ ᠵᠤᠭᠠᠴᠠᠯ ᠤᠨ ᠭᠠᠵᠠᠷ ᠠᠴᠠ ᠡᠮᠦᠨᠡ | ᠪᠠᠶᠠᠨᠬᠠᠳᠠ ᠰᠤᠮᠤᠨ ᠤ ᠪᠠᠶᠠᠨᠬᠠᠳᠠ ᠭᠠᠴᠠᠭᠠᠨ ᠳᠤ ᠪᠠᠶᠢᠳᠠᠭ᠃ ᠲᠡᠷᠡ ᠡᠨᠡ ᠦᠳᠡ ᠳᠤ ᠰᠠᠶ᠋ᠢ ᠠᠳᠡ ᠬᠡᠦᠬᠡᠳ ᠤᠨ | ᠨᠠᠶᠢᠷ ᠲᠤ ᠰᠠᠭᠤᠴᠢᠬᠠᠭᠠᠳ ᠲᠡᠷᠭᠡ ᠬᠦᠯᠦᠰᠦᠯᠡᠵᠦ ᠭᠡᠷ ᠲᠡᠭᠡᠨ ᠬᠠᠷᠢᠭᠰᠠᠨ ᠶᠤᠮ᠃ ᠲᠡᠭᠡᠭᠡᠳ ᠣᠷᠤᠢ ᠶᠢᠨ | ᠦᠨᠢᠶᠡ ᠪᠠᠨ ᠰᠠᠭᠠᠴᠢᠬᠠᠭᠠᠳ ᠥᠨᠥ ᠡᠨᠡ ᠬᠤᠷᠢᠮ ᠳᠤ ᠳᠠᠬᠢᠨ ᠢᠷᠡᠵᠦ ᠪᠠᠶᠢᠨᠠ ᠰᠢᠦ︾ ᠭᠡᠵᠤ ᠶᠠᠷᠢᠨᠠ᠃ ᠡᠭᠦᠨ | ᠢ ᠰᠣᠨᠤᠰᠤᠭᠠᠳ ᠮᠢᠨᠦ ᠰᠡᠳᠬᠢᠯ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠢᠭᠳᠦᠯᠦᠨ ᠳᠣᠭᠳᠤᠯᠵᠤ ᠨᠢᠭᠡ ᠵᠦᠢᠯ ᠤᠨ ᠭᠠᠯ | ᠬᠠᠯᠠᠭᠤᠨ ᠢᠯᠴᠢ ᠲᠥᠭᠡᠨᠡᠭᠡᠳ ᠠᠪᠬᠤ ᠰᠢᠭ᠋ ᠪᠣᠯᠤᠯᠠ᠃ ᠶᠠᠮᠠᠷ ᠬᠠᠯᠠᠭᠤᠬᠠᠨ ᠰᠡᠳᠬᠢᠯ ᠪᠣᠢ︕ ᠡᠷᠳᠡᠨᠢᠴᠢᠮᠡᠭ ᠡ︕ | | ᠮᠠᠨ ᠤ ᠠᠩᠭᠢ ᠳᠤ ᠶᠡᠭᠡ᠂ ᠪᠠᠭᠠ ᠬᠤᠶᠠᠷ ᠤᠯᠠᠭᠠᠨᠬᠡᠷᠡᠯ ᠲᠠᠢ᠃ ᠪᠣᠯᠤᠷ ᠲᠡᠷᠡ ᠬᠤᠶᠠᠷ ᠲᠠᠢ ᠭᠤᠷᠪᠠᠭᠤᠯᠠ | ᠨᠢᠭᠡ ᠰᠢᠷᠡᠭᠡᠨ ᠳᠤ ᠰᠠᠭᠤᠳᠠᠭ ᠶᠤᠮ᠃ ᠬᠢᠴᠢᠶᠡᠯ ᠤᠨ ᠴᠠᠭ ᠲᠤ ᠬᠤᠶᠠᠷ ᠤᠯᠠᠭᠠᠨᠬᠡᠷᠡᠯ ᠮᠠᠨᠢ ᠪᠣᠯᠤᠷ ᠲᠤ ᠰᠠᠨᠳᠠᠯᠢ | ᠥᠭᠬᠦ ᠦᠭᠡᠢ᠃ ᠪᠣᠯᠤᠷ ᠪᠠᠭᠰᠢ ᠳᠤ ᠪᠠᠰᠠ ᠵᠠᠭᠠᠯᠳᠤᠵᠤ ᠴᠢᠳᠠᠬᠤ ᠦᠭᠡᠢ ᠲᠤᠯᠠ ᠠᠷᠭᠠ ᠦᠭᠡᠢ ᠯᠡ ᠵᠣᠭᠰᠤᠭᠠ | ᠪᠠᠷ ᠢᠶᠠᠨ ᠬᠢᠴᠢᠶᠡᠯ ᠰᠣᠨᠤᠰᠴᠤ ᠪᠠᠶᠢᠬᠤ ᠳᠤ ᠬᠤᠶᠠᠷ ᠤᠯᠠᠭᠠᠨᠬᠡᠷᠡᠯ ᠤᠨ ᠰᠠᠨᠠᠭᠠ ᠨᠢ ᠬᠠᠩᠬᠤ ᠦᠭᠡᠢ ︽ᠵᠢᠷᠤᠭᠠ | ᠪᠣᠯᠤᠷ᠂ ᠵᠢᠷᠤᠭᠠ ᠪᠣᠯᠤᠷ︾ ᠭᠡᠵᠤ ᠳᠣᠭᠤᠭᠢᠯᠠᠨᠠ᠃ ᠡᠨᠡ ᠮᠡᠲᠦ ᠪᠠᠷ ᠪᠦᠲᠦᠯ ᠦᠭᠡᠢ ᠶᠠᠪᠤᠳᠠᠯ᠂ ᠭᠡᠨᠡᠨ ᠴᠠᠭᠠᠬᠠᠨ | ᠳᠦᠷᠰᠦ ᠦᠭᠡᠶᠢᠲᠡᠯ ᠭᠡᠳᠡᠭ ᠬᠡᠦᠬᠡᠳ ᠨᠠᠰᠤ ᠶᠢ ᠳᠠᠭᠠᠵᠤ ᠶᠠᠪᠤᠳᠠᠭ ᠬᠤᠶᠢᠨᠠ ᠳ᠋ᠠ᠂ ᠮᠠᠭᠲᠠᠭᠠᠯ ᠵᠢᠮᠡᠯᠡᠯ ᠭᠡᠭᠴᠢ | ᠮᠥᠨ ᠯᠡ ᠲᠡᠷᠡ ᠪᠦᠭᠦᠨ ᠢ ᠰᠡᠭᠦᠳᠡᠷ ᠮᠡᠲᠦ ᠮᠥᠷᠳᠡᠨ ᠳᠠᠭᠠᠳᠠᠭ ᠣᠷᠴᠢᠯᠠᠩ ᠳᠤ ᠥᠷᠦᠭᠡᠰᠦᠨ ᠨᠢᠳᠦ ᠪᠠᠨ | ᠳᠠᠩᠳᠠ ᠠᠨᠢᠪᠴᠢᠵᠤ᠂ ᠨᠢᠰᠤ ᠪᠠᠨ ᠲᠠᠲᠠᠵᠤ ᠵᠣᠭᠰᠤᠳᠠᠭ᠂ ᠠᠩᠭ᠍ᠯᠢ ᠬᠡᠯᠡᠨ ᠤ ᠲᠥᠯᠥᠭᠡᠯᠡᠭᠴᠢ ᠪᠠᠶᠢᠭᠰᠠᠨ ᠪᠣᠯᠤᠷ | ᠮᠠᠨᠢ ᠬᠦᠷᠦᠭᠡᠳ ᠢᠷᠡᠯᠡ᠃ ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠳᠤ ᠴᠡᠯᠮᠡᠭ᠄ ︽ᠪᠢ ᠬᠡᠨ ᠪᠣᠢ︖︾ ᠭᠡᠳ ᠭᠠᠷ ᠪᠠᠷᠢᠬᠤ | ᠳᠤ ᠲᠡᠷᠡ ᠨᠡᠷᠡ ᠶᠢ ᠨᠢ ᠬᠡᠯᠡᠵᠦ ᠳᠡᠶᠢᠯᠬᠦ ᠦᠭᠡᠢ ᠲᠦᠭᠳᠡᠷᠡᠨᠡ᠃ ᠵᠠᠯᠭᠠᠭᠠᠳ ᠪᠢᠳᠡ ᠪᠦᠭᠦᠳᠡᠭᠦᠯᠡ ᠭᠠᠷ ᠪᠠᠷᠢᠨ | ᠠᠭᠤᠯᠵᠠᠬᠤ ᠳᠤ ᠲᠡᠷᠡ ᠨᠡᠷᠡ ᠬᠥᠮᠥᠨ ᠬᠤᠶᠠᠷ ᠢ ᠨᠢ ᠨᠢᠭᠡ ᠴᠦ ᠳᠠᠭᠠᠷᠠᠭᠤᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠦᠨᠡᠨ ᠳᠤ | ᠪᠠᠨ ᠡᠮᠡᠭᠲᠡᠢ ᠰᠤᠷᠤᠭᠴᠢ ᠲᠠᠢ ᠬᠠᠮᠤᠭ ᠠᠴᠠ ᠢᠯᠡᠭᠦᠦ ᠬᠡᠷᠡᠯᠳᠦᠭᠰᠡᠨ ᠢᠶᠠᠷ ᠨᠢ ᠪᠣᠳᠤᠪᠠᠯ ᠮᠠᠨ ᠤ ᠡᠮᠡᠭᠲᠡᠢ | ᠰᠤᠷᠤᠭᠴᠢ ᠶᠢ ᠨᠢᠭᠡ ᠶᠢ ᠨᠢ ᠴᠦ ᠮᠠᠷᠲᠠᠬᠤ ᠦᠭᠡᠢ ᠪᠠᠶᠢᠪᠠᠯ ᠲᠠᠭᠠᠷᠠᠬᠤ ᠶᠤᠮᠰᠠᠨ᠃ ᠭᠡᠲᠡᠯᠡ ᠪᠣᠯᠤᠷ ᠬᠠᠷᠢᠨ ᠨᠡᠷᠡ | ᠬᠥᠮᠥᠨ ᠬᠤᠶᠠᠷ ᠢ ᠨᠢ ᠲᠠᠰᠤ ᠣᠨᠳᠤᠤ ᠬᠡᠯᠡᠵᠦ ᠪᠢᠳᠡᠨ ᠢ ᠢᠨᠢᠶᠡᠯᠭᠡᠵᠦ ᠪᠠᠶᠢᠪᠠ᠃ ᠲᠡᠭᠡᠯᠭᠦᠢ ᠶᠠᠭᠠᠬᠢᠬᠤ ᠪᠣᠢ ᠳ᠋ᠠ᠃ | ᠠᠷᠪᠠᠨ ᠬᠡᠳᠦᠬᠡᠨ ᠨᠠᠰᠤᠲᠠᠢ ᠳᠤ ᠪᠠᠨ ᠰᠠᠯᠤᠯᠴᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠭᠤᠴᠢᠨ ᠵᠢᠯ ᠤᠨ ᠳᠠᠷᠠᠭᠠ ᠥᠨᠥᠳᠦᠷ | ᠠᠭᠤᠯᠵᠠᠬᠤ ᠳᠤ ᠪᠢᠳᠡᠨ ᠤ ᠴᠡᠭᠡᠵᠢᠨ ᠳᠤ ᠬᠠᠮᠲᠤ ᠰᠤᠷᠤᠭᠴᠢᠳ ᠤᠨ ᠮᠠᠨᠢ ᠨᠡᠷᠡ ᠯᠡ ᠲᠤᠨᠵᠤ ᠦᠯᠡᠳᠡᠭᠰᠡᠨ ᠠᠴᠠ | ᠪᠢᠰᠢ ᠵᠢᠰᠦ ᠴᠢᠷᠠᠢ ᠨᠢ ᠮᠠᠷᠲᠠᠭᠳᠠᠵᠤ ᠣᠷᠬᠢᠭᠳᠠᠬᠤ ᠨᠢ ᠵᠠᠶᠢᠯᠠᠰᠢ ᠦᠭᠡᠢ ᠬᠡᠷᠡᠭ ᠡ︕ ᠪᠢᠳᠡ ᠢᠩᠭᠢᠵᠦ ᠯᠡ | ᠭᠤᠴᠢᠨ ᠵᠢᠯ ᠤᠨ ᠡᠮᠦᠨᠡᠬᠢ ᠨᠤᠲᠤᠭ ᠨᠤᠲᠤᠭ ᠤᠨ ᠪᠣᠷᠤ ᠪᠢᠯᠵᠤᠤᠬᠠᠢ ᠨᠤᠭᠤᠳ ᠭᠤᠴᠢᠨ ᠵᠢᠯ ᠤᠨ ᠳᠠᠷᠠᠭᠠ ᠪᠠᠶᠠᠷ | ᠳᠡᠭᠡᠷᠡ ᠪᠠᠶᠠᠷ ᠨᠡᠮᠡᠵᠦ ᠱᠣᠯᠤᠭᠠᠨᠠᠯᠳᠤᠨ ᠵᠢᠷᠭᠢᠯᠳᠦᠨ ᠠᠭᠤᠯᠵᠠᠯᠳᠤᠵᠤ ᠪᠢᠯᠡ᠃ ᠡᠨᠡ ᠪᠣᠯ ᠭᠤᠴᠢᠨ ᠵᠢᠯ ᠤᠨ | ᠳᠠᠷᠠᠭᠠᠬᠢ ᠬᠠᠮᠲᠤ ᠰᠤᠷᠤᠭᠴᠢᠳ ᠤᠨ ᠠᠭᠤᠯᠵᠠᠯᠲᠠ᠃ ᠡᠨᠡ ᠬᠦ ᠠᠭᠤᠯᠵᠠᠯᠲᠠ ᠶᠢᠨ ᠠᠮᠲᠠ ᠨᠢ ᠬᠦᠷᠲᠡᠯᠡ ᠲᠠᠰᠤ | ᠣᠨᠳᠤᠤ ᠪᠠᠶᠢᠳᠠᠭ ᠶᠤᠮ ᠪᠠᠶᠢᠨᠠ ᠯᠠᠢ᠃ | ᠬᠥᠲᠦᠯᠦᠭᠴᠢ ᠶᠢᠨ ᠤᠷᠤᠰᠤᠮᠠ ᠶᠠᠷᠢᠶᠠ᠂ ᠤᠬᠠᠭᠠᠨ ᠲᠠᠢ ᠵᠣᠬᠢᠴᠠᠭᠤᠯᠤᠯᠲᠠ ᠪᠠᠷ ᠬᠤᠷᠢᠮ ᠮᠠᠰᠢ ᠬᠥᠭᠵᠢᠶᠡᠨ ᠲᠠᠢ | ᠶᠠᠪᠤᠭᠳᠠᠵᠤ ᠪᠠᠶᠢᠯᠠ᠃ ᠭᠡᠨᠡᠳᠲᠡ ᠭᠦᠴᠦᠲᠡᠢ ᠳᠣᠯᠭᠢᠶᠠᠯᠠᠵᠤ ᠢᠷᠡᠬᠦ ᠤᠷᠲᠤ ᠶᠢᠨ ᠳᠠᠭᠤᠨ ᠤ ᠠᠶᠠᠯᠭᠤ ᠠᠭᠤᠯᠠᠰ | ᠠᠭᠤᠯᠠᠰ ᠤᠨ ᠴᠠᠭᠠᠨᠠ ᠠᠴᠠ ᠨᠥᠷᠢᠭᠡᠳ ᠪᠠᠭᠤᠬᠤ ᠰᠢᠭ᠋ ᠪᠣᠯᠪᠠ᠃ ᠴᠤᠮᠪᠤᠨ ᠲᠤᠭᠤᠷᠠᠢ ᠲᠠᠢ ᠠᠭᠰᠤᠮ ᠬᠦᠯᠦᠭ | ᠤᠨ ᠠᠮᠢᠰᠬᠤᠭᠠ ᠲᠣᠩ ᠣᠶᠢᠷᠠᠬᠠᠨ ᠰᠣᠨᠤᠰᠳᠠᠬᠤ ᠰᠢᠭ᠋ ᠪᠣᠯᠪᠠ᠃ ᠡᠨᠡ ᠶᠠᠭᠤ ᠪᠣᠯᠪᠠ︖ | ᠢᠨᠵᠠᠭᠠᠨ ᠵᠣ ᠲᠠᠢ ᠰᠠᠭᠠᠷᠠᠯ ᠮᠣᠷᠢ ᠶᠢ ᠪᠠᠨ | ᠢᠨᠴᠠᠭᠠᠬᠤ ᠶᠢᠨ ᠴᠢᠮᠡᠭᠡ ᠪᠠᠷ ᠲᠠᠨᠢᠭᠰᠠᠨ ᠶᠤᠮ | ᠢᠨᠠᠭ ᠤᠨ ᠢᠶᠠᠨ ᠠᠮᠠᠷᠠᠭ ᠬᠤᠩᠭᠤᠷ ᠴᠢᠮᠠᠢᠢ ᠪᠠᠨ | ᠢᠨᠢᠶᠡᠬᠦ ᠶᠢᠨ ᠴᠢᠮᠡᠭᠡ ᠪᠠᠷ ᠲᠠᠨᠢᠭᠰᠠᠨ ᠶᠤᠮ ᠬᠥ᠋ | ᠲᠠᠤᠯᠠᠢ ᠵᠣ ᠲᠠᠢ ᠰᠠᠭᠠᠷᠠᠯ ᠮᠣᠷᠢ ᠶᠢ ᠪᠠᠨ | ᠲᠤᠷᠭᠢᠬᠤ ᠶᠢᠨ ᠴᠢᠮᠡᠭᠡ ᠪᠠᠷ ᠲᠠᠨᠢᠭᠰᠠᠨ ᠶᠤᠮ | ᠲᠣᠩ ᠴᠦ ᠯᠡ ᠬᠠᠶᠢᠷᠠᠲᠠᠢ ᠬᠤᠩᠭᠤᠷ ᠴᠢᠮᠠᠢᠢ ᠪᠠᠨ | ᠳᠠᠭᠤᠯᠠᠬᠤ ᠶᠢᠨ ᠴᠢᠮᠡᠭᠡ ᠪᠠᠷ ᠲᠠᠨᠢᠭᠰᠠᠨ ᠶᠤᠮ ᠬᠥ᠋ ᠁ ᠭᠡᠵᠤ ᠡᠷᠭᠦᠨᠡ ᠬᠤᠲᠠ ᠶᠢᠨ ᠤᠯᠠᠭᠠᠨᠮᠥ᠋ᠴᠢᠷ ᠤᠨ | ᠳᠠᠭᠤᠴᠢᠨ — ᠨᠠᠷᠠᠨᠬᠡᠷᠡᠯ ᠤᠨ ᠮᠠᠨᠢ ᠤᠤᠭᠠᠨ ᠥᠬᠢᠨ ᠰᠣᠷᠭᠤᠭ ︽ᠢᠨᠵᠠᠭᠠᠨ ᠵᠣ ᠲᠠᠢ ᠰᠠᠭᠠᠷᠠᠯ︾ ᠢ | ᠬᠠᠩᠭᠢᠨᠠᠭᠤᠯᠵᠤ ᠪᠠᠶᠢᠨᠠ᠃ ᠮᠣᠩᠭᠤᠯ ᠬᠥᠮᠥᠨ ᠤ ᠰᠡᠳᠬᠢᠯ ᠳᠤ ᠬᠦᠷᠴᠦ ᠴᠢᠳᠠᠳᠠᠭ ᠳᠠᠭᠤᠤ ᠤᠷᠠᠯᠢᠭ ᠪᠠᠶᠢᠨᠠ | ᠭᠡᠬᠦ ᠳᠤ ᠬᠥᠮᠥᠨ ᠪᠦᠬᠦᠨ ᠤ ᠰᠡᠳᠬᠢᠯ ᠵᠢᠷᠦᠬᠡᠨ ᠳᠤ ᠬᠦᠷᠭᠡᠵᠦ ᠴᠢᠳᠠᠳᠠᠭ ᠤᠷᠠᠨ ᠠᠪᠢᠶᠠᠰᠲᠠᠨ ᠢ ᠮᠢᠨᠦ ᠬᠠᠮᠲᠤ | ᠰᠤᠷᠤᠭᠴᠢ ᠨᠠᠷᠠᠨᠬᠡᠷᠡᠯ᠂ ᠮᠥᠩᠬᠡᠨᠷᠳᠡᠨᠢ ᠬᠤᠶᠠᠷ ᠲᠦᠷᠦᠭᠦᠯᠦᠭᠰᠡᠨ ᠪᠠᠶᠢᠵᠤ ᠯᠡ ᠳ᠋ᠠ᠃ | ᠨᠠᠷᠠᠨᠬᠡᠷᠡᠯ ᠬᠤᠶᠠᠷ ᠥᠬᠢᠨ᠂ ᠨᠢᠭᠡ ᠬᠦᠦ ᠲᠠᠢ᠃ ᠲᠡᠭᠦᠨ ᠤ ᠨᠥᠬᠦᠷ ᠮᠥᠩᠬᠡᠨᠷᠳᠡᠨᠢ ᠭᠡᠳᠡᠭ ᠨᠢ ᠶᠣᠰᠤᠲᠠᠢ | ᠲᠡᠷᠭᠡᠯ ᠰᠠᠷᠠᠨ ᠰᠢᠭ᠋ ᠭᠡᠷᠡᠯ ᠭᠡᠶᠢᠭᠰᠡᠨ ᠲᠡᠭᠷᠢ ᠬᠡᠰᠢᠭ ᠲᠠᠢ ᠪᠠᠷᠭᠤ ᠡᠷᠡ᠃ ᠣᠩᠭᠤᠨ ᠪᠠᠯᠭᠠᠰᠤ ᠶᠢᠨ ᠪᠤᠷᠬᠠᠨᠲᠤ | ᠭᠠᠴᠠᠭᠠ ᠳᠤ ᠬᠤᠷᠢᠨ ᠬᠡᠳᠦᠨ ᠵᠢᠯ ᠳᠠᠷᠤᠭᠠ᠂ ᠱᠦᠵᠢ ᠶᠢᠨ ᠲᠤᠰᠢᠶᠠᠯ ᠲᠠᠢ ᠶᠠᠪᠤᠭᠰᠠᠨ ᠰᠣᠳᠤᠨ ᠮᠠᠯᠴᠢᠨ᠃ | ᠡᠶᠢᠮᠦ ᠠᠴᠠ ᠤᠨᠠᠵᠤ ᠪᠣᠰᠳᠠᠭ ᠠᠮᠢᠳᠤᠷᠠᠯ ᠤᠨ ᠨᠤᠭᠤᠯᠤᠭᠠᠨ ᠳᠤ ᠢᠲᠡᠭᠡᠯ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠪᠡᠶᠡ ᠪᠡᠶᠡ ᠪᠠᠨ | ᠲᠦᠰᠢᠵᠦ ᠡᠨᠡ ᠬᠤᠷᠸᠠ ᠳᠤ ᠡᠯᠢᠭᠡ ᠪᠦᠲᠦᠨ ᠠᠮᠢᠳᠤᠷᠠᠳᠠᠭ ᠪᠠᠶᠢᠵᠠᠢ ᠮᠢᠨᠦ ᠨᠠᠶᠢᠵᠠ᠃ | ᠬᠤᠷᠢᠮ ᠣᠷᠭᠢᠯ ᠳᠤ ᠪᠠᠨ ᠲᠤᠯᠪᠠ᠃ ᠬᠠᠶᠢᠯᠠᠷ ᠬᠤᠲᠠ ᠠᠴᠠ ᠮᠣᠷᠢᠯᠠᠨ ᠰᠠᠭᠠᠲᠠᠭᠰᠠᠨ ᠰᠠᠷᠠᠨᠬᠡᠷᠡᠯ ᠮᠠᠨᠢ | ᠶᠠᠪᠤᠬᠤ ᠪᠣᠯᠪᠠ᠃ ᠰᠠᠷᠠᠨᠬᠡᠷᠡᠯ ᠰᠢᠭᠡᠰᠦᠨ ᠤ ᠬᠤᠣᠷᠠᠳᠤᠯ ᠳᠤ ᠨᠡᠷᠪᠡᠭᠳᠡᠭᠡᠳ ᠭᠠᠷᠠᠭ ᠪᠦᠷᠢ ᠬᠡᠳᠦ ᠤᠳᠠᠭᠠ ᠴᠢᠰᠦ | ᠪᠠᠨ ᠰᠣᠯᠢᠭᠤᠯᠵᠤ ᠪᠠᠶᠢᠨᠠ ᠭᠡᠨᠡ᠃ ᠥᠨᠥᠳᠦᠷ ᠲᠡᠷᠡ ᠨᠥᠬᠦᠷ ᠢᠶᠠᠷ ᠢᠶᠠᠨ ᠲᠡᠷᠭᠡ ᠪᠠᠨ ᠵᠢᠯᠣᠭᠤᠳᠤᠭᠤᠯᠤᠭᠠᠳ | ᠬᠦᠷᠦᠭᠡᠳ ᠢᠷᠡᠵᠡᠢ᠃ ᠭᠠᠳᠠᠨᠠ ᠠᠴᠠ ᠨᠢ ᠦᠵᠡᠬᠦ ᠳᠤ᠂ ᠲᠡᠭᠦᠨ ᠤ ᠴᠢᠷᠠᠢ ᠵᠢᠭᠠᠬᠠᠨ ᠬᠠᠷᠠᠯᠠᠭᠰᠠᠨ ᠠᠴᠠ ᠪᠢᠰᠢ | ᠤᠶᠢᠳᠬᠠᠷ ᠭᠤᠨᠢᠭ ᠬᠠᠷᠠᠭᠳᠠᠬᠤ ᠦᠭᠡᠢ᠃ ᠶᠠᠮᠠᠷ ᠬᠡᠴᠡᠭᠦᠦ ᠲᠠᠮᠢᠷᠯᠢᠭ ᠪᠦᠰᠡᠭᠦᠢ ᠶᠤᠮ ᠳ᠋ᠠ︕ ᠬᠠᠶᠢᠷᠠ᠂ ᠵᠣᠷᠢᠭ | ᠬᠤᠶᠠᠷ ᠲᠤ ᠪᠠᠨ ᠯᠡ ᠲᠤᠯᠭᠠᠭᠤᠷᠢᠯᠠᠨ ᠵᠣᠭᠰᠤᠳᠠᠭ ᠪᠠᠶᠢᠵᠤ ᠤᠤ ᠴᠢ ᠮᠢᠨᠢ︕ ᠭᠡᠬᠦ ᠳᠤ ᠲᠡᠷᠡ᠂ ᠪᠦᠰᠡᠭᠦᠢ | ᠬᠥᠮᠥᠨ ᠢᠩᠭᠢᠵᠦ ᠭᠤᠨᠢᠭ ᠢᠶᠠᠨ ᠨᠢᠭᠤᠵᠤ ᠢᠨᠢᠶᠡᠳᠦ ᠪᠠᠨ ᠨᠡᠭᠡᠭᠡᠵᠦ ᠶᠠᠪᠤᠬᠤ ᠳᠤ ᠲᠣᠩ ᠴᠦ ᠭᠡᠮ ᠦᠭᠡᠢ ᠶᠤᠮ | ᠪᠠᠶᠢᠨᠠ ᠭᠡᠵᠤ ᠮᠡᠳᠡᠳᠡᠭ ᠣᠶᠢᠯᠠᠭᠠᠳᠠᠭ ᠬᠥᠮᠥᠨ ᠪᠦᠬᠦᠨ ᠢᠶᠠᠨ ᠳᠠᠭᠤᠨ ᠦᠭᠡᠢ ᠤᠬᠠᠭᠠᠷᠠᠭᠤᠯᠵᠤ ᠪᠠᠶᠢᠯᠠ᠃ ᠪᠢ | ᠴᠦ ︽ᠬᠥᠭᠡᠷᠦᠬᠦᠢ ᠴᠢ ᠮᠢᠨᠢ ᠪᠢᠳᠡᠨ ᠳᠤ ᠪᠠᠨ ᠦᠷᠭᠦᠯᠵᠢ ᠪᠠᠷᠠ ᠪᠠᠨ ᠬᠠᠷᠠᠭᠤᠯᠵᠤ ᠪᠠᠶᠠᠰᠬᠤᠯᠠᠩᠲᠤ ᠬᠠᠷᠠᠴᠠ ᠪᠠᠷ | ᠢᠶᠠᠨ ᠢᠯᠪᠢᠭᠡᠳ ᠯᠡ ᠶᠠᠪᠤᠪᠠᠯ ᠪᠣᠯᠤᠭᠠ ᠨᠢ ᠲᠡᠷᠡ ᠡ︕ ᠨᠥᠬᠦᠳ ᠲᠤ ᠴᠢᠨᠢ ᠲᠡᠭᠦᠨ ᠠᠴᠠ ᠥᠭᠡᠷᠡ ᠵᠢᠷᠭᠠᠯ | ᠬᠡᠷᠡᠭ ᠦᠭᠡᠢ ᠰᠢᠦ᠃ ᠁ ᠡᠷᠲᠡ ᠨᠢᠭᠡᠨ ᠡᠳᠦᠷ ᠡᠪᠡᠳᠴᠢᠨ ᠬᠠᠭᠤᠴᠢᠨ ᠴᠢᠨᠢ ᠠᠷᠢᠯᠵᠤ ᠡᠷᠡᠭᠦᠯ ᠡᠩᠬᠡ ᠶᠢᠨ | ᠡᠯᠴᠢ ᠢᠪᠡᠭᠡᠭᠡᠰᠡᠢ ᠴᠢᠮᠠ ᠶᠢ︾ ᠭᠡᠵᠤ ᠰᠡᠳᠬᠢᠯ ᠳᠣᠲᠤᠷᠠ ᠪᠠᠨ ᠰᠡᠮᠡᠭᠡᠷᠬᠡᠨ ᠳᠠᠭᠠᠳᠬᠠᠭᠰᠠᠭᠠᠷ ᠲᠡᠭᠦᠨ ᠢ | ᠦᠳᠡᠵᠦ ᠪᠢᠯᠡ᠃ | ᠬᠥᠮᠥᠰ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠴᠤᠪᠤᠷᠠᠯᠳᠤᠨ ᠶᠠᠪᠤᠵᠠᠭᠠᠵᠤ ᠪᠠᠶᠢᠪᠠ᠃ ᠪᠢᠳᠡ ᠴᠦ ︽ | ᠣᠷᠤᠭᠰᠠᠨ ᠪᠣᠷᠤᠭᠠ ᠠᠷᠢᠯᠵᠤ ᠢᠷᠡᠭᠰᠡᠨ ᠵᠣᠴᠢᠨ ᠶᠠᠪᠤᠳᠠᠭ︾ ᠵᠣᠷᠰᠢᠯ ᠢᠶᠠᠷ ᠢᠯᠳᠠᠮ ᠰᠥᠨᠢ ᠶᠢᠨ ᠲᠡᠭᠷᠢ ᠶᠢᠨ | ᠳᠡᠭᠡᠭᠦᠷ ᠬᠤᠶᠢᠮᠤᠷ ᠲᠤ ᠢᠯᠭᠤᠮ ᠰᠠᠶᠢᠬᠠᠨ ᠳᠣᠯᠤᠭᠠᠨ ᠪᠤᠷᠬᠠᠨ ᠣᠳᠤ ᠠᠰᠠᠨ ᠭᠢᠯᠠᠯᠵᠠᠵᠤ ᠪᠠᠶᠢᠬᠤ ᠡᠷᠡᠨ ᠢᠶᠠᠷ | ᠨᠥᠬᠦᠳ ᠤᠨ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠢᠲᠡᠭᠡᠯ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠵᠦᠩᠨᠡᠭᠰᠡᠭᠡᠷ ᠪᠤᠴᠠᠪᠠ᠃ | ᠲᠡᠶᠢᠮᠦ ᠡ︕ ᠭᠤᠴᠢᠨ ᠵᠢᠯ ᠤᠨ ᠡᠮᠦᠨᠡᠬᠢ ᠨᠤᠲᠤᠭ ᠨᠤᠲᠤᠭ ᠤᠨ ᠪᠣᠷᠤ ᠪᠢᠯᠵᠤᠤᠬᠠᠢ ᠨᠤᠭᠤᠳ ᠡ︕ | ᠵᠢᠭᠠᠰᠤ ᠰᠢᠭ᠋ ᠨᠠᠭᠠᠳᠴᠤ ᠲᠣᠭᠤᠷᠤᠤ ᠰᠢᠭ᠋ ᠪᠥᠵᠢᠳᠡᠭ ᠬᠥᠭᠡᠷᠦᠬᠦᠨ ᠳᠦᠷᠢ ᠮᠢᠨᠢ ᠴᠠᠭ ᠴᠠᠭ ᠤᠨ ᠥᠩᠭᠡᠨ ᠳᠤ | ᠬᠤᠪᠢᠷᠠᠰᠢ ᠦᠭᠡᠢ ᠬᠡᠪ ᠢᠶᠠᠷ ᠢᠶᠠᠨ ᠬᠠᠳᠠᠭᠠᠯᠠᠭᠳᠠᠨ ᠦᠯᠡᠳᠡᠭᠰᠡᠭᠡᠷ ᠪᠠᠶᠢᠭᠠ ᠰᠢᠦ᠃ ᠁ ᠨᠠᠰᠤ ᠵᠢᠯ ᠢ | ᠳᠠᠭᠠᠭᠠᠳ ᠪᠤᠭᠤᠷᠤᠯ ᠬᠢᠷᠠᠭᠤ ᠪᠠᠭᠤᠭᠰᠠᠨ ᠴᠦ ᠨᠠᠷᠠᠲᠤ ᠶᠢᠨ ᠵᠠᠮ ᠳᠤ ᠪᠢᠯᠢᠭ ᠢᠶᠠᠨ ᠰᠣᠷᠢᠵᠤ ᠪᠢᠷ ᠢᠶᠠᠨ | ᠬᠤᠷᠴᠠᠯᠠᠭᠰᠠᠨ ᠡᠷᠪᠡᠬᠡᠢ ᠪᠠᠭᠠ ᠨᠠᠰᠤᠨ ᠤ ᠪᠠᠨ ᠠᠯᠲᠠᠩᠬᠠᠨ ᠡᠳᠦᠷ ᠤᠳ ᠢᠶᠠᠨ ᠳᠤᠷᠠᠰᠴᠤ ᠶᠠᠪᠤᠬᠤ ᠶᠢᠨ ᠵᠢᠷᠭᠠᠯ | ᠪᠢᠳᠡᠨ ᠳᠤ ᠥᠭᠡᠷᠡ ᠬᠠᠮᠢᠭᠠ ᠪᠠᠶᠢᠬᠤ ᠶᠤᠮ ᠪᠣᠢ︖ ᠁ | 2012.12.24 — 12.28 ᠬᠦᠷᠲᠡᠯᠡ ᠠᠯᠲᠠᠭᠮᠡᠭᠡᠯ ᠳᠤ | ᠪᠢᠴᠢᠵᠦ᠂ 2013.1.9 ᠳᠤ ᠵᠠᠰᠠᠪᠠ | ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ ᠄ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ | ᠬᠤᠰᠢᠭᠤᠨ ᠤ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ | | | | | | | | | | | | | | |